十二味 (和富)

營業中

休息中

來到新裝的和富中心，看到十二味酸魚。😍😍今天就來吃個魚吧！點了個不辣的酸魚，碟大份量適合二人。魚身滑，湯下的粉好吃😋雖不及深圳的惹味，但也總算特色。再來的是兩瓶桂花釀，感覺像甜點，覺得不太配搭。後加豬腸（小辣），😭😭這個對我們來說是大辣，雖然香口，但感覺太太上火，二人不太適合。總言之，會再次光顧，但辣就不敢加了

好友同事同我食生日飯去左近期搵到公司附近既呢間十二味十二味之前係其他區食過佢地既香鍋同烤魚，到呢間食水煮魚....叫左一個麻辣肥腸鍋大辣，又唔係好辣！但超香口，佢地炸到d 大腸脆bok bok! 如果冇咁脆會更入味更好食！而家已經超好味一個正常既水煮魚大辣！魚好滑，我地加錢要左寛粉！又係超索味！大辣亦唔係好辣一個麻辣田雞香鍋！田雞得好小！但亦係好惹味最後加多一個午餐size既麻辣酸菜魚！呢個魚個湯都幾咸！可能因為酸菜喊！食過兩次都一樣咸！但呢個我地覺得辣！好滿足既一餐🤗多謝好朋友請客

十二味是我在香港食過較正宗的酸菜魚。經過十二味的店，在遠處都能嗅到酸菜魚的酸麻鮮香，禁不住吞嚥一下。由其本人很愛吃辣同魚，而酸菜魚的麻香，更是令我回味無窮，雖說香港的十二味對比內地不夠正宗好吃，但本人試了多間的酸菜魚，認為在香港來說是最好吃的。酸菜魚的魚肉十分幼嫩，而且沒什麼刺的，通常我比較喜歡先飲一下魚湯， 酸菜魚湯油而不膩，湯汁拌飯不錯，每啖魚肉都刺激味蕾，令人更加開胃。另外，我還點了炸大腸，桂花飲料，炸大腸相當鬆脆，桂花飲料就比較甜。十二味裝潢主要紅黑為主，燈光比較暗，個人喜歡暗一點，感覺令我放鬆點，坐位與坐位之間空間較寬敞，不會有壓迫感。價錢方面都比較合理， 叫小份酸菜煮基本上其實可以三個人食， 之後可以再加一點同菜， 例如推薦蘿蔔；因為它較易入味， 薯粉； 比一般麵彈牙等。服務員服務都不錯，所以總括，會再光顧。😁😋😋😋

隨意到和富中心商場走走，發覺裏面重新裝修，見到此店午餐餐牌易拉架，有我最鍾意食嘅酸菜魚和水煮牛肉，午餐價錢相對合理，走入去試試，酸菜魚和水煮牛肉午餐份量都唔少、味道好。當時有讚好其 社交平台專頁推廣，敬送酸梅湯。服務員有禮，內座位相隔寬闊，尚算舒適！總體滿意，可以再試。

經常過來食，酸菜魚味道十分唔錯，尤其係裡面嘅酸菜，絕對唔係普通嘢，食得出品質！！！今次店家話無魚供應，食唔到最想食各樣，唯有改麻辣香鍋，但係麻辣香鍋裡面的肉份量少左滴，田雞得幾隻小腿，大腿肉都見不到。

十二味正宗四川菜館，環境裝修都富中國特色，我星期日下午去都有午市套餐，當中有麻辣香鍋、招牌酸菜魚、口水雞、水煮牛肉等，價錢$60-70左右，包了一碗飯同飲品，唔叫套餐都可以單點小食或主菜，有辣椒黃金皮蛋、紅糖糍粑、土豆絲，辣既菜式偏多，愛食辣既朋友不妨一試🤩.酸菜魚套餐 $68份量都幾多，酸菜酸中帶甜，鱸魚好滑，連埋魚皮，唔易糊爛同埋可以保留魚肉的紋理，食完一舊接一舊🤤湯底用魚骨、豬骨、鰂魚熬成，鮮味十足，不錯選擇

