功夫點心

營業中

休息中

今日係中秋節加我嘅生日，做服務行業嘅我要開工呀！收工已經十點，老公接收工落深水埗拍下拖食個宵夜行過見到尼間功夫，醒起我地之前食過尖沙咀分店都幾ok，決定飲個夜茶店面都幾闊落，中國式嘅佈置，配合到飲茶嘅氣氛，但d餐具都幾污糟下，尼點有小小扣分呀下點餐紙成本武林秘笈咁，設計得幾得意選擇都算多，價錢合理蝦餃，九蚊粒，大大粒賣相不錯，皮做得煙銀，蝦好足料有兩大隻，新鮮旦牙，調味恰當，好重麻油味，不錯吃的鮑汁鮮蝦荷葉飯，兩隻蝦放面幾吸引，個味調得幾好，不會過咸，裏面有冬菇同瘦肉，飯不會硬同乾，好香荷葉味，唔錯黑椒金錢肚，金錢肚係我嘅至愛，飲茶必點，咬落夠林又夠入味，黑椒汁非常惹味，滿意鳳凰煎糯米雞，見幾特別點來試試，幾香囗，但面層煎得不夠脆，有d痴牙，可能我個人唔鍾意食飯焦，老公覺得幾好味原隻鮮蝦腸粉，腸粉唔夠爽滑，夾起有小小痴筷子🥢，但分量多，有三大條，每條有兩隻新鮮大蝦，ok啦！可能今日個米漿教得有小小失手啫生日流流原諒你食飽飽兩公婆番左荔枝角公園行下賞下月，非常滿足

晚上930，點左3樣野， 燒賣生既，排骨生既，個金錢肚有1舊臭既，點解要咁玩我。加插，旁邊個台點左個煎糯米雞，都係凍既，又比人彈左鐘。點解食評要80個字，又係玩我既。點解要寫200個字先評到分，咁要寫埋英文。Hong Kong Time 2130, i am alone, eat myself, then go to this dim sum restaurant, dim jor 3 stuff, but 2 of them are raw, dim eat ar, play me ge.fyi, the table sit next to me also was served with a cold deep fried glutinous rice chicken lor.

夜晚仲做點心既地方其實唔多,所以就OPENRICE一下,見到有功夫點心就想食啦~入到去其實地方大,位都起碼60個,但係就唔知點解7成滿都叫我同朋友兩人去搭枱,枱與枱之間其實都幾細,基本上坐旁邊點搭枱都聽到格離位講咩講返食物先,流心奶王包:做到流心,但其實佢唔係奶王係咸旦王既味,不過好香,好味!鳳腳:入味,夠林炸兩:油炸鬼都幾脆金錢肚:入味,夠林,黑焦味唔錯蝦餃:最好食,入面多蝦又彈牙!

老婆大人突然間話去深水埗食野，但行到黃金附近，都發覺大部份都食過，無乜新意，無意中見到紅色既門面吸引到，亦諗起好耐無飲茶食點心，所以二話不說就入去。由於我係10:30先入坐，經理都好細心叫我叫點心要一次過，因為佢地收11:30，last order。首先，魚腩豬潤粥魚滑，潤爽，都幾Ok, 仲有脆脆跟，趁熱正。牛肉腸粉粉皮適中，都幾滑。金錢肚幾入味，肚身就有啲咬口，味道幾好既。魚湯浸娃娃菜幾爽口，無乜味既，配合咁多濃味野都ok。棉花雞呢個我最鍾意，雞好滑，連舊芋頭都好林好正。咸水角個皮唔會太厚，涵好味鮑汁雞腳呢個最後講，因為有代改進，個汁同個雞腳好似分開左咁唔夠入味，唔夠林，希望係因為一早賣哂，咁都正常啲。總括黎講整體都唔錯，臨收到亦無趕我走，比80分你😁

今早心血來潮想食點心，約11點到達，已很多人在等位，好彩裡面位置不少，而且搭枱。所以等了15分鐘就有位。點心整體都大份，好食。燒賣，可只叫2粒。 $9/1粒。不過不失炸流心花姿球，新穎，彈牙，內有類似海鮮湯羮的饀，喜歡窩蛋牛肉飯 份量幾大 夠2人食流沙包 $8/1個 好大個 要趁熱食蝦腸 好大隻蝦 好味道整體不錯，但坐得不算舒服，枱太細，不夠位放食物，點心也不算熱辣辣。但有時想食下點心，也是個好選擇！平均$60/1人

As it was that time of the year again got a box of zhongzhi for the old folks.It comes in a neat box with three inside.After steaming, they were all pretty delicious especially the savoury ones with scallops and the pork was not too fat.The sweet one was popular with the folks as they like it sweet.If I remember, I will probably get them again next year!

