北方餃子源 (皇后大道東)

營業中

休息中

呢間位於灣仔嘅北方餃子店款式超多，由經典水餃到煎餃都有，仲有啲特別配搭，值得一試！🥟 西洋菜豬肉煎餃皮薄餡足，煎得金黃香脆，咬落去肉汁爆出嚟，西洋菜同豬肉比例啱啱好，唔會太油膩，熱辣辣上枱，正！🥟京蔥羊肉水餃平時怕羊騷味嘅朋友可以放心，呢度嘅羊肉餃完全冇羶味，皮薄得嚟唔易穿，餡料調味恰到好處。🥣酸辣湯 酸度同辣度平衡得幾好，少少鹹，配料足，開胃之選！🥒 涼拌青瓜第一次見涼拌青瓜加芝麻醬，出奇地夾！青瓜爽脆，係個唔錯嘅前菜。🍖 鎮江肴肉唯一扣分位，一夾就散，雖然味道唔差，但口感扣咗少少分。店舖細細，座位比較逼，裝修簡單，乾淨企理。店員效率幾高，上菜速度快，態度都算友善。以灣仔區嚟講算合理，餃子質素對得住個價錢。餃子控必試！煎餃同水餃都做得唔錯，酸辣湯亦係亮點。雖然環境有啲逼，但食物質素搭夠，值得一試！

唔明是否用筷子篤穿啲餃子會快熟啲！😡成碗白菜豬肉餃麵內的餃全都是穿小洞！好味多汁變成無味餃子！😤湯一向都無咩味！明白因可加豆瓣醬和餃子有味！唔吃辣的成碗無味！麵以前很爽的現在太腍！座已經很迫啲店員企到貼住後面包你唔座直唔得！仲要廚房和店面嘈關於包外賣的不當！完全唔理食客感受！嗰老細企係近門位理都唔理！$47 今次比你永不再光顧！xxx xxxxxxxxxxxxxxxxxxxxxxxxxxxxxx

成日成日去好多吾同既餃子店揾食~因為平時好少喺港島區嘅關係所以第一次食呢間☺️一睇餐牌~款式好多，樣樣都想試吓🤣因為每人只有一個肚嘅關係，所以試唔晒其他嘢今次試左最鍾意嘅嘢食先~有時夏天唔係好開胃，又諗唔到食咩嘅時候，飲呢個山楂茶同埋酸辣湯一流🤟🏻消暑解渴味道幾好，山楂茶飲落去舒服。酸辣湯唔會太酸，又唔會太浠。啱啱好。之後叫左個鮑魚蘆筍豬肉同茴香牛肉餃子~~ 2款都未食過，第一次試。都幾特別。香港區第一次食，有真鮑魚既餃子~ 🤣🤣

今日晏晝過海去咗灣仔，中午時間又唔想食太飽，決定去食餃子。可能今日係假期，舖頭入面都坐滿人，排隊排咗一陣先等到位。兩個人去食，叫咗一碗韭菜豬肉餃麵，一碟粟米豬肉餃。另外再揀多兩個小食，醉雞翼同涼拌海蜇。餃子餡夠足料，個皮唔會太厚，而且淥得剛剛好，無破皮。咬開餃子，裏面肉汁豐富，十分juicy！😋涼拌海蜇好彈牙，微辣好開胃。醉雞翼不過不失，沒有什麼特別。如果下次再經過呢邊，應該會試埋佢嘅煎餃同埋酸辣湯。

嚟到灣仔附近又想食餃子呢間食餃子舖頭有好多明星幫襯過，擺晒啲相上牆壁。去過北方食餃子啲味道比較淡香港味道就梗係入味啲天氣太熱，唔想食熱，食返個冷盤呢個京醬茄子一碟有5粒，同一堆蒜蓉 $34冷盤來! 京醬太入味，少甜少少辣辣地，茄子上面啲京醬就好似濕潤嘅肉醬，味道少食北方野嘅人都會接受，仲有其他菜式都值得試！

今日天氣34度🌤️，想吃湯麵，同事想起「北方餃子源」。店舖坐位都比較迫，而且未到12點枱上已放了留坐字句，當點菜想要份煎餃，他們說要等多半個鐘先有，我唯有放棄便點了麻辣京蔥牛肉餃麵🌶️🌶️🌶️·京蔥羊肉餃湯麵。<麻辣京蔥牛肉餃麵🌶️🌶️🌶️>餃子有5粒，沒有麻辣，皮夠薄，蔥都夠多，加少許醋和豆瓣醬混合很好味。<京蔥羊肉餃>餃子有5粒，湯好夠味，皮夠薄，羊肉好香餡料足，一口咬落去，隻餃子都好多汁。☝🏻下次要回來吃煎餃🥟