本身好少專登搵川菜食，不過見近期好多食酸菜魚專門店，我又未食過，一直都好想試。話晒第一次只想小試牛刀，所以就選有提供酸菜魚lunch set的「十二味」，分量冇咁多。十二味有好幾間分店，但事前做功課時又發現好似唔係間間都一樣menu，穩陣起見就來了一定有酸菜魚lunch set的北角店。佢嘅lunch set幾抵，大概四十幾至六十幾蚊，唔駛加一，包埋前菜、飯同飲品。酸菜魚（$68）可選辣或者唔辣，我要小辣。上菜時畀個大碗嚇親，午餐來講分量絕對唔少，魚片大約有十塊左右，而且都算大塊，全部啖啖肉，完全冇骨，又滑，問過侍應姐姐，佢話應該係鱸魚。酸菜都畀得唔少，酸度剛好，唔會好嗆喉，仲有少少甜甜地。湯汁酸得來帶輕微辣，食多兩啖就感覺到佢的麻，越食越刺激。口水雞（$48）原來係凍食的，表面浸住辣油好似好辣，但同酸菜魚一樣，係麻多過辣，而且有花椒八角嗰種香味，如果係熱食應該會更好，而雞件質感尙可，唔算好滑嫩。不過我最欣賞，始終係嗰碟前菜涼拌土豆絲，爽口之餘酸酸地好醒胃，好想單點一碟。以第一次食酸菜魚經驗，係頗滿意，魚肉好滑，酸酸辣辣好啱呢個天氣食，性價比亦好高，待疫情緩和，大家不妨考慮一試。

一個星期返大陸食一次辣嘢 ，疫情關係暫時冇得上去😢😢唯有望梅止渴，見到呢個北角新開十二味，望上去很正宗😊當然要食酸菜魚啦 😝😝個名好得意呀叫 人見人愛酸菜魚，食落去真係人人都愛🥰🥰完全沒有骨，非常滑，一啲都吾腥，配料都很足，酸菜 很多 👍👍揀咗小辣 正宗食法 ，加點湯 配飯一起吃 ，特別好胃口呀 🤩🤩乾扁四季豆 夠曬鑊氣，乾身得嚟 keep住四季豆爽脆 😝😝碟靚靚啲 更加錦上添花呢口水雞有點辣不過我絕對handle到呀 😏😏水煮魚紅紅一大鍋，見到都流口水份量很多呢，牛肉又嫩 ！而且也非常多配菜，絕對值得一試嘅一間餐廳，好辣嘅一定會喜歡💕

講開川菜， 十二味絕對係我嘅至愛，差唔多每個月都會嚟十二味食午餐，今日就嚟到北角呢一度約咗朋友食晏，又係點返同樣嘅招牌菜。睇開我食評嘅朋友都知道我好鍾意嚟呢度食川菜，午餐來來去去都係揀嗰幾款，第一個絕對要揀嘅就係酸菜魚，因為無論魚同埋酸菜湯都係超開胃超好味，魚肉夠滑夠新鮮，酸菜湯帶有少少酸菜但又唔會過於酸嘅味道，做得非常之好第一道菜。田雞麻辣香鍋也是我特別喜歡的一道菜，通常我都會叫小辣，小小辣已經很夠香夠味，田雞嘅份量都唔少㗎，再加上啲蓮藕片、芽菜、薯仔片等等的配菜，成碟田雞麻辣香鍋真係勁足料，餸菜都係一流。蔬菜來講，乾扁四季豆就係我必點，四季豆條條都咁大條，用佢哋秘製嘅醬料，炒得又香又夠濃味，中和下田雞同埋酸菜魚都好唔錯㗎。北角呢邊嘅分店環境都很舒適，侍應的服務也很好，大家離開想食川菜就記得來十二味啦。

