匯景燒味點心館 (已結業)

以為街坊店都支持下啦，但幾次買外賣都分量少，質素差，好似買外賣，以為人地見唔到，回家發現雞飯就俾雞亦位你，燒腩仔飯就俾肥肉你，唔怪得生意會咁差 ， 咁快又要轉名，其實要多d 街坊幫襯，食物質素好重要。堂食服務亦不見得好，應該唔會再幫襯。

食咗個片皮鴨套餐👍， 好好吃👏👏！小菜好特別😋😋！ 款式同其他茶餐廳有分別！ 感覺私房菜🥢🥢！剛裝修完，所以好整齊！衛生🙌🙌套餐四佰元右左，前菜，片皮鴨＋小菜2款＋白飯＋飲品😊

疫情期間有一段時間無黎藍田匯景商場探一位老前輩，今晚再去，老前輩話食開嗰間茶餐廳轉咗手，叫我一齊去試吓，佢話呢間茶餐廳勁就勁在有片皮鴨食，於是就一行四人去試吓。點了海南雞飯、片皮鴨兩食、花生炆雞腳同埋海蜇拼燻蹄。我覺得最有驚喜係個海南雞，肉質夠嫩滑，無諗過街坊茶餐廳有咁嘅水準。片皮鴨因為偏瘦，所以唔夠油香，不過如果你唔鍾意食咁肥嘅呢度就啱晒你。片皮鴨兩食個鴨殼用茄子炆，都幾好食。花生雞腳炆得夠淋又夠晒入味，性價比高，隨時好食過好多大酒樓嘅鮑汁雞腳。海蜇燻蹄就正常啦。整體食物質素高，價錢偏低，藍田居民有福了。

係 Openrice 睇人地既燒鵝相, 乳豬相好靚, 所以就去試一次咁去買外賣飯試下點知一打開個飯盒點解d燒鵝變左切粒, 真係未見過, 衣家食五香肉丁咩,  同埋本人懷疑有d 唔係__ __ 乳豬一定係頭頭尾尾, 又淋曬如果呢個飯 20 蚊我會考慮下馮咩收七十幾蚊?

一入到去就冇人主動招呼你，但明明舖頭入面都冇乜客。企咗一陣就有人叫我哋隨便坐，我哋諗住叫點心就搵吓有冇點心紙，問一個比較後生戴眼鏡肥肥地嘅女職員，佢就黑口黑面咁隨手拎一張外賣紙叫我哋喺上面寫。到我哋寫完之後比另一個年長少少嘅女職員落單，佢就叫我哋寫返係張過咗膠嘅點心紙度，俾佢地點來點去，完全冇系統。叫完點心又無人主動比碗我哋（佢本身只係放低咗一個洗碗嘅兜，餐具同茶杯，因為有人會就咁叫碟頭飯）咁佢冇收+1服務費，我以為係要self service啦，又唔係喎，望一望隔離枱有乜都有齊晒，服務又殷勤d，黑口黑面個女職員都會有啲笑容。之後等咗半個鐘先有點心食，差啲仲以為漏單，我明即叫即蒸係要啲時間，但平時都頂盡都15分鐘姐。原來佢係一次過整晒成間鋪嘅點心order。嘢食黎講不過不失，但以呢個質素要我等咁耐寧願求其去點心店好過。

這個位置，從前是匯景茶餐廳，我幫襯了二十多年。但自從開「匯景燒味點心店」，我今天才第一次幫襯。我叫燒鵝瀨粉(下午茶餐) $42 配凍飲 +$3雖然不太大碗，但是燒鵝好貴的，這個份量，已經相當不錯。而且，燒鵝不肥，皮還是脆的。燒鵝肉又嫩又甘香。配大大杯凍檸茶，好抵食！也好味！ Honey知道我喜歡吃乳豬，所以替我叫乳豬飯。 $62他就叫熱咖啡。乳豬飯的飯比較乾，也比較硬。但，乳豬的份量不少，而且也不肥。雖然肉是薄了一點，但是乳豬皮非常脆，好味！又吃乳豬，又吃燒鵝，埋單只是$120，非常抵食！而且，地方好乾淨，員工態度殷勤， very good👍👍

