劉興記生煎包專門店

營業中

休息中

難得同朋友一齊早收工，就一齊去揾食，講開之前食過一間好好食嘅餐廳賣生煎包，朋友話有興趣，咁就向"劉興記生煎包專門店" 出發😍⭐招牌生煎包個皮煎得好香，熱辣辣，仲有大量湯汁鎖左喺生煎包入面，朋友形容話係飲緊湯咁，又形容得幾貼切喎，真係一食，再食，都仲咁好食😋⭐蟹黃生煎包蟹黃食落冇咁多汁，不過就好鮮味，用皮薄餡靚黎形容佢真係冇錯，仲好足料添😋⭐(凍)低糖豆漿好香豆味，朋友話見到佢貼左張紙出黎話可以refill，好好呀😍⭐原味上海小籠包新鮮滾熱辣，出曬煙嫁，朋友好心急，要襯熱食，我就要攤下先，小籠包最重要係皮唔好厚，但係又唔能夠太落，一夾起就甩汁，li個小籠包做到曬，繼續係皮薄餡靚，湯汁夠多，好正呀😍⭐排骨蔥油拌麵排骨雖然炸過，但食落唔會一口油，而係外脆內軟，好食🤤至於蔥油拌麵，落枱嘅時候冇乜特別，實質上寶物沉歸底，佢個底嘅豉油同蔥油撈勻之後，好好味，d汁嘅份量啱啱好👍

Lunchtime行過呢間生煎包店，見入面坐滿人，預計有返咁上下料到就試試佢1. 皇牌套餐S1 招牌上海排骨菜飯+生煎包一隻 $54套餐包咗排骨菜飯、一隻生煎包、同埋一杯豆漿，價錢其實係同上環食粉麵差唔多。一上菜明顯感覺到個上海排骨係炸到熱辣辣、好酥脆，肉質鬆軟。菜飯粒粒分明，比較乾身，唔會好多油。最值得一提嘅真係佢個生煎包！雖然周圍都有標語寫住話佢會噴汁要小心啲，但係咬落去嗰陣係真係冇expect到會咁多汁，我咬開咗個皮將啲肉汁倒出嚟係有一湯匙！成個包好有層次，煎得脆口，但唔會硬！咬落去熱辣辣爆汁2. 皇牌套餐S3 麻醬手撕雞絲粉皮+生煎包一隻 $54本身以為呢一個手撕雞絲粉皮係side dish咁樣嘅size，冇諗到個份量真係一個正餐。雞絲撕到筷子咁粗，夠攝牙罅，有口感，肉質嫩滑。使用嘅麻醬係比較稀，夾埋青瓜絲一齊食幾清爽。-3. 上海小籠包四隻 $40生煎包都可以爆汁爆到咁，所以對個小籠包好有期望！佢呢個係即蒸，攞筷子一夾就見到個皮好有韌性，好似個充滿水嘅氣球一樣。咬落去同樣好多汁，而呢一個肉汁同生煎包嘅係有啲唔一樣，小籠包嘅肉汁會帶少少胡椒味。一句形容嘅話就係皮薄餡靚多汁

餐廳：劉興記生煎包專門店地點：上環菜式：上海菜餐牌：生煎、菜飯、湯麵、拌麵、蟹粉、小食、涼拌、餅類、湯丸、小籠包、飲品，都有人氣熱賣皇牌套餐。落單掃QR code。人氣熱賣皇牌套餐可以選擇唔同配搭加唔同數量生煎包。麻醬手撕雞絲粉皮 + 生煎包1隻 $54生煎包生煎包熱辣辣上枱！一咬入去就爆汁，而個湯唔會太油，啲肉都鮮，份量唔少。個底好脆，面頭灑上蔥花同黑芝麻粒。可以加枱上面黑醋食，更好味又可降溫。麻醬手撕雞絲粉皮麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲。叫左麻醬另上，自己加最好。雞絲酸辣湯 + 生煎包2隻 $54雞絲酸辣湯好多料。除咗雞絲，仲有冬菇，黑木耳，豆腐，味道酸酸辣辣，唔錯。皇牌套餐奉送豆漿一杯。豆漿用茶杯裝，係凍嘅，都幾好飲。生炸雞扒  $25生炸雞扒一開5件連皮，炸得外脆內嫩，肉都夠厚。袐製上海炸排骨 $25袐製上海炸排骨一開9件，炸得外脆內嫩，肉就薄身少少，都好香口。總括而言，呢度生煎包多汁又脆底，其他食物質素都唔錯。店舖裝修光猛，座位正常，中上環黎講好抵食。 

