北京清真牛肉館 (已結業)

牛肉餅($20-2個) --- 幾好食，外皮乾身，但裡面足滿住肉汁！牛雙併(牛肚同牛筋) --- 都幾好食，幾特別！咖哩牛腩飯 --- 就辣咗D！

在公司最後兩天，冇野好做，唯有上網同朋友吹下水。好食之徒話有間鋪頭牛肉餅好好食，即刻引到我落大雨都要行去搭Van試下。叫左個牛肉餅 X 咖喱羊腩麵。牛肉餅多汁而且夠熱，唔算好有香料味，但係......易凍左少少Wor@@"至於後者，湯底用骨熬自然唔差，但係，羊腩太辣啦，我的嘴變了孖腸>.<"雖則咖喱味都還好既。有樣野其實佢地要小心，就係公司食飯雖則較Friendly，但拎部手機任影對食客可能有不安感覺。之後回家同佢地匯報，一講之下，已經知出事。「你點解Off得咁快，你好明顯去錯地方啦.......爭好遠Gar@@"」係？搵日去返正店再試。

記得第一次去是去年掛八號風球的時候,原本打算去"正牌"的清真牛肉館,但~因沒開~我們見到前少少有這間,便入去試一下,這間食肆已去過4次,印象良好,次次叫小籠飽及牛肉餅,都見到有師傅即時包,即煎或即蒸的~真正的新鮮熱辣,又不用像"正牌"的那間,要等位咁煩~ 今天一行十個人去,因大家都不是太肚餓的關係,主要叫小吃~雞肉雲吞-->>湯底幾好味~咖哩雞-->>>夠辣,雞一般~牛兩味~凍食的--->>十分好吃的牛筋,好似啫喱一樣清真牛肉餅-->>爆哂肉汁,正~雲吞雞-->>一般,不過不失小籠飽兩籠-->>肉汁豐富蔥油餅-->>放了很久才吃,都仍然很熱很脆~超讚~埋單 460元,平均每人46元~照片參考 : http://hk.myblog.yahoo.com/kitypanghk/article?mid=3630

原來吃了翻版牛肉餅!!牛肉餅沒甚麼特別, 一行三人吃完都沒有聲出。本打算每人吃一個就算了, 出去埋單時, 原來有設每人最低消費.....20元不是吧, 只好死死氣回去再點菜, 發覺沒甚麼好吃, 還有一個侍應在旁, 不時走過我們身邊" 喃嘸喃嘸" 內容是" 要豆漿吧, 3 枝30元剛夠最低消費"我們在決定前, 她走過來最少4-5次, 十分煩人!!!!!最後叫雞肉水餃, 無特別,不好吃, 而且等了十多分鐘才上菜, 他們是否在我們點菜後才開始包水餃?吃完馬上離開, 還沒有人收錢, 我們放下單和錢就走了, 不想見到該店的人太差勁了!!

同一條街的另一間清真料理，一直無衝動要吃呢間，可能是當街尾的老店爆場要等飛入坐時，這裡的師傅卻是企定定等客落單。是晚只試一味，牛肉餅。即叫即煎，若等了十五分鐘，筷子一夾，是爆汁的牛肉餅，餡味道很正路，吃落口亦鬆軟，但，看真點，包與牛肉之間有著3cm的空間，很抽離，皮有皮吃、餡有餡吃，皮亦搓得很厚，口感是說不出的怪，這大概解釋了拍蒼蠅的原因。

落了車行少少即看到“清真牛肉館”的牌匾，還以為揾到了，就興沖沖地行入坐低，誰知…吃“著名”的牛肉餡餅（$20）時即感到不對勁，因為味道并不算出色，憑什么成為招牌呢。汁算是夠多，可油就好似更多，實在很膩。這倒令我更加期待“真店”的出品了。好在又叫了雞絲麻醬涼面（$26），要話北京風味，這款絕對對辦。麻醬被調得略稀又偏咸，就幾適合個人的口味了。雞絲鮮嫩又切得細，份量十足。可是黃瓜（青瓜）絲就嫌太少，三兩口就解決掉。雖然不是“真身”，但難得的是“北京”二字的體現；縱然不如那些精致的西式甜品叫人滿足，卻有種莫名的親切感。令我想到的是中學斜對面快餐店的三絲冷面，那些令人津津樂道的故事就此展開，又結束。

1.招牌牛肉餅2件$20 ~ 個人認為比清真牛X館好味,牛肉份量及肉汁也較他們多,而且不會趕客咁款2.咖喱羊腩麵$34 ~ 麵同羊腩是分開上的,絕對不會溝淡咖喱. 羊肉每舊都黏著根的.

