匯景燒味點心館 (已結業)

身為觀塘友.除咗成日去APM梗係會去藍田啦藍田都越來越多嘢食.知道匯景5樓新開左間點心館.我就最鍾意同屋企人食點心.所以星期日同屋企人過嚟試吓啲點心🥢食物方面:茶方面揀咗鐵觀音🍵⚪️乳豬拼燒鵝瀨粉因為好耐冇食過乳豬.門口又見到好多燒味.而店舖除咗點心都係主打燒味.所以就決定試吓.乳豬皮同燒鵝皮都好脆都唔會太肥.係份量少咗啲如果大碟啲就好啦😏⚪️黑松露蝦餃拼燒賣賣相好靚.蝦餃好大隻好爽口🍤燒賣都唔錯🤪⚪️名醬蒸鳳爪好大碟而且好入味都好淋!⚪️金蒜蒸排骨蒜蓉味好重而且好入味唔錯!⚪️鮮蝦菜苗餃同出邊嘅菜苗餃唔同.賣相好精緻🥟餡料好豐富所以餃子脹卜卜.好睇又好食🤩⚪️蒜香蝦春卷新鮮炸好.非常脆唔會好油🙌🏻⚪️上海小籠包湯包內仍然保留湯汁.都幾好!⚪️古法糯米雞超足料大隻既糯米雞.要2個人share.入邊有冬菇雞翼臘腸都幾多材料!整體方面:地鐵站一上5樓轉左就見到餐廳非常易揾.想食燒味或者點心都有款式種類都幾多.點心方面只係冇腸粉.即叫即蒸好熱辣辣👍🏻而且唔需要加一服務費價錢合理!

食靚燒鵝一定要去深井？早前XXG來到匯景搵食 但小食居多 呢間燒味點心店門口擺放咗好多花牌 望上去隻燒鵝幾肥 下午茶都只係$30up👀▪️8.5/10▫️<< 金牌燒鵝 下莊 >> $128 鵝髀大隻 鵝肉皮脆嫩滑 一啲都唔韌‼️ 咬落多汁💦 皮下脂肪剛好 充滿油香 算肥美但唔多肉～ 醬汁夠晒濃郁 好入味👍🏻▪️8/10▫️<< 黑松露蝦餃拼燒賣 >> $29 蝦餃松露味好出😯 連餡入面都用左松露碎 同大蝦個味好夾👍🏻 燒賣足料 冬菇味好香 有咬口▪️8.5/10▫️<< 鮮蝦菜苗餃 >> $23 大讚💯 皮薄餡多又靚！主要餃皮好軟糯 大大隻鮮蝦 味道好鮮甜🥰 賣相好靚‼️▪️7.5/10▫️<< 鮮蝦腐皮卷 >> $23 腐皮超酥脆 加埋蝦肉同蝦膠爽滑 但稍微多油 少邪惡🤪 ▪️7.5/10▫️<< 黑金流沙包 >> $22 賣相吸引 麵包鬆軟厚實 流沙奶皇濃厚 唔假 有蛋香👀▪️7.5/10▫️<< 四保滑雞扎 >> $

今日同家人去左藍田超市買野，之後經過匯景廣場5樓開左一間新開張燒味店叫《匯景燒味點心館》，門外舖滿左鮮花💐籃，中意食嘢既我地當然不可以錯過啦！店員安排左卡位比我地坐，倒了2杯熱水比我地，睇完menu有燒味及點心：望到隔離檯的點心燒味都很吸引，我地點左黑松露蝦餃$29: 食落口鮮蝦好彈牙好新鮮，黑松露香味濃厚，原汁原味在口中溶化了我的味蕾，值得一食！懷舊燒賣皇$29: 熱辣辣即叫即蒸，豬肉做得好爽口，燒賣上有些蟹籽鮮味彈牙又多汁。蒜香蝦春卷$22: 蒜香味不是太濃，但皮就好脆而且都熱辣辣，蝦肉彈牙鮮嫩，內有菜絲食落口唔會感到肥膩，做到即叫即炸非常好。海蜇拼燻蹄（例牌）$88: 這個是冷盤，飯前小食最好佳組合，燻蹄薄薄一片很爽口，海蜇微辣但脆口，做得唔錯比起酒樓還做得要好。燒鵝五寶飯$68（燒鵝、叉燒、油雞、紅腸、鹹蛋半隻）另加燒鵝肶+$30: 燒鵝肶最好食甘香又滑多汁，皮脆肉嫩，油雞不鞋口肉身都滑嫩，紅腸、叉燒都燒得幾好味道洽當，免費送例湯，例湯都是熱呼呼，湯渣都很美味，加配菜+$10，都幾抵食！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好

