割烹 櫓杏 (iSQUARE國際廣場)

營業中

休息中

之前出街食日本菜，好多時都會中伏，不是太貴，就係品質唔好，所以之前一陣我同男朋友出街食飯，都會避開日本餐廳，中伏中到怕！但係好姐妹同我介紹咗呢間割烹 櫓杏，話佢哋嘅dinner set好正，今次就信咗好姐妹一次，結果真係如佢所講，好正！呢度嘅dinner set提供嘅菜色非常多樣，而且件件都係上等良品。我哋點咗火山鍋，睇落就好惹味，上面堆滿咗豬五花同其他蔬菜如白菜、椎茸等等。煮出嚟湯嘅味道非常鮮美，全部都係料嘅香氣，然後豬肉肥瘦均勻，又軟又滑，都幾好味！dinner set仲有幾道菜令我印象深刻，鰻魚同青瓜配土佐醋就好正。土佐醋口感非常綿密，同鰻魚同青瓜攪埋一齊，口感好豐富，有鰻魚軟嫩嘅口感同青瓜嘅清脆。炭燒雞頸肉好精緻，口感亦都好軟好嫩，而且炭燒香味非常足，將雞肉嘅味道提升咗一個層次。仲有佢哋上等嘅黑松露茶碗蒸，真係好好味，冇諗到黑松露同蛋味咁配，完全係另一種體驗。今次真係冇中伏，下次一定仲會同男朋友嚟食！

喺偶然間一次下午喺iSquare廣場辦事，然後經過呢間【割烹 櫓杏】日本餐廳，俾我嘅第一印象非 常唔錯，裝飾好華麗嘅日式和風風格，仲有好出名嘅熊本熊作為主題，靠窗口嗰邊仲有風景睇， 真係一間好舒服嘅餐廳。反正午飯都仲未決定食咩，索性就直接喺呢度用餐，當作俾自己休息一 下，畢竟忙咗一整個早上。佢哋午餐時段有set lunch，選擇都幾多，然後我就俾呢道【特製吉列北海道豚肉咖哩御膳】吸引 咗。價位喺日本菜入面都唔算貴，而且從menu上睇分量好大，好抵食，絕對唔會覺得唔划算。上菜嗰陣佢哋仲俾咗幾樣小菜作為配菜茶碗蒸非常香甜，口感入口即化，非常滑，仲回甘，香氣會留喺口裡。附帶嘅沙律都好開胃，蔬菜 新鮮，非常爽口，食咗口腔好清新。仲有附帶咗一碗味增湯，味道係鹹嘅，有助豐富口味，俾每個 菜品食起嚟嘅口味唔會太過單一。主角睇起嚟就非常誘人，非常惹味，咖喱嘅香氣好濃郁，日式咖喱帶啲甜，食咗回甘。豚肉外酥里 嫩，外皮好脆口，裡面嘅肉質好嫩又多汁流油，拎嚟配飯好好食。呢次體驗好好，我非常推薦俾朋友同事家人嚟呢度嘗試，非常推薦大家嚟試一下，真係好正!

一直都好想食尖沙咀嘅日本料理，今日終於嚟食喇。餐廳嘅入面嘅裝飾都好有日式風格，環境舒適，令我好享受咁食晚餐。.我叫咗佢哋嘅Dinner Set，食得好滋味。尤其係火山鍋，超多五花腩嘅火鍋，仲有白菜、金針、杏鮑菇等新鮮食材，每一啖都食到鮮甜嘅味道，五花腩口感軟嫩又油潤，入口即溶，充滿咗豬肉味同湯汁嘅鮮味。.仲有天草直送新鮮刺身盛合，三款由廚師發辦嘅刺身盛合，每一款都新鮮可口，尤其係蝦刺身帶有濃郁嘅甜味，黏黏嘅口感同膠質，真係好新鮮。.仲有櫓杏名物黑松露茶碗蒸，黑松露味道濃郁香濃，好香，配埋蒸蛋軟綿綿嘅口感，簡直完美。.最後梗係唔可以錯過甜品柚子雪芭，濃郁嘅柚子味，食落去好清爽，帶有少少酸味，好好食。Dinner Set仲有其他好味嘅食材，就留返俾大家自己嚟試吓喇。

