十二味 (將軍澳中心)

營業中

休息中

好一段時間冇食川辣野，老婆突然提起想食酸菜魚，近近地就去將中十二味，點知發現佢個午市套餐😱😄😍佢哋午市套餐都有成10款選擇，由最平$45至最貴都係$73，自己掃QR code點餐，有少少前菜有餸有飯有檸檬茶仲免加一，仲想點呀😅🔻川式口水雞呢個雞好大份，不單止雞肉嫩，個口水雞麻辣醬汁極之好味，用嚟送白飯食一流，碟底仲有青瓜條，冰冰涼好好食👍🔻酸菜魚睇圖就知份量不少，呢個係最貴嘅一個套餐，但都只係$73，味道又係水準之作，魚片滑溜，酸菜又入味，抵食👍🔻水煮牛呢個就較為遜色一點，牛肉材料冇問題，但可惜成個麻辣湯底味道偏淡，一般食川辣水煮都係以濃味為主，咁樣先帶出麻辣過癮感覺，呢個真係有點可惜😅不過整體來講呢度午市套餐的確抵食，性價比非常高，3個人總共$187仲免收加一，人均只係$63，係咪去快餐店都唔得🤔

將軍澳分店喺商場入面，環境好，座位闊落，好好坐。水煮牛肉非常足料，好多牛肉，味道幾好，適合送飯。桂花酒釀要加錢，但非常推薦，好有特色，好少餐廳有賣。埋單$69，抵食。

第一次食呢間叫外賣點了酸菜魚套餐和蔥油撈麵。回到家打開一開，兩樣食物都好油淰淰😣酸菜魚湯底用油煮！跟食過的其他食店不同！完全不合適我😖酸菜魚唔辣和魚有些腥和有些梅😑蔥油撈麵係油浸咁樣好油膩😩份量原來好小好小。打電話去店舖問職員，兩位廣東話口音不純正的女職員回答我食物是這樣的我不懂正宗酸菜魚是否這樣煮法！但太油膩和魚不新鮮食下去就不好味加上裡面放入一片片菇類充當魚片好像有點兒不好我是套餐價錢我沒有話說🙊如果二百幾蚊那價錢就太不好啦！Ps. 食咗幾口後沒有再食，因為腸胃不舒服和肚屙

夜晚突然好想食辣嘢又好耐冇食十二味落到去見唔使等位就梗係即刻入去食啦入到去即是嗌咗個我最愛-辣子雞嗌多個酸菜魚加粉條費事太熱氣嗌咗個加多寶細佬嗌左杯柚子蜜等咗15分鐘到 終於上菜個人認為腰果同辣椒既比例係一比一雞肉就佔三份一啦不過又真係好好味 個辣好入味又唔會太油有啲青椒咁 本身仲諗住嗌多個菜好彩冇嗌到啲青椒其實都夠你當一盤菜咁食😂😂食食下酸辣魚都上埋枱嘩認真大盤好明顯係新鮮即時整魚同湯都熱辣辣啲魚超多件夠三個人食粉條都多 成盤酸辣魚食到我好飽粉條同魚兩個人食極都食唔完😂😂冇誇張到認真抵食而個酸辣湯都好好味嗌咗小辣個辣度調得非常恰當啲湯唔會好油 幾好飲不過飲太多又怕肥 所以都盡量控制住唔帶嘢飲嘅話 店舖都有好清新嘅檸檬水提供店員都會定時加水👍🏻兩個人食咗大約$540

行完一輪街又想食辣野，之前食開十二味嘅分店，今日見到有趁冇人嗱嗱聲入去，座位唔算好好坐，半開放式，同埋好嘈，但係嘢食味道我覺得呢一間分店係最好食，特別係酸菜魚好濃味

冬至飯Reception 姊姊非常友善，因為我地有BB 同行，特別安排空間較闊落的梳化位入座土豪版酸菜魚份量抵食，魚味鮮，沒泥味，配以寬薯粉非常正另外，炒菜花、豆角及蝦球亦非常美味

I quite like the food in this restaurant especially their sichuan style fish. It is really tasty. the fish is very fresh and the soup is very tasty. it comes with rice and drink. you can see the photos and imagine how good it is this is the Sichuan style fish (酸菜魚)we also ordered veggie with spicy taste. but not hot even we waited for 20 mins for this dish. we asked the waiter to reheat this again. no facial expression

中伏中伏中伏！第一次在新都城店試食，青檸蝦球非常好味，但加入會員後，去將軍澳中心店試下，點知青檸蝦球變左蝦毛，咬落干晒脆口，連蝦咬唔到！非常失望！可能間間師傅唔同，新都城嗰間好食D，將軍澳中心店令人失望，唔怪得知拍烏蠅。仲有就係會員落單正價已經變左九折，優惠時段六折，出單已經出左會員價，埋單時卻再出正價單，以正價六折計數！咁我點解要俾錢Join會員？感覺係職員亂9計數！唔會有下次！朋友話將軍澳十二味好難食，我唔信去試下，果然中伏！