新開張，新嘗試，全部食物都新鮮熱辣，不過餐單食物選擇較少位置比較偏僻，樓面較細，其實係茶記crossover酒樓，唔似得酒樓坐得舒服，但有機會可以再嚟，姐姐d態度都好好

藍田匯景商場入面開咗間專食點心及明爐燒味嘅餐廳，估唔到入面嘅出品可以咁高質。今次點咗黑松露蝦餃、鮮蝦腐皮卷、鹹水角、鳳爪、馬拉糕、化皮乳豬飯、燒鵝髀瀨粉同埋蠔油油菜。 黑松露蝦餃入面嘅蝦超大粒，出面嘅皮就薄再加上黑松露碎，分外鮮味。鳳爪嘅醬汁就一流，好有傳統嘅味道而且鳳爪都好大隻。鮮蝦腐皮卷絕對係外脆內軟，點埋喼汁食既有海鮮味又有甜酸味好開胃。鹹水角炸得金黃色，表面包住入面嘅肉碎餡料，鍾意食香口嘢嘅朋友一定會鍾意。 馬拉糕係原個馬拉糕上，好鬆軟，熱食一流。重點推介一定係燒鵝髀瀨粉同埋化皮乳豬飯。燒鵝瀨粉原隻燒鵝髀上，點埋梅子醬食諗起都回味， 瀨粉就好滑嫩。化皮乳豬皮超級香脆，最緊要加埋乳豬醬食，口感更上一層樓。

藍田終於開咗新嘢食啦，元朗自設嘅大工場，原來藍田都有自設既燒味工場，媽咪話見到都覺得又新鮮又衛生❤️❤️職員又細心💕💕媽咪好鍾意食燒鵝，呢度嘅燒鵝除左「例牌」，還有「上庄」、「下庄」，識食梗係選下庄，就是下半部（腿的部分）😙媽咪心心眼喔🥳🥳燒鵝上台熱辣辣嘅，可能係新鮮燒起😜下庄部位好香，皮脆肉嫩，重點鵝皮香脆，鵝肉彈牙，鵝油齒頰留香，一講到燒鵝就流曬口水💕鴛鴦米即米粉與粉絲，燒鴨撕成絲製作的，本身無味的米粉吸收燒鴨和雪菜的味道，米粉吸收了湯頭的精華，不能太濕和太乾，令人回味無窮💕我同媽咪每次都必點炆米，哩度特別喜歡炆米軟硬適中，調味岩岩好❤️雞肉不鞋❤️雞肉仍是嫩嫩的，分量仲要勁多，配埋特製嘅蔥油醬汁，真係勁好食囉🤩🤩最後加多碟油菜就啱啱好😃

藍田係美食沙漠就一向都係🥺次次都要去觀塘搵食，今日經過匯景竟然有新餐廳進駐😅🤣 既然佢做得勇者，我無理由唔試呀嘛😆 .餐廳主打全日燒味同點心，亦有做外賣燒味(眼見都幾多人買), 點心種類都幾多，而且價錢合理，燒味好似係自設工場，唔係交返黎。.4個人點左兩個雙拼瀨粉加點心，埋單計平均每個人都係$70左右，合理抵食👍🏻.🍴乳豬拼燒鵝瀨粉$75本來都覺得好似有點貴，但而家好少燒味餐廳有乳豬食，所以叫左個雙拼瀨Share, 乳豬好令人驚喜，皮同肉係會切開分開擺，底層既擺肉，面層既係皮，皮脆得黎唔硬，好香燒豬味👍🏻值得推介 ，燒鵝都厚肉 略肥，但好香脆多汁。.🍴 燒腩仔拼叉燒瀨 $48叫雙拼飯/粉只係$48，抵食得黎份量都有咁上下，個人幾中意個燒腩仔，皮脆又五層肉，叉燒叫左半肥瘦，都靚仔多汁。個瀨粉值得一提，好大碗同埋幾彈牙，唔會碎。.🍴 黑松露蝦餃拼燒賣$29蝦餃燒賣正路野，松露蝦餃連裡面個蝦肉都溝埋黑松露一齊整，咬落夠香濃。.🍴紫薯煎堆仔$22睇到人地食好似幾正🤣 黎到原來咁大粒，睇燒賣同煎堆個比例就睇到幾大粒，咬落唔痴牙仲有奶黃流心😍 .🍴鮮蝦菜苗餃$23呢個都正，菜苗餃隻蝦夠大粒，好似應

