十下火鍋

Book左4位6點鐘去食，8點前交枱有8折感覺老闆係裝修上花左唔少心思，營造一個6、70年代香港大排檔既感覺，最令人意外既係連個雪櫃都係舊式個款究竟今時今日仲可以係邊搵個型號咁舊，但又function到既雪櫃呢？！湯底：麻辣拼雜菌湯。 8/10朋友們唔太食得辣，但都覺得湯底好正，但人人接受到既辣度！但唔知食得辣既客人可唔可以額外加辣🤣雜菌湯就幾鮮甜，菇菌種類多，充滿蛋白質嘅感覺。手切牛肉/花雕牛肉。 8/10有牛味，厚薄適中，份量都適中，四個女仔食ok! 花雕牛肉淥熟左之後仲保留到花雕既香味黃喉。 7/10爽口！要配麻辣湯底！紫菜響鈴。 7/10好少見響鈴有紫菜😍但唔夠脆三寶滑。 8/10爽口彈牙！仲有職員幫手落鍋，加晒分！蔬菜籃。 7/10蔬菜種類有5款左右，份量ok夠4人食。 椰子水/ 洛神花茶。 8/10椰子水清清地，麻辣湯必備。洛神花清甜👍🏻

定左台6-8點，7點9都唔夠，被人催執枱，唔夠八點，被人催左起碼10次。7:50又俾人催話八點啦，可以起身了。下次再都唔會來。last order7點松d就開始。

呢度既裝修，用具全部都好有心思，70？定再舊d，加埋播住舊歌，完全令人掛住以往既美好香港😭嗌左椰子雞湯底，另外都嗌左d餸(無影到相)，完全估唔到個湯底咁香而且咁多雞！湯底滾左職員幫手夾哂d雞(怕再滾會老),一隻大碗先裝得哂d雞，結果2個人真係食唔哂🤣特別推介個辣椒牛同瀨尿牛丸！前者撈埋隻蛋夠香夠滑，不過就少少辣，後者真。彈牙而且爆汁，食個陣小心辣親🤪最中意既係佢地服務，定期行過見到個湯油會幫你整，一餐飯超過十次，勁安心😆

打邊爐🍲朋友推介左呢間位於銅鑼灣燈籠街既樓上火鍋～一入到去就好似返左80年代咁😍好懷舊😘仲要播埋80年代既音樂（好多都未聽過🤪）小編私心推介佢個安格斯肥牛同埋炸魚皮👍👍肥牛新鮮唔在講～個炸魚皮脆到不得了！唔會有油益味架😇

〈簡介〉懷舊嘅裝修風格配上復古冰室陶瓷牆身 好似時光倒流去七八十年代 餐廳亦好有心思用上萬壽無疆、公雞碗碟配合主題打卡一流 間隔寬敞坐得舒服 1/ 鴛鴦湯底 - 十下麻辣鍋 & 芫茜皮蛋豆腐湯 $128評分 : 🌕🌕🌕🌗🌑待應一放低湯底 已經聞到好攻鼻嘅麻辣味 但食落唔算太辣 入面除咗有基本嘅辣椒花椒等香料外 仲有鴨血同蜂巢凍豆腐而另一邊廂嘅芫茜皮蛋豆腐湯亦好足料 好多皮蛋 正哈哈 2/ 日本黑豚五花腩片 $108評分 : 🌕🌕🌕🌑🌑略嫌細塊 但厚度適中 唔會太薄 建議可以沾上辣椒蒜茸豉油自調醬汁 更為香口 另外值得一提嘅係圓卷狀擺盤令人感覺高檔次 同時增加食慾 加分加分 3/ 蝦籽蝦乾墨魚滑 $78評分 : 🌕🌕🌕🌑🌑口感頗彈牙 特別留意落鍋前記得要先將蟹籽同墨魚滑撈混 咁食個陣每啖墨魚滑先會有蟹籽係入面㗎嘻 題外話 待應好好人 唔知係咪見我地雞手鴨腳 問咗幾次需唔需要幫手 服務態度加分 4/ 三星蔥醬爆貢丸 $58評分 : 🌕🌕🌑🌑🌑見個名咁特別所以叫咗碟黎試下 一咬落去 係有蔥作餡料嘅貢丸啊 相當香口 另外餐牌上驚現食神醬爆瀨尿牛丸 不過今次就無叫黎試 唔知打唔打到乒乓波嘅呢

