北海道脆皮雞排 (已結業)

之前食過2次...第一次食都話唔錯..食第2次係因為我個fd話唔錯...我以為有改進...但第2次之後就覺自己食緊炸粉...因為我加左洋蔥....第一啖只係得d粉味....第2啖開始我覺得真係唔會再想食...脆皮同雞肉各一半-,-d脆皮勁厚勁油....我食左一半已經扔左...以後唔會再食!!!…查看更多

之前食過豪大大, 覺得很一般, 唔知呢間會唔會好d呢?雖然話係北海道, 但其實係台灣野, 因為我見到佢門口貼左張相, 係佢地兩個師傅同馬英九既合照, 好似好巴閉甘要左個北海遁脆皮雞扒, 我諗應該佢地招牌菜卦由於即叫即炸, 都等左10分鐘先有得食~ 可以揀落咩粉, 我要左海苔味雖然雞扒切開左幾塊, 但都係太太舊d, 再切細小小會好d! 拎上手好熱辣辣, 等一陣先敢食~ 第一啖覺得個皮真係好脆, 但咬到塊肉就唔掂了, 好 “鞋”, 一d都唔滑, 無咩味! 我覺得連個海苔粉都無咩味…同豪大大無咩分別…而且好油呀, d油響個紙袋度滲哂出黎……查看更多

經過見咗呢間野幾次，今次咁ARM冇人等，拿拿聲買個鹽酥雞黎試吓~呀, 雞肉好嫩滑, 好JUICY~!!! 脆漿適中, 係炸得油咗DD, 都OK啦~如果唔怕肥GE, 都可以試吓GA~…查看更多

昨日難得出mk, 路經此店, 曾幾何時睇過哩間野既食評話脆皮炸魚蛋ok.我見$10平平地. 買左黎一試. 而且佢種炸法都未見過.我見佢夾都心知不妙. $10只有4粒, 醒起佢係魚蛋既話, 真係覺得幾貴. 算吧, mk 既價錢.前人有侍應幫佢翻熱, 唔好意思, 我冇d 咁既服務…佢問我落邊種粉, 我眼見佢十多種粉, 真係花多眼亂, 我索性問返個頹頹地既店員推介邊種粉, 佢推介胡椒. 我直覺覺得好普通. 但佢推介就唯有試下. 另外再加海苔. 原本想落起司, 不過加落魚蛋度好似有點怪.望住d 魚蛋, 真係唔知點咁. 一打開個袋就好濃好大朕味衝上我既腦海度.竹簽一篤落粒魚蛋度. 都黎唔切放到咀邊, d 所謂既“脆皮”已經好似未搽skIII 既面咁… 剝落.一食.. 即刻“媽…好鹹呀”. 我o個時即刻就諗, 係喎, 食返原味唔加粉, 會唔會仲好呢.嘩… 真係鹹到好似食左啖鹽落口. 要記住, 仲有3啖鹽味食…脆皮係真係脆既, 但唔係鬆脆o個隻. 好硬崩崩咁.入面既魚蛋都算彈牙既. 但冇魚味. 最後個袋入面淨返好多脆皮…哩袋咁既垃圾用左我$10, 就係買左4粒白魚蛋. o係街市應該買到半磅. 去藍田食$12 6粒花枝丸冇咁嬲.好彩之前冇買哩間野既團購coupon, $15買$30既野, $30買d 咁既野!! 真係唔知點食……查看更多

繼續掃街之類，也繼續吃炸雞這間店，所有炸物已炸好放在膠櫃內由於個人不太喜歡翻炸，看見有「特色鹽酥雞」（忘了確實名稱)，以為櫃內沒有，便點這個不過，膠櫃內原來是有鹽酥雞，店員快手地夾去翻炸很快，鹽酥雞回來了，打開一看，份量不多，但發現每件雞粒也很「油」，吃了一粒，便「油」得放棄了整體而言，味道是可以的，但隔油方面要加把勁…查看更多

眼見好多地方都賣大大塊雞扒, 今日路過見到就試下啦!呢度sell 即叫即炸, 不過實在等得太耐喇! 而且等嘅位置近巴士站, 企喺度等感覺好阻街.有10種口味比你揀嘅雞排, 我揀咗蒜味, 真係大大件, 不過無咩味道, 好似只係靠味粉咁, 我只欣賞佢係即炸, 但味道真係麻麻, 應該唔會再幫襯lu. …查看更多

咁岩約左個fd係金雞等,就比我發現到呢間北海道脆皮雞排啦原來呢間炸雞店同豪大大一樣都係由台灣黎既~~但係經過上一次食豪大大之後,對台灣既炸雞都存有小小偏見見個fd又未到,又有小小肚餓,所以我就決定試下我就試左佢地既招牌脆皮G脾排,都好似豪大大咁都幾大塊,店員仲會幫你切成小塊等你容易d食!!都幾細心!!一口咬落去,d皮都幾脆唔錯,肉質都算ok!!!不過一d味都無,又係食味粉又好似上次豪大大咁~~~~唔通呢d就係台灣炸雞既特色???我諗我真係無下次…查看更多

