創軒火鍋放題 (已結業)

同朋友2人去旺角食火鍋。上網見呢間評語幾好，於是去試下。我地6:30去到，無乜人，唔使等位。任食兩個鐘，d野食好一般，無乜特別，又唔算太差。最好係任飲樂天飲品，其他真係好一般。至於最令人氣憤的是員工服務態度！有個類似經理的大叔，我地未夠鐘，已經不停催我地埋單。好，我地都算，比左錢先。我地比左錢，但明明仲有10分鐘，我地都無食野，但朋友口渴，諗住飲多罐野就走，佢行去攞罐野，但被大叔鬧，話我地埋左單就唔可以再攞野飲，搞到我地勁尶介。又話我地好快d走，因為佢有好多客等緊喎！講真，$148，唔係貴，但咁0既服務態度，就真係勁黑人憎，以後都唔會再去！！

睇到之前個個都寫得咁好！我既生日飯決定去這間聲稱材料高質素的火鍋放題試試！一去到order免費轉換既雞煲！我們八個人得一個爐！枱大要起身夾！雞煲可能係全晚既亮點！味道很好！沒有雪味！出面有四款小食！香蒜雞翼、咖哩角、春卷、燒賣！全部都非常上火！除了燒賣！內含三色豆！你吃過未？ 食完雞煲加水食火鍋！恐怖事情來臨了！八比二既肥牛！帶黑的豬肺！豬、羊、魚八個人得四片！紅腸、丸類就一座山咁高！食丸飽咩！材料一般！之前見食評靚靚企係度既牛肉...mu!雞子配給得四粒！食丸食到呢....唯一開心d係有樂天飲品任飲！以相同價錢去hipot好啦！起碼有片刺身食下！成晚以火鍋計可用劣形容！不如專心做雞煲好過啦！

今次係第5次去創興食雞煲架啦"記得第1次去食,係因為母親節,所以上網搵到呢一間放題第1次去到既時候,去食既人唔係好多,本身都好擔心,但食物一黎到ge時候,我地成家都放心晒"到我地食完個陣,我地都覺得呢一間餐廳好快就食好出名;)到我今次第5次去食,佢顧客ge人數雖然增加左,但食物依然好有水準最值得表揚既係,員工態度好好,個個都係臉露笑容真係值得再去!!!!! 個人覺得: 佢係一間好有良心ge食肆,價格唔貴,食物卻好有質素,仲有甜品,小食

同婆婆，媽咪，家姐一齊係放榜之前輕鬆輕鬆：Ｄ我地叫左「創興雞煲」，先食雞，之後加清湯轉火鍋。我地盡快「不」哂啲雞件落個碗度，之後加清湯等佢滾。啲蟹子丸，芝士丸真係平時食開果啲自家製雲吞，正正正正正！！！響鈴：Ｄ糖水，好有心！估唔到除左可樂雪碧果啲有得任飲，連呢啲睇落都覺得貴既野飲都有得任拎唔嬲：Ｄ

友人力薦呢間任食火鍋, 咁我地就約好左星期日一齊去食喇一入到去都幾光猛, 感覺唔錯。友人卜左卡位, 我地 4 個人坐都好闊落又舒服湯底方面有好多選揀, 有平時個d普通湯底之外仲有雞煲揀又唔洗再加$添!有見及此, 我地就揀左佢個小辣雞煲一試喇 佢以一個透明煲上, 色香都唔差喎, 試試佢個味先味道其實係唔差既, 不過略欠雞味…食完之後就可以加水打邊爐喇惠顧會送廣島蠔 / 生蝦, 我地揀左蝦, 不過好麻麻 , 下次都係揀蠔喇食物方面都幾多選擇, 仲有3 款特色台灣丸添只要寫低位數, 佢就會以每人約2粒既份量上枱俾你架喇其實我覺得咁樣幾好, 唔會一次過黎好多, 試左好味先再叫多d, 唔會哂野 一向都好怕任食火鍋d肥牛得個肥字唔好味, 呢到既肥牛真係值得一讚呀, 我地覆叫左起碼有6次以上芝士蛋, 友人推介又係好好味我食左好多粒。其他炸芋頭, 菜肉餃, 等等…都好好食! 平時任食火鍋都係得3款汽水, 啤酒揀, 呢到飲品方面都有好多選擇!除左個3款汽水之外仲有韓國啤酒, Jolly Sandy, Lotte牌: 忌廉溝鮮奶, 錫蘭檸檬茶, 星星汽水, 芒果XX, 薑汁薏米, etc.除此之外仲有個小

