北京樓 (MOKO新世紀廣場)

營業中

休息中

行完花墟及雀仔街, 再行埋新世紀廣場, 剛好食晚飯, 不過呢度限時1:30鐘, 揸緊時間叫咗以下嘅食物👇：🍽️肴肉👎肉質又梅又淋, 啫喱狀鬆散,似 午餐肉嘅味道🍽️揚州小蔥蛋蝦仁炒飯 $132👎飯炒得一粒粒幾乾身靚仔, 虾嘅比例好少, 大部分都係類似火腿腸嘅物體, 其實佢碟炒飯改錯名囉, 因為佢主要係用火腿腸, 所以應該叫做 “火腿腸炒飯” 先啱, 呢碟飯要成百幾蚊, 絕對呃錢🍽️上海生煎包(五隻) $78煎得算靚仔, 生煎包皮嘅質地正常, 內裏嘅豬肉餡料乾身, 質地鬆散🍽️點心拼盤 – 蒸 $130🥢蝦餃蝦餃皮比較厚, 蝦肉爽彈, 不過唔算鮮甜, 餡料比較乾身🥢燒賣燒賣豬肉比較淋身, 冇乜咬口感, 唔算juicy🥢松露上素果外皮厚身, 粉果上面嘅松露味道唔算香, 餡料味道清新 🥢菜苗餃蝦肉爽彈, 味道可以, 不過菜苗唔多🍽️點心拼盤 - 炸 $130🥢蘿蔔絲酥餅😋熱辣辣超好味, 外層酥脆, 內層蘿蔔絲餡料芳香清甜🥢芋角外層芋角飛絲比較硬, 芋頭味唔濃, 裏面嘅餡料正正常常🥢鮮虾春捲春捲皮厚而炸得硬身, 內裏嘅餡料唔多餐飯最正就係蘿蔔絲酥餅👍, 最呃錢就係那個蔥蛋蝦仁炒飯👎, 檯與檯之

好耐以前同屋企人食過元朗間北京樓，記得個時食既烤鴨肥美多汁，近日行過沙田見到北京樓，一時口痕就入左去食，結果真係難食！食物方面我地叫左個4人餐（$888），認真呢個價係幾抵，然而，食物方面無一樣係打得～前菜（冷豔三併）難食到震，個茉莉花茶煙素鵝真係搞唔綻，一大陣煙灰同燶味。前菜既角色係開胃，但佢完美咁封左我個胃🤪。雲腿花膠雲吞雞湯咸到乜味都食唔出，飲完要博命灌水，雲吞足料幾好食。松子黃花魚，失敗！眾所周知黃花魚係海洋十寶之一，肉質鮮嫩。然而，呢道菜完美浪費左條魚！！條魚明顯炸過龍，魚肉有d鞋，外皮好硬仲要有浸臭油味 烤北京填鴨係今日既主角，講真，唔好食🤣鴨肉鞋得黎又瘦，無乜鴨香味。食完第一舊都唔想食第二舊🤧（同埋我7點20分已經叫員工烤左隻鴨先，結果8點40分先上呢隻鴨，大家都食飽哂先上🫠）估唔到成張枱唯一食哂既菜係瑤柱蛋白炒飯（足以證明其他餸菜幾唔太歡迎）🤧 炒飯炒得幾乾身香口，同出面酒樓一般水平。

我見到有人食完介紹呢一間舖 我男朋友之前講過想去食片皮鴨 雖然大陸平啲不過冇得返去 所以就帶咗佢嚟呢一間舖頭度 食中式嘢～食兩人午市餐 買單四百幾蚊 有七道菜 頭盤沙律有 胡麻醬雜菜蘋果沙律🥗之後有個時菜鮮魚羹 北京宮爆蝦球 北京填鴨小聰拌麵 灌湯小籠包 桂花酒釀麻沙小丸子種類多味道好食 可能平時小食中式嘢 所以都覺得呢一餐幾特別 男朋友覺得喺香港食來講價錢都算抵 種類豐富買單嘅時候 同一張卡碌幾次 先成功唔知咩事去到嘅時候見到在場嘅客人較少 啲員工都喺個場度 走來走去巡視 幫客人收碟 雖然同員工之間冇乜交談 但係基礎呢服務都有做到足～

