北方餃子源 (皇后大道東)

營業中

休息中

平日甚少到灣仔區，但早已聽聞這家著名的餃子店，難得12時許經過，終於有幸入座，品嚐一下這裏的餃子。點了京蔥羊肉煎餃湯麵和山楂茶，羊肉煎餃很香口，可以說是皮脆肉香，有些餃子店的羊肉會有騷味，但這裏的羊肉一點騷味也沒有，而且還有肉汁，配上京蔥非常好吃。平日到餃子店我多數吃湯餃，或是八方雲集的煎餃，這裏的煎餃，令我想起長洲碼頭附近那家餃子店，同樣都是很香脆和惹味。很少地方有山楂茶，第一次喝，覺得和酸梅湯差不多，但不會太甜。美中不足之處，是店舖的座位比較狹窄，不但要搭枱，而且桌子很小，多點一個小吃也好像放不下似的。

天氣太熱 冇咩想食 就來附近試下好感動🥹這分量這味道 有點兒北京的感覺 +3蚊就有菜加 哩個價錢邊有啊係好食嘅 就係食完有少少口渴下次來試試餃子（我從北京返來香港之後1年都沒食過餃子 有点吃伤了hhhhh）

灣仔多美食天氣太熱突然唔想食太飽所以就去食餃子好在唔使等位叫咗一個西洋菜豬肉湯餃同埋一個鮑魚蘆筍湯餃雖然西洋菜有啲苦苦地相信可能係唔係時令蔬菜但係入邊好多肉汁好好味🤤而鮑魚果款每隻有三隻鮑魚仔只係蘆筍比較爽口如果下次嘅話，我會選擇其他不過都係好好味😍可以一試

朋友每次嚟香港也必食，仲介紹比其他外國朋友🤣🤣佢話餃子同豬扒都好好食。仲愛上了擔擔面。煎蝦餃子佢哋都好鍾意仲打孖上，我就覺得韮菜餃好食。再配上山楂茶 ，夏天不錯選擇

餃子要湯，叫佢比番，又話我冇出聲，落單打咗要求佢自己冇睇，最後肯比同話以後冇得比，又話外賣唔跟湯，堂食先可以要湯。不過我食咗半年外賣都係有湯喎.個夥計發脾氣話以後都外賣唔跟湯以後都唔買以後都唔買

今次我帶著兩位公子一起到灣仔食晏，因為我想食餃子，所以說服了他們一起進來吃。我們點了湯的芹菜豬肉餃、煎的京葱羊肉餃、手撕雞面、驢肉及兩杯豆漿。芹菜豬肉餃不俗，有咬口，不會像我之前食過另一間餃子，豬肉已經攪到肉漿咁。煎餃很脆加上交薄，無一處會有咬著硬皮或粉的感覺，食到最後仍脆。手撕雞麵的雞肉是一塊塊的，麵軟硬適中，份量亦足够。驢肉有點似北方的醬蹄，肉下面有手拍青瓜，配搭唔錯。豆漿只有凍，偏甜了一點。整體來說是很好的餃子店。

近来想吃饺子搜索了一下中环附近评分高的店中午12点去到已经排很长的队了排了20分钟才入座还是拼台坐的，位置很挤落單上菜倒是很迅速鸡丝凉面配上浓浓的麻酱味十分满足北方胃糖醋排骨就一般，不太推荐饺子无功无过

