北京樓 (星光行)

營業中

休息中

今年2月尾有親戚因為疫情過可以返嚟聚首，諗住帶返佢哋去回味下片皮鴨，一圍9人好期望再可以品嘗老字號，點知換嚟一餐失望嘅食物水準同極差服務。首先服務問題，坐低之後問服務員攞多張櫈放袋，個服務員未聽完已經敷竅話喺枱面有QR code自己落單。另外差唔多食晒都未嚟碟炒菜去追問，服務員即刻答話做緊就出，但過一陣又問我哋叫咗咩菜，到最後都無嚟要取消。至於食物，已經回味唔到以前味道，片皮鴨薄餅完全係凍，但載薄餅個籠會出煙，應該只係裝飾🙄，另外條黃花魚炸到又黑又乾，真係極度失望，除了碟蝦好味啲，其他都係一般，水準可以退步到咁☹️

正在尖沙咀北京樓食晚飯。炸菜肉末難食到暈，全碟嘢，炒得很濕。啲炸菜應是浸水過久，淋而一点咸味都冇。另外一碟醬爆核桃雞丁，雞肉似殭屍肉，只知咀裡有肉，但與雞扯不上関係。蜜汁火腿真是一心改錯名，只有純甜味，没有絲毫火腿咸鮮味。絕對失望的一頓飯。

風沙雞 半隻外皮好脆卜卜，雞肉好多肉汁食落好嫩滑配埋飯一齊食好正。小籠包 6隻小籠包皮薄一咬啲肉汁流曬出嚟，而個肉餡好淋好夠味。黃金蝦球呢個黃金蝦球好邪惡，每一個蝦球都好大粒，而且佈滿咗鹹蛋黃醬，食落好濃郁，入口爽口彈牙，值得一試。咕嚕肉咕嚕肉酸酸甜甜好開胃，豬肉炸到外皮外脆內軟，肉質好彈牙好好食，旁邊嘅菠蘿每一粒都好甜好多汁。賽螃蟹賽螃蟹啲蛋白好嫩滑濕潤，而且食到蟹肉嘅鮮味。什錦炒飯炒飯好有鑊氣粒粒分明，而且炒得好乾身，唔會太過濕。雲吞鴨湯材料好豐富有好多塊鴨肉、小唐菜、雲吞，湯底鮮甜好夠味，鴨肉唔會好韌。

因為有朋友生日，而他想吃片皮鴨，所以昨晚到北京樓用餐，我們點了9人set ,前菜都是些奇形怪狀的東西，然之後吃了三四樣東西之後都發現味道偏甜，之後來了個黃金蝦比較正常，然之後來兩碟毫不吸引的東西有一碟是魚塊，用來填飽肚子可以，用來品嚐可以免，另外一碟就犀利蔬菜拼盤加上玻璃芡汁，成碟嘢好似白灼咁冇味，之後來了個炒粗麵，感覺比茶餐廳都不如，辛苦撐到最後，終於上片皮鴨，味道還可以…全部用餐完畢後送上生果，總括來講，全晚最好吃的是那盆生果和我們帶去蛋糕，呢間咁嘅餐廳偏偏好多人食，我唔明食佢啲乜嘢，實在太難食，而且價錢亦都唔係平，我呢一生人唔會再去第二次

我哋訂了－個大枱，但中午1時多去到的時候，被安排在中間位置，兩旁都感覺擠迫和非常嘈吵，感覺像坐在街邊的大排擋。眼見窗邊仍有大張的枱空著，而且全場仍有許多中和小枱都是空著，所以要求更換，但該位侍應生睜大眼講大話，說那張大枱已經被預訂，只有小枱可以安排，既然她這樣的回答，只好無奈接受；侍應們的態度都係愛理不理，亦不會主動加水，有時我哋揮手仍扮作視若無睹。有見及此，加上旁邊實在太嘈吵，所以很快吃過東西，便在3時多埋單走人，但之前提及的窗邊大枱，－直都是空置著，像和這群冷散的侍應－起在嘆冷氣的。

