加藤屋 (已結業)

今期推薦~麻辣牛肉飯戲院附近有一間加藤屋最好就係填飽個肚再入去戲院吃小食一直都聽聞加藤屋但未曾試過，吉野家的對手，今次可以試一試。第一次吃加藤屋居然有麻辣牛肉飯，第一擔食落去覺得味道唔係太夾，但越食越上癮，下次都會再叫麻辣牛肉飯，這個飯應該是和吉野家最大分別，肉質應該差不多，但這個麻辣味是幾特別。另外，牛肉烏冬的湯底表面普通，但食落去味道10分濃郁，食完都10分頸渴，不知道是不是有味精嘅關係。但麻辣牛肉真的值得一試。

😋鍋物定食 配牛肉 配熱茶 $43呢度適合中意多選擇嘅你，唔想食黎食去都係個d，一間店已經有多個選擇。除左牛肉鍋，仲有pepper lunch嘅鐵板，同埋吉野家嘅牛肉飯，一次過滿足哂你3個願望，又抵食，又好味🤭🤭----------🚩加藤屋🔎長沙灣長沙灣道680號麗新商業中心地下1-11號舖🔎屯門屯門鄉事會路2A號 H.A.N.D.S N區2樓N-204-206號舖🔎太和太和路12號太和廣場1樓101A號舗🔎深水埗元州街34號地舖

中午飯同同事嚟咗呢度食飯，主打都係牛肉飯，亦都有好多其他選擇，例如係日式鍋物啦， Pepper Lunch嘅鐵板飯，重點係呢度嘅價錢都非常之親民。我就叫咗個麻辣味牛肉飯特盛，麻辣味有大中小辣可以揀，個汁會令上，麻辣味足夠，個汁都幾好食，like特盛嘅份量真係好足，見到成碗牛肉好震撼，地球又唔知因為咁而多幾多二氧化碳個飯仲會加埋嘢飲，都係講緊$50內，我覺得呢度係價廉物美，所以一定會不時返嚟呢度食，哈哈！

今日開完會又要趕第二場，於是喺附近搵食先，同事就帶我去極近嘅加藤屋，話呢度差不多等於佢地嘅飯堂。我食加藤牛肉飯，同事就食鐵板牛肉飯。加藤牛肉飯 - 同吉x家比，汁無咁咸，牛肉味無咁重但少啲肥膏，飯嘅口感同黏度不及吉x家，加$3嘅玄米茶一啲米香味都無。鐵板黑椒牛肉飯 - 黑椒好重手，但無咩黑椒味。同pepper乜一樣，有條紙帶圍住，平價快餐黎講算幾週到。仲有個我應為可以歸立為細心位嘅地方，就係汁藏左喺飯中間，可以較容易將汁拌混牛肉同飯。總括黎講四十幾蚊呢種質素，乾淨環境，又近office，抵食指數係有：⭐️⭐️⭐️⭐️

鋪面見到呢間幾得意，最終入咗去食。加藤牛肉飯，好普通，我覺得比吉野家差，無論味道定份量，不過佢比吉野家平...三文魚黑椒鐵板，賣相好正，夠熱嘅關係勁香。撈混哂個賣相勁靚，食落去相當唔錯，三文魚比想像中好味。其實睇餐牌會覺得係平價版嘅吉野家+pepper lunch,試過今次後，個鐵板可以再黎牛肉飯雖然好似係賣點，但係...

公司今日收早可以食到下午茶就去咗一間一直想試的牛肉飯，這間黃色在一堆車房附近都幾特別，入到去見到除了牛肉飯原來仲有火鍋之類選擇類似吉野家，但竟然仲有咖喱同麻辣好驚喜，而且麻辣牛肉飯仲可以有下午茶選擇，$23仲有飲品岩晒我想食少少食的份量，今次我就叫了中辣，等左五分鐘下午茶就可以取。份量眼見都不少都好喎，但一食落去講真辣度吾多，有少少麻的感覺，味精味都幾重，牛肉味差不多冇又鞋身，牛肉汁少，白飯份量都幾足，而且仲有杯大可樂，食完都幾飽肚但十分口乾，只會試一試就夠。

長沙灣呢邊都有唔少餐廳，其中加藤屋可以話係打工仔飯堂，因為勝在多選擇，同埋價錢都唔會話好貴，我覺得呢度係吉野家同埋Pepper Lunch嘅合體，而我覺得味道都做得幾好。麻辣豚肉飯呢度幾特別嘅係有麻辣味嘅鐵板飯，好香好惹味，不過食得鐵板飯就預咗有少少油，食咗要努力減肥，哈哈。牛肉飯真係同吉野家好似，但係我個人都係比較鍾意食吉野家嘅牛肉飯，因為好似比較肉汁多啲同埋入味啲，加藤屋我覺得都有七成似，不過呢度勝在平少少有多啲肉咁解～

今次介紹呢間日本餐廳算係新開既，吉_家+pep_ lunch 既混合體，有鍋物，牛肉飯同鐵板牛肉飯，而且有幾款味道選擇，最特別既係有麻辣口味既鐵板牛飯。今次食既就係呢個麻辣味既鐵板牛飯，飯上灑左麻辣粉，醬汁收藏係飯中間，開頭驚唔夠醬汁，但當你撈起個飯時，就會發現醬汁由中間流出，份量剛好，而且配上麻辣粉，令到整個飯既層次更加突出🤤🤤 牛肉有焦焦地，特別香口，絕對值得一試😋😋店內仲有特盛系列，岩晒食量大既人🤤

