北海道食堂 (已結業)

疫情之後開番晚市就轉左做西日式洋食餐廳，anyway，見有coupon就試試佢。好多人嗌All day breakfast，但今日唔想食，所以叫左個牛油果三文魚子沙律。Very nice and fresh! 而且牛油果份量好多。日式帶子手打寬條麵幾好味，略咸，可能係個sauce重手左。帶子大大粒，無雪味。另外仲嗌左即叫即燒香草春雞（隔離檯隻雞太香，忍唔住）。外皮少少脆，係烤焗嘅感覺，唔會太熱氣。但入面意想不到甘滑甘Juicy! 雖然好多餐廳都有燒春雞，不過呢個真係對得起呢個價錢，Good Good..

呢間北海道食堂已經係我二次造訪 第一次真係令到我太失望😞但係由於佢係我公司隔離 所以成日行過都望到 咁岩見到佢哋最近好似轉左型 唔同咗老細 由放題嘅形式 變咗做西餐 咁就一於試吓佢啦🙈餐廳嘅座位都冇變化 反而係Menu已經轉晒做單點 而家亦都有套餐優惠 個價錢睇落都幾抵食！難得今日兩個人黎 我哋都算大食 所以叫咗個北海道海鮮配龍湯燴飯 一上枱勁震撼 估唔到咁大盆 完全超過左兩個人嘅份量🤣 裏面嘅海鮮有四隻手掌咁大嘅鮮蝦、蜆肉、墨魚仔、青口 好新鮮鮮甜 鮮紅色既紅蝦好大隻 有蝦膏 食落口好彈牙多肉👍🏻墨魚仔唔錯 有咬口 新鮮彈牙！除此之外 佢哋嘅龍湯燴飯都好濃郁 每一粒飯粒都沾滿左龍蝦湯嘅香味 食到停唔到口呀🫣本身以為唔夠飽 所以就叫多咗個水牛雞翼 一份有五件 雞翼大大隻 煎到個外皮好香脆 水牛城汁唔算太辣 可以接受！外脆內暖嘅口感 真係一流👍🏻如果加$26 可以加配餐湯及餐包、飲品 好抵所以我哋都加左！今日嘅餐湯係粟米濃湯 味道好香甜暖胃依家比之前有大大嘅改善 都可以值得大家過嚟試吓👍🏻

北海道食堂 (沙田)📍:沙田沙田中心商場3樓50及57號舖呢一間北海道食堂喺我公司附近 成日行過都聞到香噴噴嘅味道 味道非常吸引 難得今日早收工 同同事過去試吓佢先🙈佢哋之前係做放題既型式 但係自從疫情過後 好似改咗做單點 但係價錢一啲都唔貴👍🏻好值得過去試吓！呢度嘅環境都比較闊落 坐嘅座位都好舒適 餐廳好寧靜 啱晒同朋友過去傾計食飯👍🏻🍝鹽煎比目魚柳伴海膽醬明太子忌廉汁日式闊條麵比目魚比較薄身 不過好新鮮嫩滑 唔多骨 我比較鍾意呢款闊條麵嘅味道 忌廉汁好濃郁 比較澀身 味道唔錯！🍝焗北海道元貝釀蟹肉野菜鮮茄汁日式手打寬條麵北海道元貝釀滿左滿滿既芝士 面頭嘅芝士充滿鹹香 元貝好新鮮彈牙 算大粒 側邊仲有啲蟹肉 好香口 闊條麵唔會好乾 好多汁👍🏻🐥水牛城雞翼一份有五件 每隻雞翼都大大隻 食落口啖啖肉 味道唔算太辣 反而惹味多 醬汁好濃郁 唔錯嘅小食🙈

本身慕名而至想食lunch放題，點知轉曬西餐menu，黎到都係坐低左。我Order左鵝肝牛肉漢堡lunch Set，包餐湯、麵包、餐飲同主菜。所有lunch set價錢70-200不等，豐儉由人～佢個burger好好味，漢堡扒十分juicy，切開係七成熟，另外薯條係新鮮炸出黎，成個餐誠意十足，南瓜湯都好好飲。不過本身諗住用Openrice Pay清下啲cash dollar，但係職員堅稱舖頭無呢個Payment方法，就有啲唔愉快。總括而言，服務態度都友好，食物有誠意，會再幫襯。