晚餐九百幾蚊價錢，4人hsbc套餐，不過不失，不要有什麼要求，食得落口便可以，一般水準，環境唔錯，其實我發現有個四人餐多約幾十元，不用匯豐卡，食的食物又差不多。此外，我忘記了影小籠包，及每人半件迷你冰皮芒果月餅，但我們不夠飽，所以加hkd80蚊，1鴨2食，此外，再加個蛋韭菜餅，成個餐，最好吃試過蛋韭菜餅，好像$48，出奇的好吃，小籠包，北京填鴨也可以。今晚場內很爆滿，有吉位，因為都算抵食在moko個場。服務員工有禮貌

本來拿了票，等了好久叫了我們下一秒就又叫了下一家，去到話叫我地在等等，我心裡充滿問號.明明我地排係前面 同埋冇遲過，但係比下一家入左先，因為哩個已經好燥，但係都算啦，入到黎嗌咗個餐，話等45分鐘就可以上齊，一邊食一邊等，啲野又油又少又貴又難食，真係冇試過咁.之後食飽了仲有北京烤鴨還沒到，就等啦，點知一個鐘後都未出，問左服務員話等等就會出，之後隔左半個鐘之後，我地見到好多出黎，但就係未上我地，我地問返，先知原來係忘記左，連聲sorry都冇講，哩個體驗真係好差，唔會再黎食咯

以前諗起北京樓，就會諗起佢嘅扁皮鴨每台都會叫一隻。如果咁啱坐喺切扁皮鴨嘅枱附近，會特別開心，因為可以睇到店員點樣切鴨，好似表演咁。不過今次來食扁皮鴨就有啲失望啦😳我哋叫咗一隻扁皮鴨，食到一半嘅時候發現冇晒青瓜。原來佢哋比得一小碟我哋。問侍應仲有冇嘅時候，佢先比多碟。其實青瓜本身都唔係好貴嘅食物，點解唔可以大方啲俾多少少？有啲不解。不過扁皮鴨本身係幾好食嘅👍🏻👍🏻👍🏻砂鍋大蔥大烤魯老排排骨半肥瘦、油脂感十足、魯得好入味、好淋。好食👍🏻羊肉搶湯麵羊肉湯底濃郁、但無膻味。我幾喜歡。整體食物質素還好，如果一開始比多啲青瓜就perfect了。

許久沒去過北京樓了，又看見套餐頗吸引，便打算約家人( ᜊ°-° )第二天去吃晚餐。可是，訂位之後看到近來食評不太好，想改去另一間。後來，本著自己試試的態度前往，竟然喜出望外。服務員的態度殷勤（不知是否之前有些人評論他們態度不好，他們很緊張，反倒唔該前，麻煩後的好好禮貌）套餐中的北京填鴨也恰到好處，不太肥，也不太瘦。其他餸菜（如素翅，鮑魚花膠）味道也不錯。吃過幾個菜，感覺不會中伏，便再點一個之前在openrice內見到有人稱讚過的蔥油餅。熱氣，香氣加上酥脆的外皮，下次一定encore。另外最喜歡的是它的甜品:桂花酒釀小丸子,酸甜度恰到好處，消解了一餐吃得太飽的滯感。我們點了二人套餐，加了一個蔥油餅，三人便非常飽。打算下次會再約朋友去，叫多些餸菜。因為本來沒有打算寫食評，所以沒有拍照，但後來實在太滿意，所以也在沒相片的情況下寫篇食評。

話說好耐以前去過葵芳嘅分店食，嗰陣時比我嘅印象好好所有菜式都好好味。今次因為冇位所以去咗旺角分店，但係明顯今次嘅質素係有啲參差。落單叫咗片皮鴨、欖菜肉碎炒飯、蘿蔔糕、牛肉球～🌻片皮鴨其實肉質係幾好，份量都多，不過有啲改善嘅空間，例如佢嘅青瓜唔係太新鮮，大葱直頭得幾塊😿今次去嘅時候佢會問你要唔要埋個鴨殼，我哋話唔要，佢就會送返一個山菜炒鴨崧～但係呢個鴨崧真係⋯⋯唔係咁啱口味。••🌻欖菜炒飯炒飯普普通通唔係差不過都唔係特別好😝••🌻牛肉球同埋蘿蔔糕牛肉球一般蘿蔔糕厚身味道還可以～不過整體而言同上次食有對比另外建議如果叫片皮鴨，最好多人啲一齊食，我哋四個人食但係都已經覺得好油膩。