今天的飲食時間有點混亂，所以到了晚上九點半還未覺肚餓，但再不食晚飯的話，很多鋪頭就開始關門呢！所以要即時行動。。。。突然想起去飲夜茶，我們選了功夫點心茶寮。一坐下就見到一本好有趣的秘笈📚，令我不禁即時打開睇睇，內裏載滿40多款點心，任君選擇，價錢亦大眾化。我們喝啖茶，令我喜出望外，茶清及帶有濃烈的香味，非常好味！第一個印象非常好！我們點了黃金流沙包及蟹子香菇燒賣皇(最少要兩個起)、鮑汁鳳爪、翡翠叉燒腸。流沙包的奶黃香濃美味，蟹子香菇燒賣內蝦仁🍤非常鮮味、爽口彈牙及肥肉比較少，非常好味！叉燒腸非常軟滑及有米香，而且叉燒非常多呢！至於鮑汁鳳爪，我就略嫌細隻，及味道一般！但都蓋不過這間茶寮用心製作的味道！而且非常超值。👍🏻😉還有的是下午茶還有八折優惠呢！

端午節就快到，當然又係時候食糭應節。記得舊年試咗「功夫點心」的鹹肉糭、鹼水糭同裹蒸糭，覺得幾款味道都唔錯，真材實料，所以今年就決定再接再厲，預早買咗糭券，趁這天要來深水埗出差，辦完事後，就順道過來換領。好彩一早買定，原來啲糭券已經全部售罄。一如往年，今次買嘅功夫瑤柱裹蒸糭套裝 (原價 $178、優惠價 $138)，一共有三款，包括家鄉鹹肉糭、豆沙鹼水糭和懷舊瑤柱裹蒸糭各一隻，而且全部是都是真空包裝，並以禮盒盛載，就算用來送禮，亦絕不失禮。先講下呢隻懷舊瑤柱裹蒸糭，個子巨型，非常墜手，斤両十足，而入面嘅餡料除咗有糯米同綠豆，另外仲有鹹蛋黃、豬腩肉、燒鴨、蓮子、瑤柱同冬菇等。糯米相當腍口，唔痴牙。鹹蛋黃雖然不太油潤，但亦不差；豬腩肉肥瘦適中，有豬油香嘅同時又唔會太膩口。蓮子綿香鬆化，加上瑤柱同冬菇，極之足料，多重滋味，令人吃得滿足。至於這兩款就係豆沙鹼水糭同家鄉鹹肉糭，鹼水糭賣相不俗，糭身呈金黃色，在燈光下顯得半透明，入口鹼水味不過苦。糯米頗為鬆軟，韌度適中，帶點黏牙的感覺，而豆沙餡亦香甜清新，各方面都在水準之上。最後就輪到品嘗這款家鄉鹹肉糭，隻鹹肉糭用料雖然無裹蒸糭咁豐富，但入口軟糯煙韌

蝦餃燒賣每次都必叫，水準維持到，炸兩外軟內脆，推介。 黑椒牛肚都好好食，十分，鍾意黑椒味同辣嘅係不錯選擇。但係個叉燒包呢........就一次比一次退步， 上個月食已經明顯細小了，和茶杯的直徑相比還細， 感覺好像微波爐返叮， 外皮有一陣光滑膠面， 好似老婆餅個面咁。 希望不是因為分店多了而令到食物質素下降。 新裝修後座位之間的空間和之前相約。

好好吃😋靠近港铁站，交通方便。不贵，一个人吃了好饱。只是座位窄了点。食物味道很不错，点了虾饺，叉烧包，烧卖。搭台还碰到很好的人，请了我吃流沙包。流沙包好大一个，很快就饱了