北京清真牛肉館 (已結業)

因M小姐遲遲未收得工, 臨時lunch局就番佢係九龍城, 好耐無來過呢頭食飯, 本來想食泰菜, 但發覺去開個D唔係未開就摺左...同一時間我地既目光都比佢既招牌吸引住...兩點幾入到去人都算多, 剛巧有張二人檯埋單, 睇餐牌無咩心水, M小姐個人比較齋, 所以佢好快決定叫個咖哩薯仔($38)再加個蔥油餅($20), 咖哩薯仔好快到, 份量都幾大碟, 咖哩汁杰身色濃但唔算香, 薯仔個咖哩味唔太入到, 食到中間位甜甜地同個咖哩味唔係好夾. 而個蔥油餅餅皮有D似酥皮, 咬開一層層, 蔥油味唔夠香, 入口仲有D粉粉地.試過呢兩款味道都唔係好對胃, 本來想試多幾樣但依家已經無咁既心.衛生方面飯碗換左幾次都係仲有飯粒黐係面, 要勞煩M小姐親自出去幫我選隻乾淨好多年前食過同街另一間牛肉館, 仲記得佢既咖哩同牛肉餅...

呢度開0左咁耐都未0黎過, 今日夜晚一行4 人0黎試. 0係Openrice.com 見到呢間d 口碑好似咁差咁, 都有d 擔心, 不過食完之後, 又唔覺好似大家講得咁差喎, 除0左牛肉餅之外-_-" :- 牛肉餅: 比隔0黎清真差好多, 雖然入面一樣咁多汁, 入面d 牛肉賣相一樣係咁, 但d 汁味道得個鹹字, 無乜牛肉味; 層皮仲衰, 厚得不能接受, 咬到我"牙教" 軟>_<- 蔥油雞: 招牌菜, 果然好好食... 雞肉嫩滑, 有鮮雞味, 蔥油就好香. 推介!- 咖喱羊/雞(雙拼): 咖喱汁好香, 比隔0黎清真辣, 都唔錯; 雞唔得, 又0鞋又鹹; 羊腩就好夠腍, 夠肥又有少少羶味, 好食!- 牛三拼: 即鹵水(?) 牛肚/牛筋/牛(月展) (?) 拼盤... 三樣中以牛肚最掂, 好爽! 牛筋好似0者喱, 食落肉味濃又甜甜0地咁, 唔使蘸汁都好好食; 牛(月展) 都唔錯, 好腍, 不過乾0左少少.- 蔥油餅: 等了超耐, 仲差d 俾悔氣阿姐cancel order, 真係... -_-" 蔥油餅新鮮煎起熱辣辣, 好鬆化, 唔錯! 要0黎蘸咖喱汁非常好食.

曾嚐過清真牛肉館的牛肉餅，非常難忘!端午節諗住同bf去食啦.. 架車經過已經見到大排長龍。o係好熱又有d餓既情況下，終於去隔離試呢間阿二。咖哩牛腩麵-- 麵無特別，咖哩都ok不過對我黎講都有過辣，牛腩有d林有d un... 算ok啦.小籠包-- 之後先知係牛肉小籠包! 有汁可惜個皮厚同硬，只論味道還可以..牛肉餅-- 等左好耐先有，其實都幾好食既，但係同隔離一比還是被比下去... 清真果d牛肉好味d.... 呢度感覺上出菜好慢，所以人客既流量亦好慢。做阿二唔應該諗住執死雞而係應該想青出於藍!希望佢有進步啦，但係下一次我都係寧願揀non peak hr去清真...

