十二味 (新都城中心一期) (已結業)

前菜是薯仔絲, 味道也不錯, 很爽脆.星期日也有午市套提供,點了酸菜魚套餐一人份, 再配一碗白飯,酸菜和魚的份量也很多, 雖然有點油, 但整體味道十分香口.不會太辣性價比超高!

十二味嘅分店越開越多，總有一間喺左近。今次我地就是去左將軍澳寶林新都城分店。星期三嘅晚上，到達餐廳大概8點左右，客人不多，只有兩枱食客，環境安靜，感覺不錯😊我地第一次食十二味，兩個人點左一個香辣鍋，然後點選左配菜，包括午餐肉、 雞軟骨、墨魚丸、尤魚、腐皮等等。上菜時發現份量十足，一個大碗滿滿材料，十分震撼🤩🤩🤩🤩。我地選擇左小辣，香辣度剛剛好，十分惹味開胃😋😋，之後再加點一個白飯更加完美🍚，已經非常飽足。下次會再嚟，到時希望試試酸菜魚🥰🥰

一間連鎖四川菜集團，價錢合理，裝修靚，而且都改良貼近返香港人唔太食得辣嘅口味，不過都係咁令食物冇咁惹味誘人酸豆角炒肉末酸豆角酸味唔錯，似乎係預先醃製過，碟頭份量大而且開胃，加埋肉碎非常夠飽，略嫌油份重少少川香回鍋肉揀左小辣，川香變得平凡，完全唔辣兼欠缺四川香料味，重點太多京蔥芹菜，同肉嘅比例1：1水煮牛肉揀左中辣，望落好熾熱嘅紅色，食落又另一回事。中辣只有我感覺嘅微辣，牛肉唔錯，仲有蓮藕得配菜，算係唔錯我用水煮湯加白飯餸住食飲品只送紙包飲品，呢點應該改善，其他特飲要另外加錢，雖然都唔太貴，但太省皮！

上個月去將軍澳探朋友後，一齊去附近一間食酸菜魚店舖，裝潢簡單，食物質素都很好，價錢合理，所以有很多人。人見人愛酸菜魚，沒有改錯名字，基本上每枱都會有一盆，魚肉很嫩滑，另有酸菜，大豆牙菜，水晶粉，用料充足，酸菜湯底味道很濃，令水晶粉味道很好，好好味。霸王辣子雞，炸得卜卜脆的雞上舖滿辣椒，看似非常辣，因朋友不吃太辣，所以点了小辣，味道很好。涼伴土豆絲，非常爽口，好味。燒椒皮蛋，流心的皮蛋很香，配上燒椒汁，味道香濃好味。

午市就餐，看到別人站著點餐，以為要先點餐再落座，結果一個短頭髮店員超大聲發脾氣，說外賣才會先點，讓人非常尷尬，不懂只是問一句而已為何要這麼大聲。。。以後不會再堂食，只會考慮外賣☹️

🙋‍♂️見到樓上有幾篇都係關於服務態度，今次午餐我都黎挑戰下。到店後正常安排就座，落單掃QR Code落單，上菜速度不算快，要等一陣。味道方面食個幾次都不錯✨️，夠濃味夠辣，份量多，碗飯超大份量，愛飯之人就最啱。推薦：香窩雞翼最抵食，$54😎。相比香窩雞翼大腸$72。感覺幾抵，因為份量都好多。午餐跟一盒維他檸檬茶。加錢有其他特飲，大大杯，都不錯。見到旁邊有枱有特別要求的客人，阿姐確實有燥底，沒有耐性。收錢方面係沒有什麼表情感覺冷酷，沒有對話。

新都城終於有間好食既酸菜魚！叫左小辣，平時食開譚仔4小辣既應該都覺得小辣係完全handle到，下次再食會叫中辣試下！小辣唔夠過癮！另外叫左毛血旺，鴨血超正！口水雞都唔錯，正正常常～再叫左個蒜蓉青瓜，清清地解下油膩～

今日約三點多到 ，第一次到十二味吃酸菜魚。可能是八號風球，餐廳內只有大約五枱人在用膳。用手機下單，等了不久就來了一大碗酸菜魚和一碗白飯（如圖示）小辣酸菜魚味道很好，麻味好香，萵筍好味，若能配米線或薯粉更佳。我吃了整碗魚及白飯，見還未到檸檬茶，便向服務員要求不凍的檸檬茶。後來，另一位四眼服務員送來凍的檸檬茶及雲耳。我便問她換一包不凍，換來是她一個黑臉。在沒有白飯下吃那道前菜，好酸，但我其實都不太介意。因為空位很多，也慢慢喝那換來的室溫檸檬茶，一邊看手機。到大約四時多，那位四眼員工吩咐的口吻：「唔該你埋左單先喺度坐。」再接：「我哋要埋數」由於我第一次吃，不知道四點鐘要埋數，但也不用這個態度吧。我不想再受氣了，埋單走人。見到隔邊茶記滿坐，反而十二味零丁數枱，我終於明白了，也真是以實力趕客。它枱上有一個反映意見的QR code, 我本來只想在那裏反映，但打了一大段後，發現居然沒有「送出」按鈕。一個人態度差，影響了一整個進餐體驗。坦白，食物味道不錯，但我不想再吃了

