勝香園

營業中

休息中

勝香園....一直都好想去, 無奈是太遠前排因為電視劇集的關係,終於忍唔住要前來拜訪。炎炎的夏日, 要排隊十五分鐘,都辛苦架。一坐下,立即叫野食...咸檸七兩杯, 蜂蜜脆豬, 茄牛通....唔該!落單冇耐,野食好快送到....排完隊咁熱, 飲返啖咸檸七, 即時感到涼快,咸咸酸酸, 其實好開胃, 又解渴到茄牛通, 真係好多蕃茄, 仲要好甜, 牛肉又滑。最後到的是蜂蜜脆豬, 即叫即焗,好新鮮, 蜂蜜甜甜地 加埋脆卜卜既豬仔包, 用黎當係甜品, 作為呢一餐既完美句號。

由朋友帶路，以為有驚喜，叫咗熱咖啡，茄牛通，檸蜜脆脆，通粉本人覺得煮唔夠時間，好似煮飯有D生嘅感覺，咖啡有焦味，朋友叫咗柸凍咸檸蜜，算ok，冇乜特別，招牌脆脆，唔知係隔夜包定係烘太耐，成個包就似放咗幾日硬晒再烘，好難食，本人喜歡外脆內軟嘅新鮮包食法/

見過好多人推介 終於忍唔住泥試下兩個人叫左奶油脆脆同檸蜜脆脆 本人覺得檸蜜脆脆更勝 豬仔包脆不在話 檸蜜果種又酸又甜 同豬仔好match 一定要試鹹檸7又係另一推薦 鹹度適中 係無冷氣既環境下 大口大口飲鹹檸7係種享受茄牛通都係預期既好味 湯充滿濃濃既番茄 每一啖都好豐富叫左咁多野100蚊都唔洗 又抵又正建議揀岩時間泥食 因為揀正又熱又濕既天氣食 唔係個個都頂得順

和朋友在附近high tea完, 但完全不飽, 於是便走到九如坊再吃過第二場。在openrice中看到了很多的笑面, 一直都很想來試試, 來到的時候已經差不多是它打烊的時間, 街上還有一條人龍在排隊, 幸好在它打烊之前還可以進內。馬上便決定點了數樣在openrice上大家比較推介的食品。1. 午餐肉香腸蕃茄面: 終於有機會試試神化了的蕃茄面, 但湯底味道只屬一般, 比較在外面的蕃茄湯底沒有什麼大分別, 可幸的是當中有不少的蕃茄肉, 算是比較用心的。2. 咸檸七: 這是我一直都喜歡的飲品, 最喜歡的是蘭芳園的出品, 對比起來, 味道差不多的, 在排了15分鐘隊後喝一杯, 的確十分消暑。3. 檸蜜脆脆: 又是另一樣被神化了的食品, 本身本著很大的期望, 但原來只是很普通的蜜糖包, 而且蜜糖塗得還不夠多, 乾吃面包的話真的有點難受。自己很喜歡同類型的茶檔, 如蘭芳園, 本身抱著較大的期望來到, 只可惜大部分的食品都只是普通的質素, 和外邊的茶棟無異, 而且伙計的態度一般, 有時還會對食客呼呼喝喝。 環境衛生其差, 蚊子飛來飛去, 雖然本身對這樣街邊茶檔的環境沒抱任何期望, 可幸是這種富有香港

 收到老遠買來的小熱狗一隻，看包裝袋子，才知它是有名的勝香園。非常新鮮的一隻小熱狗，暖烘烘。白身麵包帶軟香甜，內有一條咸香雞尾腸，比平日吃的超市香腸滋美多了。熱狗的靈魂應在那美味的蛋黃沙拉醬，濃濃的甜香內有細碎的醃瓜，整個熱狗的配料跟醬汁配搭得十分好呢。 