同朋友一行五人到星光行北京樓用餐，我們是預先訂咗要求了窗口位置。入去的時候覺得裝修好似有點upgrade 了，因為幾年沒有去過，配合燈光，餐廳感覺高大上，而且有大玻璃，可惜我們的位不是窗口只是能看到窗。但是沒所謂，重點應該去返食物嗰度。六點多去到的時候沒有太多人，晚一點差不多全場滿座，但餐廳員工極少，要大聲叫唔該才能找到一個人，因為你揮手是沒有人會看到你，完全不配合裝修。沒有叫套餐，選擇了單點菜式。餐廳定價比較進取，所以都會期望食物有一定水準，好可惜，沒有一樣食物是好吃的，而且沒有一樣是有溫度的。全部不是凍就是室溫，或者微暖。前菜不過不失，但係素鵝入邊只有紅蘿蔔。主菜是北京填鴨，一隻，$488賣相不錯，淨皮和連肉都有，適合不同喜好的人。可惜好老好鞋好柴。而且唔熱！包片皮鴨的餅皮是用一個火爐蒸著，但出奇地每一片都是冰冷的，應該是從雪櫃取出直接放上去，但係每一片疊起阻隔住蒸籠出蒸氣嘅位置，根本沒有辦法將餅皮蒸熱。其實呢一個爐只可以作保溫用途，如果你將凍的餅皮直接比客，直到食完飯都唔會熱。再食第二樣主菜，已經對呢一餐完全失去信心，呢一碟差得過份，啲肉全部好似湯渣一樣，真心難食，但係咁貴都係食

環境唔錯  北京填鴨尖東分店比其他分店景觀好 望到尖東海旁海景 星期日晚上仲可以睇到激光 所以通常窗口位嘅枱已經一早被預訂而且早期裝修完 環境優雅好多 有種中國懷舊古典味今次係慶生飯局 我地16位 分左2張枱提前2-3日訂咗依隻富貴雞 點火之後 用錘仔打開 儀式感😜同埋幾有氣紛北京填鴨 (如果片薄啲就更好）麻醬雞絲粉皮撈起花雕醉雞肴肉,腐皮卷…糖醋魚 （味道ok 不過凍左）東坡肉👍🏻小籠包多汁最後唔夠 我哋再叫多個水煮魚🌶️再食埋蛋糕 好飽🤣

到北京樓同朋友食個生日飯呢度環境幾靜同舒服絕對唔似茶樓個種嘈吵而片皮鴨亦係黎北京樓一定會叫因始終都係出名既菜之一🫢見到好多食評話質素差左一開始都有d擔心但黎到試過又未至於講得咁差喎（可能係我低要求？🤣）一放塊鴨皮入口係即溶嫁喎以前第一次食過知道正路既鴨皮係入口即溶但之後一路都食唔番呢種質感既扁皮鴨雖然就冇我第一次食時咁覺得好驚艷但今次總算可以試得番🥹好感動鴨皮好香脆，鴨肉又唔肥，青瓜配菜加甜醬，襯埋個熱辣辣既蒸皮，口感超正。蒸皮加青瓜配菜係完全中和左鴨既油膩感，飲啖茶又可以食下一舊啦🤪Like❤️

和朋友聚會，煩惱去哪裡，最後提議北京樓，這不是我的首選，但朋友請客，咁就去啦！😂填鴨皮脆，肉嫩，但薄餅皮較硬，醬汁還可以，整體不算有驚喜。小黃魚，脆香，惹味。魚翅，但其實係雞絲加粉絲😅，多料，入味，不算稠，適中。

同大家分享下今年冬至去左北京樓食中菜😽呢間餐廳之前已經食過一次，覺得好出色所以今次再encore，不過今次就食佢嘅七人套餐😆▪️古都冷菜三小碟，分別有：- 蔥油涼拌海蜇皮- 茉莉花茶煙素鵝- 麻醬雞絲撈起呢三樣冷盤真係幾開胃，不過素鵝就有陣煙勳味，有啲人可能會唔中意，另外兩款都好好食😋▪️宮爆明蝦球蝦球超大粒，炸到好香脆，酸酸甜甜咁好開胃🍤▪️花膠海皇羮呢個海皇羮入面有啲肉絲、翅、菇，不過就唔係好食到花膠，不過都好食嘅，食完少濟😜▪️烤北京填鴨呢個🦆應該係佢地嘅招牌菜，份量都幾多，啲鴨唔肥，而且唔會有腥味，夾埋啲配料同醬一齊食超正！▪️家常深海鱸魚舊魚🐟超級滑，口感好好而且好入味，一啲都唔會腥！🤩真係好食！▪️宮廷四合蔬擺盤好靚，色彩鮮豔，啲菜唔會好老，冬菇入味👍🏽▪️小籠包原先呢味餸係三鮮蒸餃子，不過佢話太多客整唔切所以就轉左呢個🫠不過呢個都好食，皮薄肉汁多，個肉餡唔會好鞋🤪▪️北京炒拉麵中間有師傅表演點樣「拉」麵，真係可以拉到勁長，食落好彈牙，而且唔算好油，幾好食😆▪️合時鮮果拼盤有西瓜、蜜瓜同哈密瓜，三樣都好甜😚平時啲套餐都係四位/六位/十二位咁去，但呢個套餐可以for 6/7/8/9/10位用，