小女子第一篇食評~~幫呢間野宣傳下~~今次是第二次光顧,整體食物質素没有變,仍然可以保持水準~~響OPENRIFCE DOWNLOAD左優惠劵,可以選擇蝦或者蠔,我地要左後者~蠔雖然細隻,不過加上湯底同自己調味的醬汁都幾好味(佢有自助調味BAR,想點溝都得)!今次上到去發現有自助小食區,夾左少少試下~~其實選擇都幾多,有多春魚,春劵,咖哩角...仲有碗仔翅,炒飯/面...糖水...總知未開始打邊爐你已經可以食到飽晒~~(個人覺得多春魚最好食)上次食左沙爹湯底好好味,今次試下雞煲~~講真,我覺得佢個雞煲好味過樓下重慶(都唔明點解下面O的人仲要響度狂等都未有位)雞好滑,而且味道好好好濃味~~~其他打邊爐料都唔錯,最鍾意食魚皮,夠晒脆~~仲有鵝腸,鯇魚,肥牛,鮮牛等等~~~由於湯底太正,我地食左大量菜~~~超滿足~~大部份經理或者職員都好好SERVICE,個個都有問必答~仲會自動幫你TIM~~但有一個人我必須提下,佢搞到我地勁唔開心!!!!!!話說食到仲有大概五個字到,就有個女經理無啦啦行過來:"你地食完嫁啦可",然後咩都唔理,連我地話"未"佢都扮聽唔到就同我地熄左個爐!!!!!!我想講我仲

員工好有禮貌.. D食物都上得好快... 冇漏單... 我地三個人比張六人既卡位我地.. 地方乾淨企理, 環境好好, 坐得好舒服~~ 我諗住叫阿姐比杯茶我... 佢成個咖啡壺比我地~ 估佢唔到呀~ 哈哈! 下次會再幫襯！：）

到父親節當日才約好家人吃飯, 發現這火鍋店可在網上訂位, 而且時間配合又可, 即訂.下午收到創興來電確認訂位, 態度好, 安心了一截.創興廣場食肆多人, 節日更見長龍, 惟這間火鍋店沒有等位客, 更有空桌, 疑問頓起.寫著 "人齊入座" 但帶位仍讓我夫婦倆先坐下, 坐位新淨舒服.立心叫雞煲, 即點可也.未幾人齊, 瘋點了一回, 雞煲已上. 等雞煲熟時, 有燒賣, 春卷, 咖哩角, 家人大讚. 小貼士: 為免久等, 雞煲一熟可用碟先全起, 讓侍應可加湯先煲, 邊等水滾邊食雞.雞煲要了小辣, 舉家稱好, 陰霾一掃而空.雖然只有肥牛, 沒有花巧的細分牛部份, 但大塊的上, 比其它按碟叫的餐廳還要好味.丸子選擇多, 各有特式. 蔬菜也不含糊, 金菇量足. 豬潤爽, 雞子無腥味. 正.五人點兩次已經有剩, 立心下次再戰.$148, 包加一, 啤酒, 汽水任飲. 晚市價, 性價比一流.新開三月, 希望下次能保持水準. 