今次買左個lunch set酸菜魚外賣午市套餐：酸菜魚＋1碗飯＋紙包飲品今次再回佢唸住冬天吃d熱嘢辣嘢刺激下但好似比之前吃過幾次無咁好味點了小辣湯底好似鹹左又好酸無以前咁美味

今日想食辣，所以去咗將軍澳中心嘅十二味。我同朋友叫咗兩個午餐，一個係酸菜魚，另一個係牛肉麻辣香鍋。酸菜魚的味道酸酸辣辣，仲有酸菜、粉皮、魚都好彈牙，好好味，好快就食晒成碗飯。牛肉麻辣香鍋就有好多配料，有薯仔、蓮藕，當然唔少得主角牛肉。不過食咗幾件牛肉之後，就發現原來d牛肉係煮唔熟嘅，通知侍應後，佢即刻將d牛肉攞返入廚房。五分鐘後攞番碟牛肉鍋出黎，牛肉無晒，就加返幾隻雞翼俾我,但係出嚟碟餸一來好難睇, 二來雞翼超級鹹, 太失望了……

成日都好想食酸菜魚，但啲朋友個個怕辣，又話唔好四川菜🥺🥺🥺 啲酸菜魚普遍都勁大窩比人share食，一條友真係趕絕晒🤦🏻‍♀️🤦🏻‍♀️🤦🏻‍♀️終於比我發現到十二味有lunch set酸菜魚，今日即刻衝去食！！！勁開心，咁大窩+白飯+飲品$73，都算係咁啦，仲要真係即煮，好好食，感動！難得食到，加$8 冰鎮桂花～ 好香桂花味既米酒，鍾意～～～我仲好想食佢粃粑，如果有人share就好啦..

今日吃嘅酸菜魚比上次又差了點～人見人愛酸菜魚（小辣）下午五點左右到了， 仍可享用預先訂位的平台優惠。放上枱面 ，並未聞到香氣， 酸菜魚唔算好熱， 相對之下就有點油膩， 唔敢夾成條酸菜怕沾滿油。酸菜夠酸，不過整體唔夠香唔夠麻～小辣亦魚肉夠嫩滑，無骨， 比較可取的部份。配料就只有幾塊窩，不過都冇咩味道，水晶粉都要另叫～麻婆豆腐出事在使用了西餐盛意粉的碟， 那層紅油就在麻婆豆腐上面氾濫～～ 我每舀一 羹就要隔開那些紅油。 味道是ok的，豆腐嫩滑，用了免治牛肉 ，非常惹味。小插曲：酸菜魚上枱嘅時候鄰座有小孩嘔吐， 先聞到的酸臭味叫人倒胃， 店員都不知所措， 那台食客並未因此有離開( 當時未有食物上枱), 待小孩 和大人整理完之後再回來， 坐了一會似乎又想嘔吐。。我們只能九秒九盡快食完離開， 感覺很差。不知道疫症期間餐廳怎樣處理這些情況， 相信店員已勸喻不舒服的人離開回家休息。一人嘔吐，全埸擔心。

今日男朋友放假得閑搵我食飯，我同我男朋友都喜歡食辣野，所以我就揀左十二味（川菜），呢間餐廳我都食左級多次啦，都覺得好好食，例如酸菜魚🐟同埋武隆尖椒雞🐔，呢2樣我經常食😋，所以鐘意食辣野的朋友仔可以去試下😉

今日又遲了吃飯！好彩趕到食午餐menu!這是我食咁耐最最最好味的酸菜魚~一定只係將軍澳店才有这款口味咁出衆！！！！好細心！有口罩套送上客人我order咗我最喜歡的桂花冰釀！登登登~~~~~這是足料的酸菜魚！！！！你望下~~碗飯咁大碗好似座山咁所以要畢起些~~~$78不用加一.我叫了桂花酒釀才需加$8魚好fresh又好滑！不過感覺今次來份量少了.好彩質素仍keep住.大家可試它的甜點好特別的@@.好少地方有！

午市套餐真心抵食🤩，主菜加白飯送包裝紅茶x1（轉可樂加$5、凍柚子蜜加$8)👉🏻酸菜魚$78必點菜式之一，魚塊份量足料，加埋酸菜，好開胃，啲湯我仲拎黎撈飯😂👉🏻麻婆豆腐$53必試‼️醬汁甜辣又香，加埋滑溜溜既豆腐，配埋米飯，簡直一流🤩👉🏻雞翼麻辣香鍋$54雞翼先炸後上汁，唔會太乾，仲食到少少地脆。。單骨雞翼配埋芽菜、薯仔片、蓮藕，川味十足👉🏻水煮牛肉$61肉質嫩滑，揀左少辣，對於食到譚仔三小辣既我黎講，小菜一碟😂[]試左加$8轉柚子蜜，目測手臂咁大杯🌝自私評分：🟡🟡🟡🟡🟡自私評論：一同四人share岩岩好。。每人都有得試下唔同款，個個都飲可樂，唯一一杯叫左大杯裝柚子蜜😂除開每人都唔使$70...一坐低鋪頭仲好貼心咁附上每人一個紙質口罩套👍