北海道十勝豚丼 (已結業)

我倆夫妻一人一個餐再加小食，餐具超污漕，條匙羹有漬，落單態度超惡劣，好似兇你咁，食物難食，我叫左薄燒雞蛋包飯，雞粒只有3/4粒，咸魚雞粒炒飯都比佢多，俾錢時仲要丟tray，永久blacklist，絕對唔推薦

十勝烤豬肩脥飯(大盛)🍛 $55 + 吉列豬扒冷拉麵🍜 $55無諗過響megabox都幾多野食😂烤豬肩好好食🤤好似豬頸肉咁，好有咬口，好juicy🤩反而個吉列豬扒就一般般🙈

入左去坐底叫左個咖哩湯厚豬排烏冬落單果陣同佢講 豬排分開上 因為唔想豬排沾到咖哩汁 上菜竟然見到豬扒沾滿咖喱汁我心個Fxxx左一下我坐喺廚房前面聽到侍應同廚房講‘豬扒另上喎’ 所以我都幾肯定 佢係唔記得咗分開 然後係啲湯入面夾返啲豬扒上嚟由於轉咖哩湯要加$8 完全冇諗過個咖喱湯會係咁水一啲都掛唔到湯 而且個咖哩湯完全冇料好似用咖喱粉開水！！！！😡 烏冬份量又小 我係女仔食完都覺得唔夠飽仲未插完個豬排厚豬排？厚？邊度厚？ 垃l圾 員工仲要態度好差架！

果晚開完會 肚餓自己一單友經過magebox 就入左去搵野食 行行上 又上左黎呢間野呢間野lunch time既時候成日食 因為平多快夜晚就第一次 今次叫左個叉燒拉麵 大家都知拉麵最重要係個湯底 呢個拉麵湯底好正 好有味 順便加多份雜菜 岀奇地好有胃口 食哂

今日約咗朋友去九龍灣mega box 睇戲，之後行下行下，去左10/F經過十勝豚丼食下午茶，睇黎呢度嘅下午茶好抵食，就入去試下！下午茶時間唔係太多人，睇咗餐牌又真係唔係好貴，我哋叫咗一個下午茶餐吉列豬扒湯麵、一個吉列蠔湯麵，下單後好快就送到，份量都好大份，味道都ok，包一杯飲品只需要共$90！仲吾洗加一！

今晚在megabox睇戲，一於填飽肚先入場但唔係好多時間慢慢食，所以冇乜點算就入左呢間睇餐牌好多選擇，樣樣都好似好正但時間問題唯有即時叫左個：十勝烤薄豬扒飯套餐和鹽燒鯖魚定食。好彩等左10分鐘左右就有餐送上兩個餐都有個前菜、麵豉湯和主食。前菜：中華沙律，即係昆布，入囗清涼爽脆麵豉湯，味道適中，唔太鹹，而且湯內有原隻連殻既蜆肉泡製，更加鮮味十勝烤薄豬扒飯，有（原味網燒汁、火地獄辣汁和海鹽白風燒）選，我選左原味網燒汁，個飯幾軟綿綿，味道幾甜，網燒汁唔係好甜剛剛好而且好杰，薄豬扒肉味幾濃幾有咬口分量充足，祗覺得個網燒汁比較少鹽燒鯖魚，煎到外皮甘香爽脆，魚肉嫩滑，唔梅唔腥下次入來可以再慢慢選慢慢試

今日去左九龍灣Mega Box ，好像都有吾少食店，朋友話不如試下10/F 北海道十勝豚丼，聽講好抵食。中午時間都較多人，門口就有好大個特選套餐餐牌，可以即刻睇埋食乜好，一望果然好抵，$4x嘅定食都有，仲奉送冷或熱飲一杯☕️。今日我哋就叫咗兩個十勝燒薄豬扒飯，另外叫左一個燒豬腩片飯，仲有牛肉炒雜菜定食，套餐會有湯，中華沙律，份量都足夠，除非好大食，否則應該都夠填包個肚。四個人埋單都只係$186，真係幾平。

預約了週六來辦回鄉證，辦完回鄉證剛好中午，而附近就是Mega Box，垂直電梯上10樓有一個小型美食廣場，其他都試過了，就試試十勝吧。店內還是比較擁擠的，中午飯點時間店內的位置會都比較緊張，店鋪裝修中規中矩的日式茶餐廳。烤薄豬扒飯照燒汁豬扒飯味道有點不夠，造型也不名副其實，不該叫扒，應該叫豬肉片飯才對，因爲就是肉片而已。搭配的是海草和味增湯，中規中矩。金菇牛肉定食這款不錯，外層肥牛應該有煎烤工序，外層焦香，內層金菇爽口脆嫩，一口下去有很大的滿足感，對于午餐來說很滿足食欲。

行完ikea，上到黎見到十勝豚丼好旺場，睇左兩下餐牌見到咁平就決定食呢間入到去一坐底見到呢張手寫menu都笑左出聲我差啲以為去左茶餐廳兩個人，分別叫左石窩簿切豚足飯 同 十勝厚燒豬扒飯set仲加左個炒雜菜石窩飯由落單到上枱3分鐘都唔洗，好快手，離遠見到出哂煙都有啲期待一上枱⋯⋯豬餿黎架？說好的簿切呢？豚足原來姐係呢啲豬手？成碗飯得兩舊仔好難食又唔凍唔熱嘅肉其餘唔係筋就肥膏成碗飯淨係得幾粒粟米，同埋好似餸頭餸尾嘅肉之後出場嘅十勝豬扒飯，又瘦又乾 仲鞋過我腳板底仲係非洲空運添呀食食下仲要滴水變埋水舞間完全理解唔到點解咁難食都仲咁旺場呢間野真係一試難忘

