功夫點心

因為其他人推介，我選擇來功夫點心試試。在深水埗，其實他的食物完全不算出色，只是普通貨色。到深水埗的話，我情願吃中央大飯店，或者添好運。不用專登走到深水埗。侍應為我10:06落單。10:30的時候，我叫其他兩樣點心已經吃完，所以我叫部長取消燒賣。其實我不介意部長說跟我追單，請我等一等。部長看他的手錶，看我落單的時間，辯道說：燒賣用豬肉做，蒸豬肉要時間。 你忙碌，我體諒。但是跟顧客駁嘴，完全沒有意思。推介大家不要到來。…查看更多

黎到深水埗行完就搵野食，深水埗呢邊都算多野食既，行下之後見到功夫點心就入去試下，反正都有位唔駛等。雖然有卡位不過感覺衛生環境唔太理想。洗餐具都要大力啲去洗。最後點左個套餐66蚊，蒸滑雞飯，燉雞腳湯，金錢肚。蒸滑雞飯，雞有點兒肥而且啲飯唔軟熟，口感唔太好，份量都唔多，整體真係好一般而已，飯扣分。燉湯雞腳，整體普通，不過不失。金錢肚，味道算係合格不過份量偏少。。。。總結。。。雖然價錢66蚊唔算貴，加埋茶位比多7蚊，整體係唔吸引同份量唔多，味道唔合格。…查看更多

去開元朗嗰間功夫食落都幾好，行過深水埗見到有功夫就試下啦以為唔會差好遠，點知我錯喇😑，同一間連鎖店唔同地方唔同師傅可以質素差好遠🤔 叫咗粉葛燉湯，飲落好似清水咁，奇怪在個燉盅裏面好多湯料，照計有咁多湯料點樣燉都應該有味嘅，除非廚房佬係溝咗水嘅啫，你咪當客人係傻先得㗎,,個個人都有條脷㗎，咪以為得個樣呃得下人就得㗎🤬 仲有叫咗碟煎釀茄子，size畀元朗分店細咗一半，同味道都好奇怪😑 經此一戰役深水埗功夫分店永遠不再幫襯，元朗分店可以繼續幫襯，不過都要keep住觀察質素有冇走樣。🤔…查看更多

幫襯過好多次，今次真系最差嘅一次點心等極唔到，點心紙話等十五至二十分鐘，等夠半個鐘先出聲問一問，諗住叫個伙記黎，但啲伙記叫幾廿聲都冇反應，當見你唔到，態度又差，叫極唔該喺正隔離都當聽你唔到咁，尤其是右邊眉對上有粒癦果個女職員！叫到個伙記黎同佢催單又阿吱阿左咁，垃圾到不得了！以後都唔會再黎幫襯！！…查看更多

周日諗住同屋企人一齊飲餐早茶，點知一大早門外已排滿客人。真係唔可以睇少香港人對一家大細食點心的熱情～蝦餃王排在餐牌的第一位當然就是招牌菜。皮厚，蝦多肉少。爽口但不算鮮美，如果豬肉成份多一點就更鮮。蟹子香菇燒賣皇，除了在賣相有別之外很多地方蝦餃跟燒賣的味道也差不多。還好這裡蝦的成份不算多，是切碎了跟肉末混在一起的，比起平時大大隻蝦的討好得多。食左好幾款點心，當然要試一味懷舊綿香馬拉糕，而實在也是這裡的推介項目之一。看上去質地不算綿密，跟市面上「大孔」的版本不太相同。但麥芽的味道濃郁而口感也鬆軟的，不錯，吃得過。…查看更多

營業時間話係夜晚10點半,未夠1O點就企係度係甘催埋單，2分鐘催幾次,10點3個字個阿姐已經企係隔離望實你等你走,成件事又好合理又好奇怪，香港文化就係甘，不如更改番時間提早收舖咪仲好？…查看更多

夜晚同老公一齊食呢間點心，第一次食，雖然見comments一般，但見咁多間分店應該無死既！再者，自己親身試過就知負評係有少少誤導，而家幫呢間野平反！！夜晚有套餐優惠，一個飯，一個點心，一碗湯，都係64蚊，抵又食得飽！我同老公都叫了2份夜市套餐，點心算多選擇，最後點了菜和牛仔骨，大碟到一個點，牛仔骨入味又多肉食！一定會再黎！另外，服務都可以，不用加一，茶位價算抵！夜晚唸5到食咩又想健康d, 呢間中式點心真係值得推介！…查看更多