🍽北海道食堂放工又係去沙田覓食嘅時候，今日咁啱上網search到沙田中心呢度有間黃店，可以任食又多選擇，所以好快就決定咗嚟呢度✌️今次我哋食咗（星期一至四晚市）極上放題$268雖然呢個唔係最貴嘅一個餐，不過選擇都已經好多，我哋首先叫咗一個日式火鍋（牛肉），佢嘅菜份量比較多，但係牛肉都幾新鮮。另外，我哋都叫咗一份豬骨湯烏冬一齊食，烏冬嘅軟硬度適中，豬骨湯味好香濃。我哋仲一人點左一份沙律，佢哋連沙律嘅選擇都有好幾款～串燒方面，我哋試咗牛舌、雞翼、豚腩串等等，全部都燒得啱啱好唔會太乾，等候時間適中，調味型都係恰到好處刺身壽司方面，一般嘅手卷、壽司軍艦、如山刺身等等呢度都有提供，特別鍾意食個蟹子壽司，佢啲蟹子堆到好高，望落去已經好滿足🤣甜品方面，佢哋有雪糕杯同埋雪米糍，唔算特別有驚喜，但都叫有個完美ending😆💰人均消費：約$300📍新界沙田沙田中心3樓50及57號舖

聽晚又禁堂食，專登出去食返餐，點知中晒伏服務ok既，冇漏單，上野速度都快，油煙有d大不過食物真係好難食，我唔明d好評係點泥，食品種類少都算，我都未試過食放題，食一轉冇一樣野想返轉頭食第二次刺身唔新鮮（老婆話一般，我覺得唔好食），串燒又乾又燶，特別係雞翼同雞腎乾哂柴，海螺串好似比魔鬼親吻完，蝦冇味，蠔同帶子正常，壽司係爭鮮級數又少款，手卷紫菜淋哂，火鍋主要係菜好難唔好食，天婦羅好厚粉今時今日好難得可以出去食餐飯，可唔可以唔好咁

上星期試咗一次，簡直永世難忘！1. 入場：明明我排隊先，到我時，個侍應竟然公然安排我後一票的人打尖，我見當時仲有位，我冇特別嘈佢！2. 叫餐：當日有三款吾同價錢食吾同級數食物嘅餐。呢種安排根本係好普遍，我同侍應話要B餐。點知佢叫我俾佢說解晒三個餐嘅內容先，我即刻答佢我成日都食，洗鬼佢教，跟住佢就黑面行開咗。3. 食物：我叫咗墨魚咀，佢哋嚟咗碟用千年油炸到好似雞軟骨咁，一咬落去又多油，仲益益地添！4. 魚生又吾新鮮，壽司又硬！其他食物，冇樣掂！5.全晚叫最好竟然係豚肉火鍋入面D荳腐囉！呢間野無論食物同服務態度都差過極點，埋單仲要每位$300，我呢隻就算要食杯面，都一定唔會再去幫襯，大家都要小心睇路呀！👎🏻👎🏻👎🏻👎🏻👎🏻🤮🤮🤮🤮🤬🤬🤬🤬🤬

沙田好似食黎食去都係個d，今次搵到間比較隱世既日式放題店！🤩🤩 質素真係出乎預期地好！值得再回頭！揀左極上放題，都有80款野食揀。每份既份量唔多，可以點少少試下先，但so far無覺得邊款唔好食😜 但覺得好食既反而有唔少！首先緊係要食刺身先啦🤩 有興趣既都叫左兩件試下，油甘魚、北寄貝、鮑片、帶子、三文魚，全部都好新鮮！唔係出面d放題既質素！係全部都無雪味，有鮮甜味嫁 crazy ！放題食到咁既刺身真係好值！🥺🥺手卷試咗吞拿魚同埋鰻魚，個人覺得可以將啲刺身加埋入去一齊食，會更加豐富！燒物同鐵板都試左好幾款，當中最出色既係鐵板香煎廣島蠔🤤 係煎到金黃色的！超級正！有蠔味之餘，外香內滑~鎖住晒啲蠔汁喺入面🤤 我encore左好多次！必食之選！另外鐵板蝦都唔錯，好大隻好香~食幾隻就夠飽肚😂因為天氣凍，就叫咗個牛肉火鍋，一路滾住一路食其他嘅，暖粒粒。然後店員都好貼心，話可以幫我哋加料，例如我哋唔想叫肉，淨係想加蔬菜，佢哋都會幫我哋加，呢樣覺得好加分！ 因為食完鐵板同埋串燒，會想食返啲清淡嘅蔬菜🥬豆腐一定要加！好滑😆最後叫左個炒飯，細細碗岩哂！味道就不過不失啦，用嚟填飽d有飯氣。-總括而言，非常推

