利寶閣 (已結業)

入座好混亂，無人帶位，無人執檯。 明明入面好多空檯都唔俾入。d waitress 唔清楚星期日10.30之前先有特價點心，我地仲同佢confirm係咪有得寫.but 寫完之後落單另一個waitress先話冇. 落左5樣點心：叉燒包無咩特別，好軟，一夾起就散晒，叉燒又唔好味😐金錢肚好硬 又不入味😐蘿蔔糕又係一夾起就散左🙈🙈d waitress又做嘢好慢，叫好耐都無人應.total食左200幾蚊都幾貴🙁🙁🙁

到奧海城探朋友，之後上網搜尋吓附近有乜好嘢食，揾到呢間酒家嗰個黯然銷魂飯，個個都讚，於是就決定去試一試。去到酒家，見到環境唔錯，裝修都都好華麗，座位都算寬敞，點知打開餐牌，搵嚟搵去都搵唔到想食嗰個黯然銷魂飯，召來侍應一問，才知道即係豚肉叉燒飯配原盅極品佛跳牆孖寶，之後再聽部長建議，加咗幾個小菜，咁就夠哂食喇！原盅極品佛跳牆雖然小小一盅，但都有兩碗左右，內有原只鮑魚、花膠、魚翅、瑤柱、螺頭、海參、冬菇雞肉、鳳爪……等，材料豐富，味道濃郁清甜，睇見都覺得滋補黯然銷魂飯大大舊叉燒 ，少少肥，啖啖肉， 燒得唔太燶，恰到好處。加上隻煎得蛋黃仲盪吓盪吓嘅雞蛋，我放上少少隨飯附上嘅豉油撈埋一齊食，簡直滋味無窮。碧綠炒斑球斑球新鮮而且份量頗多，以每碟$108計算，非常抵食。美味欖角骨算係創新嘅菜式，用欖角剁碎，加糖調味，配炸香豬排骨，味道很特別，食得糖醋排骨多，不妨試下呢個新菜式。薑汁芥蘭芥蘭炒得爽脆碧綠，加上薑粒，，大厨功夫到家。脆麻花好鬆化，有淡淡嘅蛋香，係近期食過最好食嘅脆麻花。呢一餐，本來只係諗住試吓嗰個黯然銷魂飯，但估唔到其他菜式都好合我胃口，呢餐晚飯算係一個意外嘅收穫。

咁大個仔都未喺呢度食過野，聽講係老牌酒樓，咁岩經過奧海城，又想食中菜，就嚟呢度試下啦。我地一行二人叫咗兩個餐，一個係帶子皇魚扒餐，另一個係豚肉叉燒配佛跳牆。呢個set由頭食到尾都只係188，認真超值。亮點有二，個帶子好大粒，係要用刀叉食既，而個汁其實係西汁，類似燒汁啦，都夾既；而個魚並唔係出面茶記食嘅魚柳，食得出係真魚起肉整既，先走走油再淋汁，外脆內軟，算係高質而且大份。荷葉飯都好好食，唔只係有味既飯咁簡單，食下食下都有唔少料，蝦呀雞肉呀，我真係唔明點解呢個係一人份量，淨食個飯都夠飽。仲有個菜同乳鴿。另一個餐係豚肉叉燒飯跟佛跳牆，叉燒原舊無切既，好吸引，半肥瘦，唔會好似快餐店咁咬落去一絲絲會攝牙。跟埋燶邊流心蛋，食落去係感動，蛋汁豉油汁撈飯加埋舊叉燒，絕對可以慰藉到放工寂寞既心情。另外個佛跳牆既賣點係足！料！大家有眼睇唔駛我多講。最後食埋個糖水就好美滿啦。

大角咀奧海城有不少酒樓，今次跟家人再度來利寶閣食飯，因為之前我地食過幾次都覺得好滿意 入面環境其實都幾大，座位之間又唔會逼，坐得好舒服～加上當日平日，我地都唔洗等位就入得😬食物款式不少，亦有2-4人套餐，多少人來食都總有一款岩😌😌餐具擺設都好精緻濃湯雞煲飽翅 $98雖然是一人份量，但都好足料我地叫左一個share，留肚食其他野🙈雞湯底唔會太咸，食完無口乾～蒸龍躉頭腩 $98肉質嫩滑、鮮甜不腥～ 極品佛跳牆配豚肉叉燒飯 $188 估唔到有優惠價食原盅佛跳牆，仲加個叉燒飯😯即刻叫來試下先！一撈起就見到好多材料真係鮑蔘翅肚都齊哂，迷你版都咁足料飲埋啖湯，好鮮甜入味！！仲有個靚靚太陽蛋係叉燒飯上面🙈 叉燒肥肉不多，香口又腍身～估唔到二百蚊唔洗就有佛跳牆同好味叉燒飯，好抵食丫！食完飯又有生果盤同埋糖水紅豆沙，好飽好滿足！！😋😋