同媽媽去完深水埗街尋找心水布匹 接住就去揾食餵飽肚 見到呢間餐廳好似屬街內頗新既餐廳 食物種類又多 就入去一試🤔泡菜牛肉飯套餐盛惠$37 價錢可以話相當貼地呀！泡菜係偏辣的那種 沒有太酸 平衡左肥牛既油脂 而牛肉片量都足夠 可以再多一點 而肥牛既質素都係一般啦 同吉X家比都差不多😛飯量都好多！另一個鍋物要左壽喜燒湯低 雖然配料都豐富 有粟米 木耳 菜 肉 菇等等 不過。。。 太甜了 要不停配飯才吃得下 最後都食唔哂 都係食返丼飯穩陣👍🏻

知道荔枝角開左間新戲院，lunch就慕名而來朝聖下！同樣係麗新商場但又從來未幫襯過嘅食肆-加滕屋，平時聽得多話佢幾普通，所以無去試過！自助搵位自助捧餐，仿日風味快餐店！一望啲套餐，勁抵喎，三四十蚊左右包飲品！揀個雜炊炮飯配牛肉，連汽水都係$40！泡飯有唔同湯底揀，清湯、日式濃湯同麻辣湯任君選擇，但一諗到食泡飯會勁飲湯，都係清清地要個清湯算！叫到我number喇，好豐富喔，有好多塊肥牛同配料，味道都唔錯，勁飽肚，但個賣相有少少混亂，唔係sell details！但$40真係算唔錯！

又是無咩錢的時間，又想滿足一下吃日式食物的願望，快餐之中，加藤屋是又好吃又便宜的選擇。來到加藤屋，近來愈來愈多新選擇見到佢有推介的野菜豚肉飯，所以要嚐嚐一下。賣相其實和牛肉飯沒有大分別，從豚肉的顏色見到佢都煮了很久很入味，而份量亦十足，應該會不錯。味道真的如我所料，煮得十分入味，而且豚肉相比牛肉脂肪較少，反而有點嚼勁，而佢肉汁配上珍珠米，加上我肚餓的關係，真的令我停不下口。整體而言,港人口味還是愛豬，所以加藤屋出豚肉飯令人多了不少選擇，野菜也煮得夠腍⋯⋯我個人而言，有野菜的豚肉飯便好了，至少營養均衡一點。

今晚去荔枝角工業區那邊本打算食一家餐廳，點知星期日原來唔開門，行行下見隔離有間勁似拮嘢家同埋peppa晏的食店，見佢勁少人坐得C服又靜，就入去求其食吓。可能真係平日番工時間先多人，星期日晚嚟真係包場一樣。設有自助區自己斟水拎餐具等其實同連鎖式食店冇咩大分別，可能人少地方又闊落所以好自在咁點餐食嘢。樓面一個呀姐做哂執枱收錢一腳踢，態度雖然冇咩笑容同冇耐性，不過都係helpful嘅，會主動推介你食咩！牛肉鑊好多料，烏冬食得出似超巿放冰格嗰隻幾彈牙個特盛牛肉食超大碗，大過拮嘢家個特盛，夠兩個大人食加幾蚊又可以有菜俾小朋友食老實講冇誇張，嘢食唔會有驚喜，但係我覺得好食過拮嘢家喎！我見幾個comment又彈又話唔好食，其實幾廿蚊嘢食就用番性價比去計算吧，我已經覺得好合理。而且每套餐仲可以跟一個超平小食，即叫即炸架！個炸紫心蕃薯餅好好味呀！$3一件咋真係好抵食，我唔敢講一至五都有呢個質素，但係平日夜晚人少少可能㕑師都慢工出細貨，真心OK!

今日黃昏時分經過荔枝角工廠區，人流很少，途經麗新廣場，感覺有點肚餓，於是便吃一間與吉野家相當接近的食肆，叫「加藤屋」！入到去，我叫了一碗泡菜牛肉飯外賣！覺得賣相也不錯，份量也很適中！但當吃完了，就覺得泡菜原來沒有什麼味道，牛肉口感也是普普通通，一點特別也沒有，同普通肥牛一樣！而呢個汁也是沒有味道的！白飯也是不夠熱！總括來說，食完整個感覺充分體驗到事實與圖不相符！我唸我會俾多次機會佢，試下第二款飯！

成間舖嘅人應該去再培訓！做野慢已經係最大問題！食晏時間買飯必定排長龍，1318打單，1329都仲等緊，仲比我見到個阿姐擺餐倒瀉奶茶，搞到兩個客一身都係一片混亂！

放lunch想食得飽就自然諗起佢，加藤屋！黎親都係會叫鐵板飯，最近見佢有新餐單，煙肉香草腸，但我都係揀左麻辣雞！yo~我一定會加多個飯（免費）再加芝士（+3蚊）可樂記得係唔洗錢跟餐！食得晒先好加飯啊！佢既辣粉撈埋d飯，一路撈就一路吱吱渣渣咁！熱辣辣！鍾意食鐵板飯又鍾意食辣既可以試下！另外佢個鐵板牛都係我會揀既之一下次試下佢既新餐單先