生煎包好唔好食，真係睇佢多唔多汁，同埋個底煎得夠唔夠脆？劉興記生煎包就做到呢幾樣嘢，嗰日約咗朋友食呢間差啲去咗另一間分店😂 我哋嗰日試埋佢嘅蟹粉小籠包，擔擔麵加上海排骨。生煎包都唔錯，飽滿多汁。蟹粉小籠包嘅蟹粉唔算好多，不過都係爆曬汁！擔擔面花生味幾濃郁，不過佢嘅肉末係有啲酸酸辣辣嘅，同我哋平時食開嘅上海style有啲唔同。上海排骨啲肉幾淋，不過嫌佢炸得唔夠乾身價錢上面嚟講，佢喺上環區算係真係幾抵食！侍應姐姐佢都非常親切好客！

劉興記生煎包在短短2個月開了6間店，每天總共製作超過20000個生煎包。主打人手搓皮包餡，肉餡用鬆軟的梅頭瘦肉，所有生煎包都是傳統風味。蔥油雞扒菜飯加生煎包 $54雞扒炸得外皮酥脆，但仍然肉汁豐富，加上蔥油非常惹味。生煎包果然是這裏的招牌！皮薄餡靚，內裏上湯滿瀉。店員上菜時還貼心地提醒生煎包新鮮煎好，小心燙口。招牌上海排骨湯麵加生煎包 $64這個王牌套餐本身是配菜飯的，改配湯麵加$10 ，但是湯麵份量非常多，而且湯頭是濃郁的高湯，喝下非常順口。上海排骨炸得外脆內嫩，非常好吃。豆漿所有王牌套餐免費奉送豆漿，而且無限添飲，豆漿豆味濃郁，甜度微甜，美味！原來這裡不只生煎包好吃，菜飯和其他上海美食都非常好吃。而且價錢親民，性價比高，難怪短時間內開了這麼多分店。

🍜要品嘗好吃到流口水的生煎包和小籠包，🥟一定要試試以主打上海菜而非常出名的餐廳「劉興記生煎包專門店」，🍲當然上海菜飯和擔擔麵也是鎮店之寶。每一口都是真材實料，是無法抗拒的美味。🍜小雲吞湯麵（6粒） $34一份小雲吞湯麵有六粒，🍡每一粒精巧細粒，皮薄肉餡鮮甜嫩滑。🍳湯麵還有雞蛋絲和小棠菜，一碗絕對吃得飽。🥟原味上海小籠包（4只） $40即叫即蒸、熱辣辣的小籠包要等15分鐘，小籠包外皮薄透，肉餡多汁，🫔在外皮輕咬一小口能喝到濃烈鮮甜的湯汁，🥩肉餡調味鮮味帶咸，🫚配搭姜絲黑醋一起吃更開胃。📍劉興記生煎包專門店 🏠上環永樂街139號地鋪⏰ 12:00 - 20:00🚙港鐵上環站A2出口，步行約3分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluencer #foodiehk #相機食先 #香港美食 #上環美食 #香港食評 #香港美食指南 #香港探店 #香港打工仔美食 #小籠包

之前食過呢間嘅生煎包，只可以外賣，或者企喺度食，原來而家已經可以堂食，見到忍唔住坐低食個下午茶。點咗兩個原味，兩個蟹黃生煎包，原味依舊爆汁，外脆內軟，最精彩當然係唔使咬，輕輕篤爛外皮，啲汁洶湧流出嚟，湯汁可以多到成個匙羹都係，真係非常犀利，真係好好味。未食過蟹黃味，一於試吓，爆汁方面冇原味咁多，不過多咗蟹嘅香味，而且蟹肉連同豬肉一齊食，鮮味加倍。蔥油拌麵只係$30 ，好大碗，豉油同埋蔥撈埋一齊，飽肚之選。由小店做到可以堂食，都一樣咁好食，難怪咁多年都咁受歡迎，連發哥都幫襯就知道一定好味啦。忍唔住自己食完，都要買番少少俾小朋友。

