包龍星點心專家 (已結業)

CP 值高。全部$40蚊有找，口水雞、海南雞，連埋椰子雞湯，唔錯；糕點就一般，始終食慣朋友自家製；但肉骨茶配飯或米粉有驚喜，而家變成我冇咩想食既必然之選，有埋雞腳、豆卜，肉骨都多（好飽），米粉有芽菜，大讚！仲有醬油膏、辣椒及蒜茸。

每逢月尾，生活開始緊繃的時間，小弟總會想起這間食店-----包龍星！！！想起它，是因為真係抵食！！！每晚8時半至9時半，便食店的特價時段，而在特價時段的首15分鐘至半小時，總會有人排隊買點心。一個蒸飯，只是$15元，一籠蒸的點心，只是14元，煎炸小食也只不過是$12元就已經有4件了，蒸包$12就有3個。今晚叫了蒸燒賣 ，三件炸雲吞 和一件炸春卷，合共也只不是$26元！！！雖然價錢平，但質素和味道唔差，自己其實比較喜歡食它的鳳爪排骨飯，只是今晚不太餓，選擇輕食點心。

叫咗幾樣點心，分別如下：蝦腸 - 略嫌皮太厚，每條腸粉都有兩粒蝦仁蝦餃 - 大大隻，皮都係有少少厚，但佢d餡都多榴槤包 - $30蚊 3個， 無佢講到有爆漿/流心的效果。 大大個，拎上手已聞到榴槤味，                   食落都多餡，有榴槤醬起入面。 一試無妨。 炸物 - 原價$6一件， 我$20買了4件。 選擇都多，有甜有咸點              分別買了2件芋角（我認為最好食， 芋頭蓉幾香而多、滑。 肉粒雖不多，但我覺得好好食）              1件春卷（大大件..餡就同蝦餃相似）及1件芋頭千絲蘇（芋蓉滑，但係食落甜甜地..似芋頭包d餡..唔係我杯茶..寧願食多隻芋角🤣）埋單$94。  整體一試無妨， 不過唔知係咪太早到關係，部分點心未有得叫住。但講味道/精緻就緊係返去酒樓好d。 呢到勝在快同價錢抵食，經過當買個快餐都可以🤣

很奇怪，一間只是開了兩、三星期的外賣店，竟然出了兩個負評，差點打退了我試新嘢的決心。 幸好最後我還是決定一試新嘢。買了六款點心和一個蒸飯：章魚肉餅飯 - 碟頭很大， 餸亦很多，味道也不錯， 飯和餸的比例剛好， 豉油是選用了名牌李錦記义燒腸 - 腸粉較厚，义燒頗多，味道不錯鳳爪 - 味道太濃，但炆得很諗，碟頭亦很大芋角 - 炸得很乾身，不油膩，我沒有吃，媽媽說芋頭質素很好，收銀的哥哥提醒我炸物可以逐件買，相當貼心蝦餃 - 皮較厚， 餡較少，味道還可以鵪鶉蛋燒賣 - 很少酒樓做這個點心，但這裏做得不錯， 配了鵪鶉蛋的燒賣，吃落另有一番滋味雞扎 - 每件包括兩件雞，一件火腿，一件冬菇，一件魚肚包在腐皮內，炆得很入味，不是太油埋單127個大洋，整體來說，味道吾錯，價錢亦很平，但所有食物都不是太熱，成為一大敗筆。

第一次寫食評，因為呢間舖頭嘅食物質素實在太差！見到藍田開左間新點心店，就想試試：價錢係幾平，但係食物質素非常差！買左3類點心：1. 最最最差 的 叉燒腸粉 $19有陣怪藥水味道，呢個係完全食唔到落肚，非常非常非常非常非常難食，全部都要倒掉2. 煎炸點心 $20/4件一打開個盒已經見到個底好多油炸芋角、鹹水角、煎堆整個淋曬同好油蒜蓉蝦春卷裡面係無蝦，只有蒜蓉味道，整個非常硬我都係第一次見到得第一pat燶咗蒜蓉3. 臘味糯米飯 $28好油，個底全部都好油一分錢一分貨，非常非常非常非常非常難食衛生方面，見到一個師奶不停向一個職員鬧，話佢冇帶手套就徒手攞佢啲點心。

收工係匯景行下,見到有閒新舖頭未食過,就打算買野食試下啦排隊聽到就話蒸飯賣淨鳳爪排骨,而且都要等多1x分鐘先有,心唸乜咁受歡迎阿之後點左2個點心 蝦餃同雞扎加多個牛肉腸,點完就等啦,都要等十幾個no. 比想像中多人等到阿姐叫我個no.啦. 我行過去就講埋我要GE係 牛肉腸同2個點心,阿姐粒聲都唔出就推一袋野比我,仲收左我張飛, 我就當然以為係我架啦行到返屋企開餐,首先食個牛肉腸,正正常常,不過有一陣怪味,可能係新裝修,機器太新.算啦 比次機會之後就另外一盒,我以為2個點心都裝曬係入面.點知一打開,竟然係鳳爪排骨飯,當下呆左,明明我攞GE時候都有講我係牛肉腸+2個點心,阿姐你執野應該知道尼袋裝咩架,點解唔同我講攞錯?仲收走我張飛推比我?2個點心貴過個飯一倍,某程度上我係被呃左20蚊,好差GE感覺,第一次幫襯,味道可以比多次機會睇下之後有無改善感GE服務質素好唔愉快,我應該唔會再幫襯