幾個月前見到商場內掛咗個新招牌，寫住「匯景點心燒味館」，心諗難得藍田有點心店，一解疫情下少去飲茶少食點心之愁！開張無耐就幫襯咗幾次，幾次都係食晚餐，好鍾意佢啲點心同燒腩仔，例如係黑金流沙包、黑松露蝦餃，難得蝦餃同燒賣可以雙拼；燒腩仔都好味，兩個人叫半斤剛好點知，最近再去幫襯時發現晚市竟然唔再賣點心得返燒味同小菜，而且燒腩仔亦無得叫半斤，最少都要叫「例牌」（比半斤大份）原本係一間不錯的點心店，點解晚市要自降身價，同其他茶餐廳一樣只賣小菜呢？可惜可惜

禮拜日約咗個好耐冇見嘅friend，近近地嚟到匯景商場呢邊食嘢～見到呢間新開嘅點心餐廳，我地都好耐冇食點心🙈好掛住啲點心🥧就入嚟試吓～黑松露蝦餃$29晶瑩剔透嘅蝦餃☺️上邊鋪有黑松露醬，幾特別😙蝦餃食落皮薄餡多🥰入面嘅餡有大大嚿蝦肉🍤食落覺得好新鮮好爽口😍懷舊燒賣王$29大大嚿燒賣🤩入面嘅肉質幾滑☺️而且有好多料😙食落啖啖肉😆幾滋味💕乳豬拼燒鵝瀨粉$75我同朋友都好鍾意佢嘅乳豬🥰好脆皮🤩職員話係新鮮燒嘅，所以十分之脆😙燒鵝嘅皮都好香脆☺️而且好Juicy～一食啲燒鵝汁就流晒出嚟，好好味😋我哋都幾鍾意食瀨粉😍佢嘅瀨粉幾爽口🤗而且好大碗，兩個人share都好多😆油菜$10跟燒味餐可以加$10包油菜～係白灼菜心，好健康👍🏻幾淋甜～上海小籠包$22好耐冇食小籠包🙈佢嘅小籠包皮薄餡多🥰一食佢嘅肉汁仲會流出來，配埋香醋好好味😋紫薯煎堆仔$22好鍾意呢個紫薯煎堆仔💕食落煙煙韌韌😙有陣淡淡嘅紫薯味🍠入面係流沙鹹蛋黃、流心嘅感覺真係好正👍🏻好有驚喜🥰黑金流沙包$22同樣係我最鍾意嘅流沙包😍入邊嘅流心餡甜甜地，唔錯👍🏻

藍田原來開左新野，真係好耐無飲茶，夜晚都有得食點心食真係好。✨燒鵝下莊：燒鵝脾真係好好食😳，皮脆有鵝油香，脾肉勁嫩滑，唔使點醬原汁原味最好食。✨黑松露蝦餃拼燒賣： 蝦餃彈牙，口感紮實，有淡淡既黑松露香，燒賣同樣啖啖蝦肉，夠晒足料。✨鮮蝦菜苗餃： 皮薄有彈性，蝦肉爽彈👍食落juicy✨黑金流沙包：個包好鬆軟，一咬開爆晒漿，流沙咸蛋黃味好香，呢個真係好好食。✨上海小籠包：皮薄啖啖肉，入邊都好多肉汁。✨咸魚肉餅飯： size 細細蛊，不過個肉餅都厚身，個飯夠煙韌。✨想講佢個鐵觀音真係好好飲，清香帶點回甘，食完肥膩野啱晒。

匯景啱啱開咗間燒味點心館，唔止有手工點心，仲有自設工場製作嘅燒味。而且4月1號開始仲有片皮鴨食🤤。兩個人叫咗七籠點心黑松露蝦餃 $29 🥢 鵪鶉蛋燒賣 $26鮮竹牛肉球 $22 🥢 蠔皇鮮竹卷 $20白灼靚油菜 $22 🥢 蒜香蝦春卷 $22黑金流沙包 $22介紹一下最出色嘅幾款。蒜香蝦春卷新鮮炸起好香脆，卷住清甜嘅蔬菜同彈牙嘅蝦肉，仲有西芹嘅香味。鵪鶉蛋燒賣圓潤飽滿，餡料彈牙鮮味，鵪鶉蛋黃味道香濃。黑金流沙包即叫即蒸，令流沙包保持鬆軟，咬落去綿綿流沙湧出，香滑口感令人滿足。🥢脆皮燒乳鴿 $55新鮮炸起熱辣辣。鴿皮香脆，鴿肉結實有彈性，而且仲充滿肉汁。