屋企人沒有煮晚飯嘅一個晚上見到呢度有一間小店 主要食上海菜為主 價錢亦很實惠 一於入去食個快速嘅晚餐店內空間不算太大，但係坐得亦算舒服主要主打食物係生煎包 亦都有其他麵食 亦後唔同款式嘅王牌套餐 我就揀咗王牌套餐S3 : 麻醬手撕雞絲粉皮+生煎包加豆漿 , 再額外加多兩兩隻蟹粉生煎包麻醬手撕雞絲粉皮～混合麻醬的香濃、雞肉的鮮嫩和粉皮的柔軟，搭配新鮮的青瓜絲，口感非常豐富，又不失清爽感😍生煎包非常香脆 咬下去肉汁爆出 熱辣辣好好食至於蟹粉生煎包的味道融合了鮮香的蟹肉、香濃的肉汁和酥脆的外皮，蟹粉味道超級突出 好好食！豆漿非常香濃，冰凍好喝 ～重點係呢度豆漿係任飲嘅！！飲完可以再問事件添加實在太滿足😍

今日去開上環見到有間生煎包有超級多人排隊喎 仲要本身係上環有兩間分店都咁多人排隊 同埋好多外國人排隊咁梗係要試吓啦 地方唔算好大 但係以生煎包嘅舖頭其實都算OK 晏晝仲要有套餐 仲有埋生煎包 lu算係幾抵呀 上海排骨菜飯上海排骨菜飯 比起平時出邊食嘅有少少唔同 食落去甜甜地 個排骨亦都係金黃酥脆個皮唔會太厚咬落去亦都甜甜地 蔥油雞扒拌麵大家食呢個嘅時候一定要撈 因為佢呢個喼汁係非常之好食撈勻如果真係成個面帶出嚟嘅味亦都係非常之好少少甜 好開胃 連平時食飯都食唔晒嘅朋友仔今次都食得晒 另外個雞扒炸完之後一啲都唔係仲keep到雞肉嘅嫩滑好味 生煎包食之前已經見到枱面有張貼紙話叫我哋要小心爆汁 一咬嘅時候細細啖咬 點知都係唔覺意爆曬啲汁出嚟 搞到朋友仔件衫都濕晒真係非常之唔好意思呀 大家食嘅時候真係唔好着新衫 但係好好食熱辣辣佢仲要話唔熱可換 同埋佢上面有少少蔥喺度點綴蟹黃生煎包非常足料啊 見到有一粒粒嘅蟹黃喺個生煎包入邊 食落去蟹膏嘅味好出好新鮮 唔會比啲本身比生煎包嘅肉冚咗浸味豆漿因為我哋叫咗套餐啊 所以豆漿係任飲㗎超級抵 好欣賞呢一度係真係比一隻杯我哋飲豆漿，因為平時出邊嘅都係可能會比

成日lunch time經過呢間人龍都唔少，所以前幾日就去食啦😋 舖頭位置唔多，set menu的確好抵食，尤其是係中上環地區！1️⃣上海排骨湯麵 + 生煎包一隻 $64排骨湯麵嘅湯底係香濃嘅雞湯，加上啲炸蔥好香口！仲有上海經典小棠菜，好大碗✌🏻以上海排骨炸得好酥脆，而入面嘅肉仍然保持多汁，加上甜甜酸酸嘅豬扒汁令人食指大動😀生煎包作為招牌當然唔遜色，即整熱辣辣！入面湯汁非常豐富，外皮底部好脆口！另外豆漿任飲都係賣點之一，豆漿比起市面上嘅更加香濃添👍🏻