見各位人兄都讚哩間既雞煲，我就未食過，因為我太愛佢既冬瓜環喇，實在好清甜，成個冬瓜盅打邊爐好少地方有。不過任食包既肥牛就唔係好得，我見好多人都另外散叫牛，其他食物就幾OK。價錢好似係138一位(大約唔記得)，包湯底啤酒汽水，旺角任食不二選!

之前食過兩次，印象十分好，所以約了朋友一齊再食！一行3人，預先BOOK咗位，3人仲可以坐卡位添！真係好！環境：環境寬闊，枱與枱之間距離充足，不會太逼，不會坐得好辛苦，但細枱如放了食物只夠2人坐，可能不是太多人知道這間火鍋店，所人流不算太多，但感覺舒好多！唯一缺點係細枱仲用gas爐呀~ 卡位先有電子爐！服務：伙計回應快速，傳菜阿姐都好有禮貌。點食物，不會點了兩輪後唔再出，又沒有漏單湯底：叫咗鴛鴦湯底，沙爹湯好夠味，清湯裡仲有湯料，不是一般透明清雞湯底肥牛：有時肥肉多，肉質尚可接受，不會覺得硬，上兩次師傅會將肥牛排好，中間捲成花，今次捲成一個個圓錐筒，可見非常有心思，好有誠意！炸響鈴：不夠脆，任食有炸響鈴唔使加錢，尚可接受雞子：我係會點雞子架！又係唔使加錢，雖然知道雞子一定係雪藏，但不會”梅”芝士丸/丸類：芝士丸係四方形好好食果種，裡面芝士醬你會溶出嚟架，因為有好多芝士丸啲汁係唔流出嚟兼唔好食~ 丸類唔會雪到硬就拎出嚟，全部係解凍過！炸魚皮：夠脆，厚度適中，唔會俾碎濕濕嘅魚皮脆肉鯇魚片：好新鮮牛栢葉：夠爽價錢：每位$138全包(平日)，真係超值！份量：唔會俾太多，不用浪費！讚！賣相：食物質

突然媽咪有時間食飯，又係油麻地，所以就揀左係創興果到食，媽咪鐘意打邊爐，見到創興依間火鍋放題評語幾好，所以就揀左依間食。初時六點半未齊人，任食又限時兩小時，所以等到7點先入去～估五到母親節依間店都不是太多人，可能樓下只有個放得高高嘅水牌，d人睇五到啦～所以入去即刻有位安排坐卡位，好舒服，侍應服務周到，首先問左湯底及介紹出面自取飲料才離開。湯底好快上枱，我地都快快點野食，叫過以下食物：肥牛～麻麻地好食，因為好肥炸魚角、炸嚮鈴、生根～好味唐生菜、蘿蔔、金菇～金菇分開一條條，全部都好乾淨，好味雞柳～細細件，幾滑幾好味粟米～真是超甜粟蒜香雞翼～估不到淥熟後仲好滑同好有蒜香味台灣芝士雙響丸～五知咩黎，所以試下，原來係好似孖條甘嘅丸，入面有芝士，好似甜甜地，味道一般九肚魚、鯇魚骨腩～媽咪讚好滑好味道滑牛～值得食過肥牛黑豚片～都好食魚蛋同芝士丸～都好味，因為有時出面任食的丸好難食雲呑～估五到都好味道落單嘅野都算嚟足～下單後好快上菜～份量每樣野又不會太多～食左差不多兩個鐘，勁飽！埋單走時，仲送左支康乃馨比我媽咪(^^)$148全包真是抵！會再嚟(^^)