三日唔埋兩日就會去餃子源食晏。今日開完會一個人去食晏，去到見到個好生面口嘅女仔做樓面，另外一個好後生嘅男仔做收銀巳經心知瀨嘢。首先，門口有張枱得一個人坐，咁我以為個女仔會叫我坐，點知佢叫我等等。跟住佢繼續同個男仔傾偈。等咗5分鐘，舖入面忙到甩轆嗰個阿姐先叫我坐門口張枱，之後阿姐叫個女仔寫單。我慣例嗌麻辣牛肉餃加豆漿。等咗10分鐘都未有豆漿。之後阿姐就鬧：「同你講咗幾多次，落咗單就跟手拎豆槳。」之後個餃子到。點解放酸辣湯嘅？頂！我唔鍾意飲酸辣湯㗎！不過怕遲，唯有照食餃子。啲餃子皮粉嘅？平時食開冇湯好食好多。落錯單個女仔當然有錯，但廚房放湯餃子過曬火，搞到皮爛溶溶又另一回事。希望唔係換咗老闆/師傅啦！過兩日再比多次機會佢。希望只係今日運滯。

Lunch time唸唔到食咩🤔 / 冇咩胃口 / 又或者想食清少少，係灣仔就一定會揀餃子源。平時lunch time好多打工仔食又好多叫外賣，所以堂食就要早少少嚟喇（12點左右就唔洗排，搭半開始多人）。🥟 Go-to food，韭菜豬肉餃，大大粒又多汁。想有啲爽口嘅話，韭菜豬肉蝦餃都唔錯。個人覺得湯餃比煎餃更勝一籌。識嗌一定配埋個酸辣湯，再加個豆漿。🤤 簡簡單單，正👍女仔細食啲嘅，晏晝5粒餃子啱啱好，男仔就10粒。另外試過佢哋嘅湯麵，不過就覺得麻麻地。嚟餃子店，都係支持翻餃子啦🥟🤣 𝓜𝓸𝓻𝓮 𝓯𝓸𝓸𝓭 𝓸𝓷 @mostly.sushi

本來已經吃過早餐，路經此地，還是忍不住進去吃京蔥羊肉餃。因不想太飽，就只點了五隻。這個是北方餃子店，一般來說，北方餃子的皮一般比較厚，但這店的餃子皮一點也不厚。餃子雖說不算很大隻，但餡料十足，餃子脹卜卜的，賣相已十分吸引。一口咬開，羊肉香味爆出，肉汁滿滿，肉質一點也不柴，味道又好，很快便把5隻餃子全部吃掉，真後悔沒有點10隻。（5隻 $33 ， 10隻$53 ，10隻當然較化算。）我對這餃子店十分滿意，唯一美中不足的是，餃子不設雙併，一個人的話，就無法嘗試多點口味了。

週五收工約咗契妹同蕃薯uncle於灣仔享用歡樂時光，飲到咁上吓就喺附近間「餃子源」買外賣醫肚。雖然手持外賣紙，但以OpenRice手機程式落單，除咗餐飲款式及價格一目了然，食物準備好有訊息通知之外，仲可以兌換埋儲下嘅Rice$，簡易快捷得很！香煎素鵝（$41）：每道餸菜都有獨立膠盒包裝，衛生企理。韌皮嘅素鵝毫不酥脆，講真似係腐皮卷多過素鵝囉，不吃也吧！煎白菜豬肉餃（$36/五隻）：如相所示，餃餃其實似係炸多過煎，餃皮雖則唔油，不過就偏厚同硬，幸好白菜豬肉餡心尚算鮮嫩。煎鮮蝦韭黃豬肉餃（$40/五隻）：有對比下，賣相較豐滿嘅鮮蝦韭黃豬肉餃咬落更為爽脆甜美。加配時菜（+ $3）：另配嘅紹菜清甜多汁，加三蚊黎講份量都好足。雞絲粉皮（$45）：以麻醬調味嘅雞絲粉皮芳香爽潤。京汁蒜泥安格斯牛肉（$68）加紅油底（+ $5）：修長嘅安格斯牛肉因過熟而變得老嚡同乾，不過好在切得夠薄所以完全唔覺得韌，捲入惹味嘅蒜泥及黏上香辣嘅紅油即成功為牛肉添上濕潤與爽嫩。香炸豬扒（$46）：可能豬扒夠薄身，食落唔會好乾，不過皮層濕濕腍腍，平心而論，啲煎餃子比豬扒更似「香炸」囉。灣仔小店「餃子源」外賣安排妥當，電子下