來了第四次，終於試到了，因為之前來的時候也是關門，今次終於可以食到了。看見也有不少人排隊，以為要等很久，但很快便安排入座了。我們三人坐下，因為我太想試那個最出名的檸蜜脆，所以忍不住叫了兩個，又叫了茄牛麵，奶醬多檸蜜脆脆$12，很便宜，在這種有大排檔風味的地方吃真的別有一番風味，烘得很脆，又不會太甜，我足足吃了一整個，雖然很飽，但很有滿足感，滿足了我來了三次也吃不到的心情和份量茄牛麵加蛋$28，味道不錯，酸酸的，我們叫了麵而不是通粉，因為本人太不喜歡吃通粉了，反而我覺得公仔麵是特別好吃的，雖然較為不健康，我們加了蛋，蛋不9畢煎和炒得特別香，不過濃濃的湯配上蛋是更加好吃的。我叫了我最愛的奶醬多$11，由細到大我對奶醬多也是百吃不厭，對於食評也有人推薦，我當然不得不點了，味道沒有什麼的特別，多士也不是特別厚，不過這餐飯可以滿足我很想吃的東西，所以整體也滿足的。

早就聽過勝香園嘅名氣，所以特意去試下。去到時都未到1點但已經坐無虛席，仲已經有幾枱有人等緊…等左30分鐘到，終於有得坐低，不過系6個人坐一張4人枱，但已經叫做系鬆動XD叫左出名嘅茄牛通同脆脆，牛通內嘅牛肉都算嫩，而且份量亦不少，不過鮮番茄就唔多。湯通粉最緊要嘅當然系個湯，飲落冇乜鮮茄嘅蔬果味，反而似系用茄膏煲出來嘅。而且個湯底真系好咸…食完勁口渴!另外出名嘅奶油脆脆同檸蜜脆脆當然亦不可錯失啦~ 奶油脆脆算系不過不失，本人並唔覺得有咩咁特別，但檸蜜脆脆真系有驚喜，入口有檸檬香味，食落更有蜂蜜嘅香甜，系是日最好食嘅一味!

比茶仔更茶仔？？唔明呢哈哈哈 對我呢個90後黎講對好多香港人黎講 茶餐廳已經係香港舊式的風味好似荃灣的蘭香 嘉樂冰室當然都可能係好多年青人覺得既野哈哈宜家仲有間戶外的茶仔 仲唔係比茶仔更茶仔比舊式更舊式 哈哈哈因為自己少出中環 中環既野始終唔多識其實中環係香港存有古老特色的地方好似條古董街啦 行緊周圍有好多唔同塗鴉又有古老建築 真係多樣化的地方藝術 古式 現代 中環都俾到我好多感覺勝香園第一眼的感覺港式電視劇成日都會去的地方哈哈兩個人食碗麵 飲杯奶茶仔勝香已經唔係第一次食 當然呢間都一定要俾正評啦中環商業用地中留有的戶外茶仔難得而且希望大家要多多支持下雨都無阻個日同友人去食叫左茄牛麵 同埋奶油脆脆 加埋杯凍奶茶基本上係呢個plan 唔講以為常餐黎哈哈茄牛麵 麵係一丁 好食不話下重點又你個湯底 好多蕃茄 好足料唔會太酸 加埋一丁的味精 意外的配搭都最後我連湯都飲哂的另外個奶油脆脆應該係即叫即做 因為送到上黎都仲熱而且脆卜卜奶油唔會太多 份量岩岩好加埋杯凍奶茶 為自己的午餐畫上完美的句號友人都大讚叫好啦即使落雨都完全無阻我地心情仲可以同果到既「婆婆」職員大聲叫吹下水好鬼正次次去都要等位不過

5月13日，我們剛好經過中環，和女友便去一試很出名的勝香園，去到等左一陣就有位，雖然環境一般，(因為係大排檔麻~ 如食環境的話，可以唔使嚟)因為我們係拿著蛋糕的，姐姐也很友善地說是否開Party~ 需要切蛋糕嗎？ XD之後，我們點了碎牛炒蛋蕃茄通、牛肉蕃茄通和檸密脆脆豬~5分鐘左右，已經有得食~ $ 埋單3樣野 $85，抵食~ P.S. 姐姐最後比埋碟我地食蛋糕 XD ~!!

