劉興記生煎包專門店

營業中

休息中

見呢間成日都有人排隊就一於幫襯吓，估唔到未夠六點已經有人排隊叫咗兩個套餐+雞絲粉皮+豆沙窩餅，食到好飽，兩個人都係$170 ，真係超值。🍴爆汁生煎包餐廳標榜如果唔爆汁包換，食之前都預咗有汁，但係一咬開，啲汁真係爆曬出嚟，搞到成塊面都係。佢嘅汁之多真係冇expect到！湯汁豐富又好味，餡肉好鮮甜，最驚喜係雖然個包爆汁，但包底好脆！🍴排骨菜飯，小雲吞排骨係類似鹽酥排骨嗰種台式排骨，菜飯屬於淡味無乜油味嗰種，幾健康。小雲吞有12粒，都好味。🍴青瓜雞絲粉皮呢個係我第二個最愛，佢比一般嘅雞絲粉皮多好多青瓜絲，夏天食十分清爽，麻醬都好濃郁好夾。總括來說個最驚喜係生煎包，值得排隊試下

第一🔥，呢個天時冷氣唔凍冇冷氣好熱🔥🔥🔥🔥🔥🔥🔥🔥🔥🔥🔥🔥🔥第二🔥嘢食一般般豆漿$8得茶杯咁細唔抵直頭肉狗酸。第三🔥麻醬雞絲粉皮唔凍室溫，差少少小以為係熱嘅😮‍💨🔥🔥🔥🔥🔥🔥🔥🔥第四👌生前包就過得去，但唔可以叫好食第五😾上海排骨飯，排骨細細粒，骨多個肉個汁仲要好甜好重酒味，個菜飯唔菜飯，完第六👎🏻👎🏻淨係收現金。👎🏻👎🏻👎🏻👎🏻咩年代冇得電子消費👎🏻👎🏻冇諗過咁差，真係冇下次

今日放工同老公去大圍搵野食，經過見到呢間劉興記食生煎包，又有人排隊，就入左去試下。舖頭細細間，坐位係有少少窄，但感覺唔算迫，而且落單已經先進到有得用QR code！唔使叫侍應，好方便。🥢 鮮雞湯小雲吞 $30細細粒嘅雲吞一口一個，配上濃郁嘅雞湯，好鮮甜。$30一碗就有12隻小雲吞，抵食！🥢 生炸雞扒湯麵 $42雞扒炸得外脆內軟，唔會油膩，入面嘅雞扒仲有肉汁，湯麵都好大碗，麵條唔會腍啤啤，軟硬適中。🥢 迷你雞絲酸辣湯+生煎包+ 豆漿$59酸辣湯偏酸唔太辣，各人有各人口味，呢個偏酸嘅酸辣湯非常適合我飲。招牌嘅生煎包真係每一口都爆汁，裏面嘅肉份量都多，舖頭仲寫明唔爆汁會免費更換！！🥢 手工豆沙窩餅 $28以豆沙窩餅作為呢一餐嘅完結，細細嘅一件，外面炸得非常香脆，裏面有滿滿嘅豆沙餡，唔會甜到膩，好吃！我地兩個人食左$160，飽到捧住個肚走，睇黎今晚個晚飯可以唔洗食啦！如果揸車嚟嘅，一定要預留時間搵位，附近雖然有好多咪錶位，但係都好full好多人！！不過為左個爆汁生煎包，都值得等嘅。

