十三姨 (通菜街)

營業中

休息中

因為GF話要食，本身冇FC佢係有良心定冇良心就走左黎排隊，不過上網翻查後發現佢可能冇良心，呢間野我自己唔會再去lu，最後七點等到八點先有位，招牌大大隻字容認既，入到去裝修都正正常常冇咩問題，佢地主打新派香港特色麵食，一窩咁上枱，賣相唔錯，肉同麵既份是都足夠，每枱仲會有一杯蝦片作免費小食。食物質素同良心問題加上要排咁鬼耐既隊令我唔會再幫襯，佢既湯頭味道太濃，令到人好口渴，呢次我食左十三飛同炙燒手撕雞湯米，牛係有牛味既，可惜味精太多，粉絲溝米粉既比例好隨心，有啲似我係屋企公仔麵溝烏冬落左味精咁食，一定好味，但唔會好健康。

早就聽聞十三姨嘅鵝肝飯超正，專門搵左個工作日來試下水。舖頭開門前已經開始排隊，入座之後店員都快手快腳遞上茶水同蝦片。舖頭細細間但係店員都積極有禮貌，落單上餸都算快～其實d飲品睇落都幾好，但係一個人食嘅話真係食唔曬，因為鵝肝飯真係超大碗！一個人食可能會好似我咁飽到扶牆出，建議多d人一起來食！鵝肝超正，煎到脆脆地又唔怕太油，d配菜都好好味，送飯食一流！貪心點多個拍黃瓜做小食，其實都幾大份～已經準備好帶家人朋友再來一次

上空中瑜珈前食晚飯先今次去旺角既十三姨 因為佢有得加錢轉翠玉瓜麵或者椰菜花飯一坐低就有杯蝦片同熱茶等緊我啦其實我好想試招牌 鵝肝飯但怕太飽太heavy 今次試個手撕雞湯麵先加$18轉翠玉瓜麵上枱熱辣辣 個糖心蛋仲要咁垂涎欲滴🤤個份量好多 個湯唔油 好濃味翠玉瓜麵唔會過淋，有爽脆咬口食完成碗好飽🤣今日平日放工時間18:30都要等枱證明d嘢好食先有人排隊就算唔係生酮人士食，食菜代替麵都好有益🥳下次一定要再黎試其他嘢5💛滿分價錢 💛💛💛味道. 💛💛💛💛💛回頭度 💛💛💛💛💛#生酮外食

依家舖頭成日一去到夜晚就排晒隊，我都試過一兩次，今次食過返尋味，再去食，我地就叫左十三么（$76）同十三飛（$83），十三么係有手撕雞、雞叉燒、糖心蛋，仲有粉絲拼米粉，湯底就比較清甜，而十三飛都係差唔多，只不過唔係雞肉係牛肉，湯底就比較濃郁，兩款嘅麵食都各有特色，而且都好獨特，經過都值得一試，仲有鵝肝飯同埋翠玉瓜麵，都幾特別🤣🤣佐敦都有分店tim💛💛

永遠去到旺角諗唔到食咩一定係去女人街食十三姨😂😂😂無論幾點去都會坐滿人，當中必食嘅係雞叉燒同炙燒手撕雞飯，配埋自家秘製醬汁，撈匀一齊食，真係冇得輸😍😋😋

同朋友去食個lunch,之前食過個鵝肝飯都幾好食。今次試下食另一樣野食，十三么。佢係手撕雞，雞叉燒，溏心蛋，粉絲拼米粉。碗湯勁鹹，加左佢建議既甜豉油都無補於事，依然鹹到立立令，搞到食唔到碗麵咁制，只食左粉絲同幾啖米粉。至於餸就都算正常既。叉燒冇咩肥肉，好食。手撕雞份量就比較少。溏心蛋就都夠流心。但注意返因湯底太鹹都搞到全部餸都好鹹，好勉強先食得埋黎充飢😮‍💨叫左杯蜂蜜蘋果茶，正正常常，湯太鹹當沖下口。朋友依舊點左鵝肝飯穩穩陣陣。佢杯忌廉溝鮮奶都好靚同佢話好飲