裝修主打懷舊風,每張大圓檯加地下青色格仔瓷磚,好有大排檔feel, 餐碟都用上萬壽無疆個啲碗碟, 仲有懷舊金曲聽🤣唔想煩佢哋有set叫, 不過我地4個人就散叫😌✨鴛鴦鍋底 (養生豆腐乳白鍋 & 烤花生沙爹鍋) 💰128💫評分: 7.8/10📝養生嗰個鍋湯底材料都算足料🥳, 沙爹鍋可以濃啲同辣啲🥺✨十下三寶滑💰128 💫評分: 8/10📝有鹹蛋黃蝦滑, 臘腸魚滑＆馬蹄牛根滑, 出面比較少食到, 食落都彈牙😋仲有粒粒蟹籽😍✨大刀手切本地牛肉🐄💰248 (大)💫評分: 8.1/10📝牛味濃而肉嫩, 手切嘅牛肉厚薄度不一, 有口感同新鮮🥰✨紫菜響鈴 💰62💫評分: 7.3/10📝紫菜味唔算好重, 食落同普通味差唔多✨蜂巢凍豆腐💰68💫評分: 7.4/10📝吸曬啲湯底🤣, 打邊爐必叫🤣✨西洋菜💰48💫評分: 8/10📝好爽口🥰十下 𝕊𝕌ℙℙ𝔸📍銅鑼灣登龍街28號永光中心2樓(銅鑼灣🚇B出口行3分鐘就到)💫評分: 7.4/10💬少貴如果以食物質素因為野食份量唔算好多, 環境係高質同食物新鮮🥰不過可能期望野食再好味啲😋

《 比 車 仔 麵 更 花 心 ？ 》如果話車仔麵係比花心嘅人食，咁打邊爐一定係比更加花心嘅人食，因為你可以再揀多啲嘅餸，連湯底都有得揀添啊，你可以鍾意唔同嘅火鍋料亦可以愛上唔同嘅湯底。喂！講經咩，徐志摩打個邊爐都無你咁多內心戲啦～🙂唔好意思，入返正題先！其實前幾日去左十下到烚吓烚吓，想分享返個經歷你地聽啫～打邊爐除左爐最緊要之外，湯底都不可以求其，今次揀左鴛鴦鍋。無辣不歡嘅我，叫左以麻辣湯底同白湯湯底去就返唔食辣嘅朋友。可惜麻辣湯底略嫌遜色，麻辣味唔夠而且偏咸，如果可以多返啲麻就好好多。反而白湯比較出色，湯底調味白而不濁。火鍋料方面，令我比較難忘嘅係貢丸，鳳城水餃，蓮藕同蘿蔔。貢丸好彈牙仲要爆汁，雖然辣親嘴但都好過癮，真係想問吓老闆喺邊度入貨。蓮藕蘿蔔好爽脆鮮甜，配搭埋麻辣湯底係絕配。仲有佢個鳳城水餃更加口感扎實，好足料！😋調味料亦都令我好有驚喜，因為佢哋竟然有炸洋蔥啊～雖然我都係第一次落炸洋蔥做調味料，但係食落又幾過癮幾脆口，以洋蔥嘅甜味同辣味配搭上豉油，可以減輕豉油鹹味，提升火鍋料嘅味道。有啲火鍋料好似午餐肉，肥牛同蔬菜就比較普通，好似肥牛食落多筋，牛味唔出。但其實整體打邊爐個體

打邊爐有好多間,但好少可搵到間幾有心思嘅💛店打邊爐,係銅鑼灣鵝頸橋附近,裝修主打懷舊風,每張大圓檯加上地青色格仔瓷磚,好有大排檔feel,餐碟都用上懷疑萬壽無疆個啲碗碟(阿爺嫲年代)😯再巧妙地加入了7/80 年代屋企會見到嘅大暖壺,高身雪櫃等幾有感覺(利申雖然小編唔係出身於個個年代🤣).野食方面好貼心有二人/四人套餐,每人只需$288,就可以享有肥牛,海鮮(生蠔同蜆),餃,鴨血,魚滑等等再加$30可以有兩壺野飲,抵玩!基本上都唔使諗,湯底揀了麻辣同(呢個推薦),用料好豐富,建議未落料時可以先飲一飲菌菇湯,蟲草花夾起上黎都有一大抽🤪,養生👍🏻至於火鍋料方面就正正常常喇始終套餐方面牛個啲都唔會俾好令嘅你,但魚滑同鴨血都唔錯🤗.十到咁上下當然要叫返一兩枝啤酒🍻左起:、、每枝設計都幾特別最啱打卡,飲落以熱情果味最佳,其餘伯爵茶啤雖然有茶味,但啤酒味欠奉,至於日月潭紅玉就茶味唔夠突出🤔.Any肥,以整體餐廳環境佈置嚟講都幾特別有心思,套餐性價比唔錯,餐廳會一路播住7/80年代啲經典k歌:陳百強嘅戀愛預告呀,王傑嘅誰明浪子心呀,首首都經典,聽到人好想打完邊爐直落唱k呀😫

有人請食飯係開心既，隨便叫😆·4個人叫到成枱野食好開心，職員弟弟見我哋係咁影相話要一樣一樣咁慢慢上，等我哋影極都影唔完🤣·個卜卜蜆煲湯底好正，d蜆好新鮮，啖啖肉，個湯都好正🤤🤤D野食都ok，不過無諗過4個人得6粒芝心丸，我1條友要食4粒🙄·個涼粉好過引，果然係再食多次火鍋😂打完邊爐食都幾舒服👍🏼·不過嗰2支啤酒就一般，唔係好飲到玫瑰普洱同伯爵茶味🙈建議大家叫普通啤酒都ok平日去應該無咁多人book位/等位，所以都可以坐耐d，傾下計😊

