功德林上海素食 (世貿中心) (已結業)

有一段日子沒有來到功德林食素，今晚難得放兩天假，所以約了我家人一行三人來到食晚飯，安頓座位後打開餐牌，食物款式有些已經換上新菜式，點心方面只有中午才有供應。食物款式真是好多種類，分別有冷盤、前菜、滋補燉湯羹、特色名菜、香辣系列、蔬菜菇、暖胃鍋物、鍋巴飯、年糕、一品素麵、甜品等.......款式都是主打是上海的素食為主。環境真是不錯，可以從落地玻璃窗可以欣賞下海景，地方又夠光猛又不會太吵鬧，空調都好足，坐下來不久，侍應生已經奉上熱菜及餐前的開胃小吃，小食是一些花生菜甫，整體氣氛感覺都不錯。媽媽平時都好喜歡飲南瓜湯，今次我為她點了一個南瓜蟹粉魚翅盅($78)，南瓜的味道甘甜濃郁，蟹粉其實是甘筍粒，而魚翅就是一些素翅，增加了不少嚼感，都夠熱，味道真是不錯。新推了佛跳牆燉湯($138)，吸引了我與爸爸各點了一碗，不過都好快售罄，幸好剛來得及order，這個素食的佛跳牆雖然不是山珍海味，足料的搭配也做出不錯的味道，當中有姬松茸、黃耳、猴頭菇、鮮栗子、冬菇、芋頭、竹笙、杞子等......層層堆疊讓口感豐富，此燉湯用了長時間的炆燉及多類菇菌食材，味道都好鮮美，雖然比起葷的佛跳牆清淡了一些，又不會有油

好多朋友都說功德林午市的點心不錯，那晚相約好友試試功德林的晚市。我們點了個小拼盤、琵琶豆腐、猴頭菇津白栗子煲，點品是木桶桂花豆腐花。小拼盤選了素雞、素鱔和牙菜。素鷄和牙菜味道一般，素鱔則比預期差。素鱔只吃到炸脆漿，而且並不脆，反而非常硬 😖吃了拼盤後，由於期望降低了，所以琵琶豆腐算是可以。猴頭菇津白栗子煲的味道還好，栗子就值得一讚，粒粒都很甜和鬆化 😊桂花豆腐花是招牌，比較有水凖。用桂花糖水代替黃糖味道與豆腐花更夾，不錯 👍侍應生服務態度好，值得一讚 👍兩人吃了$580，感覺唔抵食 😓

好多朋友都說功德林午市的點心不錯，那晚相約好友試試功德林的晚市。我們點了個小拼盤、琵琶豆腐、猴頭菇津白栗子煲，點品是木桶桂花豆腐花。小拼盤選了素雞、素鱔和牙菜。素鷄和牙菜味道一般，素鱔則比預期差。素鱔只吃到炸脆漿，而且並不脆，反而非常硬 😖吃了拼盤後，由於期望降低了，所以琵琶豆腐算是可以。猴頭菇津白栗子煲的味道還好，栗子就值得一讚，粒粒都很甜和鬆化 😊桂花豆腐花是招牌，比較有水凖。用桂花糖水代替黃糖味道與豆腐花更夾，不錯 👍侍應生服務態度好，值得一讚 👍兩人吃了$580，感覺唔抵食 😓

只有一款食物覺得好吃, 作為一間全素菜食肆，好難令人再光顧。餐前有一碟小食： 花生同菜甫。都幾好味，所以對之後的食物有少少期望。（可惜......）我們一共叫了四款食物，兩個人食剛剛好。涼拌茄士味道又甜又咸, 十分奇怪。雖然樣上去幾好樣，但我們都覺得好難食。擔擔麵, 花生味好淡, 湯唔夠味又做唔到掛湯效果，麵還麵湯還湯，完全唔合格。酸辣湯味道唔錯，都幾好飲，但一d都唔辣四季豆最好吃，抄得乾身唔多油，係四款食物中唯一出色的食物。

平時食得太多肉，今日想轉下新意思，試吓去食素，清下腸胃。諗住食齋一定唔使等位啦，點知就大錯特錯喇🙈 一去到已經有十幾個人等緊位，唔講仲以為有半價優惠添啊！一場黎到，等就等啦，反正門口有位坐。等左四五個字就有位喇！咕嚕肉，酸酸甜甜， ，口感同真既肉都真係好似，不過略嫌外面既炸粉口左少少，搞到每一舊咕嚕肉都好大舊，食咗兩舊已經好飽😂 如意卷，其實除咗外層嘅紫菜，我都完全唔知食緊啲乜，哈哈！識落有啲似鮮竹卷，清清地都幾好味嘅。上海粗炒就普通咗啲，可能由於無肉嘅關係，炒出嚟唔係太香，而且油太多。間唔中成餐素 ，清下腸胃都幾好啊！不過原來食齋仲貴過食肉囉😫💸