是日出中環，諗住順便上嚟勝香園嘆個茄牛通早餐，結果就食到一肚氣。先係被「勒令」坐一個好逼嘅位（不過呢度環境本身就好逼夾，算，唔怪你），跟住個姐姐就黑口黑面咁同你落單，我講咗一次「鮮茄鮮牛肉蛋」，佢無反應，再講，佢竟然好唔耐煩好大聲咁同我講「我知呀！要乜嘢先得㗎？！」我答「通」，佢仲要再鬧「通你就要講個通字嘛！你唔講個通字我點知你要通㗎？！」算，我都忍，心諗快快脆脆食完走！碗通粉上到檯，一向的杰塔塔，無乜唔妥，亦無咩特別。心情真係好影響胃口。好在有杯酸甜凍檸茶撐住下。到埋單，諗住避開個黑面神，ya咗兩次手無人理，個黑面神唔知從邊度殺出嚟好惡死咁大聲講「43蚊呀！」我終於忍無可忍，喺佢找完錢之後贈咗佢一句「笑下唔使死㗎」。講真，茄牛通度度都有，嚟呢度食都係想感受下舊茶檔風味，而你就當啲客乞丐咁呼呼喝喝，無論你幾出名幾好味，sorry，無下次。

Ahhh Sing Heung Yuen. It's so iconic it doesn't really need its own introduction. Heck, even Anthony Bourdain came here with "China Matt" and Craig Auyeung 歐陽應霽. But we are left with the impression that Tony didn't quite get this food or appreciate it, even as a megastar international traveler and eater of massive cholestrol, guts, glory, uni, and sushi.Let's put it this way, unless you have Hong Kong blood and polluted air flowing through your veins for years and years, it is very very hard to

好多人以為我是中環地膽，其實在區內工作經多年，還是較少光顧區內的食肆，尤其是那數間人氣的老字號，原因不是地方較為隔涉，就是午飯時間有限，不便前往。到了放工之後，已經是筋疲力竭，甚至其店已是關門，種種因素之下，最後還是擱了下來。總算上兩個週末，要幫家人在中區辦點事，滕出來的時間，反而造就了光顧一間「鐵皮老檔」的機會.......個人所屬意揀選的，正是區內馳名的勝香園，就從半山的自動行人電梯開始，再途經美侖街，一直步入至毗鄰的歌賦街，卻是到達目的地之後，見到的卻是一條長長的人龍。自從經各大旅遊指標推介之後，這裡已成為外地旅客慕名的熱店，眼下所見，不少更來自東方的面孔，雖是週末之下，論到熱鬧情況，絕不比閒日午市所遜色，總算輪候了三十分鐘之後，最終還是坐了下來。也不知這裡存在多少年了，相信總有三、四十年的光景吧！其中一邊是用上鐵皮搭成的水吧廚房，隔離處則蓋上了簷蓬，再於附近擺下十張以內的桌子，如果正值天氣不順的景況，其實可坐得不太舒服，幸好當天還算可以。至於食物來說，主要是以蕃茄牛肉濃湯為主的粉麵，另有傳統不過的烘多士，再加招牌的脆脆，與及各式水吧飲品，數代傳了下來，乃就成為區內的一個小小傳奇

難得閒日的假期, 與男友到中環舊區一遊, 必定要來勝香園, 第二次專誠到訪, 都是叫相同的食物檸蜜脆脆, 真係內外都咁脆, 檸檬味很清新很多蕃茄,湯底好有蕃茄酸味,不過佢應該都落左茄膏, 只係用普通蕃茄無可能咁紅沒太多地方有咸檸七飲了,佢地仲已經幫你篤埋咸檸檬, 咸檸加雪碧, 真係perfect match

第一次來到中環勝香園，應該係早上大概 11點幾到。都等咗一陣，同埋佢哋一多人就會叫啲客自己揾位。有啲殘舊嘅餐牌，但都幾多選擇。較出名嘅茄牛通粉, 茄牛雞亦米因為太早，我食唔落麵，叫咗個豬排茄蛋包個包仲脆脆哋，啲料都新鮮，但如果鹹返少少會好啲。

難得放假去排下隊，食下茄牛通 一如平時，都係咁好食。唯一美中不足就係碗茄牛通，平時食開好多蕃茄係面，但今次只係得d蕃茄碎，同茄膏 可能我個碗咁岩係個湯底既尾升，見到之後人人都好多蕃茄肉畢落去