鐘意食日料嘅朋友仔，對呢間餐廳一定唔陌生。鋪頭係以熊本主題裝修，仲掛咗好多熊本擺設等等，而且主要勝在環境同埋view。桐餐-刺身盛合鰻魚和青瓜配土佐酢櫓杏名物 黒松露茶碗蒸熊本天草鮮魚壽司三件炭焼鶏鶏頸肉牛腸鍋/ 火山鍋時令雪糕🐂牛腸鍋 - 兩種湯底入面最後我揀咗牛腸湯底～睇個樣已經知道牛腸夠鮮夠多，未食就覺得好掂！牛腸相當濃郁同時食多咗又唔會覺得膩，豆腐、金針菇等等塞滿成個鍋，豆腐吸入湯汁後特別好食😋其他幾道我都超級鍾意嘅食物🥚黑松露茶蛋 - 多清甜嘅味道，高湯滑蛋，暖暖胃超級合適。🐟鮮魚壽司 - 魚片咬口十足，沾一啲豉油同埋芥末，完全無腥味。🥒鰻魚配青瓜 - 極甜美嘅白肉魚，厚厚嘅鰻魚肉，肉質鮮甜，青瓜提供嘅水份，提鮮咗唔少，再加埋用土佐酢點綴更吊起魚甜味。

喺朋友嘅介紹落嚟咗呢一間喺尖沙咀嘅割烹櫓杏～餐廳有維多利亞港口嘅靚景，木質嘅佈置同餐枱設計仲有超級可愛嘅熊本，夠晒chill ！侍應態度都好好，全程都好有耐性，隨叫隨到～店員推介咗第一次食可以試吓course set，有各式各樣嘅餐廳主打菜。我叫嘅呢個set一共有7款唔同嘅嘢食。先係主角火山鍋，賣相超級震撼！呢個鍋極力推薦，湯底特別鮮美。豚肉撈埋豆腐唔同嘅菇類煮埋一齊，真係太好飲～惹味得不得了。其他set例如炭燒雞雞頸肉都唔錯。肉質緊實有彈性，雞肉味好濃郁，越食越有肉汁香。壽司上咗3款唔同嘅，魚類都好新鮮，魚脂都好豐富，魚香味都好夠，真係抵食。甜品部分係柚子雪芭，雪芭滿滿嘅柚子香，感覺都幾清新，入口冰冰涼涼，值得一讚

今日自己一個嚟食晏，餐廳好貼心咁安排咗個景觀一流嘅座位畀我😆透過落地玻璃，可以欣賞到成個城市嘅景色🌉叫咗熊本黑毛和牛同埋王壽喜燒御膳套餐🫡第一樣上枱嘅係蔬菜沙律🥗新鮮嘅蔬菜配埋酸酸甜甜嘅醬汁，食落好清爽，為接下來嘅美食做好準備！日本蒸蛋放喺一個特製嘅陶瓷器入面🥚呢種器皿真係好幫到手保持溫度🤲🏻輕輕舀起一羹，蒸蛋質地好似絲綢咁順滑，入口即溶🥹主菜壽喜燒上枱嗰陣，已經噴到好香😍黑毛和牛片薄得好似蟬翼咁，紋理好明顯將牛肉片放入滾住嘅湯度涮一涮，肉質特別嫩滑😋幾乎唔使點咀嚼就可以品嚐到牛肉嘅鮮味💯湯底本身味道好濃郁，甜中帶鹹～啲菜同菇喺湯度煮完之後變得特別鮮甜🥳成餐飯食嘅過程中，我發現自己唔知唔覺咁放慢咗食嘢嘅節奏🙏🏻慢慢咁品嚐每一樣食材嘅特色。壽喜燒嘅魅力唔單止喺啲食材新鮮同高質，仲有自己掌控煮嘅過程，令到每一啖都可以食到最啱自己口味嘅美食👍🏻