松茸燉愉耳   $88由於呢排少飲湯嘅關係，同老公一人點左一碗從松茸燉愉耳，每一啖湯都好香甜，有從松茸味，好滋潤。上海烤夫   $88前菜點左個上海烤夫，質感有啲似海綿豆腐，醬汁甜甜地，仲有冬菇、爽口雲耳、毛豆做配料，一舊接一舊，食唔停口。酥炸三絲雞卷  $98跟住重點咗個酥炸三絲雞卷，開頭以為外面好似春卷咁脆，但係原來係軟身。入面包左甘筍絲、芹菜絲、冬菇，熱辣辣上枱，加埋甜酸醬，好醒胃。高力豆沙    $68甜品點左高力豆沙，師傅手工好，每一粒都炸到金黃色，而且大小均勻，灑上糖霜，鬆軟嘅外層，加上入邊軟稔嘅豆沙餡，好懷念細個嘅味道。豆腐花配桂花蜜      $58新出品嘅木桶豆腐花，自家製作，木桶裝住。每一啖都好有豆味，加上糖漿唔係用傳統嘅糖水，而係改咗用桂花糖漿，所以特別香甜，唔會蓋過左豆腐花嘅味道。

初一十五食齋就一定諗起黎功德林，咁啱10月1號呢度可以睇到少少煙花所以book咗呢度～叫咗：拼盤＄148：可以選三樣嘢，啱晒我鍾意食小食嘅人，叫咗個烤夫，脆皮素鵝，同芽菜，脆皮so我好鬆脆好味，芽菜好爽口～竹笙百合蟲草燉湯$58：好潤，好夠火喉，好味～香煎琵琶豆腐＄98：我最鍾意食，好有咬口，好好味～豆苗＄98：好新鮮健康～擔擔面＄58 ：麵好滑，配埋啲擔擔汁，好醒胃～酒釀丸子$38：好QQ彈牙，好味～豆腐花：唔記得左幾多錢，新出所以試埋，配埋啲桂花糖好滑好好味，有水準，推介！！

從前素食予人感覺無啖好食，食味較淡之外，材料煮法變化不大，有些老一輩人仕依然停留在此概念上，其實素食早已變天，需要材料離不開菇菌、豆類及蔬果，但外型及口感變化多端，已經成功地滿足我們齋口不齋心的要求，周六中午約了爹吔及呀姨午餐，正是時候令他們改觀，相約在左近的功德林素食會面。位於銅鑼灣世貿中心，走中高檔路線，門面優雅，飯廳企理不奢華，陽光從落地玻璃窗口透進，非常光猛，我們坐在窗邊可欣賞到維港海景。本來主打上海素食的，來到香港自然入鄉隨俗，中午有粵式點心供應。款式不及酒樓多，我們刻意選擇散餐單上的特色點心，說是只限在銅鑼灣店供應，估計是因為師傅所長不一様。餐前小吃香口的花生炸菜，少少辣，肚子餓了，先熱身一下剛好。羊肚菌蘿蔔糕蘿蔔是植物的根，蘿蔔糕本身已是半素，因此外型及味道皆與平常的分別不大，同樣煎至金黃焦香，分別在臘肉粒被換成羊肚菌，當然不可能帶肉之香，但羊肚菌早已被作臘肉般醃過，倒有幾分似層相識的鹹香，相似度有八成。皇帝菜苖餃菜苖煮至嫩腍，調味豐富，鹹甜味平均，餃皮薄而半透，煙韌口感好，想不到，餡料只有菜亦味道豐富。鮮菇露荀餃美貌內涵兼備，餃子包成漂亮的三角形狀，薄身透明至清晰可見裡