大家街坊一场，五年时间也帮衬了不下百次。再加上之前住在西营盘水街也去过那边的连锁店很多次。这回叫了100多块钱外卖自取，想要一包白糖，您说没有，然而它就在您手边十厘米的地方。后来我指出来明明有糖就在手边…..给一包就那么难么？您就一定要收我一块钱，不然就只能用我仅有的一包醋去换是么？无怪的生意越做越拉，祝早日关门大吉，再帮衬我就是狗最少二百字才能打分，我已经尽力啰嗦了但还是还要20多个字才能够，再写一点吧，希望大家避雷，

平日甚少到灣仔區，但早已聽聞這家著名的餃子店，難得12時許經過，終於有幸入座，品嚐一下這裏的餃子。點了京蔥羊肉煎餃湯麵和山楂茶，羊肉煎餃很香口，可以說是皮脆肉香，有些餃子店的羊肉會有騷味，但這裏的羊肉一點騷味也沒有，而且還有肉汁，配上京蔥非常好吃。平日到餃子店我多數吃湯餃，或是八方雲集的煎餃，這裏的煎餃，令我想起長洲碼頭附近那家餃子店，同樣都是很香脆和惹味。很少地方有山楂茶，第一次喝，覺得和酸梅湯差不多，但不會太甜。美中不足之處，是店舖的座位比較狹窄，不但要搭枱，而且桌子很小，多點一個小吃也好像放不下似的。

天氣太熱 冇咩想食 就來附近試下好感動🥹這分量這味道 有點兒北京的感覺 +3蚊就有菜加 哩個價錢邊有啊係好食嘅 就係食完有少少口渴下次來試試餃子（我從北京返來香港之後1年都沒食過餃子 有点吃伤了hhhhh）

灣仔多美食天氣太熱突然唔想食太飽所以就去食餃子好在唔使等位叫咗一個西洋菜豬肉湯餃同埋一個鮑魚蘆筍湯餃雖然西洋菜有啲苦苦地相信可能係唔係時令蔬菜但係入邊好多肉汁好好味🤤而鮑魚果款每隻有三隻鮑魚仔只係蘆筍比較爽口如果下次嘅話，我會選擇其他不過都係好好味😍可以一試

朋友每次嚟香港也必食，仲介紹比其他外國朋友🤣🤣佢話餃子同豬扒都好好食。仲愛上了擔擔面。煎蝦餃子佢哋都好鍾意仲打孖上，我就覺得韮菜餃好食。再配上山楂茶 ，夏天不錯選擇

餃子要湯，叫佢比番，又話我冇出聲，落單打咗要求佢自己冇睇，最後肯比同話以後冇得比，又話外賣唔跟湯，堂食先可以要湯。不過我食咗半年外賣都係有湯喎.個夥計發脾氣話以後都外賣唔跟湯以後都唔買以後都唔買

今次我帶著兩位公子一起到灣仔食晏，因為我想食餃子，所以說服了他們一起進來吃。我們點了湯的芹菜豬肉餃、煎的京葱羊肉餃、手撕雞面、驢肉及兩杯豆漿。芹菜豬肉餃不俗，有咬口，不會像我之前食過另一間餃子，豬肉已經攪到肉漿咁。煎餃很脆加上交薄，無一處會有咬著硬皮或粉的感覺，食到最後仍脆。手撕雞麵的雞肉是一塊塊的，麵軟硬適中，份量亦足够。驢肉有點似北方的醬蹄，肉下面有手拍青瓜，配搭唔錯。豆漿只有凍，偏甜了一點。整體來說是很好的餃子店。

近来想吃饺子搜索了一下中环附近评分高的店中午12点去到已经排很长的队了排了20分钟才入座还是拼台坐的，位置很挤落單上菜倒是很迅速鸡丝凉面配上浓浓的麻酱味十分满足北方胃糖醋排骨就一般，不太推荐饺子无功无过

三日唔埋兩日就會去餃子源食晏。今日開完會一個人去食晏，去到見到個好生面口嘅女仔做樓面，另外一個好後生嘅男仔做收銀巳經心知瀨嘢。首先，門口有張枱得一個人坐，咁我以為個女仔會叫我坐，點知佢叫我等等。跟住佢繼續同個男仔傾偈。等咗5分鐘，舖入面忙到甩轆嗰個阿姐先叫我坐門口張枱，之後阿姐叫個女仔寫單。我慣例嗌麻辣牛肉餃加豆漿。等咗10分鐘都未有豆漿。之後阿姐就鬧：「同你講咗幾多次，落咗單就跟手拎豆槳。」之後個餃子到。點解放酸辣湯嘅？頂！我唔鍾意飲酸辣湯㗎！不過怕遲，唯有照食餃子。啲餃子皮粉嘅？平時食開冇湯好食好多。落錯單個女仔當然有錯，但廚房放湯餃子過曬火，搞到皮爛溶溶又另一回事。希望唔係換咗老闆/師傅啦！過兩日再比多次機會佢。希望只係今日運滯。