這晚來到劉興記生煎包專門店上環分店，之前已聽過朋友說過劉興記的生煎包也很好吃，❤️😆這次來到吃了蟹皇生煎包（$38）和原味小籠包（$40）。😋🥰蟹皇生煎包，比起普通生煎包，蟹皇生煎包多了蟹膏在餡料內，依然多汁，特別鮮甜滋味！😚小籠包，小小的一個，皮算薄，包著豬肉餡，啖啖多汁，很快便清光了，很滿足！🤤🥳Info店名：劉興記生煎包專門店地址：上環永樂街139號地舖

聽講呢間生煎包好出名嫁 香港其實好少地方可以食到好食既生煎包！！ 所以好期待呢🥳位於上環中心位置既店舖唔大 但乾淨企理的👍🏻✨招牌生煎包 - 佢好在可以揀食1/2/4 隻好方便食客揀自己既份量！ 因為人流多， 見d生煎包都係一爐接一爐咁整！ 出到黎真係熱辣辣！ 唔好心急呀！ 因為心急就會好似我咁⋯ 比d湯汁辣親個咀😂 入邊真係滿滿既湯汁， 皮薄其實咬開少少佢就爆出黎啦！ 湯汁好清的， 唔係油膩既！ 非常驚喜！ 飲哂d湯再食d肉， 個包底煎到脆哂！ 好食！ 🤭🤭✨上海小籠包（4隻） 一樣都係皮薄！ 但佢薄得黎 ，你夾上黎係唔會散嫁！ 因為好怕d小籠包一夾就破哂皮無哂d湯汁⋯ 呢個湯汁會比生煎包油少少的✨麻醬青瓜雞絲粉皮 天氣實在太熱， 嗌返野涼拌既個人好舒服！ 麻醬比得好足！ 😍不過最驚喜我竟然係套餐/滿$60 可以任飲豆漿！ 佢唔係飲開稀既豆漿， 而真係好濃厚！ 好香豆味，飲落好順滑！ 黎到記得飲呀！😆

呢間生煎包早排好Hit，一直都好想試。我哋兩個人嗌咗兩份午市套餐，再加多咗一份上海炸排骨，同埋兩隻蟹黃生煎包。豆漿可以任飲。蟹黃生煎包蟹粉味都幾濃，一咬落去爆曬汁，睇圖片中枱上面嘅汁😅麻醬手撕雞絲粉皮加生煎包配凍豆漿呢度所有服務都好貼心，醬汁可以揀多醬，又可以另上。粉皮彈口，雞絲同青瓜份量都好多。蔥油雞扒菜飯加生煎包配豆漿雞扒啖啖肉都好厚肉，上面配咗炸香咗嘅蔥油，菜飯味道好香。另外嗌嘅秘製上海炸排骨，粉漿都幾薄，呢點幾好，不過略嫌排骨冇骨，同埋肉比較薄。

豬扒上海排骨湯面套餐 套餐有一份上海排骨湯面，一個生煎包和豆漿。排骨選用半肥瘦部份，不會很乾炸得相當酥脆，湯底清得嚟有骨湯的香味，面質彈牙。生煎包多汁新鮮，熱辣辣一上枱要先食左先。成個套餐仲包飲品，性價比十分高。酸辣湯套餐配兩個生煎包，非常多汁好味！酸辣湯好大碗，酸酸辣辣好開胃手工豆沙鍋餅再試左上海的經典小食豆沙鍋餅，豆沙不會太甜，只是外皮炸得不夠香脆，脆少少就更完美了。呢間價錢好實惠，難怪可以成爲打工仔飯堂。

一向幫襯開買開生煎包，今次午飯時間直接入去堂食。午市價錢套餐好優惠，點了雞扒拌麵，雞扒經過輕炸，外層炸至金黃酥脆，外皮香脆可口，內裡卻保持著肉質的鮮嫩。搭配的麵條則索哂醬汁好滋味。雞扒大份，食得滿足，性價比高。主打爆汁生煎包，跟餐有一個生煎包，底層煎至外皮金黃酥脆，內餡則包裹著鮮美的肉汁。每一口咬下去，都能感受到包子內部汁液的瞬間爆發，伴隨著肉香四溢。因為生煎包太吸引，最後再散叫多兩個。餐廳套餐包豆漿，可以免費添飲，抵讚。