朋友當中也有素食者, 早前便去了位於銅鑼灣功德林上海素食食飯, 對於我來講, 偶然食素菜感覺也是不錯. 我地點了幾款菜式, 酥炸三絲雞卷, 羅漢齋炒麵和羊肚菌扒鱈魚. 酥炸三絲雞卷. 外層帶少許脆身, 餡料幾爽口, 感覺清新. 覺得單食較清淡一點的話, 可以點酸甜醬, 酸酸甜甜, 幾醒胃. 我自己較鍾意點醬. 羅漢齋炒麵. 麵面敷滿了蔬菜. 而麵是脆卜卜, 由於淋上了汁, 所以部份麵會腍身, 有脆有腍, 兩者混合一齊最好味. 若汁多一點會更好味. 羊肚菌扒鱈魚. 賣相幾精緻. 外型漲卜卜, 並附有一碟醬汁, 混入一齊食多一份惹味感覺. 外層有點硬身, 內裡相當嫩滑, 非常好味. 甜品點了紅豆沙鍋餅. 上枱時還熱辣辣. 鍋餅外層口感硬硬地, 帶微微脆, 而內裡的的紅豆餡甜度適中, 食多幾件也不會覺得太油膩.

香港素食地方唔多 好多人想食素可能要去到大嶼山呢d偏遠地方但原來近近地既銅鑼灣都有 功德林係間大廈入面 侍應見到我地就問我地坐窗邊有景睇好唔好一入到去就feel到好靜黎食素既人唔算多基本上 有檯都唔會要你搭檯就算係兩個人先黎一個素既雲吞紫菜湯 唔食茜芹既我黎講 d湯都易入口 茜芹味唔算太重跟住到南瓜雜菜濃湯 好好飲 上面仲有好多料 飲完都飽飽地另外仲叫左個三絲魚翅羹 d"魚翅"同出面既唔同 出面食既口感似粉絲 但呢到食既有另一種口感 好滑好彈牙我地仲嗌左豆腐餃子周素仁鬆配薄餅等等既素食 好清淡最尾 再嗌左個甜品 桂花八寶飯 初初以為係凍同埋好甜 但原來係熱食 食落甜度岩岩好 唔錯

上海菜總係畀人一個「油膩」「唔健康」嘅感覺，但係，今次同事帶我嚟試嘅呢間上海菜（素食）菜館又幾特別。我嚟之前知道係食素，雖然自己唔係茹素者，但間中食下，對腸胃都有益；而且，宜家好多餐廳都喺星期１提供素食餐單，迎合唔同人士需要。所以，其實唔一定素食者先可以食素架。講返正題，呢間其實係上海素菜點心館，除咗可以叫餸食飯之外，仲可以食點心。頭先望到隔離檯嘅嘢食，個樣其實都幾吸引。等我哋又叫返啲嚟食先！ 見到宣傳相影得咁吸引，我哋就一於叫返個「皇帝菜苗餃」同「蘿蔔絲酥卷」試下先。其他菜就自己睇餐牌點，點咗 － 素鍋貼  － 豆腐餃子  － 紅豆沙鍋餅  － 芙蓉炒桂花翅  「皇帝菜苗餃」先嚟，個樣真係幾靚！ 餃皮好似透明咁晶瑩剔透，餡料一覽無遺。所以，我睇到裡面有好多菜苗呀，正！ 外皮咬落煙韌，加上熱呼呼，好正！裡面嘅菜苗好多，好青綠。雖然無肉，連素肉都無，但味道都調得唔錯。感覺清新又唔油膩，唔錯！ 之後出場嘅就係「豆腐餃子」。 其實，未見到個樣之前，我一直想像豆腐餃子究竟係咩樣。 見到食物之後，就覺得好可愛，真係諗都冇諗過豆腐可以包成餃子嘅樣，呢碟好似一隻海星咁浮喺上湯面……上湯有好

食素其實真係對身體健康Ｄ的，所以有時間對會對身體好一點，食多Ｄ素。而今日就去左功德林素一天啦。豆腐餃子一個好考大廚功夫嘅菜式，就係用豆腐做餃子皮再將蔬菜釀入當中，每一啖隨左有著豆腐與蔬菜仲感受到大廚嘅心機苔菜松子炒飯一個好特別嘅炒飯，原來海苔炒飯可以咁香而且加上松子一齊食真係好有益。芝麻湯圓湯圓外形精緻，而且表面彈牙，流沙芝麻唔會過甜真係好好食。