我只是寫出親體驗，绝對真實，沒有增減，希望供其他人士分享！但二次投稿均被拒絕！令我十分驚訝open rice有白色恐怖自我審查。這次是最後投稿了！看看open rice的諴信度吧！與舊同學Covid-19 後聚舊，呢度食得十分失望。待應態度差，由入座開始，要求窗戶位都好多嘢講。堆晒D人坐係一邊，但是又唔係滿座，D位又迫。北京填鴨係主莱，但係叫咗10 分鐘就上枱十分可疑不是即做。D皮有火熱住，但是仍然凍冰冰，原來係未解凍。叫豆蓉蝦話賣晒，但是我們6點入座。要求我增瑊們轉宮保蝦球，原來係伏，好差，D蝦唔新鲜。义子燒餅又係凍冰冰，得個豆苗同炒飯係熱D，但係豆苗有草青味，嗰飯咸到有腎病。以前同D外國客戶來食，環境好，裝修正，價格ok, ,但是估唔到幾年就差到咁，當中我有個同學一D都唔係挑食，但係連佢而家都話咪攪佢，唔會再來了。

第一次去北京樓🥢平時都覺得好貴，冇咩事都唔想幫襯但慶祝大節日時，有機會去幫襯了一個六人餐午餐雖然每碟餸個名睇落都冇乜特別但偏偏佢就可以將每碟餸都變得精緻連普通四合時蔬都可以排到咁靚🥦🥬🥒🌽連飯前小食都整得咁標緻🥨🥨🥨仲有個鐘樓海景🛕🗾雖然價錢唔係平時經常會去的價位💲💲💲但要慶祝大時大節，要得體就非佢莫屬😊

我有朋友生日 所以嚟呢度食飯食貴少少， 咁就多人嘅 我地book房食 最低消費要$6000 都合理嘅 冇問題。 首先最大問題坐房嘅人要永遠都自己行出去叫侍應點餐 係行左5-6次， 之後 一早叫左個咩羊腿 3舊， 8:15落單等到9:45先有…. 當想再叫嘅時間又cut左單。 最大問題係 我地係後生仔食， 有個侍應好似睇唔起我地咁 提左我 「最後消費要$6000架喎 你知架嘛！」 每隔10分鐘入後講3-4次 每次叫野食都講條數比你聽 （個侍應係 中年女侍應 黑色短頭髮 男仔頭大約） 佢係特別差 我地主食都未上哂就上甜品 其他侍應係唔錯 佢係最差。 唔建議再幫襯 ！！！！！ 食評都一般般 有一個係500蚊嘅燕窩 就咁擺後面擺到凍哂 真係好差 都唔希望大家去試 重點係個侍應 （中年女侍應 黑色短頭髮 男仔頭大約）

好耐冇試過野食好食服務好而且價錢平的酒樓，今日終於遇到。午餐時間點了六個點心一個湯，樣樣都好食。蝦醬蒸鮮魷嘅蝦醬好香，一放上枱已經聞到，魷魚夠厚又彈牙，一d都唔un，呢味係第二好食。翡翠菜苗餃一籠有3粒，漲卜卜，入面啲菜苗好新鮮。牛肉餡餅一份有2小個，味道都可以，牛肉味唔係好重。蔥油餅如果多啲蔥可能會更正，唔係好油所以非常好。生煎包一份有5隻，煎得夠香而佢個底又唔會燶，食嘅時候要小心啲因為入面啲汁好易唧晒出嚟飛到好遠。陳醋海蜇頭係咁多樣嘢食之中最好味嘅一碟，d海蜇非常爽脆，明顯d材料係有返咁上下檔次。酸辣湯味道幾正宗，酸同辣都幾平衡，入面啲材料都幾新鮮。

11月4號晚，我哋一行八人去到尖沙咀星光行北京樓食飯，此行係老竇80歲大壽，我哋叫咗個8人套餐，唔知你哋係唔夠人服務定係點，啲嘢出得好慢，啲侍應10叫好似九唔應，都算數，成個套餐除咗北京填鴨叫做正常之外，其他大部份嘅餸菜都係冇乜味,仲衰過醫院餐，我唔知你哋餐廳係趕唔切去醃製食品定係咩事，最嬲嘅一樣嘢就係嗰碟北京炒麵等咗接近半個鐘先出，都唔緊要，你廚房出碟可以咁樣擺上台送俾個客人食？係咪衰過茶餐廳？唔該你哋集團檢討吓，食一餐飯都蝕咗成$4000 ，你可以出一碟咁污糟邋遢嘅炒麵比客人食，講唔講得通？揀就真係大煞風景