北海道食堂 (沙田)沙田橫壆街2-16號沙田中心商場3樓50及57號舖🦐 極盛放題每人送鐵板燒大蝦一隻！蝦肉爽口彈牙～食落新鮮 唔會有陣雪藏味～蝦頭仲有蝦膏tim~一隻真係唔多夠喉🙈🍣 刺身有14款咁多！ 一開始每款刺身叫兩件試下先😍😍估唔到放題都可以有高質刺身～魚生顏色有光澤～肉質有彈性～夠哂肥美！尤其係白玉豚比較少見～有特有既油脂香味！正！🐠 鐵板燒海鮮都多款式！三文魚燒烤時間剛好肉質唔會鞋身～燒完之後迫晒啲油脂味出嚟～識落更加肥美！香煎廣島蠔大大隻～食落juicy 又新鮮！帶子大大粒爽口彈牙～魷魚鬚都爽口唔um! 鯖魚唔會過乾～秋刀魚食落有一陣回甘！🍖 羊架大大件夠晒厚切！識落有羊肉嘅特有香味！安格斯西冷扒牛肉味夠重～而且唔會少得過熟～食落有肉汁！雞扒肉質夠嫩～似食緊雞比肉～🍢 當然唔少得串燒啦！小妹最鍾意食燒冬菇同雞髀菇！菇菇咬落超juicy~差少少辣親個口tim🙈 燒雞肉串用咗燒汁醃製幾惹味！燒雞軟骨有咬口！燒牛舌真係要一題！牛舌夠爽口正！🥗 叫左碟炒雜菜扮吓健康！炒雜菜唔會太油幾好！除咗椰菜、蘿蔔絲、菇片～仲有爽口芽菜！🍘 炸物都好正！由其係炸南瓜薯餅～炸到外脆內軟～熱辣

好耐冇食過日式放題，今次同朋友山長水遠特登嚟沙田試呢間聽講幾高質嘅北海道食堂我哋喺夜晚7點半左右到，因為係平日所以唔洗等就入得因為呢排難得食一次放題，我哋就揀咗最貴嘅極上放題套餐，每人$328+1，可以食足兩個半鐘餐廳嘅魚生都多選擇同埋都好鮮甜每人會有一隻送嘅鐵板大蝦，隻蝦大大隻，燒得好香口鐵板鵝肝好肥美我哋另外仲有叫鐵板蝦同埋鐵板魷魚鬚，都唔錯好鐘意shabu shabu嘅我叫咗個日式牛肉火鍋，順便可以有啲蔬菜食朋友就叫咗日式叉燒拉麵，個湯底好濃郁都唔差年糕波波係我今晚嘅最愛，食完一round完全唔夠喉，外脆內煙韌！甜品就有雪米糍同埋杯裝雪糕好耐冇食到啲嘢食有返啲質素嘅放題，今餐食得超級滿足

友人好大食，又經常諗唔到食咩，所以我哋經常都會選擇去食放題，咩都有得食唔使諗，而呢一間位於沙田中心嘅放題，價錢抵，食物選擇又多，啱晒我哋👍🏻首先講吓價錢先，當晚為平日，價錢為318+1，餐廳環境大，座位亦都好舒服～ 然後就來講下嘢食啦🤤嗌咗極盛放題嘅客人，每位都有一客鐵板燒大蝦🍤，大蝦燒得好香，調味調得好出色，有胡椒味，真係由蝦頭食到落尾😂👍🏻另外，魚生款式都十分多，例如普通嘅三文魚、甜蝦、鮑魚片等等全部都有，而且都有幾款較少見嘅魚生，樣樣刺身都好新鮮好鮮甜，正～ 咁就講到黎重點啦～話明係專食鐵板燒，就一定要食晒佢啲鐵板燒美食啦～ 首先，必須要推介燒帶子，帶子好香口、調味調得好好，燒得又唔會太乾，保持到濕潤，正😄另外，燒鱈魚片，本身以為係燒銀雪魚，但係一上到嚟得一條條嘅魚條，本身以為中咗伏，但點知燒得好趣，魚味好濃，最後都嗌左唔知幾多round😊🤤🤤Cp值高，位置方便，同一家人、朋友、情侶都好適合黎食👍🏻