好辣既我想試呢間餐廳好耐🤪所以父親節當日同屋企人去食十二味😋先黎個涼拌尖椒皮蛋開開胃先。我覺得好好食，勁好食！ 比三哥既更正！佢用既係水晶皮蛋，皮蛋味較淡，蛋白口感更Q彈，醬汁&尖椒調味得好出色，就算怕食皮蛋既朋友都可以試下。酸辣土豆絲，土豆絲好爽口，唔會痴埋一堆。咸咸酸酸又辣辣地，好開胃，愈簡單既菜愈難煮得好。乾煸四季豆真係超級好送飯！四季豆走過油，肉碎分量都好多，而且炒得夠乾身，好香口，送飯一流。主菜方面，嗌左個細份既麻辣小龍蝦 $188, 另外+$28要埋個刀削麵。之前食過急凍包裝既小龍蝦，因為好細隻無乜肉食，所以唔中意食。估唔到呢度既小龍蝦都幾大隻，都算多肉，係有驚喜既。不過唔個知係咪因為蝦殼太硬太厚，個汁雖然好濃但小龍蝦都唔太入味。刀削麵浸住係地，吸晒d汁反而咸得濟，食左2條就放棄左😔。喜愛小龍蝦既朋友應該會幾中意既，但我對小龍蝦無太愛，所以試過一次就算。😆另外仲嗌左辣子肥腸，好大一盤！肥腸數量頗多，而且炸過再爆炒，脆卜卜好香口，腸有薄有厚，薄既炸得勁脆口，厚既有咬口但又唔會韌，嗌左微辣又真係唔會太辣。呢碟都真係幾唔錯。😋最後以紅糖糍粑做總結❤️糯米整成既糍粑經油炸後再沾上黃豆

午餐突然想食辣野，又唔想去太遠，咁唯有睇吓附近商場有啲咩食辣嘅舖頭，就搵到呢間🤣叫咗個酸菜魚，同一個雞翼麻辣香鍋，啲色水就正常，但食落不過不失，酸菜魚冇乜味🥲 但反而薑味好重。雞翼麻辣香鍋，雞翼同配菜都ok,但喺底嘅芽菜又係冇乜味😂😂食得唔係咁過癮.

香港近年都有好多食酸菜魚的餐廳，但連鎖集團式的比較少，十二味係其中一個性價比較高的餐廳😎佢的年市套餐，一人份酸菜魚份量十足，有得選擇辣道，今次試左中辣，都覺得還好可以再辣啲😂但酸度就感覺差少少不過尼個價錢算好好，魚都新鮮，湯都飲到，撈飯食都好好味😊下次會試大辣同埋酸菜魚以外的食物🌶

非常鍾意佢嘅酸菜魚！魚肉超滑超多酸菜,滿足我最鐘意食酸菜！開胃又營養：如果太辣唯有嗌普通酸菜魚但一D都唔會覺得冇味！配菜酸菜真係好夾！，魚肉唔會多骨非常容易咀嚼，非常入味，可能食到酸菜魚唔辣都會有刺激味蕾嘅感覺！重點係大大碗都係228超抵食！絕對係4人份量！再配上個回鍋五花肉炒香蔥超級香及回味：成碟食哂！雖然上送嘅時候冇乜五花豬肉汁的感覺,但係每嚿肉都有味道！環境清靜，適合下午茶去食，簡約裝修風！

4行人到著新都城中心一期地下 十二味川菜餐廳經典香辣鍋 小辣 （選著7個菜）美國肥牛～ 好韌， 要嚼好耐雞軟骨～ 似豬油渣五花腩～ 冇乜幾塊， 我食唔到娃娃菜～ 一般四季豆～ ok蓮藕片～ok牛丸～ 普通成個香辣鍋嚟講呢，味道一般，無咩特別， 唔夠入味， 但是係越食越香的， 值得誇的呢～味精食得出冇咁多， 冇咁重口味，，，但唔會再叫呢個香辣鍋，實在太貴啦蔥油拌麵，好香，幾好味（同行朋友當天生日送的）1碗白飯 $123杯熱情果蘇打 $84今日午餐幾個人都唔係好肚餓的，都叫得少嘢，但竟然這個價錢，實在太昂貴喇

我嘅我嘅同同事諗唔到食嘢，講咗食嘢就會好多次喎，終於星期五食到。間野其實都幾有驚喜，尤其杯大大杯嘅熱情果梳打。擺盤都好靚，嘢食質素好好喎。四個人各自叫左一道餸，份量都好大喎。

雖然暫時尋找不到太二的味道，但呢間我都鐘意個味道。酸菜魚酸道剛剛好，有小小椒麻嘅味道，最緊要最重緊要入面有我最愛嘅薯粉😋食過某幾間嘅酸菜魚，呢一間嘅薯粉份量來得大方得多。識食一定係撈飯食，我食左2碗另外我哋仲叫左2個小食，又係撈飯撈到停唔到口水雞乾扁四季豆桂花酒釀，好飲！