十二味 (新都城中心一期) (已結業)

同事成日都推介十二味，今日總於趁放假就去試一試，原來分店都幾多，最終決定去寶琳新都城2期的分店試下。招牌酸菜魚專程來到當然要試下選左小辣$248，不過酸菜略酸過頭，令到成盤都略酸，但魚肉幾滑整體係唔錯撞正午飯時間有午市套餐，就叫多個小辣的乾扁四季豆$42，唔算太辣，而且有好多肉碎，碎多過豆都幾抵食，另外可加$8配飲品呢段時間都幾多人來食，所以如果來最好早少少來等位店內提供自助qr code落單或傳統menu落單

新開冇幾耐嘅川菜餐廳，坐得都幾舒服，但全部都唔重要，最緊要係抵食！佢平日午餐唔洗加一，仲要68蚊就食到平時要200蚊嘅酸菜魚！ 🍴 酸菜魚 (午) ($68) ⭐️⭐️⭐️⭐️💫 份量同平時晚餐嗰d唔係太大分別，都係一個大碗上，包埋一碗白飯。最驚喜係d魚肉同酸菜同樣係咁多，肉質算幾滑嫩，酸酸地辣辣地好好味！酸菜湯底送飯食真係又開胃又飽肚！CP值超高👍🏻 🍴 酸菜肥牛麵 (午) ($58) ⭐️⭐️⭐️💫 同酸菜魚唔同，佢個湯底係麻辣湯底加左酸菜上去調味，幾特別。麵條用左寬帶麵，整得有點過淋，但勝在佢份量好足，食得好飽。 .............................. 十二味 地址📍: 將軍澳貿業路8號新都城中心一期地下G28號舖 總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️⭐️

說起上來真的是很久很久沒有吃過川菜了，最近突然很想吃辣，所以特別想吃，但是因為其實平常不算常吃川菜，所以也不知有哪家好吃，最後就在附近上網搜了搜打算來比較近十二味嘗嘗鮮。因為超想吃酸菜魚的緣故我們一坐下來就直接先點了個酸菜魚，後來才發現原來也有lunch set的酸菜魚，份量會比較少但價格非常實惠。酸菜魚是比想像中的要好吃，非常開胃，酸菜跟魚的味道非常配合，也非常鮮，還我本來沒有特別喜歡酸菜的朋友也吃了不少哈哈。 然後也叫了個回鍋肉，很有鑊氣，挺香的 ：）

同媽咪去咗新都城個商場行街無意中發現一間有得食酸菜魚嘅店舖就走咗入去試吓，因為媽咪係一個無魚不歡嘅人！我哋中午時間去到有得食午餐包一杯飲品，價錢相當便宜。我地一坐低當然就叫咗想食好耐嘅酸菜魚仲有叫咗另外一款麻辣牛肉香鍋，首先講吓個酸菜魚佢有得揀辣同唔辣今次我哋就揀咗小辣，另外啲魚肉係用左鱸魚來做嘅，肉質咬落鮮嫩，而且係完全冇骨，再配上啲酸菜酸酸辣辣既感覺真係好正！不過啲酸菜感覺就比喺平時食嗰啲酸咗少少。另外嗰款麻辣香鍋我哋選擇咗配牛肉，辣道方面我哋都係叫咗小辣，啲牛肉嫩滑唔會過老，再配上其他蔬菜，例如蓮藕木耳豆芽等等都非常香口入味。最後仲叫咗個皮蛋小食，都好好食嫁😋

新開這間十二味店，好似突然將軍澳區開了多間！正正因為這樣多留意了！假日下午來試一試，不用排隊不用加一，午市套餐都抵食$48-68不等～包飲品酸梅湯，其他加$5-8。酸梅湯味道只甜甜的，不太正宗，其實說不太像酸梅湯酸菜魚無骨，肉質都不錯，絕對唔會鞋口，份量都不少也有不少菇菌類！還有一碟小前菜～雲耳！服務就太慢，雖然不用排隊入座，落單要用QRcode掃描，但又scan唔到，叫店員舉手又舉手都冇人理，皆因店員都忙於埋單收錢/上菜....最終叫到店員人手落單，上菜速度都比較慢，大約都等了25-30分鐘左右除左服務，食物質素都算不錯的，都會考慮再來試其他

將軍澳終於開了這家四川中菜館，終於都可以在附近吃一頓麻辣餐了。很多地區都有分店。趁著午市時段，沒那麼多人，而且午市價錢較划算，那就試試吧。點了兩款前菜及一份主菜，另加杯凍飲解解辣。大大杯的熱情果梳打，有氣飲品更是有助解辣。川式口水雞麻辣汁惹味，吃到嘴巴都是麻麻痹痺的。雞肉香嫩滑溜，醬汁也很入味。燒椒皮蛋另一惹味小菜之燒椒皮蛋，酸辣醬汁特別開胃，唯獨蒜味不夠。酸菜魚之前在別的分店吃過晚餐份量的酸菜魚，份量大大盤，而且價錢比午市高很多。還以為午市的話，份量不多，但驚喜的是酸菜及魚塊都蠻多，毫不欺場。另有一碗白飯，酸菜汁拌飯吃，很開胃，加上麻辣口水雞的麻辣汁一起吃，真的停不了口，平日少吃飯的我也把飯清光了。