今日6點半左右去開SSP 是旦行過見有位入去食。 落左單，野食未到。 d職員就唔知發咩神經 無啦啦攪衛生 搬開d枱掃地。一搬張枱個枱坐下面d甲曱走晒出黎 。 個職員即係係好似扑傻瓜咁周圍踩甲曱。即該無晒胃口。 我都唔知佢地平時幾耐無掃個地。又唔知做咩有客係度先掃。係攪就好心開鋪前攪。跟住仲要將個佢掃完甲曱屍同塵個垃圾桶放係我張枱側面。野食真係麻麻。個所謂燉湯仲衰過例水。 個蒸飯仲衰過叫食白飯。 點心墊底塊蘿蔔仲要係唔熟.…查看更多

週末Lunch想食清淡啲，路過見到呢間都多人排隊，於是試下，等咗大概5分鐘入座。第一碟一上黎就覺得中伏！酥皮完全唔掂，叉燒餡都非常一般鳳凰煎糯米雞都係好難食，完全冇煎到脆皮，好少餡料，真係食到擰曬頭:(菜苗餃肉眼可見個皮好唔掂，未夾已經爛咗其他產品就勉強合格，腸粉皮勁厚，但起碼食得落。總之呢一餐食得好煎熬，認真難食😔未試過喺香港食到咁難食嘅嘢，雖然價格唔貴，但真係好難食，情願去買唐記包點勸大家唔好輕易嘗試，都唔明點解咁多人食，竟然仲要排隊，深水埗真係好多嘢好食，冇必要食佢l…查看更多

外賣呀姐亂落單 仲理直氣壯 當你老 麵吾好發矛 話哂麵係服務性行業 食物水準差 燒賣像麵粉燒賣 流沙包不是流沙退自稱皇牌 這間店要做都影響點心之名 早日執笠吾好為禍人間 外賣分量縮水偷工減料 …查看更多

打完波已夜晚8點幾 依家嘅香港算夜㗎喇 行到深水埗 見點心店 就隨便入去揀位坐 之後叫咗幾個點心加燉湯… 見得閒冇嘢做就上OpenRice睇吓啲comments…唔睇還好 睇就嚇咗一下 個個都負評 唉 冇計 叫咗都要食埋先 快食完就走算西洋菜陳腎雞腳燉湯先上 無味精 一碟鮮蝦腸粉 一碟叉燒腸粉 個蝦都算爽身 叉燒腸普普通通胡椒湯生菜鯪魚滑 胡椒湯算OK 鯪魚滑就偏淋食完晒覺得普普通通啦服務又冇乜嘢喎 冇樓上啲comments寫得咁嚴峻嘅……查看更多

行過見到佢門口介紹$45隻乳鴿咪入去試吓囉！叫左二個$62套餐（蒸飯+湯+點心），蒸飯D質素就真係一般（我覺得唐記xx 同xx達人個D外賣蒸飯都好食過佢）個肉餅乾爭爭又薄，點心叫咗豬肚都ok嘅…味道正常、個排骨就麻麻…冇味嘅，雞腳湯同唐排湯都算幾好飲、之後叫左個酥皮焗叉燒包…. 哇！呢個一見到個賣相已經覺得佢唔得….咬落去真心難食…. 得個熱字、好似係放入微波爐叮完嘅口感、但係個乳鴿都算唔錯、講真…深水埗咁多嘢食…. 呢間應該有排都唔會再試。…查看更多

環境污糟 枱櫈地下都好污糟餐具污糟 啲碗碟杯全部都有上一手食淨嘅殘渣黐住點心難食 基本上難食到 全部都係咬一兩啖就食唔落夥記服務態度差 十問九唔睬腸粉皮厚過棉胎 質地又粗鞋牛仔骨韌到咬唔入 牛肚鹹到腎虧 一碟得四舊粟米煎魚餅硬到可以用嚟紮鐵餅唯一係個薑汁糕叫做正常有薑汁味整體嚟講九成食物係入唔到口難食到咁嘅程度真係 不單止冇下次仲建議各位唔好浪費金錢同時間…查看更多

今晚同老婆喺深水埗買完嘢，諗住打算食點心 就喺街度隨便入咗一間食點心的舖頭 一入到門口第一眼就見到用餐環境惡劣 地板同枱面睇落唔乾淨服務態度一般最緊要係食蒸排骨係生豬肉 冇咩事真係千祈唔好過嚟………………………………………………………………………………..………….………………………….….………….……….…….……………….…..…查看更多

飲早茶 坐得唔係好舒服張枱太細根本放唔晒啲點心 嘢食方面質素其實都唔錯 超鍾意佢個菠蘿包皮嘅叉燒包 11點就有乳鴿賣 必定叫返隻 乳鴿燒得好香好入味 呢度食嘢都幾平會keep住嚟食👍…查看更多