媽媽偷懶不煮飯，放工後唯有到附近酒家開餐，利寶閣位於奧海城二期，地點就腳又方便，閒時與媽媽都愛到這裏開餐。 也許時星期一的關係，這天的客人並不多，而個人喜歡到這裏吃飯的原因，是食客較"斯文"，不嘈吵。 餐牌內的谷飼豚肉叉燒配原盅佛跳牆只需HK$188，感覺上挺抵食，就點一客給媽媽吃吧！ 谷飼豚肉叉燒的賣相不錯，第一層是半生熟雞蛋，中間是一塊谷飼豚肉叉燒，最下層就是白飯，吃時將雞蛋刺穿，讓甘香的蛋漿流進白飯來，陪感滋味，而叉燒肉質嫩滑，不肥膩，用來佐飯一流。 原盅佛跳牆的材料豐富，除了有魚翅外，還有鮑魚、雞腳、冬菇等，真材實料，湯底極度鮮甜，配上彈牙魚翅及軟淋的鮮味鮑魚，媽媽吃後讚口不絕。 明火煲靚湯這天的靚湯是椰子煲雞湯，雞湯湯底濃稠適中，味道就像平日喝到的媽媽愛心老火湯一樣，充滿雞肉鮮香味，加上雞湯不油不膩，喝後感覺滋潤。 魚湯雲耳泡菜苗以鮮甜魚湯浸泡菠菜、雪耳及雜菌，入口時菠菜已經吸收了滿滿的湯汁，份外鮮味，而雜菌亦令整個湯底變得更甜，菌香十足，而爽脆的雲耳，口感層次豐富。 肉絲煎脆麵非常推介這個脆麵，超級香脆，而且肉絲肥瘦適中，入口帶有滿滿的脂香，吃時可以淋

昨天早了回家, 返到家後看到媽媽又在煲劇, 那即是沒有飯吃了~ 媽媽提議和爸爸一起去奧海城食晚飯, 而老人家就屬意中餐 那好吧, 就帶着他們去尋食了~ 來到奧海城的利寶閣, 雖然在附近居住, 但來這間的次數不太多, 因為奧海城實在愈開愈多食店, 不過印象中利寶閣的質素還是不錯的說~ 來到這裡, 客人可幸不是太滿, 可以坐得舒舒服服, 而且整晚侍應服務員招呼超周到超級好, 食到最後還有糖水送, 給我的印象太好, 以後可以多些來這裡吃飯飲茶~ 價位方面亦不會太高, 是合理價錢, 而且食物選擇都幾多,海鮮, 小菜, 甜品等等一應俱全! 由於孖寶(佛跳牆+太陽疍叉燒飯)在做特價 (HKD 188),所以也立即點了一客! 等了不是太久就上桌了, 佛跳牆原盅送上, 足夠二人用, 揭開蓋, 嘩, 一股香濃清甜的雞湯味道湧上來!!!香濃的湯用料十足, 材料包括雞, 魚翅, 花膠, 鮑魚, 蚌等等, 湯頭甜美鮮極, 魚翅好大梳又有趙頭, 再加上鮑魚, 蚌等等知味十足的配料, 實在滿足了味蕾! 太陽疍叉燒飯 - 又是誠意之作, 疍煎到好香又夠疍味, 疍汁一篤就流在雪白的絲苗米上,

谷飼豚肉叉燒配原盅佛跳牆😋（$188）叉燒真係好味, 依個叉燒係厚切，肥瘦適中，個醬汁真係一流🤗，再配埋太陽蛋同埋甜豉油撈飯食真係好好食，個叉燒食落好淋🤤，肉質一d都唔’鞋’，好嫩又juicy，外層燒到微微焦脆😀，仲有2條菜心，岩曬一個人嘅份量，而迷你佛跳牆嘅材料好豐富❤️，有小鮑魚、花膠、海參，雞肉、金華火腿清燉而成，味道十分濃郁😀，好好飲，十分滋潤，真係飲唔停🤤-荷香極品醬帶子粒炒飯❤️（$128）極品醬配埋帶子炒嘅炒飯，粒粒分明，飯粒乾身，味道惹味😃，帶子份量都好多，好鍾意食😎-明太子賽螃蟹😋（$95）賣相好靚，蛋白口感滑嫩，味道一般，食落好重姜味，仲有明太子係上面🤗-紫米露😆（附送甜品）食埋個甜品就最正，紫米露味道不錯，而且好足料☺️-