我和朋友早前來到藍田「匯景燒味點心館」，食材的質素及廚師用心烹調的功夫，令人刮目相看，每款的燒味及點心真材實料，非常用心去做，品嚐美食是一個很好的地方。店內環境舒適優雅，地方自在，有一份雅緻休閒，除了傳統的點心，點心款式很多，仲有燒味可以提供選擇。高樓底令整間店很寛敞，用餐的空間感更舒適，店內佈置優雅，周圍更添置了很多充滿中式風情的藝術格調。餐牌分門別類，詳細介紹店中的美食，美食當前無法抵擋，按捺不住，吃得盡興一點，放縱一下自己，享受燒味及點心的滿足滋味。燒腩仔（例牌）燒腩仔半肥瘦，口感十分香脆，配以花生，增添色彩，整體賣相吸引，令菜式顯得上盛，吃得滿足，令人唾涎三尺。我點選了幾款點心，包括黑松露蝦餃、鮮竹牛肉球、上海小籠包、香煎蘿蔔糕、黑金流沙包及香滑馬拉糕等，食物質素良好，上菜速度頗快，享受美食的滿足滋味。黑松露蝦餃每次中式飲茶必定叫的點心，大大粒的黑松露蝦餃，好有口感，蝦非常嫩滑入味，紮實彈牙，煙韌無比，配上高貴的黑松露，混合起來的味道挺夾。鮮竹牛肉球大件的牛肉球，份量挺多，肉質很爽滑，彈牙煙靱，彈牙之餘有咬口，口感細膩，黏性剛好，不會好硬，保持新鮮結實，齒頰留香，讓人一試難忘。

有時晚上都想嘆番一盅2件, 呢間係藍田新開張主打燒味同點心, 都係一個唔錯選擇。 全部食物新鮮熱辣，點心選擇都多啊, 點了4款點心，#黑松露蝦餃蝦餃皮薄蝦鮮松露味香濃#燒賣燒賣鮮味十足#黑金流沙包流沙奶黃熱辣辣, 小心燙咀#紫薯煎堆仔炸得皮香脆內軟除了點心外，還有燒味可選擇。 #叉燒拼燒鵝瀨粉（轉髀）#切雞拼燒鵝瀨粉（轉髀）切雞夠滑，叉燒半肥瘦咬落夠軟淋, 燒鵝髀皮脆肉厚多汁, 鵝肉嫩滑，咬落充滿油香，好肥美，點上梅子醬更惹味。呢度啲點心🥧全部熱辣辣又足料，新鮮又衛生🙂。

星期六無出街，喺屋企附近做完運動再食個晚飯，我哋去咗幫襯新開張無耐嘅「匯景燒味點心館」。餐廳名清楚講哂，呢度有燒味賣，又有心點食(小新叫法)🥢。日頭食點心唔難，但夜晚想食，酒樓都未必幫到你，不過有點心專門店就無有怕。呢度嘅點心選擇唔算特別多，但有齊大路款式嘅😁。黑松露蝦餃拼燒賣($29)，蝦餃同燒賣可以雙併實在太好了😍，一次過滿足兩個願望。兩款經典點心都係大大粒，🍤蝦餃好飽滿，餡肉質感好彈牙，黑松露同蝦餃好夾，完全唔會格格不入。燒賣則屬正常水平，無前者咁出色。鮮蝦菜苗餃($23)，菜苗餃嘅造型同蝦餃唔同，因為無封頂的，但兩者共通點都係用上新鮮蝦肉，味道同樣好食。再者，餡料加入🥦菜苗令口感更有層次。 鮮蝦腐皮卷($23)，蝦蝦蝦，又係蝦🦐。腐皮卷嘅餡料層較為薄身，不過重點落喺腐皮身上。腐皮炸得超脆，配埋喼汁食冇得輸，呢度嘅喼汁特別惹味，因為辣辣哋🌶。本身主要想嚟食點心，但見在座客人大部份都有叫燒味，加上店員落力推介，於是我哋就留肚食埋燒味😛。金牌燒鵝(上莊)($118)，燒鵝真係明顯比燒鴨好食，鵝肉好香，亦難得無咩羶味。鍾意食大啖肉的話，嗌燒鵝上莊就最適合不過🈴️，呢個部位夠厚肉，又無乜骨