今日同同事一齊去食十勝，因為可以入店坐，亦唔需要加一服務費。可能因為今日係星期五，未到12：30已經店舖滿座，我哋等了十分鐘左右終於有位入坐，聽講呢度嘅飯麻麻地，所以我哋點了豚肉烏冬食，包冬，熱飲。好快，等咗唔夠五分鐘就到了，個烏冬食落新鲜，不過啲豚肉有啲硬，個烏冬弹牙爽口，湯底味道適中。我哋兩人都點了一杯熱同一杯凍奶茶及少冰，可惜奶茶的味道太苦，對一般人来説，有啲難以接受，所以飲咗少少就放棄了，另外因為店外太多人等候，我哋前後食咗唔夠十五分鐘，就俾店員問可否賣单。。。繁忙時間，又想食慢啲都係去其他會好啲。

某天逛完 Mega Box 的 IKEA，看看時間是7:30左右，就決定在這裡吃過晚飯才回家；Mega Box 有部分食肆集中在10及11樓，路過溜冰場外的位子，看到很多人在吃石鍋飯，而且賣相很不錯，剛好有位子，便試試啦～店內座位不算多，有少許迫，不過是可接受情度；這裡主要是吃豚肉料理，除了石鍋飯，還有咖哩飯，定食，烏冬等等，點了以下兩款：厚燒豬扒飯套餐 (海鹽白風燒) ($56)套餐會配上不款前菜及麵豉湯，豬扒真的很厚身，但略為乾了一點，飯份量很多但比較濕，不過性價比不錯吉列豬扒定食 ($58)也是配前菜及麵豉湯，豬扒炸得剛剛好，不會太乾，不錯飯份量也很多但比較濕，如改善會更好炒野菜 ($18)因為全部都是肉，所以加了個炒菜，份量比想像中多，個人很喜歡吃椰菜，正絕對是性價比很高的日式食店，如再去Mega Box 的話，會encore

係傢私店買完嘢，拎住大袋小袋，唔想行咁遠開飯，好自然係呢個場搵食！係十樓有幾間食店,竟然重遇呢間豬扒飯店，已經差不多8點半，大家又攰又餓，見到十勝豚肉無人等位加上我同友人都未試過呢間餐廳就決定試一試啦。 剛好有張卡位枱，座位都幾舒適，環境乾淨企理。 我點左咖哩厚切豬扒飯，要埋套餐，包前菜及麵豉湯！醬汁三款之中點了咖哩汁，味道帶甜，可以要求加汁,無論點豬扒及用黎撈飯都好好味！ 豬扒肉質唔嚡口同唔乾身，無肥膏我鍾意，一口咬落去有少少嚼口 如果汁多d會好d！但d肉總體上真係整得唔錯既！

由於在九龍灣上班的緣故，所以平日間中都會到MegaBox吃午餐，這次就來到Food court的十勝豚丼。聽同事說她的豬肩脥是值得一試的，加上今天是開心星期五，所以就叫了十勝烤豬肩脥飯大盛。果然，豬肩脥份量十分多，咬下去感覺十分鮮嫩，完全不會有豬扒那「鞋口」的口感，相當不錯。同時你可以按自己喜好，選擇醬汁，而筆者就選了辣汁，這樣的配奉口搭也蠻新鮮的。

星期日同朋友喺Mega Box shopping 完已經差不多8點半，大家又攰又餓，見到十勝豚肉無人等位加上我同友人都未試過呢間餐廳就決定試一試啦。剛好有張卡位枱，座位都幾舒適，環境乾淨企理。未試過嘅餐廳我都習慣會睇睇食評再落order，嘩… 負評都唔少，所以只叫一個主食 share ，再加份沙律、小食。芝麻醬露筍沙律，賣相靚味道好，主角露筍幼嫩、沙律菜新鮮再配上芝麻醬，整體都唔錯，唯美中不足是份量太少。炒野菜抵食，只需$18，份量又唔會太少喎～ 味道都唔錯。十勝烤豬肩脥色香味俱全，味道相當唔錯，肉質鮮嫩唔鞋，醬汁又香濃！十勝烤薄豬扒飯，由於我同朋友share，所以叫了Jumbo Set ，碗飯真係好大碗麵豉湯、中華沙律都正常，烤薄豬扒較為遜色... 肉質非常鞋口，好似湯渣瘦肉 總括來說食物都唔錯，服務質素都幾好，起碼侍應們都識自動自覺幫客人加水。整體感覺都唔係負評講得咁差，可能我哋當晚好彩啩

食咗一啖就放低咗汁苦肉酸唔好掛住個日本名賣垃圾唔會再嚟食服務態度差貴夾唔好食都唔明點會有好評一個丼既重心 — 飯都未整得好大失所望去旁邊coco / pepper lunch 好過