注意：金牌牛丸好食，juicy，有牛味，仲有少少唔un 既根，好正，必點👍🏻（$14/3粒 性價比高）平日既Lunch hour ，到達時有4成人，快速點餐後已差不多滿坐。我試了藥膳養生白湯，中藥味濃，應該係當歸，配以銀針粉，每一啖湯連粉，好夾，好味。同行友人點了胡椒湯，胡椒味濃郁，冬天必點，一定好暖身😋，可惜配料沒有豬肚可選。牛丸必食👍🏻 墨魚丸一般，是實的質地，但是粉果種實。滷水大腸👍🏻，滷水夠入味，滷水又香。湯頭太好飲，其實都唔使配飲品，洛神花茶很奇怪，如果要形容嘅話，好似啫喱水🤣

星期三晚，突然來個快閃飯聚，普通人找了間火鍋店說想試試。銅鑼灣燈籠街樓上舖，沒提前預約直接上樓。環境：一踏入店舖已有驚喜。充滿濃濃的懷舊擺設，店内循環播放著70 - 80 年代經典金曲。服務：一坐下，點了餐。就有服務員前來放下醬料盤，請我們先選調好醬料。然後取走。並告知有需要時可再通知他們。介紹過程中有禮貌既。味道：點選了花膠雞湯底，中藥味夠濃。食材新鮮，雖然種類不多，但份量絕對夠兩人吃得飽。抵食：點選了$384(每人)套餐。兩人落樓差不多$800.感覺有點少貴，若喜歡有環境高質少少既火鍋，都可以試試既。

秋風起 🍂打邊爐係必須的🍲十下既裝修或者碗碟都係充滿懷舊香港既design正宗港式打邊爐🤪影相打卡都一流📷而湯底同配料有好多選擇食物質素都係中上😋全部都好新鮮 推薦十下三寶有墨魚滑 牛肉滑 蝦滑墨魚滑最正夠哂彈牙🤪而湯底揀左養生豆乳白鍋濃濃既藥膳湯底 十分足料同至緊要係無味精👍🏻食完唔會口渴中意藥膳既朋友真係要嗌呢個湯底🤝其實仲有好多唔同既湯底揀下次試完再分享！而價錢亦都算合理 性價比幾高👍🏻

好耐冇食過唔係任食嘅火鍋每一碟火鍋配料都要買既好處就係質素通常唔會差好鍾意呢間餐廳嘅滑香滑有肉味勁吸引㗎牛肉都推介雖然貴過放題少少不過高質所以都值既火鍋店環境都幾靚有氣氛

個場裝飾好有懷舊味道，好多舊式擺設、霓虹燈...坐落寬敞 又唔會好迫 環境幾舒服 又方便傾偈 唔怕周圍好嘈好多人伙記態度幾好 又周不時過嚟幫手撇走湯面啲油、落下蝦膠...服務唔錯!湯式有驚喜，點咗胡椒豬肚湯 + 沙嗲湯底。胡椒豬肚湯味道正常。沙嗲湯底好有驚喜，唔似平時嘅沙嗲只係好濃味，呢個湯底入面好有花生味同椰香味。整體好香，加埋薯粉感覺好正其他材料平均都幾新鮮，特別係墨魚 ! 整體感覺幾好，值得再幫襯

堂食禁完晚市又禁全日，苦了食店和食客。終於撥亂反正重開堂食，就算三號風球下也忍不住要外出找好東西吃。這間打邊爐是樓上舖，裝潢走懷舊風。但食物頗有創意。看著餐牌又些二人、四人餐，本來有選擇困難的我多數都會叫餐，但太太看到有特別湯底便禁不住嚐鮮了。我們叫了蟹肉瑤柱冬瓜湯底，店員捧來的時候真是太震撼了，大大個冬瓜中間滿布生拆蟹肉和瑤柱。店員更叮囑湯滾起時要先飲湯才開始淥食物。等待湯沸騰的時間是煎熬，但最終不枉我的期待，此湯真是鮮甜無比，淨飲已是一絕，有點不忍心用來打邊爐了。叫了手切本地牛，瀨尿牛丸，三寶滑，牛柏葉，鴨血，魚片頭，蘿蔔，響鈴，大沙白，翡翠螺。總括來說，樣樣都很好，手切牛和大沙白尤其上乘。牛肉富牛味而且滑嫩，沙白無沙非常肥美。另外很少見有翡翠螺做邊爐料，我對貝類是全無抵抗力的，這次嘗試也很驚喜。吃餸不能沒有飯，這裡有鹹蛋黃撈飯，點點咸香，很是惹味。這裡也有售手工啤，但太太不飲酒，飲了竹蔗茅根，不太甜很好下火。