我地一行數人黎到旺角，誤打誤撞入到創興呢間火鍋店，見佢光光猛猛似係新開張咁，跟住又話$148一個人包雞煲同火鍋，都幾抵大家就一致決定食啦想唔到有咁意想不到既驚喜，實在太HAPPY ! 入到去就上左雞煲先，哇哇哇，用個透明既煲裝住燒!即刻對佢有好感，所以話「佛靠金裝，人靠衣裝」是沒錯的再試埋啲雞，認真都幾滑，香料都幾多下，所以燒住咁食都幾香口，幾好食我地churchur聲食完個雞煲之後就開始打邊爐，諗住佢會拎另一個煲出黎啦點知個姐姐幫我地係個雞煲到加清湯喎真係嚇親! 但想不到又是另一個驚喜我地個雞煲食剩啲香料加埋湯落去一齊滾，變左一鍋精華!我地果日係咁飲佢個湯底囉，個個都唔願擺野落去XD講埋啲火鍋料先，其實啲料就同平時見到既火鍋料差唔多不過不得不提，呢間鋪既老闆睇落是有心人，啲火鍋料都有特別整過，肯花過心思擺碟都零舍靚啲，哈哈啲鯇魚腩，肥牛都幾新鮮，色水望落幾靚。仲有啲響鈴同魚皮，認真要讚!就咁食都好鬼脆，又炸得好乾好脆，無乜油臆味呢個價錢食到咁既質素真係好抵玩，野飲又任飲，果日真係食到好滿足！但真係好正！

星期六約左成班同學仔聚舊, 我吔成班人都好鐘意去D 任食既地方, 貪佢明碼實價, 咁就去左旺角放題地標創興廣場, 我吔一行十人, 都知道多數要等位, 所以我吔分頭去唔同層數攞位, 邊間快就去邊間, 都係志在聚舊, 食乜都冇乜所謂, 終於等左一陣, 十八樓有位, 之前大家都未去過, 但見店內明亮簡潔, 有別於一般任食邊爐 , 應該係新裝修, 決定一試, 食物方面:湯底有 6 , 7 款選擇, 我吔揀左個蕃茄薯仔, 仲有一個重慶雞煲(估唔到竟然有我飛佛), D雞份量多又有肉，夠味得來又唔會太鹹，比起某些雞煲專門店更好，火鍋食材就冇乜貴價野, 但係都算幾新鮮, 拍得住散叫火鍋店既質數, 我吔仲另外order 左安格斯牛肉，68蚊碟，相當有水準，仲要啤酒汽水任飲，仲要係可口可樂而唔係百事, 埋單位位$148 , 超值!

今天朋友邀約到旺角打邊爐，沒想到一班女仔都會想去食火鍋，而且仲要係放題。去到唔洗等位，可能因為落雨嘅緣故啦，換著平時食飯時間連等lift大堂都一定塞滿晒人呀!哩度我係第一次黎，見到啲裝修幾靚幾乾淨，但朋友食過就話啲野食好得…咁真係要試下先知啦!我地六個人，先叫左個少辣雞煲，好少見雞煲用康寧玻璃煲裝，似乎老闆都幾dum本同幾講究咁喎~哩個雞煲入口唔係太辣，辣味之後先回返黎…有少少麻，雞肉好滑，不過我嫌唔夠香，味道就都調得ok嘅！食完雞煲之後當然要加水打邊爐啦，加完湯之後我試過個湯味都無話太淡~先睇任食菜式部分都幾豐富，連脆鯇同雞子都有得任食：雞子超大粒而且好新鮮，咬落口感豐富；丸類我就唔係太好但朋友就介紹我食菜餃同雲吞，我心諗點會叫我食哩啲side dish嫁，因為哩啲通常都係食唔飽先會叫嫁嘛，點知又真係好食喎，我睇個樣覺得唔係雪藏果啲囉，菜餃好甜，同雲舌都好多餡，雲吞仲過份，因為好爽口，而且仔細檢視過發現唔覺有我最討厭嘅肥豬肉，所以要比like佢；豬頸肉我都覺得好得，因為真係睇見到已經知道好食，唔知係因為個切法定係原材料嘅原因呢，啲豬頸肉個橫切面已經睇到啲脂肪分佈好均勻，所以食落又係鮮