創軒火鍋放題 (已結業)

前身為創軒火鍋放題，裝修後以改名為（一鍋豐）裝修後卡位比之前曾多，服務比之前好好多，不知是否因為新張但希望一直保持下去，而價錢由之前單一收費改為三種收費，新張期內還有八折，今次本人一行三人，六時入座服務員細心解釋每種不同收費，經商量後選擇了238元之任食火鍋，食物都算新鮮，由點菜至上枱都很快，直得一題係現還加了六種魚生和軟雪糕，今次用餐時間為兩小時其間服務員每十多分鐘就幫我們換碟和湯底加水，種結對今次十分滿意，下次一定再去。

今晚我們去咗旺角創興廣場嘅「創軒火鍋放題」食火鍋！湯底我們揀咗木瓜雪耳海底椰煲，湯底嘅味道相當清甜滋潤，雪耳好爽口嫩滑！鷄子好肥美飽滿，味道好鮮味！九肚魚好肥美粗身，肉質超鮮甜滑溜！新鮮田鷄係新鮮即叫即劏，鷄腿嘅位置超級肥美，肉質非常結實彈牙！蝦滑同墨魚滑係手打，質感好爽滑彈牙！鮮蝦雲吞同魚皮餃係自家新鮮包製，所以唔會雪到變咗冰！香蒜鷄翼表面睇好似同其他鷄翼無乜太大分別，但一食落去就有陣陣嘅蒜香味，味道相當惹味，肉質好軟滑！美國肥牛嘅色澤好紅潤，肉質亦好鬆軟，而且脂肪唔會好多！所有火鍋食材都係極之新鮮優質同處理得超乾淨衛生，唔會因爲係任食嘅關係，而出啲次等食材！真係值得一讚！

剛食左2小時，超過左10分鐘，就立即收左所有食物，(未食完D野) 仲話有人等僅，要我地走，依家咩事啊？咁快就收曬D野！佢明明餐牌寫，又話要珍惜食物，咁你地又要我地未食曬野就收？！有冇搞錯啊！

今晚帶客人去食飯，要求食鷄煲，加無限啤酒…又要就近，原來無咩選擇，同大廈另一層雞煲既出名服務態度超差，唯有揀呢間，入去即計時，時間有限，唯有快點菜，鷄煲係幾好食，下次可以點大辣其他料都算中等，有部份點極都唔黎，等了又等…同部長講，又係話“再入紙囉”根本無講過野一樣食食下…差唔多夠鐘，即刻提示““尚餘兩分鐘””有無咁準時呀！！！即刻同佢講食埋個麵即刻走，點知未講完，即時熄左我地個火，仲要連個煲都拎埋走真係好過份如果你唔多準時既，就千祈唔好去，費事不歡而散又多一間餐廳唔可以去……

已經系第三次黎，啲食物同上次一樣不過不失..但系今次有個經理上兩次黎都未見過，黎過既人都知系2小時任飲任食咖啦⋯⋯當我地食左1小時9個字，咁就有d待應叫我地埋單啦，好啦埋完單，時間就系1小時11個字，個經理就急急腳走埋黎問我地仲食5食，我答佢食，但個鍋入面仲3到4片牛肉（好，無問題我當佢睇5到），另外枱面上淨翻一碟3片既生牛肉，系呢個時候個經理突然想收左我地碟生牛肉，仲要講左句「你地曬左啲嘢」....我回佢一句我未食完波，跟住又張我地碟生牛肉倒入鍋入面，收埋隻碟，呢一刻我已經無野好講⋯⋯明明仲有時間，想靜靜地食埋d野。點知俾人話曬野⋯⋯我從來都唔會食淨野，個刻真系好嬲。因為呢個經理，下次5會再黎⋯⋯

其實唔多唔少食肆都有寫明時間 但生日通常都會由得佢over time 少少 準備好既驚訝都被人搞砸晒 second to none of service 第一次見會被人趕出 唉 垃圾.

