十二味 (新都城中心一期) (已結業)

同媽咪去咗新都城個商場行街無意中發現一間有得食酸菜魚嘅店舖就走咗入去試吓，因為媽咪係一個無魚不歡嘅人！我哋中午時間去到有得食午餐包一杯飲品，價錢相當便宜。我地一坐低當然就叫咗想食好耐嘅酸菜魚仲有叫咗另外一款麻辣牛肉香鍋，首先講吓個酸菜魚佢有得揀辣同唔辣今次我哋就揀咗小辣，另外啲魚肉係用左鱸魚來做嘅，肉質咬落鮮嫩，而且係完全冇骨，再配上啲酸菜酸酸辣辣既感覺真係好正！不過啲酸菜感覺就比喺平時食嗰啲酸咗少少。另外嗰款麻辣香鍋我哋選擇咗配牛肉，辣道方面我哋都係叫咗小辣，啲牛肉嫩滑唔會過老，再配上其他蔬菜，例如蓮藕木耳豆芽等等都非常香口入味。最後仲叫咗個皮蛋小食，都好好食嫁😋