❤特製吉列北海道豚肉咖哩御膳❤好似兩個手板咁大塊嘅超大豬扒配埋餐廳自家制嘅日本咖喱汁。雖然我唔係好食得辣，但係個咖喱辣度係可以接受嘅。而且d咖喱好送飯，好快就食晒成碗。豬扒外層炸得金黃酥脆，個肉唔會太乾太韌，都唔會厚粉。另外個set仲送埋沙律菜，蒸蛋，味噌湯，小菜同埋甜品，好抵食。❤鰻魚丼及烏冬❤另一道料理就係鰻魚丼，賣相同樣吸引。鰻魚烤得好脆，表面微微焦香，肉質軟嫩多汁。鰻魚獨特嘅香氣同醬汁嘅甜鹹味真係完美，尤其係佢嘅油脂，真係好滿足啊。搭配的烏冬麵煮得軟硬適中，有著麵條特有的彈性。湯頭清淡卻不失味道，與鰻魚丼形成絕佳的搭配，既能解膩又能飽腹。我不禁開始期待下次可以再嚟品嚐其他菜式。咁樣嘅午餐體驗，令人對下午嘅工作都充滿咗動力。

前幾日，我同朋友又一次嚟到我哋熟悉嘅“老地方”——位於尖沙咀嘅【割烹 櫓杏】。呢間餐廳我哋已經嚟過幾次，每次嘅食物同環境都好唔錯，慢慢地呢度變成咗我哋相聚嘅常去之地。今次我哋冇揀套餐，而係單點咗啲自己鍾意嘅食物。首先一定唔可以錯過嘅係極味壽司十二件，裡面主要有拖羅、牡丹海老、海膽，其他就係廚師發辦。廚師會根據當日最新鮮嘅食材嚟製作壽司，每次都會有唔同嘅驚喜，所以呢個係我哋必點嘅餐點之一。我哋點咗脆青椒配豚肉味噌，呢道菜嘅靈魂係豚肉味噌。豚肉加埋味噌一齊炒，味道啱啱好，跟青椒一齊食又帶有微辣，又保留住清脆嘅口感，真係好惹味。炸牛蒡亦都係我哋必點之一。牛蒡本身帶有淡淡嘅甘甜味，切成條狀後炸到外表酥脆，內裡依然保留住牛蒡嘅獨特香味，口感好豐富。我哋仲試咗一款特別嘅太刀魚味醂乾。呢道小食充滿日式風味，肉質細膩嘅太刀魚被炸到外表酥脆，內裡保留住魚肉嘅鮮甜，真係令人回味無窮。呢間餐廳我哋嚟過幾次都覺得唔錯，非常適合同屋企人或者朋友一齊嚟食飯😋如果你都鍾意日式料理，呢度絕對值得一試。

今晚我哋嚟咀嘅割烹食，系因為要慶祝我老公傾成一單大生意，佢就帶我嚟享受。Set Menu🍽️天草直送 新鮮刺身盛合🍽️柚子雪芭🍽️炭焼鶏鶏頸肉🍽️熊本天草鮮魚壽司三件🍽️牛腸鍋熊本天草鮮魚壽司三件分別有拖羅 和吞拿魚蓉軍艦同另外一款係廚師發辦，就好似廚師卑我地surprise咁。三種唔同嘅壽司都好新鮮，食到三種唔同口感，唔同嘅鮮甜搭上醋飯，仲有佢哋嘅Wasabi，好好食。牛腸鍋嘅湯底係醬油清湯，D料好豐富有芽菜啦，牛蒡啦、牛腸等等，D料吸收了湯汁食落去，哇~好幸福。輪到天草直送新鮮刺身盛合，我嘅最爱😆嗰啲生魚片真係好新鮮，新鮮到好像放進後，魚在嘴巴慢慢化開，好滿足啊😌仲有炭焼鶏鶏頸肉唔好錯過,碳香味十足,肉質也好Juicy,好味！最後嚟個柚子雪芭，酸酸甜甜咁結束我哋嘅慶祝盛宴😆希望我老公佢越嚟越成功，餐餐都有大餐食。呢都環境好舒服，服務員態度都友善，食物也好吃，真的好值得嚟體驗。