放工經過 見到咁多炸野就忍唔到口試左佢個雞排 即叫即炸 等左5-8分鐘到eeeeeee 皮還皮 肉還肉 :(仲要雞肉本身冇乜味 ...... 揀左起司粉同紫菜粉哇 d紫菜粉咸到 .......... 朋友試過炸魷魚酥 又係一食 d炸皮會甩晒出泥 x_x同埋咸左d囉 :(仲有鹽so雞 食果個感覺好怪 唔似食緊雞肉好鬆 都唔知自己食緊咩咁同埋如果唔靠味粉 本身雞肉又係冇乜味麻麻 :( 唔會再試…查看更多

踢波前搵d野食下......球場對面間雞扒鋪幾吸引買左塊雞扒食......23蚊......即叫即炸......咁凍既天氣.....一流塊雞扒都唔錯......夠熱、唔會太多粉.....不過偏鹹....都幾好食再叫多包鹽酥雞......味道都ok.....不過唔熱要扣分.....價價20蚊.....份量我覺得偏小囉....唔多抵哈雞扒應該會返食…查看更多

行完花園街惠顧了這間炸雞店的「炸魚蛋」, $10一份有4粒, 待應禮貌地提我翻熱… 特別之處係有10種味粉任揀, 我揀左洋蔥和海苔, 味道不錯, 魚蛋係白色很彈牙個種, 頗有新鮮感的街頭小食… 略嫌店舖位置非常擠迫, 沒大排長龍已經水洩不通… …查看更多

如果食炸雞要食到好有雞味，我唸難度好高呱？始終要農場新鮮雞至做到！所以我食炸雞，要求外面要香脆、裡面啖啖肉夠滑唔鞋口，基本上北海道炸雞做得到！我剛去過台灣食豪大大炸雞，好食！比較下，我鍾意食北海道的炸漿多過豪大大的炸粉！但不得不提，size細過豪大大一半，點好食都打晒折扣咯...…查看更多

豪大大雞排去台灣玩都應該有食過，不過相信好多朋友都有同感，雞排肉質偏嚡，而且愈食愈口乾，純粹只係巨大作綽頭。進駐旺角後味道依舊，身價暴升一倍，但仍然有唔少人甘心排隊，而旺角中旅社斜對面，就有北海道脆皮雞排店要跟豪大大鬥一下，食落味道果然更優勝，縱使「熱氣」亦在所不計了！北海道脆皮雞排店名雖然有「北海道」三隻字，但實際上跟日本完全無關係，反而跟豪大大雞排一樣，以台式手法製作，用最熱氣最邪惡嘅味道吸引顧客。除左招牌脆皮雞排同巨無霸Ｇ脾排外，亦有魷魚鬚，軟殼蟹，花枝丸等，款式都幾多，今次要試嘅係Ｇ脾排...:)Ｇ脾排$23一塊，價錢比起豪大大平少少，同樣都係即叫即炸，新鮮熱辣。呢度相比下輸在人氣唔夠勁，所以都唔駛等好耐就有得食～！呢度有十種唔同風味嘅調味粉俾大家選擇，心多多甚至可以雙拼，而我就選擇左胡椒配梅子，貪呢個組合夠醒神！熱辣辣Ｇ脾排先剪開八件再入袋，寒風下食特別滋味，外層炸得好香脆，梅子粉跟炸粉漿好匹配，相當惹味。而口感方面，跟豪大果塊Dr Martens Airwair鞋底完全截然不同，雞肉部份夠嫩滑，而且內裡嘅肉汁保存得好好，炸功相當唔錯！油膩在所難免，但整體黎講真係值得一試！…查看更多

最近幾本雜誌都有話佢好好食,咁我就去試下啦,點解大失所望....點左個雞排,個雞排多骨無味又唔JUICY,脆皮同肉一咬就分開....:(個辣椒粉係唔錯既,不過除左第一淡食到,其他D粉都唔知去左邊,變成無味........重有芝士粉係甜既,但係又唔覺有芝士味囉......唔會再去食,寧願加幾蚊去KFC食重好....…查看更多

人在旺角突然口痕難耐，本來想去「嗆司果茶。爆米花」買爆谷吃，順道參加台灣花博之旅大抽獎，但女友實在挺不住那陣濃烈的焦糖味，更聲言「你一個人要食晒喎～」，唯有另覓目標，改去幫襯附近的「北海道脆皮雞排」。不要以為這間北海道脆皮雞排來自日本，其實跟豪大大雞排一樣，同是由台灣夜市移籍過來，但前者選址比較含蓄，位於金雞廣場之旁，中旅社的斜對面，周遭並沒有西洋菜南街行人專用區般熱鬧。小店供應兩款雞排，分別是招牌的脆皮雞排 ($21) 和脆皮 G 脾排 ($23)，同是即叫即炸的，約需等十五分鐘，見店員將成塊面咁大的 G 脾排取出，灑上大量咖哩味粉後，再剪成八大件就成。招牌脆皮入口的確挺香脆，但仍略感油膩，而雞肉由於是連著雞皮炸，質感嫩滑之餘，內裡的肉汁也得以保存。最大問題是雞排的味道全靠味粉補救，偏偏這些味粉未能緊附於脆皮之上，結果弄巧反拙，雞肉竟吃之無味。倒不如像麥樂雞般，沾些特色醬汁同吃，效果相信會更加理想！…查看更多

門口隻招牌雞幾可愛，行過都會望多幾眼，北海道雞排，唔好以為由日本開過來，其實在台灣過來的，係即叫即炸，但雞肉無味:(，幸好有調味料搭夠，調味粉有多款選擇，你想點都得，又係無味的..........:(這裡味粉先係主角，雞反而係配角。…查看更多