十三姨既飯係街知巷聞咁好食，今日就特別小小試佢既鵝肝飯。鵝肝份量好足，對得住個價錢，亦都煎得好香。飯既份量好充足，連埋佢飯既佐料夾埋一齊食昇華左另一個層次。佢地既質素唔會令人失望。

旺角人氣食店，晚餐等位大概廿分鐘，餐廳內座位都幾迫，入座會送上一盤彩色蝦片，脆口，未落單已經食唔停。① 十三飛 $76安格斯牛肩胛，牛肋條，溏心蛋② 十三么 $72手撕雞，雞叉燒，溏心蛋呢兩個湯麵原本係跟粉絲拼米粉，但見翠玉瓜麵好特別，於是就加$18試下。點知原來係將個翠玉瓜刨成麵條狀，雖然係比較健康，但感覺唔值呢個價，而且無左翠玉瓜的爽脆口感。.配料方面，賣相唔錯，溏心蛋係加分既，可惜兩款牛肉都唔夠腍身；手絲雞好香黑椒味但食落有啲鞋，好彩雞叉燒有驚喜，炙燒過，幾滑幾好食。至於湯底，牛湯比較香濃；雞湯看似清淡，但飲落有胡椒味，都幾清香。③ 椒鹽魷魚鬚 $40叫左款最佳配角，望落唔多炸粉，食落唔夠香口但都算好味。.整體感覺還好，菜單設計有gimmick，但係食物質素一般，唔係好值呢個標價，而且仲要收加一，性價比只是一般。

聽聞十三姨幾出名，所以嚟試下。因為自己食，所以叫得一樣嘢，所以試咗佢嘅招牌菜 「十三么」。本身睇佢啲相已經覺得其貌不揚。似係將啲嘢大雜燴咁煮熟。但我諗出得名，可能食落好食掛？野食嚟到，係幾大碗嘅。食落，個湯底幾令人失望… 好！重！胡椒味。少少辣，但感覺係死辣。食食下，仲食到有微微嘅焦味（定係啲焦味好似煲仔飯咁係賣點之一嚟？）。但我個人就覺得似打邊爐燶底咁。講下啲餸。有半隻蛋，有啲雞叉燒，有啲手撕雞。唔知啲餸係本身就冇味，定畀湯啲胡椒味蓋過咗，我唔覺啲餸係有調味。上面仲有一條分咗三小段嘅齋腸（？）感覺上同碗嘢唔係好夾。食剩咗一段。一個平時食得落出面一大碗米線嘅我，最後都冇食乾淨成碗十三么。因為食食下仲食膩咗… 應該係因為個胡椒味同焦味。感覺上成碗嘢都好似屋企煮到咁。平平無其。唔係好食又唔係話好難食。 但呢碗嘢都要賣$72+10%，我覺得以呢個價錢喺出面絕對有更加多好啲嘅選擇。

又中伏 唔好相信網上嘅食評難食到想嘔 叫左個銀針粉 俾左我個d所有醬撈埋一齊唔知咩味 好奇怪 扮特色菜 其實好古怪 仲有叫左個小食雞翼極之普通 仲有雞腎又咸又乾千祈唔好去試！食完不斷想作嘔