今日同朋友黎呢度食晚飯大家都傻更更的唔知食咩好於是就睇左牆上既廣告(1)牛肉餅(2)咖喱牛腩我地就叫左以上2款黎試再加個粉皮雞絲，四川担担麵，小龍包，雞絲冷麵及紅油炒手(1)粉皮雞絲---初次食都幾好味，但越食越漏(2)紅油炒手---真係好味。(3)小龍包----啖啖都係汁.....又係好味(4)四川担担麵-今次水準差左，可能佢落左d花生醬多了(5)雞絲冷麵-個個食左一啖就冇食因為太多花生醬好漏(6)牛肉餅--又話好出名既...不外如是啦...都唔係新鮮既....又咩特別.....好似放左好耐而拎比我地食(7)咖喱牛腩---唔駛講...唔好味....我地冇咩人食...最後投訴埋個女人，冇禮貌，白鴒眼，狗眼看人低，我地一行七個人，只叫了2個牛肉餅share食姐...好似好唔老黎咁,死都叫我地要7塊，我地死都唔要佢落完單就冇再招呼我地，叫佢拎刀比我地，當聽唔到...完全唔識得做服務員。

只買了兩個牛肉餅﹐等了3分鐘。。。味道不錯啊﹗有70分﹗不要管它是真的假的店﹐食物好吃﹐服務態度好就好了﹗ps.從外面看到廚師做餅啊~

今日食過,唔錯。特別個「牛三鮮」好好食。

自從分左兩間牛肉館後，都冇去過，今次去開九龍城，諗住試下啦！我都驚佢多人，所以六點左右就去到，見冇乜人，就快d入去食啦！我地兩個人入到去搭枱，隔離兩公婆叫左咖哩牛腩飯，咖哩都ok，但佢地投訴碟飯凍，老闆都好識做，即刻拿去叮返熱，隨後有幾枱都投訴飯凍。我地叫左咖哩羊腩，牛肉餅，蔥油餅，小籠包同牛肉麵。個羊腩味道ok，但好細碟；小籠包就非常普通；牛肉麵都ok啦，起碼夠快；個蔥油餅同牛肉餅就超耐，我碟咖哩凍晒，個蔥油餅都未黎。最衰就係d侍應，態度同效率都唔得，我地個牛肉餅好耐都未黎，請佢跟一跟，佢望一望廚房，即刻拿碟牛肉餅出黎，點知係比隔離枱。有冇搞錯，明明我地叫先，竟然比人遲黎先上岸，雖然轉頭第二碟都比我地，但係條氣都唔順啦！總括來說，味道ok啦！服務唔掂！唔會再去。

以為舊班低有D料到啦,緣來唔得ge兩個人中午叫左小籠包...牛肉餅....咖哩羊腩飯牛肉餅同咖哩羊腩比較起清真果D,,真係唔得..咖哩比較鹹..可能我叫咖哩羊腩飯...份量少但飯多..羊腩就唔錯牛肉餅個餅口感唔得.....肉又唔係好正好普通...可能先入為主啦...之前第一次食清真嘅牛肉餅果時...真係覺得好好食....小籠包就請我食都唔會再食,,,我未試過係清真食所以唔做比較...今次係第一次食牛肉嘅小籠包...紅肉蒸出黎嘅小籠包顏色唔係太靚...唔重要...最大問題係個皮乾灑...唔知係唔係個皮包得唔好啦..小籠包裏面無汁ge...叮叮小籠包仲好食...唔得仲之就無下次啦...最多係清真等多半個鐘囉

見到報導話呢度同清真牛肉館差唔多所以同左男朋友黎試下但真係好失望牛肉餅: 個皮好厚, 食落好粉, 肉汁可以接受, 不過都等左幾耐; 平時在正版清真好快食完同埋會有衝動再叫多個, 但今次感覺係食左好耐都食唔完小籠包: 報導話日賣過百籠, 但真係超難食, 個樣望落去勁乾, 有d 皮己經爆左, 連少少汁都無埋, 食落味道同口感都唔ok咖哩牛腩: 應該同清真差唔多, 牛腩都算稔葱油餅: 食落無乜葱味, 口感可以蛋炒飯: 好咸, 口感可以七點幾都只係七成滿, 唔算太多人, 最開心係有免費紙巾供應不過翻版點都唔及正版以後唔會再黎

