北京王府水餃 (已搬遷) 新店位置

之前已經想來王府, 剛巧今日出開中環, 便順度來吃餃子.點左韮菜豬肉餃, 鮮肉津菜餃, 羊肉餃同豆苗餃. 豆苗餃很有豆苗味, 喜歡豆苗的人會很喜歡. 其餘三款餃子也有一定水準. 本來我仲想試這裡食家推薦的番茄蛋餃及電台人蘇施黃推介的茴菜餃子. 只是番茄蛋餃要在黃昏六點後才供應, 而茴菜餃子更暫時沒有供應, 唯有等下次吧.我仲點左一個驢打滾(甜品), 但我覺得平平無奇.這裡的老闆娘同員工都說得一口流利的普通話, 而我和她們對答時, 我也說普通話. 或許這個緣故, 她們全程也跟我說普通話. 另外, 老闆娘今日火氣很大, 不斷用普通話責罵她的員工. 所以, 今日我除了吃餃子外, 也給予我一個練習普通話的機會(聽同講兩方面).

10月20日六點度黎食, 叫左5隻蕃茄雞蛋餃($14), 1件豌豆黃($5), 1件驢打滾($5), 送豆漿. 蕃茄雞蛋餃今次胡椒味好重, 無之前咁好味, 豌豆黃同驢打滾就依然係心水必食, 豆漿今次比之前甜, 之前鍾意呢度d豆漿就係因為佢低糖唔太甜.

手做餃子皮薄餡靚又多汁, 我中意蕃茄雞蛋餃。

可惜"只此一家"已經摺埋了, 我都好鐘意0個度d麵0架...

陪個friend食, 好強調唔落味精感覺一般, 但幾抵是叫任何野食都送豆漿.

我幾鍾意呢度個麵同水餃皮，幾有咬感。食左個羊肉水餃，好有羊味，兼且幾多汁，好食！但根住食左個津菜餃，因為之前個味好濃，相對之下就淡味D。仲試左酸辣湯底，普普通通啦。暫時黎講，我覺得新蒲崗衍慶街個間「只此一家手拉燴麵」的酸辣湯底最好味~呢度的豆漿幾好，差唔多無糖，仲幾有豆味。

見呢度食評唔錯，尋晚行過就買左兩打生水餃返屋企自己整，另加$10兩舊驢打滾揀左四種水餃，每樣半打，分別係'九'菜豬肉餃,津菜餃,海參豬肉餃同鮮蝦帶子'九'黃餃. 未煮前見所有餃都好新鮮,應該係即日整,啲皮好薄好軟熟. 個人口味問題,食北方水餃我喜歡厚皮煙韌一點,像北京酒樓個o的,呢度既餃皮就較薄唔煙韌,同埋啲餡好咸下，食完要猛飲水. 味道就十分一般,津菜餃o的味好怪,而且o的齋餡料切得太碎影響口感，唔好食.海參餃完全食唔出有海參,鮮蝦帶子餃ok啦但冇乜鮮味,九菜餃已較好.至於個驢打滾其實好薄既糯米皮包住啲荳蓉,外層coat左黃豆粉,講真賣相都幾肉酸,一團啡色野咁,而且太多荳蓉(雖然唔係好甜)糯米皮亦久彈性,我唔係咁鍾意,只係食左一啖,妹妹就話ok.呢度o的水餃都唔平,一碗十隻水餃平均都成三十蚊碗,但味道就真係有o的失望. 不過有個操北方口音既女店員好有禮貌,我望左餐牌好耐佢有好有耐性同我講解,又建議我試邊隻,我見佢做野都好勤快,反而係個肥肥地既男人(可能係老闡)就淨係掛住現個手提電話,黑口黑面咁,態度麻麻

我都食過呢度o既驢打滾呀!不過唔知係咪心理作用,我覺得有少少香蕉味,好似食緊豆沙餡o既香蕉糕咁!不過都幾好味!

通常黎食都會叫碗餃子再加甜品。餃子通常叫是日推介，唔錯啦，夠多餡又夠味。甜品除左窩窩頭都試過晒。最鍾意豌豆黃，好滑又唔太甜，同驢打滾，豆沙唔太甜糯米夾層夠薄又軟滑。另外0個隻用糯米做餡既就太甜啦。甜品同餃子都可以逐件計，0岩晒有時自己一個搵食。

佢係好正宗o既北方水餃...d皮真係手擀...而且老闆娘好好人, 每款水餃你想order幾隻都得, 佢可以斷隻收費!咁o既服務態度,邊度揾呀!

在王府餃子店的斜對面有這間叫菜吃飯的同名店。今日與同事到來，叫了栗子炆雞同龍井蝦仁。栗子炆雞炆得幾有火侯，雞肉都幾入味，加上栗子味醬汁送飯都唔錯；龍井蝦仁就炒得唔夠清爽，幾油膩，可幸蝦仁都幾爽口，都算有茶葉味，係唔係龍井就食唔出。埋單七十幾，算OK。

呢度食麵選擇不多，反而對餃子興趣大D。叫了蕃茄雞蛋餃子，餃子皮不薄，有D林，一碗十隻想唔飽都幾難。茄蛋作餡幾好食，又幾特別，起碼未食過。三十蚊有點兒貴，食佢地的王府餛飩都只係23蚊。

以前食過呢到啲麵,真係唔好食,亦唔見得有咩東北風味,無謂去

有水餃、冷麵、小食同甜品，不過出名食水餃，所以水餃好多品種，一碗有10隻，食完好飽，味道一般啦，反而最特別的係一個叫“驢打滾”甜品，糯米卷住豆沙蓉，口感有少少似日本的子，不過好清唔甜又唔漏。