上海功德林在我印象中是素食界大阿哥，很久之前已到訪過尖沙咀店，這次友人就約定光臨銅鑼灣店，人流和遊客相對較少。前菜不算驚喜，花生辣菜甫的搭配不過不失。如能以青瓜做前菜會更健康。有多款燉湯選擇，侍應推介這款松茸燉榆耳，端來時清香撲鼻，配料很足，味道香濃火喉足。咕嚕肉與真正的咕嚕肉外形味道幾可亂真，沾滿酸甜汁的外皮仍保持微脆，內裏原來是猴頭菇，整道菜做得很出色。羊肚菌扒鱈魚其實是以脆漿炸過的布包豆腐，配以清新的蘆筍和羊肚菌汁，十分香脆，而豆腐則軟滑可口。當然炆過的羊肚菌是賣點之一，健康又味美，口感有點像鮑魚。油雞菌煲仔飯是全晚最欣賞的菜式，即使不灑一點鼓油也很美味，而且各種菌類加起來香味提升至極，精華完全滲入粒粒煙靭的珍珠米中，開胃好吃。羅漢齋炒麵配料豐富爽鮮甜美，很適合喜愛多花款的我，與其說是炒麵，口感極脆的金黃麵條不如說是炸麵。起初以為這餐價錢會很貴，但整體來說又不然，不是印象中的高不可攀，值得再光顧。

朋友茹素，相約晚飯，綠色星期一的晚上，到了朋友心水食店，銅鑼灣功德林，吃了一頓豐富綠色晚宴。
前菜，先來上海烤麩，必吃小食，醬汁微甜，伴菜不少，有冬菇、雲耳及大大粒翠綠毛豆，非常美味。
三絲魚翅羹，濃稠適中，配料豐富，最愛竹笙的爽口滋味。
松茸燉愉耳，陣陣松茸清香，口感清爽，加上時令栗子，多添一份香甜，非常滋潤。
砂窩獅子頭，店家得獎名菜，原鍋砂㷛新鮮滾熱辣上桌，獅子頭以豆腐、馬蹄、粉絲及豆卜剁製成球，口感軟腍，配上飽滿芡汁，伴著竹筍、冬菇及多種蔬菜，白飯定要來多碗。
油雞菌豆腐角，精緻賣相，薄切豆腐角豆味香濃，包裹著青綠爽脆的雪菜，特式又美味，配上味道濃郁的油雞菌，還有口感實在的雞脾菇及火腿，味道清中帶點甜，必吃之選。
油雞菌雜錦煲仔飯，熱騰騰冒著濃厚香氣，珍貴的油雞菌混著各式菇菌，淋上醬油拌勻，爽口滋味加一點辛辣，還滲著淡淡飯焦香氣，飽足又暖胃。
接著來個酒釀桂花丸子，甜度恰好夾著鮮明酒香，沾滿桂花的小丸子，口感份外煙韌。
熱辣辣棗泥糕，軟韌綿密，棗味香濃，伴隨淡淡薑汁及椰香，養生滋潤。
這裡裝潢清雅舒適，空間明亮寬敞。莱式選擇多樣，當中亦有不少心思佳餚，廚師以簡約食材，變奏出多元

肉食的日子太漫長了，差點忘記了人類平齒較尖齒多，素食才是飲食健康的關鍵，可惜吃慣濃味道的香港人又怎麼忍受清淡無味的蔬菜，對素食有很多的誤解也沒辦法再解釋太多了，反正人們大部份追求的是舌頭上幾秒鐘的享受而已。要麼吃肉吃到膩，要麼吃菜吃到寡，為迎合現代人的口味，現代有一種叫「俗世齋」的東西，採用的材料全都是蔬菜，卻製作多款形似肉類的食品，例如素雞、素火腿和素蝦等加工食品，有點像分子料理的感覺，味道濃淡度適宜，為迎合大眾化的所需要求。舌頭被俗世渲染的自己，也很需要很想要一間茹素的餐廳，好好的享受一頓沒有肉食的一餐，那一個晚上就跟家人一起來到銅鑼灣一間叫「功德林」的上海式素食餐館，可算是高檔的素食餐廳。眼前餐牌上陳列了琳琅滿目的食物，使自己不知道從哪兒開始選擇才好了。由湯類先入手，我選了竹笙百合北蟲草燉湯，因為在秋分時分，最適合喝一些滋潤養陰的湯水，裡面有竹笙絲、杞子、百合片、蘑菇等材料，味道濃稠不膩，湯很夠熱很暖胃。咕嚕肉外貎十足平時在餐廳所吃的由豬肉製成的咕嚕肉，當然"肉"是由猴頭菇所製成，卻比肉製的來得好吃，至少較沒油膩，而且猴頭菇本身爽口，甜酸汁份量適中，味道酸酸甜甜易入口，不愧是「廚