北京酒樓 (已結業)

每次必食山東燒雞,白切肉粉皮,水晶肉,蒸水餃等等,真係久唔久就想去食番佢架喇.比起某集團北X樓,呢度真係好味兼抵食得多.有時一大棚人去叫個套餐再想加D野食,D伯伯就會同你講個套餐已經夠食,再加野就會食唔哂,唔會好似其他酒樓咁唔理得你咁多.

黎過好多次,呢度既食物的確幾有水準,唔好睇d伯伯好似好cool咁,其實好多都好好人好親切~上次食到尾時我話d高力豆沙唔熱,有個好風趣既伯伯即刻話"嘻,食住先啦,一陣再比過d熱辣辣既比你,要多多都得!"'tum'到我同d朋友鬼咁開心,哈哈...我最鍾意食佢地d餃子呀,薄餅呀之類,心頭好係蒸素餃,荷葉餅同家常餅(不過d餅餅有時水準有欠穩定),山東燒雞都好食,差唔多次次去都會叫,其他食物都ok,不過有時都幾油..價錢唔貴,但最好有四人或以上去,可以試多d野嘛記得七點半前去到,如果唔係實排餐死=p

Very Local Peking Cusine, taste good, price right. However, they dun accept credit card, get your cash ready when visit!!

佢o係佐敦周生生側邊有條窄窄樓梯上去.果然名不虛傳好鬼死多人等,book o左位都要等2-3個字.<br>點o左6 樣送o左個甜品:<br>1)窩貼-好味有少少油,外皮邊(頭)唔會厚好香脆.<br>2)蒜茸炒露荀-正!正!正! 好味到不得了!蒜茸香,露荀爽甜.好味到震!<br>3)糖醋魚塊-ok啦,如果d 汁多返dd 會更好.<br>4)燒餅夾雪菜肉碎-燒餅比較干同硬o左d,而雪菜肉碎唔夠冶味,不過食佢好飽肚.<br>5)鎮江排骨-可以喇,佢d 汁好味,加落d 件"燒餅夾雪菜肉碎" 度,令件餅起死回生.<br>6)賽螃蟹-無咩o野太特別.<br>7)豆沙窩餅(送o既)-ok啦<br>6 個人共7 樣o野兩個飯共$4百六十幾,好鬼底食而d 夥記阿叔做野好爽手,態度都ok,唔錯呀!

呢度d 菜相當有水準, 首先當然係填鴨啦,少少肥幾咁香, 可惜唔夠熱, 都係o係北京食的比較好食, o係香港食過咁多間算差唔多最好啦.<br>山東燒鶪差唔多每桌都有, 好惹味, 送銀絲卷好好味.<br>蔥爆牛肉都做得相當唔錯,的蔥好香, 夾落的燒餅度食就一絕啦. <br>黎呢度唔好叫飯,叫北方主食較好, 好似山東大飽呀, 銀絲卷, 燒餅呀咁, 又新鮮又好味.<br>呢度食完後次次都送甜品仲要次次都係高力豆沙!!!<br>不過我覺得呢度個拔絲香蕉做得唔錯, 的糖漿真係包住晒d 香蕉, 個面好脆入面香甜.唔會好似有d 酒樓做到舊蕉水汪汪咁.<br>呢度個廋廋幫人安排坐位個阿叔幾寸o架,人多的時候真係會叫你唔好等, 著西裝去同著便服去又有分別o個喎,所以去之前記得訂位呀, 不過入面d 阿伯又幾nice 喎, 仲會教你點菜, 唔好食o個d 仲會叫你唔好點(可能係廚房唔想做), 估唔到d 阿伯做野都好快手, 上菜落菜都好快o架, 服務ok 架.<br>環境幾舊,不過幾乾淨, 但係幾嘈仲