這間在奧海城二期開業的「利寶閣」，已經在奧海城屹立多年。多年來，我幫襯的次數卻不是太多。而這一晚，我就為了它在晚市推出的「糓飼豚肉叉燒飯」配「原盅佛跳牆」（原價 $256，優惠價 $188）而來。 自從在星爺周星馳領銜主演的電影《食神》中出現了「黯然銷魂飯」之後，這名稱已儼然成為「叉燒煎蛋飯」的代名詞。這晚的「糓飼豚肉叉燒飯」雖沒有「黯然銷魂飯」之名，卻有「叉燒煎蛋飯」之實。兩大件的厚切半肥瘦叉燒，蜜味豐盈，肉質不算十分鬆化，可也及格有餘，而且味道也好。吃著它，不禁讓自己回憶起童年時婆婆從燒臘店買回家加餸的厚切蜜汁叉燒，實在教人回味不已，垂涎欲滴呢！ 除了當然主角的叉燒外，第一配角的煎蛋這兒都算做得有板有眼，微微燶邊的太陽蛋，蛋黃四周仍有透明的蛋清。把另上的甜醬油淋上飯面和蛋上，再把蛋攪勻與飯混和一起送進嘴巴，感覺挺好。 這「糓飼豚肉叉燒飯」雖沒有令人黯然銷魂的功效，要使人感到肚腹滿足，還是綽綽有餘的。「原盅佛跳牆」材料是多的，鮑魚、花膠、魚翅、遼參、瑤柱、花菇、蹄筋、雞腳、瘦肉都有，一點也沒欺場，不過湯味卻不是太濃郁，莫非是燉得時間不足，火候不夠之故？所以這滋補的燉湯即使材料豐

奧海城遊踪 。住在附近，平時經常遊奧海城，但好少會到裡面的餐廳，今次發現原來奧海城裡面有間不錯的酒樓。利寶閣就位於奧海城二期，大大的門面好易認。餐牌的食物種類係多，全都是中式菜，平時酒樓常見或者好少見的菜式都有。睇完餐牌，發現有個超抵食套餐。豚肉叉燒飯配原盅極品佛跳牆$188這個餐是我見餐牌裡面最扺食的啦，叉燒飯本身已經是我挺愛的，再加上有佛跳牆這些貴價食品，都只需百多元。賣相吸引！叉燒肥美多汁，烤的程度剛剛好，外皮香口之餘肉汁又能鎖住。燒肉的厚度又適中，做到肥瘦均勻。加上甜鼓油食一流。佛跳牆用上紫砂盅去燉，夠正宗！而且非常足料，整個盅都是食材。有大大片的魚翅。鮑魚都有！雞腳。成個燉盅都好滋潤，花膠的膠質溶化在湯頭中。蒜片和牛粒$98牛粒肉質嫩口！份量也不少，加上蒜香誘人，實在不錯。堂煎帶子皇$48大大粒帶子，鮮嫩多汁，外皮煎到金黃色，內裡還是嫩口無比。最後點多個煎米粉，米粉香脆。咬下卜卜聲，配上班球，足以送下整個米粉。班球嫩滑，肉地厚實！

約咗班舊同學聚會，最好搵一個可以購物，睇戲兼食晚飯嘅商場，最終選咗奧海城。  到最後節目就選咗間中式酒樓利寶閣，地方寬敞。 枱上茶具好精美，點咗普洱茶及香片，聞到茶香味，簡直好似去咗英國嘆緊英式茶。跟著經理推介一款佛跳牆配叉燒飯，迷你佛跳牆湯底鮮甜，都唔錯，而大舊义燒 肥瘦適中，蛋汁埋豉油落啲飯度一齊吃好滋味。後再點咗肉絲煎脆面，三色辣椒蒸龍躉頭腩，欖仁蟹肉桂花炒瑤柱，香芒名門大蝦球等小菜。名門大蝦球，蝦肉好大隻及身鮮，炸到香脆配嗰芒果汁，又幾夾，仲有新鮮芒果肉。這道菜算得上巧手。肉絲煎脆麵 銀絲細麵煎得脆脆，最欣賞有二個芡汁，一個是上湯薄汁，另一是浙醋 ，可隨喜好點煮食，又有幾特色。蒸龍躉腩鮮味都好滑。欖仁蟹肉桂花炒瑤柱，這道菜如果加多啲牙菜同減少啲蛋會更加爽口。三五知己聚會好地方。

是咁的，一家人去食，叫左2個套餐，1個佛跳牆加個闇然銷魂飯，每個餐連湯水，叫到成台餸....野食正正常常，未去到好好食，不過一定比茶記小菜好食。可能味精重手左，一路食，要狂飲茶，好口渴:-(最好食係個闇然銷魂飯，太好食，冇影到相...8個人，埋單人均$200左右，連加一價錢同中價放題差唔多，野食有4星酒店水準，算係咁啦，最尾經理又送水果盤同紅豆沙，有時過黎吹下水，問下野食啱唔啱食，細緻公關位做得唔錯

