力寶軒

營業中

休息中

與家人提早食冬至晚飯, 揀咗力寶軒因為佢好味，水準又穩定，用餐環境氣氛都好舒服， 咁啱有套餐真超值。宜家晚市應該有七折，仲唔驶限制用餐時段， 可以輕鬆食慢慢傾潮洲四拼盤鹵水鵝片好juicy、豆腐嫩滑冇得彈，香油海蜇黃金花之卷出色， 椒鹽九肚魚略嫌冇以前咁肥美。金湯焗開邊龍蝦龍蝦好新鮮彈牙雖然做套餐，但一點也不欺場， 金湯應該係加咗南瓜蓉特別好味。清蒸沙巴珍珠躉蒸得剛剛熟，好滑好鮮味紅燒竹笙海皇羹 滿意山楂草莓咕嚕肉酸酸甜甜很惹味， 咕嚕肉炸得完美， 外脆肉 juicy又唔會太肥 ，咬落去又吾會成舊粉咁。腿蓉扒津白 滿意方魚炒芥蘭芥蘭竟然可以炒得咁脆口， 係目前食過最好嘅方魚炒芥蘭， 大家千祈唔好錯過芙蓉瑤柱蔥花炒飯有很多瑤柱絲絕不欺場， 炒飯係粒粒分明，一點也不油膩，好味。杞子桂花椰汁糕淡淡桂花香加椰汁， 唔會太甜係絕配 (又掛住食，食到最後一塊先記得影相)銀杏馬蹄片豆爽經典甜品冇得輸。貴妃雞吸引到掛住食又忘記咗影相。當晚招待我們的女侍應用心誠懇，男侍應還有進步空間。

今年中秋節疫情稍為緩和，大家又可以多幾個人一枱，就出去食飯慶祝下。問咗好幾間星期日晚都full booking, 證明市道幾好！最後發現力寶軒有位之餘，用apps book位仲有7折，諗都唔駛諗就試吓啦！6:00到達，已經坐了成十枱。枱與枱之間有啲密，差不多凳背貼凳背😥，而且當晚都幾多客，真的不太好。講返野食，力寶軒雖然主力做潮州菜，但係亦有粵菜可供選擇。我哋難得食潮州菜，緊係叫啲必食潮州菜式啦！滷水拼盤、胡椒豬肚湯和蠔仔肉碎粥當然唔少得！滷水拼盤有鵝、五花腩、鵝亦、豆腐和蛋，都幾大碟😋我覺得呢度嘅滷水幾好食，唔會太咸，而且啲肉唔會滷得好「鞋」👍至於胡椒豬肚湯就好夠胡椒味，上枱夠駛熱辣辣，我好鍾意！而且份量都唔少，差不多有8-9碗，好滿足！仲有蠔仔肉碎粥，蠔仔幾大隻，隻隻脹卜卜，好有鮮味！整體來講，成餐飯樣樣都好好味，服務亦可以，唯一係枱與枱較密，如果可以改善就更好啦！當然，因為有7折嘅關係，最後埋單都好抵，每人唔駛$240就食到飽飽啦！👍👍👍

這次叫了四個點心，一碟炒粉麵，生拆蝦餃、义燒包、明蝦角、蘿蔔金錢肚及一碟干炒牛河，茶葉自帶。蝦餃皮都算煙韌，蝦肉也彈牙，但味道卻有點兒咸。明蝦角餡料足，但也是偏味濃，蓋過了蝦味。义燒包皮不夠鬆軟，包皮比較甜，真的做得一般。蘿蔔牛肚夠冧，可惜獻汁太稠，有點漿口。干炒牛河，河粉炒得不多油及一條條分開，幾好。但牛肉可能落了太多梳打粉，完全無咬口，而且無牛肉味。總結，食後有口乾感覺，舌頭有點兒麻麻的，應該味精都唔少。兩人八折埋單也要四佰多元，不會再來。