新都城一期開咗間十二味，大大隻熊貓🐼好搶眼，見到佢午市套餐價錢都好實惠，就入去試吓！水煮牛肉(小辣) $58套餐飯和餸分碟上，份量好大碟，牛肉、芽菜都好多，望落去紅卜卜多辣椒🌶️但唔係好辣。乾煸四季豆(唔辣) $42同樣係好大碟，炒得夠淋幾惹味唔錯。仲配埋小吃～雲耳。荔枝玉露 +$8熱情果梳打 +$8個杯大到好似個水壺😅抵到爛！有熱情果味㗎，清新唔會太甜。幺妺兒冰粉 $26我好鍾意食冰粉，晶凝通透，淡淡桂花香帶清甜，食落透心涼。紅糖糍粑 $48這個都好食，配糖漿、黃豆粉，煙煙韌韌幾特別！

今日又黎左呢間係新都城嘅十二味，因為午市套餐真係好抵食😂。.水煮牛肉（$58）呢個係今次新試開菜式一定要介紹下，本身個汁真係好濃郁，麻辣味道凈係聞到已經好香🤤，我揀左小辣所以就唔算好辣。而牛肉都相當滑，裡面亦有好多其他配料，非常豐富😍。.酸菜魚（$68）呢個決絕對係必叫菜式，雖然唔係第一次食但係都好滿足😜，d魚夠曬滑，而且個湯底真係好正😋。.涼拌土豆絲（$38）忍唔住都係要叫涼拌土豆絲，土豆絲好爽之餘再加埋麻辣汁真係無得頂🤩。

午餐去十二味吃超抵❗❗酸菜魚平日晚餐單點吃都要2百多，但午餐吃卻只是68元，還要是套餐包飲品，太超值了🤣🤣🤣川式口水雞~小小辣度，刺激剛好，單醬的味道亦相當濃，雞肉亦嫩滑剛剛熟，配飯吃一流百分百純椰青水~很少餐廳有原罐的椰青水飲，辣氣全消酸菜魚~因家人不想吃辣，所以這個點了不辣，但酸菜配魚的味道也夠，魚肉多且嫩滑紅糖糍粑~每次去都是必點的😋😋那外脆內軟的口感，配上糖漿來吃，很有幸福感幺妹兒冰粉~桂花味很香濃，清爽的冰粉配上甜甜的桂花，把剛剛吃的辣全清👍

唔知有冇人會好似我咁好鍾意食辣嘢呢❓前一段時間我就試咗十二味 嘅午市套餐🧐.人見人愛酸菜魚🐟魚片已經起晒骨🔪啖啖都係嫩滑嘅魚肉😌酸菜湯充滿酸菜、辣椒、花椒嘅香味💨底下仲有好多萵筍同酸菜😉兩者吸滿湯汁，好開胃😋送飯一流🍚.武隆尖椒雞🐔用咗幾種尖椒再加埋切粒蓮藕去炒🌶有好多雞肉🍗雞肉香辣頗嫩🌶但食落都有幾多細骨，要小心啲食😲.牛肉麻辣香鍋🔥將牛肉🐄蓮藕片、木耳、土豆片一齊炒🥔食落麻辣味唔算好勁🤏🏻牛肉比起其他配菜失色咗少少🥺.前菜(3 份)🥢木耳帶淡淡辣椒味😬但食落格外開胃🤤.熱情果梳打🍹上枱見到咁大杯😱熱情果糖漿唔算好多☺️味道剛好.荔枝玉露🤍原來係罐裝荔枝玉露🤔普普通通.慾望酸梅🌳酸酸甜甜😝個人認為同出面嘅酸梅都幾大分別