邊被維港夜景包圍 邊吃Omakase 性價比Level⬆️桐 $780/位✨刺身三種上網搜才知道 原來他們家的各種魚介類 都是從天草直送早上拍賣後立即打包裝箱並搭乘飛機 到港後馬上處理 達到「熟成」每塊都新鮮 鮮甜 稍稍的油脂 讓香氣更控久的留在口腔𥚃✨天草鮮魚の壽司三種朋友每口都吃得滿足～ 壽司🍣上的魚介們 都像刺身一樣 濕潤、光滑整體魚肉的脂肪相對上比刺身更多些 使口感更飽滿 而拖羅蓉好像要入口即溶般米飯🍚稍帶分明 富點黏性小Q卻又不會黏牙 酸甜度和諧穩定 不會蓋過上層的鮮味👍✨櫓杏推介黑松露蒸蛋黑松露蒸蛋 一上枱面黑松露香氣樸鼻 面層不但有黑松露醬小山丘 還有白松露油 蒸蛋乾淨嫩嫩滑 和松露結合（廚們真的很用心 味道都是一層層疊昇 每道菜相得益彰 更提升各道菜的香氣✨炭燒鷄頸肉沒有多加其他的調味料 只有簡單的鹹巴和黑胡椒 鷄頸肉味道已很香濃肉嫩 油脂度洽好 微微炭燒香 更惹味（本來鷄頸肉每隻雞只能烤出兩根除了因為他的稀有度 更重要的是他的美味 讓我們爭相吃最後一塊😋✨鰻魚和青瓜配土佐酢誰又會想到鰻魚可以和青瓜一并吃 就像一份前菜一樣鰻魚肉質綿密淡香 青瓜底帶酸清爽 令味蕾在火鍋🍲前

之前就聽同事講呢間日本餐嘅晚餐set好好食而且好抵食，今日就忍唔住嚟試吓啦～果然冇錯，每一樣都美味無比，真係食過返尋味啊～晚餐set其實有超過5樣菜色，不過以下幾樣真係要重點講吓。🍲火山鍋紋理超靚嘅豬五花肉 渴鋪喺上面，連下面嘅食材都睇唔到，真係好足料啊！豬肉片肉香四溢，食落肥而不膩。再配搭上燉得軟腍嘅白菜，仲有各種菌菇包括冬菇、雞髀菇、金針菇等，各種材料嘅精華都已經熬煮出嚟，唔誇張，我淨係飲湯都已經好滿足！🍣熊本天草鮮魚壽司三件三件鮮魚壽司都好鮮美，鮮美度同油脂度啱啱好！入口仲可以感受到絲滑嘅口感仲有油脂帶嚟嘅甘甜味道~拖羅入口即溶，配上少少醬油味道更加鮮香！🥚黑松露茶碗蒸蒸蛋入口滑溜，口感幼細，喺茶杯入面蒸煮更加提升整體嘅鮮度上面仲放咗啲黑松露，醇厚嘅香味令普通嘅蒸蛋都變得唔普通。🍨柚子雪芭最後嘅收尾就係呢道柚子雪芭，口感輕盈又帶住清爽嘅柚子甜味，即冇雪糕嘅厚重感，又可以好好咁解膩念。

尋日同男朋友一齊去食日本料理，餐廳有優美嘅風景，舒服嘅環境，熱情嘅員工，我哋食得好開心。我哋食咗晚餐套餐，好多款食物提供畀我哋食。我哋落單咗米燒酎，飲落去有米嘅甘甜同香氣，酒體飽滿但入口輕快、柔順清爽。我哋仲落單咗Japanese sake，滑順細緻，醇厚乾淨嘅口感令人上癮。之後我哋食咗套餐嘅炭燒雞雞頸肉，雞肉香氣四溢，加上充滿日式嘅炭燒味，既增添味道層次，又令雞肉嘅鮮味更加突出，食落去令人食指大動。仲有熊本天草鮮魚壽司三件，拖羅同吞拿魚蓉軍艦仲有另外一款係廚師發辦，特別鍾意拖羅壽司，入口即溶而魚味濃郁，油香四溢又鮮甜無比，完美無瑕嘅口感。跟住係牛腸鍋，有牛蒡、牛腸、豆腐同其他新鮮蔬菜，牛腸口感彈牙，充滿膠原蛋白，配埋醬油清湯湯頭，味道醇厚又有層次。豆腐嘅口感細緻、軟嫩，食落去超級回味。之後食咗黑松露茶碗蒸，蒸蛋彈性十足，真係好嫩滑，充滿嘅蛋香味，配埋濃郁嘅黑松露味，非常之好食。風景靚，食物高質素，價錢公道，絕對真係值得一試。