呢兩三個月因為減肥要食得好清，戒糖戒澱粉質，完成咗兩個cycle 有啲成績，可以放下假，咁梗係要約下朋友放縱下（個胃）啦，講到要飲食放縱，飲茶都應該係不二之選🤪由於兩位朋友都係金鐘返工，咁唯有我就就佢哋，過嚟搵佢哋lunch啦，其實想喺金鐘飲茶食點心嘅餐廳唔多，力寶軒係一個幾唔錯嘅選擇，環境好、坐得舒服，價錢又唔算貴☺️可能我太耐冇黎飲茶，原來而家已經係掃QR code落單叫嘢，真係大鄉里出城🙈炸春卷 好新鮮 熱辣辣 脆卜卜叉燒酥 普通沙律明蝦角 又係熱辣辣嘅，證明姐姐傳菜好有效率👍🏼蝦餃 餃皮厚度適中 蝦肉爽脆綜合環境、衛生、食物質素、服務水平、價錢 各方面都係好嘅⬛️📣最後值得一讚嘅係 電話訂座時冇講，係入座時我才特別要求侍應安排一張靠近角落頭嘅位置比我哋方便傾偈，侍應都非常樂意配合👍🏼👍🏼

Happy Lunch ～ 鵝片係招牌菜✨✨✨超級好食😍😍😍😍一定要order!! 💕👍🏻椒鹽魷魚非常好食蝦餃燒賣好味～ 服務好好👍🏻但食物價錢都偏貴都屬於高尚嘅飲茶地方！

朋友再請客於力寶軒，我和 hubby 才第二次來,裝修不算新，但都舒服。是晚星期四，連我們 4 人，全場總共 11 位客人，真的生意難做。朋友點了一個套餐。先來一個拼盤，有滷水鵝、九肚魚、木耳、墨魚卷，及格啦！再來一個花旗蔘雞湯，足料。第三道是焗龍蝦，肉嫩鮮甜，有驚喜。蒸龍躉，新鮮，火侯剛剛好，超水準川椒雞不錯。火腿津白比較普通。海鮮炒飯不錯，有水準。水晶包好正，有蓮蓉及豆蓉雪耳雪梨糖水都不錯。我是陪客，只負責食，食得飽飽，朋友說連加一連 tips, 都只是 $1,500；這個價錢，都算貨真價實了 ！

朋友於力寶軒請食飯，潮洲菜, 主因是套餐好抵食超值。以前有差不多 4 年在金鐘上班，多數在統一中心食午飯，很少過來 Lippo Centre。可以免費泊車，環境不錯的。當晚星期三，到的時候只有 4 枱客人，後來再有一枱，餐飲業的確不容易做，朋友點了 2 個 4 人套餐，開心套餐 $1,088 & 自選套餐$628， 還多點了一個海參粥。先來一個滷水拼盤，味道濃淡適中，很對胃口！。個人最愛的花旗參靈芝燉湯，有驚喜 然後黃金花枝卷，好食 ！川椒雞正常合格吧！2 隻花蟹，新鮮肥美，多肉，連蟹腳都飽滿，讚特別要讚是蒸珍珠躉，醬汁另上，好新鮮好食臘味飯臘味份量充足 海參粥也足料 ！甜品有燉雪梨及紫米露，紫米露大西米份量太多及太唸，影響紫米口感 ！朋友負責埋單，他說超值 ！

一流的食物和服務，食飯期間我不小心打翻了茶壺，因為沒有濺出枱面範圍無叫人抹，結果好快有人拿來方巾蓋上，實在細心。後來侍者呈上魚旦魚片米線主食，已預先分好四碗，非常驚喜食物味道賣相均佳，值得一試再試

平日晚上四人聚舊吃飯，客人數不多，要讚朋友太識點菜，有傳統潮洲菜，有風味又不會太heavy. 首先蠔餅好足料啖啖蠔仔，賣相好工整好有水準，加上醬汁好香口野味，一點都不熱氣。蒸雞都好香好多配料，感覺好健康滋補。最好味又值得一讚就係香酥鴨了，炸得剛剛好的外皮，入口即溶，好似雪花咁溶係口，但係超鬆化，炸得好幼細的雪花，一點油膩感都沒有，裡面有鴨件，連皮只有少少油，不溜不熱氣，食完好想再食多件，再配埋即炸紫蘇葉真係好夾。另外，芥蘭都好新鮮好鮮嫩又爽脆。最後就係兩面黃，同樣好味，一邊脆口另一邊保留面的軟糯。埋單4人都係人均200，唔知點解咁超值。