愛吃川菜，平時到十二味都是食午餐，見中秋節前夕想食好點，來到寶琳的十二味同友人食中秋飯。晚餐份量同午餐吾同，份量會較大份，岩晒三五知己一起食飯，當然宜家限聚令中，所以今個中秋我地三個朋友一起食就岩岩好。平時就成日食酸菜魚，今次試下個水煮牛肉，再來兩份蔬菜，乾煸四季豆和酸豆角炒肉末。現在很多都電子化，所以點完很快就有服務員過了送餐。先炒好的是乾扁四季豆，四季豆是用了秘制的肉醬來炒，特別香，食得出炒四季豆的肉香是秘制的，在外面餐廳沒有吃過，四季豆也是高質的豆，很新鮮很爽脆的。再來是我最近特別喜歡的酸豆角炒肉末，酸酸味味超級開胃，撈飯真係正到爆。最後一定要重點一提這個水煮牛，我平時都係食酸菜魚多，因為我怕牛肉會韌，但今次同朋友來食，朋友話想食牛，就膽粗粗試下，我們仲特登加麻，成碗水煮牛上台都真係大大碗，大碗到張台都差點放唔到。試試第一口牛肉，異常的覺得嫩滑好味，完全無想像中韌的感覺，而➕左麻，成碗水煮牛少少麻，真係好正，個湯亦可以用來撈飯，真係好正的湯底，原來精髓在底下，仲有D水晶粉配住，唔食飯既可以食水晶粉，一樣飽肚。十二味差不多間間分店都這麼闊落，而且環境坐得舒適，食物又好食，真係抵我成

話說將軍澳其實好少有d特別嘅中菜食通常都係上海，台灣今次開咗間川菜！就緊係去試吓啦😛其實真係想食酸菜魚好耐🙈所以佢一間鋪我幾開心的佢要掃QR code落單不過唔知點解我掃極都掃唔到所以最後佢比左個ipad我落單😛因為得我同媽媽食晚餐所以叫唔得太多野食就叫左一個 $248 小辣酸菜魚 加$28薯粉覺得無想像中咁油有少少麻，酸菜好食，魚好嫩滑，無骨佢放咗好多薑入去，所以d魚唔會腥不過都係趁熱食咗佢😏薯粉係扁闊個隻所以可以吸晒啲精髓出泥👍🏻容易咬開員工態度友善整體感覺唔錯下次會想試下去食lunch😌

對於川菜情有獨鍾嘅我，最鍾意就係到十二味這個餐廳食川菜，特別係午餐時間，午餐set lunch真係好抵食。第一次嚟到將軍澳這間分店，環境都算是闊落，服務員也很殷勤的上來照顧我們。這裏落單是scan QR code的，輕輕鬆鬆就可以在手機上面落單，落完單唔夠5分鐘好快就上菜，我同兩個朋友分別點了三款不同的午餐，跟餐配飯，所以我哋就可以試到三款唔同嘅菜式啦，而今次點的也是我平時點開的最喜歡的幾款菜，分別有酸菜魚，酸豆角炒肉末，同埋田雞麻辣香鍋。酸菜魚雖然是午餐的份量，但是也算是分量足夠，這個湯飲起上嚟真係好開胃，夠晒我哋三個人撈飯，而且魚肉也是很鮮嫩，十分之讚。酸豆角炒肉末係我最近嘅新歡，酸豆角切到細細粒，酸味味同埋多多的肉末送飯真係一流。最後呢個田雞麻辣香鍋都真係更加之係招牌菜，呢度除咗酸菜魚，干鍋係必定要點嘅，我哋揀咗少少麻辣，整體來講唔會太辣，但係炒得十分之香，絕對係正宗四川香鍋風味。午餐套餐仲會包埋嘢飲，同埋餐前小食，三個人食買單都係每人$60左右，午餐來講真係抵到爛呀。

💛酸菜魚 有lunch set 真係平好多，每個餐都會跟白飯，飲品，同餐前小食，幾十蚊禁大盤酸菜魚邊到揾牙，條魚好滑，辣得黎又好有香，有川菜嘅特色！💛麻辣牛肉干鍋不得了，完全係大6嘅味道，好多配菜，有土豆片，蓮藕，芽菜，木耳，牛肉估唔到禁入味，正！💛口水雞雞好嫩好滑，口水汁晤會太辣，味道岩岩好！💛蔥油拌麵賣相超靚，陣陣蔥油味飄出嚟，麵撈得好均勻，每一條面都充滿着蔥油好正😋整體黎講，幾十蚊食到呢個質素嘅lunch set 真係而家邊到揾，入到去個個員工都開心果禁款，香港就係要有正能量嘅餐廳，期待係沙田區有分店十二味 (將軍澳)將軍澳貿業路8號新都城中心一期地下G28號舖

好辣者，十二味早於其他分店食過味道真的很不錯，但服務間間都不太好新開新都城分店已食過幾次，味道都比較差相比奧海城分店，旺角分店廚師水平差很遠友人想食辣，再來午餐，order左2個 lunch set 全素麻辣香鍋香鍋太濕，完全未炒至干身味道只有死辣，差跟餐酸梅湯，只有3分2杯，感覺似飲剩回鍋肉等左20分鐘，香鍋食晒都未到吹左3次都話炒緊，等到本身碗飯都凍晒豬肉炒到好似豬肉干咁干，炒到過龍同香鍋一樣 死辣加蔥味