N年前，食過北京樓，價格超貴。最難忘當年同事簽咭嗰陣O曬嘴和侍應表演冰與熱糖膠弄出來的生果拔絲。 N 年後，可能疫情關係，親戚推介套餐抵食，況且好久冇食過填鴨，一時興起便去食呀。四人套餐有12度菜。有海蜇、醉雞、小籠包、素鵝、牛展、黃菜花膠螺頭湯、蝦頭帶子、填鴨、清蒸沙巴龍躉、蟲草花翠苗、海炒年糕、酒釀麻紗小丸子。食到好飽，味道水準唔錯。其實這個四人套餐可以5至6個食，實在太多了。可能疫情關係，我們食五點半，大概七點半走人，還有啲吉枱。慣咗早食早回家。其他鋪頭更慘淡，七點半已經大把枱，如川菜、意大利餐廳等。這段時間，除咗日本菜還有人食。之前疫情嚴峻六點後冇堂食，所以大部分人願意早食早回家。不知道是否這個原因。

數以年計冇食過北京樓，今次係有人請先再食，詫異佢居然水準下降咗咁多。再咁落去遲早執笠。我寧願食對面間念川居。講吓佢發生咩事：1）服務訂唔到檯，迫人排隊，GULU App應該係廢咗武功，Click完一大輪入去，先話俾你知冇得訂，又唔俾拎飛。浪費時間。冇得訂好心唔好放Option出黎玩人啦。點餐有一本本既MENU，但入座又無講原來點心要另外响QR Code先有，一啲餸要睇MENU，一啲餸又要睇MOBILE, 兩邊內容唔同。咁都算，仲要點心分咗中國點心同中國北方點心，例如北京菜肉水餃咁，兩個類別都有佢，但係兩邊價、量又唔一樣架喎。User experience 極差。落單姐姐態度差又唔耐煩，分分鐘以為自己前世得罪咗佢。响佢極速收走Menu情況下，嗌少咗嘢，（都好o既。）2）飛蟲亂舞集團式經營應該對清潔有規範，點知成餐有飛蟲仔不斷飛舞。撥極都仲有，好忟。座位已經好入唔靠門唔靠廁所，咁Dirty係發生咩事？3）食物質素北京樓價錢唔平，食物質素一向都唔差，今日食既野卻係極差。生煎包，未掂佢已見表皮係裂開既，咬開入面完全冇汁，好乾，肉已經縮埋一住。好明顯唔新鮮（或者係雪過黎），唔好食。北京填鴨作為招

美心中菜嘅其中一個要員，北京樓聽朋友講，最好食嘅北京樓應該係金鐘嘅分店，真係未試過，反而覺得喺旺角呢一間質素都唔錯，礙於限聚令嘅關係，我哋六個人分咗兩枱，一隻鴨兩份share。數量都唔少，絕對夠食，配幾個小菜已經夠晒飽佢哋嘅片皮鴨係用我哋食開嘅切法有皮有肉，再包住青瓜薑段同埋甜醬，識落口有幾種唔同嘅口感，最重要係佢哋嘅鴨熱辣辣，之前食過外賣，雖然香，但係始終都唔夠熱，堂食嘅好處就係一定夠熱！都係傳統嘅食法最好

今日約咗兩老飲茶 又唔想淨係食點心咁寡 所以就嚟咗呢間北京樓 食個午餐😝酒樓係開十一點半嘅 我地大概十一點四嚟到 就已經見到一條人龍 不過餐廳座位都有好多 一定可以有位嘅😺胡同里蔥油餅呢個蔥油餅係我最推介嘅必點菜式 食落口熱辣辣 外層非常酥脆 入面嘅蔥油香味喺口腔爆發出嚟😋北京八月小蔥拌麵呢個拌麵蔥味就冇蔥油餅咁犀利 不過都食到蔥嘅香 麵條掛滿蔥油 食落都幾有咬口🤓四川擔擔麵呢間嘅擔擔麵係用咗榨菜嚟增加口感 味道唔算特別出色😗蜆蚧鯪魚球有五粒都算幾多 食落口幾腍 值得一讚佢冇乜碎骨☺️豉油皇煎腸粉完全冇味 千祈唔好叫呢碟🤧螺片香菇蒸滑雞味道偏鹹 好重味精 下次都唔會嗌😂XO醬炒蘿蔔糕XO醬幾香 食落有少少辣 蝦米同蛋絲好惹味 最後靠呢啲XO醬嚟配返豉油皇煎腸粉嚟食🤪如果鍾意食蔥嘅朋友一定要叫小蔥拌麵同蔥油餅 實滿足到你食蔥嘅慾望😻