外賣自取，其中點了一份煎韮菜餃及芹菜水餃改酸辣湯底。經Openrice落單，已預早去取餐，比預計出餐時間早了十分鐘到達。煎韮菜餃不是煎，是炸的，皮硬餡乾。芹菜餃的酸辣湯底是溫的，不是熱。

夜晚輾轉拒絕咗好多間餐廳，直覺之下兜到去山上面嚟到依間餃子源。招牌有氣勢好吸引人亦都擔得起呢個招牌。 你一坐低會警告你如果係煎餃嘅話會好黑咁整煎餃係真係好大陣燶味係缺點嚟嘅 而且事後都會感覺好熱氣 當然都香口喇。但係其他嘢就無敵啦叫個蔬菜呢就清新麻油味適當。叫山楂茶呢就比酸梅湯冇咁涸喉而且好潤喉。叫咗茴香京蔥西洋菜同埋蘆筍。點解我唔講係咩肉呢因為佢全部食落都係蔬菜香味由頭帶到尾係好過癮。 西洋菜比任何一間食過嘅都濃，茴香就好甜。 勉強有爆汁嘅。最後講下肯定係全香港最過癮嘅辣椒醬點解呢?因為佢呢個睇落特別黑嘅辣椒醬呢係我食過最唔辣嘅。 搽滿一隻餃子都冇譚仔嗰啲小食咁辣,呢度辣椒醬可以盡情享受辣椒嘅鮮味同香味。

今次我地黎到餃子源諗住試多幾款唔同味嘅餃子，所以全部餃子都叫左半份，即係5隻餃。我地分別叫左以下幾款水餃🥟：韭菜豬肉餃 ($31)：食餃子其中韭菜係必食嘅！韭菜豬肉餡味道唔錯，韭菜嘅香味幾濃郁，就咁食唔點任何醬汁都好夠味😋麻辣京蔥牛肉餃 ($33)：鍾意食辣嘅我地一見到餐牌上面嘅”麻辣”餃就即刻叫黎試下啦😍 麻辣味唔會蓋過左牛肉餡本身嘅鮮味，又令到水餃更惹味，唔錯鮮蝦韭黃豬肉餃 ($35)：蝦味道正正常常，唔算話好有鮮味嗰種，但就勝在夠彈牙。連埋韭黃豬肉餡一齊食係夾嘅，再加埋餐廳嘅秘製辣醬一齊食味道更昇華。京醬茄子 ($32)：依道菜係冷盤黎，茄子面頭鋪上蒜蓉粒同辣椒絲，再淋上京醬，味道甜甜辣辣，係幾好嘅開胃菜 我地每人再叫左杯飲品，分別係山楂茶同埋豆漿，都係$10杯，抵飲又好飲~

係附近上堂放lunch得一個鐘，仲要預來回travelling time，都係食啲快又飽肚嘅野就算。雖然呢啲放時間一定要同人逼又要等位架啦，本身諗住博下冇咩人食出名嘅samsen泰麵。點知多人到要等位，無奈放棄。店鋪裝修保持翻舊有裝修，一行入去就feel到老店嗰陣除。門口仲有唔少日文嘅介紹，唔知呢間係咪係外國游客好受歡迎嘅呢?等位唔使好耐，反而外賣嘅人仲多。要左十隻京葱羊肉餃(＄50)，餃子大大隻嘅，餡好足料又飽滿，咬落好有肉汁，係多到會流出黎嗰種。湯底冇咩特别，唔會死咸。餃子調味夠嘅，但同甜記嘅同款比，佢冇咁重香料味。羊肉同京葱比例啱啱好，真係要彈嘅話係京葱有啲硬嘅位佢都放左入去，變相口感冇咁好。餃子皮滑身但夠薄，存在感唔強，唔會成口麵粉感。食落其實都唔錯嘅。