有得轉翠玉瓜麵，啱哂想食少啲carbs嘅朋友😆🔸炙燒雞叉燒腸粉湯 轉翠玉瓜麵拼粉絲 $64+12翠玉瓜麵比較碎，轉得夠稔，口感都似食緊麵嘅😆 拼埋粉絲口感幾豐富～雞叉燒表面有啲黑椒味，但食落入面冇咩味，而且有啲鞋，有少少失望～🔸十三么 $72除咗雞叉燒仲有手撕雞～手撕雞相比雞叉燒就入味啲惹味啲，而且食落冇咁鞋，味道吸引過雞叉燒🙊🔸西多雞翼 $38炸過嘅單骨雞翼沾滿糖漿，香口惹味得嚟甜甜哋，幾好食！幾推介呢個，嚟到可以試試！餐廳環境比較擠迫，坐得唔太舒服，平日都多人排隊要等位，不過翠玉瓜麵都幾特別，如果嚟開呢頭都值得一試嘅～

今日經開旺角，咁岩晏晝時間有啲肚餓就行下女人街睇下有咩食路經有間食鵝肝飯既餐廳就去想去試下。大概等左15分鐘左右就有得入座咁就叫左佢個鵝肝飯同串燒佢個鵝肝飯黎到真係必試之一，佢成個飯既味道非常之適中，鹹甜辣3個味道溝埋入齊非常之惹味！又唔會話食完個飯又覺得好油膩。如果真係既話佢仲有配埋飲品，個lunch set 係配搭得好好。另外我都有叫一d串燒食，咁多串串燒黎講，我個人覺得佢個雞髀菇係最吸引到得。因為味試過食串燒既雞髀菇係食落去水份非常充足。相比下其他雞腿肉，秋葵蝦滑就比較一般總結，呢間餐廳既評分10分我會比9分建議大家味試過既可以去試下！

拎住針紙qr code同舊version 安心出行，等左成45分鐘枱，先話一定要藍碼，唔接受full version 針紙qr code+安心出行。拎住部唔support最update version安心出行既手機都唔知點算。店員仲話係政府policy，但政府一早出左QA話一般市民唔需要update，可以繼續沿用無分紅藍碼既舊version安心出行。自己餐廳有咁獨特嘅policy又唔係門口寫明。係黃係藍就唔知，淨係知餐廳仲諗得遠過政府，大家食之前三思！！！

十三姨啲食品好似很吸引，所以一直都想試。早兩日星期五晚，去旺角通菜街分店，門口已經聚集了一群食客等位。我問門口職員攞飛，跟住問佢而家叫到幾多號？個男職員不發一言，只用手指一指店舖玻璃上面嘅電視機，示意“你自己睇啦” ...個態度串到呢.... 之前疫情嚴重嘅時候冇生意，啲食肆就喊苦喊忽，嗌曬救命，而家生意好咗，個態度就180度轉變！ 咁巴閉我即刻走人唔幫襯啦。如果食店老闆睇到呢個訊息，唔該留意下自己員工嘅服務態度啦。

【生酮低碳翠玉瓜絲麵🥬招牌雞叉燒牛肋條】會encore之餐廳！發現了一間多菜低卡餐廳，麵底可轉半絲瓜半麵or全絲瓜，溫底好清，無味精可飲曬，好岩係旺角想食light d 既時候去！十三么 $72 👍🏻手撕雞、雞叉燒、糖心蛋加$12轉翠玉瓜麵拼粉絲十三飛 $76安格斯牛肩胛、牛立條白牛 $22 👍🏻雲呢拿雪糕，加雪碧第一次叫黎飲好得意！！唧花忌廉，下面隱藏咗一嚿雲呢拿雪糕原來味道真係同雪碧好夾！💭點評兩者compare：湯底的話牛湯底會龍啲雞湯就係清雞湯嗰隻味，但係有一絲絲嘅黑椒味所以如果想飲湯底嘅話，雞湯都不錯翠玉絲瓜麵，其實真係全蔬菜嘅，好啱啲食得太飽，但係想食少少嘢嘅人好返我食物質素係好不錯，健康得來又好味，真係好味嘅👅味道：4.5/5🌌環境：4/5👍🏻推薦：4.7/5(📍油麻地) 十三姨 (通菜街) (旺角)旺角通菜街1M-1T號華發大廈地下C號舖