大圍交通方便，食店林立，的確係一個搵食嘅好去處。但係每一間餐廳都各有賣點，要突圍而出真係唔容易。早幾日我就去咗大圍嘅「劉興記」，睇下佢點解可以成為區內新興起嘅人氣小店。幫襯得人氣小店，一定要有排隊嘅心理準備，但係其實較啱時間，都未必需要排隊嘅。我今次幫襯嘅時間係晏晝大約四點鐘，雖然舖頭入面已經有唔少食客，但係好好彩竟然仲有個二人位。一坐低之後，我第一件事竟然唔係睇餐牌，而係畀餐廳入面嘅告示吸引咗。「親愛的顧客們生煎包無爆汁，可免費更換」嘩，咁有信心得唔得架？之後我哋就叫咗一個套餐：「皇牌2 - 麻醬手撕雞絲粉皮 + 生煎包2隻 配豆漿」單點：「蟹黃生煎包」2隻、「招牌擔擔麵」、「秘製上海炸排骨」同埋一罐可樂。好快嘢食就上枱，我第一時間檢查吓啲生煎包有冇爆汁，結果啲汁係衝出嚟，啲汁嘅份量甚至一度令我非常懷疑一個生煎包最多究竟可以裝幾多嘅汁，總之，試過就會知道，要唔漏汁食呢一個生煎包，成隻鯨吞可能係其中一個可行嘅選項。兩款生煎包都好高質，普通版肉味較重，蟹黃版香氣濃郁，各有各出色之處。麻醬手撕雞絲粉皮麻醬同粉皮比例調配得好，雞絲同瓜絲份量足夠。擔擔麵湯底香濃可口，麵身軟硬適中，配合香脆嘅秘

今日去大圍行街，見到間上海餐廳大排長龍，有咩吸引到啲人係高温34度下長時間排隊，我本住唔執輸既心態排埋一份，真係值得的!!麻醬手撕雞絲粉皮- 鮮嫩雞肉與彈牙粉皮,淋上濃郁醇香的麻醬,口感豐富,酸甜鹹香。秘製上海炸排骨- 外酥內嫩的炸排骨,可口,肉質紮實多汁,回味無窮。雞絲酸辣湯面- 湯頭酸辣開胃,雞絲鮮嫩,麵條彈牙,清新爽口,是一道溫暖舒適的佳餚。招牌生煎包- 皮薄餡多,餡料鮮美多汁,煎至金黃酥脆,一咬仲要爆汁差啲射到隔離枱。蟹黃生煎包- 入口即化的蟹黃餡料配上酥脆的皮層,交織出頂級的口感體驗。低糖豆漿- 香醇濃郁,卻不失清爽順口,適度低糖,滿足健康飲食需求。

唔試就走寶了! 大圍積信街外大排長龍，原來係新開的爆汁生煎包佢哋嘅爆汁生煎包，幾有驚喜 做到一咬爆汁嘅效果，最重要係個皮薄唔油又唔易穿～堂食熱辣辣，個口感更加正除了原味生煎包，仲有蟹黃生煎包! 滿滿蟹黃，襯熱食，效果更佳！上海排骨菜飯炸豬扒即叫即炸非常熱辣辣，最重要外皮夠脆，而裏面亦夠juicy麻醬雞絲粉皮切成條狀嘅青瓜拌雞絲，口感清爽～ 粉皮滑溜帶煙韌感，拌入麻醬，係夏日小菜之選豆沙窩餅豆沙餡配埋即炸外皮，滋味滿分

去到大圍見到呢間舖即使喺高溫下 依然有好多人排 抱住執輸行頭慘過敗家嘅精神 我哋都排嚟試下我哋嗌咗生炸雞扒蔥油拌麵🍜重可以揀少油 幾貼心👍個生炸雞扒真係好出色🍗建議大家可以加佢哋嘅辣醬吊味 個味道會再昇華咗🥵麻醬手撕雞粉皮+生煎包（2隻）送凍豆漿個手撕雞粉皮好啱夏天食☀️雞嘅份量都唔少🥳生煎包佢寫明唔爆汁免費換🌟相當有信心 食落都冇令人失望🤩真係好多肉汁好正 講起都想再食👍👍👍凍豆漿竟然唔使額外加錢都大讚呀 性價比實在太高啦

今日Lunch試呢間生煎包，揀咗套餐皇牌4 S4，盛惠59蚊。套餐包括一碗迷你雞絲酸辣湯、生煎包6隻、凍豆漿一杯。落單後等咗5分鐘左右，所有食物就上齊。迷你雞絲酸辣湯：微酸，有胡椒味，好多料，雞絲好多好滑生煎包6隻：底係硬脆煎得有啲燶，入口係熱辣辣，好多湯汁，要小心食，食完6隻之後好飽，但返到office覺得勁口渴，飲咗勁多水，生煎包似加咗味精調味。豆漿：一般，無豆味，可能係叫貨嚟賣。呢間幾啱食quick lunch，由入門口到埋單走人用咗16分鐘，味道唔都ok，唔算勁好食但唔差，扣分位係味精調味。