朋友食日式放題食上癮，今次又食下唔同餐廳嘅放題😜呢間唔係平時嘅連鎖放題店，所以D食物款式有D唔同，呢到有3個價錢選擇$218/$268/$318起，今次我地平日指定入座時間極盛放題($318/每位)，另收加一，任飲任食2.5小時近100款美食，食物類別主要分左壽司/卷物/手卷、刺身、鐵板燒、串燒/燒物、炸物、一品料理、和風沙侓、日式火鍋類，落單MENU清楚易明👍🏻座位空間都算闊落，同朋友傾計都唔怕會畀隔離聽到晒😁出面自助拎室溫/冷凍飲品、雪糕、雪米滋極盛放題每位送上鐵板大蝦一隻，燒得好香，而且大蝦夠大隻同新鮮，食落肉質鮮甜彈牙🤤壽司：款式選擇都唔少，不過留肚試下其他野所以唔叫咁多😆帆立貝加州反卷、芒果炸海老卷都幾好味，D飯唔會一夾就散👍🏻食物陸續送上，非常豐富🤩刺身：油甘魚、劍魚、甜蝦、帶子、北寄貝、墨魚、八爪魚、三文魚、希靈魚、蠑螺、魚立魚、酢鯖魚、鮑片、白玉豚，有好多款，我全都要😎食落肥美，冇咩雪藏味，最正係帶子同埋甜蝦，鮮甜無比😍鐵板燒：安格斯西冷扒係極盛放題先至有，當然一定要點黎食，燒得好香，肉嫩唔韌😋鵝肝太邪惡，入口即溶🤤大蝦ENCORE好幾次👍🏻魷魚鬚口感唔錯，滋味小食😋帶

唔知各位沙田友知唔知有呢間野呢😹😹冇諗過沙田中心都有放題選擇😯😯星期二試左個晚市放題，我地揀左中間果款極上放題，有80款美食選擇（$278），可以任食2.5小時😛.餐廳入面都幾大，睇落乾乾淨淨咁，都有好多卡位坐，幾好～～.飲品方面都有好多款式，仲有凍同唔凍揀，都幾貼心😛😛拎完飲品仲見到有雪糕同埋雪米糍🍨🥰🥰.🥢極上鐵板點左鐵板鵝肝、野菜、魷魚鬚同香煎廣島蠔，仲以為要自己整咁煩🤣🤣原來已經整好，都幾好，味道都唔錯～～.🍣刺身壽司/卷物點左三文魚、帶子、八爪魚、飛魚子、油甘魚、北寄貝、鰈魚邊、白玉豚同墨魚～～再叫左d卷物🙈🙈帶子都幾鮮甜，之後都叫左幾round😻😻.🥢手卷香蔥吞拿魚同埋三文魚🤤🤤紫菜好脆薄，同埋一開始就要食先，唔係擺得耐就會好快腍🙈🙈.🥢日式火鍋呢到都幾多花款，仲有火鍋揀😂😂，仲叫左個雞肉火鍋，都幾足料👍🏻👍🏻👍🏻

今日返沙田探亞媽, 之後同佢去食放題, 竟然連火煱都有, 真係一舉兩得.揀咗個 $268 極上放題.牛肉火煱, 奶白色嘅湯底, 大大塊嘅肥牛好淋, 娃娃菜, 金菇菜夠新鮮.北寄貝, 帶子, 鮑片等刺身夠爽口.牛肉湯烏冬, 湯底唔油膩, 烏冬彈牙.鐵板三文魚扒 & 帶子, 煎得金黃香口, 為唔食刺身嘅朋友帶嚟多一個選擇.我鍾意簡簡單單嘅壽司, 顏色 sharp 醒, 一口一件.炸餃子 & 甜薯, 食落唔乾夠 juicy.仲有多春魚天婦羅, 唐揚雞軟骨好惹味.豆腐沙律, 滑滑嘅豆腐上有香濃嘅麻醬 各式汽水飲品又點少得, 我鍾意仙草飲品, 粒粒仙草又滑又香.雪糕, 雪米糍我食咗 4 份, 甜品始終係女仕最愛 埋單每人唔使 300, 抵食.

今次揀咗食最貴嘅餐，亦都係性價比最高嘅！【極盛放題 / 任食2.5小時】HK$328可以揀嘅刺身同燒物種類都特別多☺️ 刺身整體肥美大件， 個人覺得呢間嘅燒物幾出色， 廚師用上鐵板燒，即叫即整！推薦一試！刺身同壽司亦幾好新鮮，會多咗幾round枱與枱之間闊落，毫無壓逼感， 我哋平日晚上嚟食，餐廳唔算多人，所以店員都冇趕我哋走，我哋都係食到差不多10點就自動自覺走咗lu。樽裝飲品有冷藏，亦都有室溫可以選擇，都幾多款可以揀！ 甜品方面，有雀巢杯裝雪糕同雪米糍，中規中矩啦！廚房係半開放式， 有一個大嘅透明窗可以見到廚師整鐵板燒物，完全感受到個種好有鑊氣😍 難怪食物上枱咁香咁惹味