利寶閣生日飯，想和家人吃中菜，所以特意選了這間中菜，有幾間分店，奧海城分店比較方便，亦有免費泊車。餐廳的座位很寬敞，坐得舒服，服務員服務態度非常殷勤，面帶笑容，茶位每人＄15 ,首先一讚啲茶好香，中菜就是這樣，優優閑閑，可以喝杯杯茶，大家聚在一起聊天。豚肉叉燒飯配佛跳牆 $188個叉燒真係好味啊，最鍾意厚切，雖然平時我好鍾意食肥叉燒，因為有陣時半肥瘦，其實都係肥叉燒比較有保證，但係呢一度嘅叉燒真係肥瘦適中，而且最好味，再配合埋嗰個太陽蛋加埋甜豉油撈飯真係一流。蒸頭腩香芒名門大蝦球個蝦球，用咗新鮮蝦，啲客好大隻，個芒果汁，真係非常好味，用芒果用打成汁，甜度適中，有一啲都唔會酸，而且個脆皮一啲都唔厚，整體都係讚。肉絲煎脆麵呢一個麵有兩種食法，其實係肉絲炒麵，不過平時廚師會將茨汁直接放到麵上，好快就會變得林了，但係呢度好有心思，將茨汁放在另一個碗，可以自行加上。埋單的時候出現了一點小意外，經理立刻走到我們面前，連聲道歉，服務態度真的非常讚。侍應姐姐為我們影相的時候，也面帶笑容為我們多拍了很多張，今晚的服務態度真的不錯。

平時去食中餐，都係去大型連鎖酒樓，今次去利寶閣，估唔到有意外收穫。我地一行7人，叫左2個4人套餐。招牌蜜汁叉燒，半肥瘦，唔會太肥膩，加埋蜜汁口感一流～我地仲叫左佢個「黯然銷魂飯」，一樣好好味，我諗應該拍得住食神個碗脆皮燒汁雞，雞皮燒得好脆好爽口，而且佢唔係肥雞，唔會食到成口都係肥膏跟餐老火湯，自問好耐無飲老火湯，屋企真係好少會煲～雖然佢有跟湯，不過我地都另外叫左佢個佛跳牆燉湯，比頭先個老火湯更好飲，飲完感覺滋補左唔少今晚叫左2味菇，花菇鵝掌煲、紅燒北菇豆腐，菇同樣都燜得好淋好入味，而且仲要大大粒菇，好抵食手打順德魚腐煲，魚腐口感好特別，成粒好軟淋淋，好似食緊棉花糖清蒸海沙巴斑仔，魚肉蒸得好嫩滑，又唔會整到太淋，食落帶有少少彈牙同樣地，碧綠炒斑球都好好味，斑球整得好爽口，呢間酒樓整魚都有一手，唔錯上湯焗龍蝦伊麵，龍蝦同伊麵真係好夾，份量啱啱好，可以分到一人一碗一般酒樓都會送甜品，但係只會係糖水 或 生果，呢度就一次過送哂，最後仲比我食多一碟蛋散添，感覺好抵食呀！而且我覺得職員服務態度好好，好主動幫我地加茶、換碟、收走吉碟咁，抵讚！

話說前幾日九龍塘同以前老師食完泰菜，今日又同另一個老師食中菜🌝大家既口味真係好唔同～而且今次仲要走jor去大角嘴🧐（老師住附近😂 孝順既學生們哈哈）我地成班同學同老師見面，而且男孩子多；所以叫jor兩個四人套餐同埋散嗌jor叉燒飯🙈佢個叉燒好好味🤤 啲肉好嫩唔會老而且啲叉燒汁撈飯簡直係害人害物！因為你會想瘋狂食飯（增肥元兇）我地既套餐主盤分別揀jor龍蝦伊麵同清蒸海班仔小菜就嗌jor鵝掌炆冬菇、紅燒豆腐、脆皮雞、叉燒漁腐煲、叉燒（究竟有幾愛叉燒🤫）仲有芹菜炒班球紅燒豆腐非常美味，擺盤甚靚；漁腐軟綿似棉花，食得出係人手手打；叉燒...真係無得輸，好味到我想加碗白飯😵每人跟餐仲有一碗湯～清火潤肺～不過為jor孝敬老師，老師獨享佛跳牆；佢都話好味，最後仲share俾我地班同學一齊食♥️一大班師生一路食飯，一路回憶以前中學回憶真係好。而且酒樓既菜式真係唔錯，令我哩個少食中菜既都覺得好味飯後仲有三樣甜品附送...無錯！係三樣甜品（我聽到都嚇親）皆因我肚皮已經幸福地漲爆，如何攝入甜品？這個飯局不簡單，美味又可口還能聚舊，唔錯唔錯佢有好多分店，下次可以試下其他分店...始終大角嘴離我有啲遠🤫