劉興記呢個名都聽過好幾次....最出名一定係新鮮熱辣爆汁生煎包!!!🥟星期三大概 19:40 左右排隊,, 8點鐘鬆 D 就有位入去食 入到去係 QR code 落單既, 不過個 app 好慢.... 狂 hang 機😂😂 廢麥夫婦分別揀咗皇牌套餐 2 & 3, 跟餐有杯凍豆漿另外單點一個蟹黃生煎包🦀🦀 -生煎包真係爆曬汁, 仲要係好多汁個隻!!! 小雲吞普普通通, 但老公話個湯幾好味麻醬手撕雞絲粉皮成碗既雞絲同粉皮份量都算幾多麻醬夠多夠曬香滑, 一入口係好想再食個隻😋😋不過始終食咗2粒生煎包, 麻醬手撕雞絲粉皮只係食到3分2😂😂

📍 劉興記生煎包專門店呢間生煎包專門店，近期喺新界港九都開分店🤓日日大排長龍，連發哥都有幫襯🤩當日6:30pm到都等咗成20分鐘先入得！落單非常方便，掃枱面嘅QR code自行落單，上菜速度亦都非常快🥳🥢招牌生煎包（2隻） $20生煎包上枱既速度有夠快！落完單等咗唔夠5分鐘就到🤤一咬開爆汁架🫢湯汁超級多～但真係要小心熱，否則會焫嘴～肉餡選用咗新鮮梅頭，食落會比較有咬口，包底煎到金黃色，脆卜卜😈🥢蟹黃生煎包 （4隻） $72呢款係餐廳新推出嘅口味，肉餡仲會溝埋蟹黃，蟹味超濃郁，鮮而不膩，肉質比較結實，口感上係唔同啲😙餐廳仲保證唔爆汁即換！蟹黃生煎包俾招牌嘅貴啲，但都值得一試～🍜蟹皇拌麵 $150呢個係每日限量供應，餐廳選用活蟹新鮮起膏拆肉，誠意十足！上枱時滿滿一大碗，肉眼可見一絲絲既蟹肉同蟹膏，味道好濃郁而且好鮮味，冇半點苦澀味～配麵撈埋一齊食就啱啱好，唔會覺得膩😉份量有啲多，建議兩至三個人share一齊食🐤麻醬手撕雞絲粉皮 $35個靈魂一定喺個麻醬嗰度，充滿着花生同麻醬嘅香味🫦麻醬香滑，重點係夠多！將粉皮撈埋雞絲同青瓜絲，所有食材都充分吸收曬麻醬嘅味道，幾好味！而粉皮口感Q彈，成碟好快

今日勁早起左身，諗住訓多陣先起身，點知訓唔返🥲咁無計啦落左樓下跑步，因為約左個朋友下午去大圍圍方睇戲，所以都問下個Fd 叫佢早啲出黎一齊lunch,咁約左佢12點係大圍火車站度等，跟住佢又話好想食麵同埋啲小食，咁睇下附近有咩食，我地都算好好彩，等咗一陣就有位，我哋兩個人叫咗蟹黃生煎包、蔥油拌麵、迷你雞絲酸辣湯、麻醬手撕雞絲粉皮，估唔估唔到啲嘢食都唔錯，尤其是生煎包真係爆曬汁同埋超多餡👍🏻👍🏻👍🏻

今日食咗喺劉興記嘅美食，喺門口已經見到大排長龍，等咗半個鐘，終於有得入去食啦🙈首先, 我哋點咗嗰個蟹黃生煎包🥟, 皮脆心軟, 吞落肚嗰刻,蟹黃嘅香氣慢慢地浸出嚟😋接緊我哋又食咗雞絲酸辣湯小雲吞🥟 湯頭酸辣適中, 入口即化嘅雲吞簡直太鮮美啦! 再配埋一杯低糖豆漿🥤, 解啖掛, 暢快淋漓!之後, 我地點咗秘製上海炸排骨🥩 外焦內嫩, 佐以秘製醬汁, 一啖下去, 好滑好柔, 又有少少咸鹹嘅味道, 令人食完後還想再來多啖!🤗再續上, 我地有嗰個蟹黃拌麵🍜 麵條Q彈爽滑, 再加埋香濃嘅蟹黃醬,簡直係一絕!🤩 每一口都能品嚐到蟹黃嘅鮮甜👍最後, 我地又點咗劉興記嘅招牌生煎包🥟 外皮酥脆香嫩, 內餡飽滿多汁, 連皮帶餡一齊咀嚼, 實在太過癮啦!🥰總之, 每一道菜式都好好味,令我食得好開心, 食到飽飽☺