今日來到藍田，午餐食飯時來到地鐵上蓋的匯景燒味點心館， 見到差不多滿座，很多人。餐廳雖然不是很大，但是裝修很雅緻舒適。今日揀食匯景餐廳，是因為今日想食點心之余又可以食燒鵝。餐廳雖然不大，但是點心款式也不少，一般酒樓的點心大致上都有。黑鬆露蝦餃拼燒賣$29黑鬆露蝦餃拼燒賣，每款各兩隻，燒賣爽口，肉味夠鮮甜。黑鬆露味道帶鹹香，裏面的蝦非常爽口，質素不錯，有大酒樓水準，鮮甜好味！鵪鶉蛋燒賣$26 鵪鶉蛋燒賣有四隻，鵪鶉蛋好香，配埋多汁的燒賣好香好夾，傳統的燒賣味道！！四寶滑雞扎$28有腐竹包著沙爆魚肚、雞肉、冬菇及芋頭。沙爆魚肚入口好似綿花又帶爽，與 腐竹、冬菇、芋頭一樣，吸收雞扎的湯汁，非常入味。雞肉都好大件，腍滑可口， 不錯的點心！鮮竹牛肉球$22 牛肉球很腍滑， 不過有少少根位。原隻燒鵝髀$88 今日食點心之餘想食燒鵝，所以特別要了個燒鵝髀，燒鵝髀棗深啡的顏色顯得分外吸引，外皮帶點脆，肉質嫩滑油香，非常好味，真係好香哦！！匯景乾炒牛河$55 牛河裏面有很多韭黃及芽菜，牛肉的份量也不少，炒得也相當很香。食燒鵝我當然少不了加冰檸檬可樂， 味道酸甜冰涼，正！今日的特色點心及燒鵝當真是非常美味

番工真係好攰💤放工又晏唯一只可以係食下野當獎勵自己今次我要食點心😤—————————————————去左觀塘行左陣之後去左藍田順便睇下有咩食點知發現左間燒味點心店好野可以食蝦餃燒賣👏🏻點心即叫即蒸黑松露蝦餃帶有淡淡黑松露香味鮮蝦彈牙爽口蝦餃皮煙韌燒賣大大粒熱辣辣有酒樓水準👍🏻鮮蝦腐皮卷腐皮炸到脆卜卜點啲喼汁一齊食即刻提升鮮味中島又貪心想試吓啲燒味但又唔想食碟頭飯於是叫咗個雪菜燒鵝炆鴛鴦米鴛鴦米即係粉絲同埋粉一齊炒一碟有齊兩種口感燒鵝皮勁香夾埋一齊食 正至於👱🏽‍♂️竟然叫乳豬五寶飯乳豬皮脆肉嫩中間層肥膏厚薄適中切雞雞皮好有雞油香味叉燒外脆內軟又唔柴蜜味香甜份量亦好大方再加上兩條友都好鍾意食海蜇所以順理成章又叫咗碟海蜇燻蹄🙈海蜇比較粗身不過依然爽口煙韌食落有小小辣味 彈彈彈燻蹄一入口食到有陣淡淡的白滷水香外皮爽脆帶有鹹味而且份量又多中島真係好滿意呢個燻蹄😋😋—————————————————☒ 乳豬五寶飯 $78☒ 海蜇燻蹄$88☒ 黑松露蝦餃拼燒賣 $29☒ 鮮蝦腐皮卷$23☒ 雪菜鵝絲炆鴛鴦米 $66☒ 油菜 +$10

今日來藍田匯景廣場新開的匯景燒味點心館嘆茶✌️呢間店不是很大，但入到去有種好舒服的感覺🥰而且待應很有禮貌👍原來仲唔係一定要飲中式茶，可以飲西式的奶茶咖啡食中式點心,仲唔使加一服務費👍👍脆皮燒腩仔（例牌）✨首先份量足夠，非常高質，肥瘦均勻，個皮烤到脆卜卜的😋家鄉鹹水角✨外皮香脆內裡煙煙韌韌😋黑松露蝦餃拼燒賣✨一口一粒，黑松露味道香濃突出，餃皮通透上海小籠包✨多餡肉汁鮮鮮蝦菜苗餃✨呢個勁正一定要點，鮮味十足，爽口彈牙，口感好豐富😋四寶滑雞扎✨好大舊，內𥚃有雞肉、冬菇、魚肚等....塊魚肚好軟棉好食