😎放工後嚟食呢度嘅美味晚餐，令我好放鬆～服務員好親切，環境好舒服，仲有海景睇，喺呢度食晚餐好滿足～前菜有櫓杏名物 黑松露茶碗蒸🐣鰻魚同青瓜配土佐酢。尤其嗰道鰻魚同青瓜令我印象深刻。鰻魚肉仲保持住鮮美多汁嘅口感同柔軟嘅肉質，青瓜爽脆，味道清新，配埋土佐酢，酸味提升成道菜嘅味道，食得好開胃！！之後仲食咗炭燒雞雞頸肉，熊本天草鮮魚壽司三件仲有天草直送新鮮刺身盛合。三款新鮮刺身令我食到難以忘懷，口感柔軟，鮮甜肥美，入口即化嘅口感食到停唔到口～🤗🤗重點梗係主角火山鍋，充滿豬五花嘅火山鍋，加上其他新鮮蔬菜，白菜、椎茸、姬菇、金菇、杏鮑菇、洋蔥一齊放喺鮮湯度慢慢煮，當豬五花吸收湯汁嘅精華後，口感溫潤，散發住陣陣嘅豬肉香味同鮮湯味，好味到不得了。最後仲有柚子雪葩做甜品🍨清甜柚子味嘅雪葩食落去令人好愉快～

-呢個晚餐SET巧妙咁結合咗唔同嘅烹調方法同食材，展現咗日本料理嘅多樣性。由清淡嘅茶碗蒸到濃郁嘅牛腸鍋，再到煙燻味十足嘅炭燒鵝頸肉，每道菜都有佢獨特嘅口感同味道，土佐酢同黑松露等配料嘅運用，更加凸顯咗廚師對於調味嘅精準掌控。SET MENU :牛腸鍋鰻魚配土佐酢橹杏名物黑松露茶碗蒸炭燒鵝鵝頸肉牛腸鍋裡的牛腸經過煮製後變得軟腍，但仍然保留住獨特嘅彈性。湯頭濃郁，帶有牛腸特有嘅牛味。鰻魚肉質唔錯，而且食落唔會覺得有骨嘅感覺。表皮經過燒烤後帶有輕微嘅焦香，同入面嘅嫩滑形成有趣嘅對比。土佐酢嘅酸甜味襯托出鰻魚嘅鮮味，同時中和咗佢嘅油膩感。黑松露茶碗蒸質地滑溜，杏仁嘅加入為傳統嘅日式蒸蛋增添咗創新元素，帶來淡淡嘅果香同埋微妙嘅甜味。鵝頸肉經過炭火燒烤後，外層略帶焦香，肉質有一定嘅韌性，但咀嚼後會釋放出豐富嘅肉汁同鮮味，而且炭火燒烤嘅方法為鵝肉增添咗煙燻香氣。

呢度嘅日本菜真係有驚喜到我!夜晚嘅套餐真係好抵食，我同老公都食得津津有味 😋套餐入面包含咗: 牛腸鍋 - 滿滿一鍋雪白油潤嘅肥腸，加埋豆腐、芽菜、牛蒡等，上面鋪滿多多韭菜，灑上啲辣椒粉 就形成一道令我哋驚艷嘅菜色!湯底超級濃郁，牛腸咬落好彈牙，加上燉煮到軟腍嘅韭菜同各類 蔬菜好好咁降低咗成鍋嘢嘅油膩感!食到最後仲可以揀拉麵擺入濃湯入面一齊食，超正!熊本天草鮮魚壽司三件 - 拖羅同吞拿魚蓉軍艦仲有一樣係由廚師發辦嘅，每一件都好新鮮!尤其係拖羅，粉紅色澤望落就好吸引，食落又鮮又帶住濃郁嘅魚油香味，簡直係perfect 💯黑松露茶碗蒸 - 呢個唔係普通嘅茶碗蒸，係擺咗黑松露嘅奢華茶碗蒸!滑溜嘅蒸蛋入口絲滑，加 上濃郁嘅黑松露香味增加咗一絲鮮明嘅味道同口感，好食! 柚子雪芭 - 最後梗係要食甜品收尾啦!淡淡嘅柚子香味同雪芭冰涼嘅口感簡直絕配，清爽又解 膩!