位於大圍積信街27號地舖的劉興記生煎包專門店，主打新鮮熱辣生煎包。當天天氣炎熱，在門口等候了二十分鐘，有些辛苦。筆者曾經吃過旺角分店，回味無窮，今次則去住所附近的大圍店再吃生煎包。當天約下午二時到達，堂食需要在門口等候約二十分鐘，才可以入座。在等候期間，可以先想好要點的食物。當天也有不少人點了外賣生煎包。。門口擺放着不少老闆與明星合照的照片，頗為有趣。這間分店採用手機掃描二維碼下單，下單後十分鐘，食物便陸續來到了。。📌麻醬手撕雞絲粉皮 + 生煎包2隻 - $54Green bean noodles & shredded chicken with sesame sauce served with signature Pan-fried buns ( 2pcs)開動前，建議先將所有食材攪拌均勻，確保粉皮能均勻地沾上麻醬。麻醬味道濃郁，夏天吃頗為消暑。之後，當然要吃招牌生煎包了，先輕輕咬開生煎包一角，將湯汁倒在湯匙中。湯汁份量十足，襯熱吃味道最好，裡面濕潤飽滿，外面煎得又香又脆。📌鮮雞湯小雲吞12粒 + 生煎包2隻 Mini wontons served with chicken broth

朋友通知大圍有一間爆汁生煎包小店！！！日日都大排長龍，應該食物質素有一定嘅肯定！！我去探店當日，都排咗大概20分鐘~麻醬手撕雞絲粉皮~雞絲同粉皮份量都算幾多，而且係凍食嘅item，可以有開胃嘅功能！麻醬夠曬香滑，整體分數算幾高👍🏻蟹黃生煎包~除咗一般鮮肉生煎包之外，我都鍾意海鮮，可以選擇埋蟹皇黃生煎包，層皮薄到可以見到裏面嘅汁係度「朗朗」下，成件事非常有趣😆咬開就見到好多蟹黃，果然夠曬足料。招牌生煎包~食呢個生煎包真係要非常小心！！如果唔係,一定會整污糟件衫！！與朋友所講每一粒生煎包都非常爆汁，我刻意用匙羹去量度佢嘅汁量，簡直驚為天人！！！肉汁非常鮮甜，食每一粒都覺得係一個享受😌排骨蔥油拌麵~排骨炸得非常酥脆，更可以沾上旁邊嘅辣醬，各有風味，不得不提，拌面嘅醬汁亦調較得非常恰當，唔會過咸！

每次經過此店總必有長長人龍，今日早咗收工決定挑戰一下，排咗10分鐘有位。店舖面積不算很大，大概有十張二人枱，坐低即刻用手機落單。我目標清晰，唔使2分鐘就點好晒菜，雖然只有自己一人，卻點了多款試試。招牌生煎包 $30/4隻我跟住指示進食，先慢慢咬開表層嘅皮，喝了一小啖湯，跟住再點啲醋食埋剩返嘅湯加餡料，肉湯入面食到有香濃胡椒味，豬肉以新鮮梅頭肉製，食到最底咬埋個脆皮，啖啖都有唔同嘅口感，不失為招牌菜。蔥油拌麵 🍜$30麵上放上濃香嘅蔥油，撈埋秘製醬汁一齊食，麵質夠爽身彈牙，麵條的顏色平均，每啖都充滿蔥油醬汁。蔥油雞扒菜飯 $42雞扒炸得香脆，我特別欣賞個菜飯，混入大量嘅菜，飯乾爽得來啖啖都有菜入口。不過眼闊肚窄，最後打包咗同家人分享。總括而言，招牌生煎包出色，有機會想試埋蟹粉生煎包。