由細到大都食開清真, 但o個日過馬路時見到咖喱牛肉館個名, 呢個位之前裝修緊, 店明明係新開既, 但硬係覺得熟口熟面, 點解呢？睇完雜誌, 先知原來係舊班底開既。好，俾分：環境：雖然面積細過清真牛肉館, 但由於人比較少, 坐得幾舒服！仲有位放袋添！而且因為新裝修, 間鋪乾淨d！招呼：有個哥哥好好招呼, 食蔥油餅時仲問我要唔要咖哩汁！至於亞譚生, 都係以前o個個樣, 即係無咩表情咁。食物：選擇大致上同清真差唔多，我地三個人叫左：1. 牛肉餅x 2 (個皮有d位厚, 有d位薄, 但都煎得幾靚, 牛肉多汁, 熱辣辣....但等左15分鐘)2. 上海炒粗(炒得好香, 夠味, 唔算好油)3. 蔥油餅1 客(最好食！勁多蔥, 好脆！！)4. 鍋貼1客(呢個都好味！唔想食牛肉餅, 推介食呢個)5. 咖喱牛腩粉絲湯(d牛腩唔算"林",口感一般, 但個咖喱湯辣得黎好香，飲左一半，好味！) 價錢：埋單一百三十幾, 幾抵食！總結：如果佢可以加快整體上菜既速度, 我一定會o黎呢度！因為實在唔鍾意清真人少時好食, 人多時難食既不穩定質素, 而且好多時見你人少就迫你坐樓上！真係唔想食餐飯要用手爬樓梯囉(如果上過清

記得上次去清真食完後，行前幾個鋪位，見到另一間"清真"，不過呢間新淨好多，再望真D，門口嗰個大叔不就係以前係清真做嘅 ? 睇完雜誌介紹後，發覺自己並未老眼昏花，呢度確係以前清真嘅班底開嘅...趁今日要落九龍城辦私務，就落嚟捧吓場...門面寬落好多，大叔仍然係度坐陣。例牌叫個咖喱腩跟飯再加個牛肉餅...飯大大碟，上面仲澆上D咖喱汁，咖喱賣相跟清真一模一樣，但味道就有D唔一樣--- 呢度嘅咖喱更香更辣，唔錯；但最大嘅致命傷就係配料--- 無論係牛腩、牛根以至到薯仔都係唔太腍，特別係牛腩，差唔多係一路食一路吐渣，不禁大皺眉頭....牛肉餅跟清真一樣，即叫即製，等咗差唔多十幾分鐘先嚟。急不及待咬破一個小洞先啜汁，仍然夠份量，再咬一口餅，皮算薄，牛肉質感淰得過份，葱亦下得唔夠，總體都係隔籬嗰邊好D...我諗下次都係返老大嗰邊la...

發現呢間店係因為有晚食完一個水汪汪的咖喱牛肉, 個皮同餡都唔同左的牛肉餅, 對味精敏感的我, 出到門口已經口乾心跳, 一邊行就一邊講點解唔同左, d味精咁勁, 食左十幾年, 越黎越差, 以後唔黎啦。行到街口, 見到個招牌同個瘦瘦地既阿叔, 佢話d舊伙計攪既, 聽日開張, 未必好食過, 叫我地得閒開左張黎試下喎！佢都係賣咖喱牛/羊, 菜牌都係差唔多, 不過就多左小籠包。叫左咖喱牛肉飯, 好大碟飯, 仲主動問你要唔要加d汁。牛肉餅係以前的口味。酸棘湯, 幾多料, 夠酸夠棘。牛絲炒麵, 交到貨。小籠包一啖咬落去, 原來係牛肉餡喎, 不過幾香幾好食, 又唔會一味一大泡湯, 個包皮都做得好好。幫襯左兩次啦, 都唔覺有味精敏感, 食物就係舊時的味道, 咁又真係未必好食過以前, 但就一定好食個宜家。不過入到去有句歡迎光臨, 坐低無話無人都要你坐埋一枱, 又唔會企係到迫你快d落單...埋單兩個人六十五蚊, 仲有句多謝哂, 下次再黎呀!