一心要試呢間, 叫左牛肉水餃, 砂窩津白, 咖哩雞, 蔥油薄餅牛肉水餃: ok, 有肉汁, 類似牛肉餅的餡砂窩津白: 係我食過有史以來最有趣的砂窩津白, 有雞胸肉, 牛肉同牛肚的, 味道非常好(esp牛肚)咖哩雞&蔥油薄餅: 都有水準, 當食唔晒打包時仲添左好多汁, 正所以唔好理邊間係正版, 邊間係翻版, 好食, 有位坐, 有招呼先係重要呀

原定和朋友來九龍城清真牛肉館晚膳，奈何太多人了!最後退而求次幫襯龍崗道23號地下的北京清真牛肉館(轉了名麼?!? 因為原名是叫-- 咖喱牛肉館! )。和清真牛肉館相比，北京清真牛肉館顯得相當冷清。不管了，點菜!基本上除了牛肉餅外，其餘菜色均達應有水準。牛肉餅雖然是熱辣辣，可是皮厚粉多少汁，頗失望。要吃牛肉餅，還是正牌清真牛肉館好。

巳經是下午3時, 清真牛肉館仍是要等位, 就試試這裡吧.食了牛肉餅及牛肉湯水餃, 牛肉餅一樣多汁, 夠熱夠新鮮, 牛肉餡亦足料. 牛肉湯水餃, 牛肉湯有少少牛肉“so”味, 個人鍾意“so”味, 唔錯. 水餃餡亦多汁.因是下午茶, 只試了很少款式, 以這兩款來說, 味道與清真牛肉館沒什麼分別, 不用排隊, 亦覺得這裡服務員較有禮.

兩間清真都在同一條街，舊的那間成日都人頭湧湧，無位。我無耐性，多數會去另一間，感覺上樣樣o野都差不多。不過就係無咁多人。中午去，例牌都吃牛肉餅和咖哩牛腩飯。有一定水準。(可能舊舖會好吃一些。)今天試過吃麵，是那些上海麵的那一種，不太好吃。

只係試0左個牛肉餅, 多汁餡足, 層皮又唔會腍晒, D汁又唔係好油, 幾好食0丫~亦無漏汁的情況出現喎~個人覺得水準不俗呀~個牛肉餅~只係D侍應態度不是太好...環境又唔係咁乾淨咁啦...

見清真牛肉館咁多人，咪求其入哩間試下....點知，哩間只不過係一間食小菜的普通餐廳。牛肉餅向侍應手上遞果黎，見牛肉汁漏到成碟都係，個皮又點會"趣"，就知佢對食物質素要求不高啦.....其他，不值一提

食完LUNCH 感覺未飽我就去北京牛肉館買牛肉餅食完的感想:同清真牛肉館根本無得比較牛肉餅根本無汁好心唔好係同一條街開啦

星期六晚一行五人嚟九龍城食清真牛肉,見原舖好多人, 附近又開咗間分店, 見分店門口阿叔以前都喺原舖做落單嘅, 唔會有錯啩, 咪去分店試下囉, 點知~叫咗牛肉餅、砂窩雲吞雞、咖哩雞牛雙併、薄餅、雞肉水餃, 仲有蛋炒飯同白飯各一碟。砂窩雲吞雞同咖哩牛都OK嘅, 其餘真係麻麻,我阿媽仲話連D白飯都唔好食!埋單$318以前一直去原裝正版果間舖頭食開, 真係好味好多,呢間包無下次。