今日係星期日，係family day，所以一朝早就同左屋企人去呢間點心館飲茶。呢度啲點心同飯都幾抵食。燒味雙拼飯$48因為肚餓，所以我哋一開始就叫咗個飯先，我哋揀咗叉燒同切雞。飯好大碟，又夠乾身，軟硬適中，配埋燒味汁幾好食。叉燒用蜜汁燒得幾香脆，肥瘦適中，至於切雞都幾有雞肉嘅香，都幾滑。呢個價錢仲配飲品或者例湯，我哋就揀咗例湯。例湯大大碗。油菜$10叫燒味飯加$10就有油菜，幾鍾意佢蠔油同菜係分開上，啱晒鍾意清淡嘅我。菜心幾清甜。星洲炒米$55好大碟，同埋炒得顏色好均勻好靚，店員拎緊過嚟嘅時候都聞到好香，令人食指大動。星洲炒米好足料，蝦仁大大隻。同埋味道好香濃，濃郁嘅咖喱味。黑松露蝦餃$29有四粒蝦餃，外皮上面同埋蝦餃入面都有好多黑松露，食落黑松露味好香。驚喜嘅係蝦餃嘅皮幾薄，蝦又幾彈牙， $29有四粒幾高質。鵪鶉蛋燒賣$26鵪鶉蛋燒賣呢種懷舊點心唔係周圍都有，有四粒，爸爸就最鍾意食。蠔皇鮮竹卷$20呢個都係爸爸最鍾意食嘅點心，佢一個人食晒成籠。鮮蝦菜苗餃$23有三隻，都幾好食，不過個人認為黑松露蝦餃好似抵食啲。鮮蝦腐皮卷$23又係爸爸嘅最愛，香脆嘅腐皮加埋彈牙嘅蝦膠同埋芹菜，配上少少

今日放半晝，下午去左藍田公園行下，夜晚返落匯景廣場搵食。喺 5 樓行左一圈， 搵到間食燒味點心嘅小館子，環境望落唔錯，乾淨企理，一於試下。可能係時間尚早嘅關係，店內人流不多，加上我們被安排坐在一張靠牆嘅四人卡座，坐得十分舒服。餐廳主打燒味同點心，另外亦有炒粉麵套餐及單點茶飲等供應。我哋點左碟燒鵝下莊 ($128)，另外再加左幾款點心。碟燒鵝賣相好吸引，外皮充滿光澤，食落好香脆，鵝肉肥瘦適中，肉質不乾柴，尤其是髀位，入口啖啖肉，回甘兼帶肉香，味道一流！黑松露蝦餃 ($29)  賣相亦甚討好，餃皮晶瑩剔透，厚薄適中，蝦肉香甜爽彈，加上幽香的黑松露，與蝦肉的味道相輔相成。黑金流沙包 ($22) 流沙包新鮮熱辣，包身好軟熟，掰開流心效果超強。入面的奶黃餡金黃誘人，質感均勻細滑，濃稠黏口，甜香中更帶一點奶香。紫薯煎堆仔 ($22)  煎堆仔表面黐滿芝麻粒，咬下超脆口，帶淡淡紫薯香。入面包住流心吉士，入口甜度適中，不會太膩，趁熱食好正。另外盅鳳爪排骨飯 ($28) 同 古法糯米雞 ($28)，用料亦不欺場。飯面有一隻鳳爪同七至八件排骨，排骨醃得好入味，鳳爪大隻掌厚、唔會一咬即散，充滿嚼勁，加上惹味