未有疫情之前，星期六朝去力寶軒飲茶，通常會撞到好多剛剛完成認許儀式嘅新秀律師。據聞佢地貪呢度環境好、食物水準唔錯、而且超近高等法院，所以選擇黎呢度宴請剛剛黎觀禮嘅親朋好友。餐廳入面好多鮮花、氣球，一片開心嘅氣氛。可惜，力寶軒喺疫情之下，星期六朝熱鬧場面不再。雖然食物保持一貫水準，但可能因為少左班律師新丁捧場，又或者大家都減少外出，所以力寶軒居然變得非常冷清！原本去之前係擔心飲茶多人，點知去到得我一台！講返我果日食飯的情況：點心感覺上變大粒左，而且保持一貫新鮮。而服務更顯殷勤。侍應生話，生意差左好多！因為平日寫字樓好多人已經home office ，星期六又少左班律師希望疫情盡快完啦！飲茶都係要熱熱鬧鬧先開心架嘛！

公司係力寶軒搞聖誕飯。第一道上菜既係姬松茸炖響螺湯，清清地，有雞腳一齊炖湯。第二道菜係滷水鵝拼盤，鵝肉有少少鞋，豆腐同雞蛋最好食。第三道菜係翡翠蝦球富貴蚌，蝦球大大粒，蚌爽口。第四道菜係清蒸沙巴海斑，肉質有少少韌 。第五道菜係當紅脆皮雞，皮脆肉滑，好食。第六道菜係金華鴛鴦蔬，終於有菜食下。第七道菜係芙蓉瑤柱炒飯或瑤柱金菇炆伊麵，我揀左伊麵，太油。第八道菜係楊枝迎甘露，不過不失。最後係桂花糕同豆沙水晶包，唔錯。總括而言，中規中距。

今天到金鐘的力寶軒吃午飯，落單和上菜的侍應態度不差但負責埋單嘅就非常無禮貌，當我簽完單正在猶䂊是否要在酒樓的底單上簽名時，那位女侍應冷冷的說了一句’放低枝筆啦'，咁嘅態度，唔會再幫襯。整體o黎講, 今次點心的水準是可以的但係有一款好像叫雞絲咼筍的小食只得一隻手掌大小的分量, 而價錢收$80 多元就唔值啦。

係附近行到攰 本來想食名都酒樓 但因為全場俾人book左 臨時轉左黎力寶軒第一次黎食 亦唔知會食啲咩 冇咩期待最後7個人 叫左：蠔仔粥：水分都幾多 但蠔仔都算鮮甜 都好重料 食到唔少蠔仔招牌炒飯：個飯本身好好食口感好好 同蛋好夾 但芥蘭唔知係咪唔當做 比較硬 影響口感魚丸河：不過不失干燒伊麵：都幾乾身唔會話太油豆腐煲：好好食 豆腐甜甜地沙嗲牛肉粉絲煲：好中意佢地個調味 唔會太鹹 唔會完全cover哂牛味 炒絲入哂味 好食！兩籠水晶包：個皮好薄 餡食落似係紅豆同綠豆 都唔差

今天本來是吃盒飯的，但同事話唔好再食頹飯，叫我出去食，之後佢地話簡力宝軒。第一次黎食座無虛席！可能因為係Lunch Time好彩同事醒目有訂座！大家記得提前預訂呀！今次一行四人，叫左好多樣野食！潮洲粉果：入面好足料，真係做到皮薄餡靚，不太濕太黏太乾太軟太硬太削太黐一籠得三個。魚湯米線：真係魚湯滾起，唔會太味精味，而且有魚香！加埋彈彈的魚蛋，爽！一個例牌有好多米線係到，基本上每人分到兩豌。蝦餃：優質美味的蝦餃一定要皮薄而軟，如果餃皮是半透明則更佳，蝦要爽口彈牙，餃內有少量汁液，全隻餃則要夠熱為最佳！蝦肉燒賣：用豬肉同蝦肉做餡，出面包黃色皮，有啲上面會舖蟹子。睇樣都知足料！紅棗糕會比較遜色，唔係咁香既紅棗味，只能說一般！有點貴蛋白杏仁茶：一點都唔甜，蛋白多食落好滑似腐足糖水咁，重點係杏仁唔係用粉開！正今餐樣樣都好吃，都好正，配茶一流。

一行5人去食晚飯, 叫左幾個餸, 一個老火湯, 餸大部分不是貴野, 最貴係個白灼蝦, 我地本想食蒜蓉開邊蒸, 經理話蝦細做唔到開邊, 但其實隻蝦唔細, 開邊岩晒, 我估廚師唔想做咁多功夫吧。最差係個栗子炆雞, 竟用急凍雞柳做, 難食! 呢鍋栗子炆雞最後食剩一半!埋單要2千蚊, 位位$400, 好唔低!只可惜唔記得影相!