＄168兩個鐘有雞煲食！正呀喂！ 係任食火鍋！我哋揀咗走辣雞煲雞入口嫩滑非常入味仲有幾款小食同埋醬料區都係自助形式有燒賣、春卷第一輪叫咗好多，雖然大部份都係火鍋平時食開嘅嘢⋯⋯芝士腸、魚皮餃、金菇、稻庭烏冬、豬頸肉、牛坑腩、響鈴仲有多款丸芝士丸龍蝦丸海膽丸蝦子丸黑椒牛丸（下次希望我會記得影低個落單紙）值得一讚嘅係鮮蝦雲吞同韭菜餃皮薄咸靚。隻蝦仲要係爽嘅可惜牛肉切得太厚炸魚皮唔脆響鈴太淋南非蝦太梅其他都正正常常咁啦呢個價錢過得去糖水有腐竹雞蛋薏米、芒果西米露好似仲有另外兩款涼茶仲有阿菠蘿朱古力味同埋香芋雪糕漏單情況有一兩次啦仲有廁所唔係咁乾淨得閑會再幫襯下嘅

今晚我們去咗旺角創興廣場嘅「創軒火鍋放題」食火鍋！湯底我們選擇咗木瓜雪耳海底椰煲，湯底嘅味道好清甜滋潤！美國肥牛嘅脂肪唔會太多，唔會好肥膩，肉味好香濃！鮮鷄件嘅肉質好肥美軟滑，而且仲要係鷄脾位！新鮮田鷄係新鮮即劏，所以肉質超鮮甜彈牙！新鮮魚雲同九肚魚亦都係好新鮮，肉質極之鮮甜嫩滑！蝦滑嘅口感相當爽口彈牙！花膠好厚身，膠質好豐富，口感好爽滑彈牙！自家製鮮蝦雲吞同自家製鮮肉韭菜餃係自家新鮮製，唔係雪藏㗎，所以味道非常鮮味，餃皮超級薄身，可以清晰睇到入面嘅餡料，真係超正呀！蔬菜類清洗得好乾淨，唔會有爛嘅菜葉都照出！所有火鍋材料都超新鮮，而且處理得非常乾淨衛生！

好耐無見過班舊同事啦，今晚一次過約晒出黎，齊晒腳喎！咁大班人最好就梗係打邊爐啦！係Openrice見到呢間評價唔錯，就去試試！我地book左星期五，18:30，$168全包都算平，2個鐘任食，入到去都幾多枱，開住咁多爐冷氣都算大，起碼唔會滴晒汗。湯底已經包左，我地揀左椰子雞煲，畫野食既紙都算多野食，但要留意，就算人多，都唔好一次過畫咁多，因為每張紙只限落15款食物，多左都唔會比。飲品方面，自己出雪櫃拎，有啲韓式野飲，烏龍菜，檸檬茶，正正常常既可樂啤酒都有，唔好講咁多，直入野食！同行有同事係食全素，睇返菜類選擇都幾多。試試個湯底，無椰子無雞味，只有少少甜味，所以我地都係要攞豉油調味，唔夠味。生根，炸枝竹，響鈴都係正常野，菜洗得幾乾淨，翠綠夠新鮮，炸魚皮雖然量多，但好碎，我地都係直接食無用黎打邊爐，如果落左落湯都唔知點搵返出黎..肥牛好大片好長，點解要切到咁大片又唔剪開佢呢？長到成把30cm間尺咁長，牛肉有d韌，唔係好新鮮，而且脂肪肥肉較多，叫左兩Round已經唔再叫。南美蝦唔夠大隻，肉較少，無蝦味，牛展切得幾靚，血顏色鮮紅，食落爽口！鯇魚都有幾款，鮮鯇魚骨腩，脆肉鯇片，脆肉骨腩。我自己最

雖然已踏入夏天，但還是掛念冬天嘅邊爐於是約多咗三個朋友去整返個邊爐放題，有朋友推介呢間，就入去試吓入到去我哋被安排坐卡位，環境舒適，飲品任攞～～我哋叫左個沅茜皮蛋湯底，清清哋味道唔錯～又唔怕熱氣當然唔少得嗌肥牛呀，魚滑嗰啲噤啦～而食物方面，廚師腸同芝士腸都有，廚師腸就比較特別~已經𠝹開咗好似雕左花噤，方便快啲熟，好細心呀埋單平均大概每人＄130 倒,又食得飽又坐得舒服，$130任食真係好抵呀

今冬，想暖笠笠，莫過於食火鍋，烚下烚下！上星期想同女朋友食火鍋放題慶祝佢生日，一行五人，上網seach左後，我地就揀左旺角創興廣場18樓“創軒火鍋放題”，我地訂七点半開始，未夠鐘已經見到人頭湧湧，人氣旺盛。甫入店內，地方相當之寬敞，店員安排我地坐一張特大卡位，相當舒適😃飲品多籮籮，仲包埋啤酒湯底有多款選擇，包括有“創軒麻辣雞煲鍋”，“鴛鴦湯底(清湯拼沙嗲)”，“木瓜雪耳海底椰煲”……等，有D選擇困難添，最後我地則点左咸菜豬肚雞鍋，裡面有雞、咸菜、豬肚等😄我地每樣都order左少少試下先墨魚滑、蝦滑口感彈牙，蟹爪棒肉、自家製韮菜餃非常好食，芝士豆腐更是要encore而火鍋煱料超過一百款，嘩😀！經店員介紹，得知部份嘅火鍋料同甜品都係自家製，如響鈴，手打三寶丸，台灣芝士雙響丸同芝士蛋等，別出心裁，確保質量，讚👍芒果西米露仲有多款糖水，甜品，點心小吃任君選擇，當晚大家都食得相當盡興，且價錢相當大眾化，平日星期一至四，十點半後入座更低至$128，但略嫌每輪時間稍為短左D，雖則如此，在各款美食當前下，都算超值，值得推介😀