要數香港地食北京菜出名既鋪頭，北京酒樓一定係三甲之內。不過論環就境認真麻麻，一來o係架步林立既唐樓裏面，二來間鋪頭既格局充滿懷舊feel，好似去左唐人街d 食肆咁！不過係咁既環境可以屹立不倒咁多年，就知佢d 野食一定有一手。片皮鴨固然拿手，唔肥唔瘦，有鴨既騷味同甘香，配埋薄餅同大蔥同食，真係一流，不如如果d 片皮鴨熱辣辣d 就更完美。另外手撕雞同三絲粉皮都幾唔錯，前者用鼓油撈到d 雞入晒味，後者用d 麻醬同辣醬一齊撈黎食，令到d 粉皮更嫩滑。連饅頭都有好多選擇，有蒸，有焗，有炸，當中就以焗最討好，個面焗到好似麵包咁脆卜卜，裏面就保留左饅頭既香甜同軟滑，幾唔錯。不過有味北菇毛荳茄子就好唔掂，成碟菜起碼有半碗油，睇見就唔想食。<br>其實呢間鋪食物水準真係唔錯，價錢又算合理，維起每人都係100 鬆d 蚊度一餐。不過基本上7:00 過後就出現人籠，排到連樓梯都係人，o個種人山人海法都幾嚇人，有心食野就要早d 去o拿！

呢間之前都有去食過幾次﹐D野食好味ga,最慘要等位﹐仲要D伙記見你都應該排吾到啦勸我地快D走team,最近o個次係上個禮拜五﹐就真係好多人﹐連D訂左位o既都要等﹐我地諗住八點幾無咩人啦﹐點知排到成條樓梯都係人,跟住我地咪等左40分鍾到啦﹐巳經有人叫我地走la,?話呢度個個排緊都訂左位ga,點知o個日就走左第度食lor。其實我最想食係山東燒雞﹐同埋佢食完有甜品送ga,我食過有杏仁豆腐同豆沙鍋餅﹐好味ga。如果要食﹐下次早D至得﹐最好就訂位啦!!!

What is your e-mail address?

好耐無去啦, 有成兩年啦, 琴晚舊地重遊~三個人, 叫o左:1) 山東雞- 好入味, 睇個樣好似好鞋, 但又唔係喎, 少少啦~ 一大碟, 全部清晒!! 成碗汁要倒晒落去先好食架~ 2) 炒管"庭" - 管"庭"好爽, 但係太少啦, 西芹同大蒜就多~3) 京燒羊肉- 好酥呀! 正! 不過好肥好多膏~~4) 砂鍋津白- 當湯飲o架~ 有津白, 豬肚同雞肉~5) 蒸水餃- 好多肉汁~ $18有10隻, 抵食~依舊每人送一個高力豆沙~ 友人話好實, 但我同另一位友人覺得幾好喎~ 埋單$310~8:30pm已經無咩人, 得七成滿~ 可能係星期一o既關係啦~值得一讚o既係個女廁都既乾淨喎~ o係舊式酒樓好難得~

這裡的涮羊肉好正..同係北京吃的不相百仲..0的伯伯仲會好細心教你點0羊調配那"DIPPING"..都係津白同羊肉最好..牛肉同黃鱔片都不太match個汁。 <br>個燒餅都好特別...仲好抵食tim

I remember going to this restaurant for lunch when I was a secondary school student. I always ordered their Ja Jeung Noodles. The quality was always consistently good. The meat sauce was always right (not too salty, not too bland), the cut cucumbers were always crisp and cold enough. However, it is amazing that it is still surviving. This is because their service was really in need of some improvement. For example, they were very reluctant to serve more hot tea when a customer had finished

sorry, I haven't tried it myself but after I read the comment here, I guess I could add mine.I heard about it that it's very good more than 15 years ago from DGS friends who frequently go there for lunch. I seems forgotten about it after this many years. Thanks to other reader's comment so this restaurant came to my mind again. Next time I know where I could have dinner with my friend as I will sure try this Peking Restaurant.

佢D裝修格局好似去o左歐洲唐餐館，雖然地方細及比較舊，但好多人食又要等位。佢d野都唔錯例如：燒餅、炒拉麵、賽旁蟹、雜錦砂鍋等等，仲送飯後甜品高力豆沙我們一行四人叫了6樣野，只是四百幾蚊。尖沙咀個間新洪長興，已經算平，但佢仲平，我相信我會再o黎幾次。

食物真係好好味,所以常常幫襯,每次必吃的有白切肉粉皮,山東燒雞,北京填鴨和沙窩津白等,真係令人回味無窮,而價錢亦很合理,比起什麼集團的北京樓真係抵食同好味得多.

由於之前打o左電話上去,所以唔係等好耐...5 個大人,叫o左7 樣o野,份量冇多冇少,又好味,聞說開o左好多年,水準的確係有番咁上下...最後仲送豆沙沙翁,個侍應叔叔仲送多3 個俾我,仲有時過o黎傾計,埋單300幾,叫做抵食~食飯食得好開心!