自從早幾年喺深圳食過聞名嘅酸菜魚，便一試難忘。今日專程嚟到北角和富新開張無耐嘅十二味品嚐佢哋家嘅招牌菜酸菜魚，果然冇令我失望。酸菜魚係一道非常開胃的菜餚，一上枱就已經聞到一陣微微既花椒同酸菜味，聞到已經流晒口水。大大碗，份量非常之多。碗內有很多的魚片，夠酸又夠辣，魚肉嫩滑無骨，啖啖肉，和粉條一起吸收哂湯汁後非常入味同好食😋湯底酸度夠，我們點了的是小辣，不是很辣，味道岩岩好。我地還配上大大杯酸梅飲品，解濟又解渴，正～

📍十二味 （北角）天氣開始熱啦 成日冇乜胃口 好想食酸辣野 十二味主要食醉菜魚 而且可以簡唔辣小辣約埋fd食lunch先 🔻紅糖糍粑： 新鮮炸起食落去外脆內軟 可以蘸紅糖汁 味道更好味🔻酸菜魚：我吾係好食得辣 簡左小辣，如果再酸d 會更好味 魚片肉質鮮嫩。🔻川式口水雞：最鍾意食雞嘅我，即刻叫口水雞啦佢分量十足好多，肉質嫩滑 ，麻辣程度ok 醒胃架！人均消費：$100地址：北角和富道21-53號和富地下G20-21號舖

今晚同好朋友慶祝生日🎂，而且朋友好鍾意食川菜所以我哋就決定揀咗呢間餐廳食嘢，位置比較偏僻要去到和富住宅區嗰邊，如果唔係喺嗰邊住相對較難搵啲，因為我哋係OpenRice度book位所以我哋有九折，入座時間係90分鐘。1️⃣酸菜魚 $2xx多元(條魚嘅質素幾高冇乜而且彈牙）2️⃣花菜（味道普普通通）3️⃣酸辣土豆絲 （味道好淡，而且我哋叫咗小辣，但一點都不辣😅）4️⃣紅糖糍粑（即叫即炸，外脆內軟）小提示：如果like+share佢哋嘅社交平台就可以免費攞到一罐汽水🤗

十二味竟然係北角開左 要感嘆一下北角越黎越繁華🤣想試好耐 朋友話北角果間無咁多人openrice訂位又有9折 👍🏼入到去都幾多位 用tablet落單 好方便！麻辣香鍋至少要揀5個餸揀左 肥牛 雞軟骨 腐竹 寬粉 油麥菜因為有朋友唔係食得好辣 所以叫左小辣好大兜 腐竹同寬粉都入曬味 好好味啊一定要叫白飯送🙈紅糖糍粑一黎到 熱辣辣出面好脆 入面煙煙韌韌 好味！熱情果梳打勁大杯 一黎到個個都嚇親因為每人叫左一杯😂 不過覺得有d甜下次唔會叫了~ 解辣都ok既🤣

話說香港人嘅lunch係會比較急趕，某日中午莫名好想食酸菜魚，就滿懷期望走入呢間餐廳，一坐低已即時點菜，前菜同飲品很快到來，但個主菜等了15分鐘還未到，同時隔離枱就送上酸菜魚，但前菜飲品未到(他來了不足5分鐘)，當下即知亞姐送錯枱號，我沉住氣舉手示意亞姐過來想問下，提佢整多個但快手D，但叫了4次亞姐都叫我等等(佢只係企响門口望單，冇人入冇人埋單)完全無視我舉手叫佢，第5次我直接行去揾另1位亞姐問，佢大聲叫入廚所問我碟餸做好未，㕑部大叫話已經送出咗，嗰吓我忍唔住指住嗰個無視我嘅低B亞姐話……梗係啦！佢送錯又唔知！叫佢又唔應人！跟住我直接走人呢間野雖然好食,但亞姐超級趕客

今日同媽媽在北角會走了一圈然後再夜晚去了位於和富的餐廳吃晚飯。吃四川東西當然一定要叫水煮魚，我認為水煮魚被水煮牛肉或毛血旺更好吃。因為與賠償辣椒及麻辣會有一種刺激味蕾的化學作用。這間餐廳的水煮魚是沒有在餐單上，需要跟服務員講，另外干鍋肥腸的味道就一般因為肥腸太過硬。最後飲了兩杯酸梅湯，吃辣後飲甜的飲品感覺也是很舒服。