每星期日晚上下班都會跟同事一起食宵夜，聽聞旺角創軒火鍋放題有我們最愛的雞煲~~!!!又見到OPENRICE評價不錯，所以沒有多想，下班就立即前往。我們抵達是零晨1時左右，店員好好地告訴我們Last Order是2時半，所以著我們入座後就要先點好要食的東西。東西上了可以慢慢吃。點了雞煲後，有同事要先到洗手間，這時餘下我一人，店員A前來，詢問我人數，由於我不是今次活動搞手，不太清楚今晚宵夜的總出席人數，但店員A對於此事感到不滿，並大聲的說:你自己黎食野都會唔知有幾多人ge?!我唔理你咁多啦，我依家落單寫XX個，你一陣俾哂錢就得!我話知你!!當時已經覺得店員A態度一般。其間點選的火鍋配料已經上桌，就欠雞煲>"<最後，雞煲於2時15分左右才到....雞煲的味道真的很不錯~~~!!!這時，店員A前來要求我們真的要先付清費用，我們給完錢後，發現追加的食物一直沒到，要求店員追加，回覆是:你地食完哂先再叫啦!!!!一直不讓加單，爭執後，只願意加烏冬和菜給我們，其他食物一律沒有！！！到了2時45分左右，店員A帶同幾位店員前來，要求我們停止進食!!!!!!!-口-.......我們當時還有

我們選了雞煲作湯底,不好吃的雞煲...款式不多不少...肥牛: 不能對$1XX的火鍋放題提供的...任食肥牛有任何要求...豆腐魚: 不新鮮...炸魚皮, 響鈴, 金菇: 炸魚皮太硬太厚了...其他都是正常的!自制醬料: 很齊全的醬料選擇!飲品: 有汽水及啤酒...需要很準時結帳...

星期三，晚上8:30pm到，15-20分鐘就有位。我地4個人坐卡位，座位都算坐得舒服！打邊爐就係甘先有氣氛. 首先揀左火鍋湯底, 我地試個雞煲, 食完D雞, 加湯就可以打邊爐，任食，飲品都好多選擇。好多都自助。雞煲$148 (任食火鍋) : 好香好吸引.，雞肉好嫩滑彈牙。 不過會覺得湯底油膩。之後都係叫左打邊爐必食既肥牛、丸、菜、雞之類。可能因爲係自助每一份的份量都不多。另外，肥牛都算唔太差, 係有牛肉味, 不過唔算好好食! 但$148 任食算係咁!黑豚腩片薄薄地又易咬, 爽口有肉味。炸響玲, 唔似係交貨黎, 似自家製, 食落感受到份心思, 感覺都唔同d!!!香口, 美味, 好食!

今日一行四人無聊搵食黎到呢度，因為聽講花膠任食！朋友約話七點半等，但我同男朋友遲左半個鐘，以為朋友應該係度嘈緊，點知佢地比我地仲遲，我諗佢地肯定預左我男朋友既慣性遲到習慣。講返正題，我地到個陣出面好多人等位，但我地都係等左十分左右，輪候好快。入座每位$154,兩個鐘任食。我地揀左蟲草花膠魚翅湯底，試左啖湯，夠味，好飲。之後都係叫左打邊爐必食既肥牛、丸、菜、雞之類。要特別介紹既係花膠，必食！因為任食之餘，吾好講品質係吾係好，佢口感黏口，充滿膠質，係抵食之選！另一本人覺得驚喜既係墨汁墨魚丸，外面睇係灰灰黑黑，但咬落去，會發現裏面加左墨魚粒，食落墨魚味濃，好有口感！仲有牛坑腩，牛肉同肥肉既比例大約係3:1，好有牛味，同時咬落會有油香味，質素吾錯。飲品種類好多，有韓國飲品，亦有汽水、陳皮酸梅湯、Jolly Shandy。除左食到中途發現娃娃菜發毛，整體吾錯。