早陣子食buffet吃過一件片皮鴨之後，就發現自己很久沒吃過片皮鴨，藉著慶祝朋友生日，向朋友提議約食片皮鴨！其中有朋友提議來到北京樓，她推介說北京樓的片皮鴨不錯！除了片皮鴨外，朋友還推介宮爆蝦球～～我們還點了小籠包及拔絲蘋果！先上宮爆蝦球，蝦球大大粒，外層脆，蝦仁啖啖肉又爽口！雖然見到有乾辣椒，但辣度連BB辣也算不上，以酸甜味為主，幾開胃惹味！味道幾好，是否正宗就不確定了，因我第一次試這道菜式啊！小籠包 (6隻)，大大粒，熱騰騰的送上，皮薄，肉餡豐富又充滿湯汁，蘸香醋來吃就更能帶出小籠包的肉汁香！！正做堂食填鴨85折優惠，折實約$270/隻。片皮鴨 (二食)，半皮半肉的一片片排好，份量充足！配料有青瓜﹑京蔥及海鮮醬，用溫暖的餅皮，將片皮鴨及配料捲起來吃，餅皮厚薄適中又軟熟，鴨皮的油香﹑鴨肉的軟嫩與肉香，配上青瓜﹑京蔥的清爽，及海鮮醬的惹味，整體好吃又不覺膩！不過放了一段時間，餅皮開始放涼了，就稍稍影響口感。朋友說港島的一家分店，餅皮是一直被溫著，所以絲毫沒這樣的問題。二食的另一款食法是炒鴨崧配生菜， 與泰式生菜包的食法如出一轍，但不太嚐到鴨肉香，普普通通！見到鄰桌點的拔絲蘋果，賣相好適

疫情下已經多年沒有去旺角北京樓幫襯，今日因為去花墟買年花便舊地重遊，再次品嚐於記憶中食品不錯的北京樓。三人點了三款食物1.片皮鴨二食-味道一般不過不失。2.沙爹牛柏葉-沒有沙爹味又靭。3.老北京韭菜撈蛋煎餅（見下圖餐牌）但來到的成品卻由煎餅變炸餅而且不熱（見圖），由於本人之前吃過的不是炸所以詢品侍應，但結果當然只是徒然。每天都有專食片皮鴨的新食店開張，奉勸一句不進則退，客人張咀是最乖巧的！

與朋友“冬至“午餐, 諗住食好少少🥰👇選擇了這個 “午市行政套餐“之前食過“片皮鴨套餐“是四位用的👬🧑‍🤝‍🧑現在新的菜單還有多款兩位用的👯下次必定會與朋友試下這款“必食限定“套餐😉😋每枱必有的開胃前菜一小碟頭盤：世紀二小併京准蔥油拌海蜇頭惹未夠爽口京城糖醋小排骨 糖醋味酸甜適中小排骨略嚴有些乾身口感雪花海皇素翅羹素翅食得安心😍湯羹夠曬熱辣辣, 有啲蝦粒味道有啲似碗仔翅,幾好味😋蜜汁富貴火腿👍包皮夠熱,蜜汁火腿肉質唔太硬加埋個薄脆片, 夾住一齊食口感有層次😋干燒蝦球帶子蝦球爽口彈牙帶子都幾大粒, 微辣醬汁惹味上湯蟲草花翡翠苗無錫灌湯小籠包小籠包內嘅湯汁好有肉味餡料豐富北京六必居炸醬麵麵質夠爽彈略嫌醬汁少咗啲,唔係好夠味鮮奶合桃露太稀及味道淡