匯景燒味點心館 (藍田)藍田匯景道8號匯景廣場5樓34-35號舖夜晚黎匯景食飯，見到呢間新開茶餐廳，晚市可以叫點心食幾得意，價錢又唔貴，於是同屋企人入黎試下。菜單都頗多選擇，想食燒味點心粉面樣樣有，既然有點心梗係要食個點心啦！佛山燻蹄（例牌）$88呢度竟然有我最愛既燻蹄，$88一碟例牌，相當大碟，而且切到好薄，不油不膩，再加上自家製醬料，酸酸甜甜夠開胃，食落好爽脆，簡直想黎多碟😳黑金流沙包 $22係我最愛既黑金流沙包！😍味道唔錯，一盤有兩個，蛋黃流晒出黎，夠甜又唔漏，好食！金蒜蒸排骨 $22名醬蒸鳳爪 $22呢兩樣真係飲茶必備佳品，排骨多汁入味，鳳爪味道都唔錯。匯景乾炒牛河 $55乾炒牛河，味道幾特別，唔會太幹，夠鍋氣又唔太熱氣，唔錯！👍

藍田匯景商場呢間有點心、燒味食嘅茶餐廳，環境乾淨企理，座位闊大，非常好坐。侍應生嘅招呼很好，好有禮貌，而且好主動招呼客人，真係有一啲令人意外驚喜。入到黎初步嘅印象非常好。點心新鮮出爐熱辣辣，叉燒包好食，入邊嘅叉燒好味，同樣燒味叉燒飯嘅叉燒都令人滿意，叉燒厚大大件，而且味道調校得好好，叉燒汁甜甜的，撈飯好好味。另一個點心係潮州粉果，新鮮好味，應該係即叫即蒸廣東點心。最值得一讚嘅係佢杯鐵觀音茶，個茶好香，入口金信，比起平時去茶樓嘅茶靚好多，呢杯茶真係抵飲而且高質素。

藍田又多一間點心館，尋日係藍田匯景商場發現左間全日都有得食點心既餐館。餐館位置雖然係商場比較入既位置，但原來都幾多人食同黎買外賣。餐館除食點心多，仲有燒味食，見到掛出黎既燒味都幾靚仔。今日同朋友黎係食點心，點心都有廿幾款，有啲仲好特色，我地都有試，紫薯煎堆仔、黑松露蝦餃、黑金流沙包、小籠包。我都好鐘意食流沙奶黄，個黑金流沙包，熱辣辣，一搣開奶黄湧哂出黎，好正。另外紫薯煎堆有驚喜，原來裏面都有流沙奶黃，而紫薯煎堆外皮，香脆，我自己一個食左3粒。🙈呢度啲點心即叫既整，全部熱辣辣、又足料、蝦餃、燒賣、蝦春卷，全部都有大大粒蝦係入邊。正

今晚放工突然心思思好想食中式點心，見到匯景有間新開嘅餐廳，主打燒味同點心，於是決定同屋企人去食dinner ☺️脆皮燒腩仔 (例牌) ($88)- 燒腩仔非常高質，肉質結實香口，肥瘦均勻，最正嘅係個脆皮，真係好脆，咬落卜卜脆😍黑松露蝦餃拼燒賣 ($29)- 黑松露蝦餃好正，黑松露味道香濃突出，餃皮通透軟韌，口感一流- 燒賣大大粒，口感結實，蝦肉鮮味十足😄黑金流沙包 ($22)- 黑金賣相超級有質感，非常吸睛，質感軟熟，入口即溶- 流沙整得好好，慢慢哋流出嚟，味道香甜，香噴噴好好食👍🏻名醬蒸鳳爪 ($22)- 鳳爪份量超足，醬料好好味，香甜微鹹，完全滲透入去啲鳳爪入面，好惹味😋鮮蝦菜苗餃 ($23)- 呢個餃超級有驚喜，鮮味十足，所有內餃非常配搭，清新嘅菜苗搭爽口彈牙嘅蝦，口感異常豐富，好想encore多碟💛餐廳裝修都好有心思，整體明亮整潔，有別於一般同類嘅餐廳，坐得好舒服，最緊要係食物好味💕