冬蔭公公 (已結業)

今晚同老公撐枱腳，見未夠七點早早地，唔洗等位就試下間泰菜，遲少少都已經好多人，要排隊。兩個人叫$148拼盤係好似有少少誇張，不過送兩杯加埋成五十幾蚊的飲品真係可以不防一試。拼盤有成6款小食: 春卷、無骨鳳爪、蝦餅、豬頸肉、燒蝦、雞肉串燒我最喜歡雞肉串燒和燒豬頸肉，肉質唔乾，配個醬汁，都唔錯，無骨鳳爪不太辣，蝦餅夠大件，春卷皮有點厚，不過內涵是好味的，燒蝦都算新鮮。魷魚鬚冬陰公湯檬，個湯底夠酸，沒有落椰奶，味道不錯，魷魚鬚夠冧身。芒果乳酸用益力多調的，真係冇得彈！必試之選！軟殼蟹撈檬，軟殼蟹即叫即炸，有兩大隻好抵食！冰涼鹹檸七，鹹檸檬加青檬係絕配！

住左沙田甘耐，都唔知有一間平靚正既餐廳。由朋友帶路，今日去左連城廣場食冬陰公公！平日過左食飯時間，都可以甘多人，就知幾受歡迎！餐牌肉骨茶最鐘意食馬來西亞偏藥材味重既肉骨茶。呢度既肉骨茶藥材味都幾重，而肉骨茶既材料則係冬菇，豆卜，腐竹，排骨。豆卜，腐竹吸晒肉骨藥湯底，非常美味，而排骨已經煲到好林，肉質一咬即開，而且仲係半肥瘦，非常好食！份量都幾多，而且跟飯，飯加埋肉骨茶湯真係食到停路到好，必定夠飽！青咖喱軟殻蟹份量好多，一整隻軟殼蟹，而且新鮮炸起，非常香口爽脆！青咖哩有好香既椰漿味，加埋香茅，真係絕配。而且呢個青咖哩並非浪得虛名，都幾辣唔會得個甜字。油鬆餅另外可以跟配白飯或油鬆餅。因為肉骨茶已經跟飯既關係，我地揀左油鬆餅。油鬆餅又係新鮮做起，送到黎聞到好香既奶油味，心急想一手拎黎食，熱到飛起！等左一陣都仲係好熱辣辣，非常香口！點青咖哩食真係一流！另外青咖哩撈肉骨茶既白飯，真係要添飯呀！拼盤套餐泰式小食樣樣都甘吸引，索性叫個拼盤樣樣食下！而呢個套餐仲包兩杯野飲，真係好抵！拼盤包括泰式蝦餅，春卷，酸辣鳳爪，豬頸肉，沙嗲串燒雞，沙嗲串燒蝦。而醬汁就有泰式辣醬，燒汁，仲有沙嗲汁。酸辣鳳爪夠酸，夠

晚上約左人在沙田交收，早左去諗住食住等。雖然時間不多，但又唔想食快餐咁頹。見到冬蔭公公，佢位置方便，就响沙田地鐵上蓋，食完隨時落去地鐵都得。不過人都唔少，全場已full 要等一陣先有位。頭盤叫咗木瓜沙律$56，size 正常，清爽好開胃，仲辣辣地，share 食都唔錯。朋友食咖哩，order 了馬沙拉咖哩原隻羊膝，$98 連油鬆餅。羊膝 size 很大，而且很入味又夠淋。仲有一隻靚蛋，好夠食，啱曬食肉獸一族。而馬沙拉咖哩是香而不算辣，用來撈飯應該不錯。朋友叫左油鬆餅，好鬆軟又唔油膩，上枱仲熱辣辣，好有水準。牛骨湯粉，湯底已有芽菜，order 紙有好多配料可以揀。我配左炸魚腐、魷魚鬚同豬頸肉。好足料，感覺似大滿足車仔麵。可能同場食左咖哩羊，所以覺得湯味道比較清淡。下次一定要試試冬蔭公湯底，因為見隔離枱邊食邊抹鼻，好似好刺激咁喎！飲品選擇都多，一般泰式特飲佢都有。朋友叫咗荔枝冰，我就叫鹹青梳梳打。兩杯都夠晒冰凍，味道適中。座位就迫左少少啦，但鍾意佢上菜快，啱晒我哋呢啲趕時間嘅香港人。行過想平食個有質素又快趣的泰餐都唔錯架。

今日去左連城朋友間舖度睇下衫，all items made in Japan架！趁佢收舖dinner time時我地就去樓上食泰國野啦！商場上面有間冬蔭冬冬，我地先叫左個肉骨茶湯飯，湯一d都唔重藥饍味，味道帶d甜同咸，幾濃味，配料內有豆腐卜、枝竹、排骨、冬菇等，豆腐卜同枝竹超級match，因為吸收晒d湯味，好入味！我直頭倒晒d湯落飯食tim！排骨炆得好林，輕輕一咬已經甩晒肉了！馬拉菜比較少有，呢度不錯喎！之後我地叫左碗麵Share，叫左泰式鮮魚湯粉，揀左兩個餸，炸魚皮同魚皮餃，$59。首先要讚一讚個湯底，湯底好清，一d油都無，配料內仲有芽菜，蘿白等，增加左個鮮甜魚湯味。炸魚皮好大塊，份量仲多過粉麵舖d $20碟！食兩個邊夠我地飽呀？我地忍唔住叫左個公公拼盆套餐，份量都好大好豐富，有泰式蝦餅、春卷、豬頸肉、鳳爪、串燒蝦同串燒雞，仲包兩杯飲品都係$148！春卷同蝦餅都係熱辣辣新鮮造起，豬頸肉燒得幾好，起碼有成10片，燒到個邊脆脆地幾好味，酸辣鳳爪唔使擔心辣，反面酸味較重，全部都無骨，方便！串燒雞肉比蝦出色，加埋沙嗲醬，無得輸！飲品兩大杯，珍多冰，椰汁紅豆冰～珍多冰一條條綠色又幾煙靭架啊！今

晚餐時間在新城市廣場，只想食碗粉，於是想到可以試試冬陰公公。星期五晚，約8:30，等大約3分鐘就有位，不錯！坐低，即刻選鋪頭名-冬陰公米粉，$40，我選左BB辣，朋友選中辣。中辣的味道都不算太辣，但我覺得酸味比BB辣強，而個人偏好酸，所以我下次應該會揀中辣。冬陰公味道亦好出，所以係新城市/連城一個平價之選。我地食滿$70，走時仲送上印仔卡，儲夠印仔仲可以半價或免費換食物；仲有另一張免費的油鬆餅卷，有2個多月才到期，應該可以再去一次😊唯一美中不足係枱抹得不夠乾淨，唯有自己用紙巾遮蓋😔

想喺沙田港鐵站呢頭搵飯食，長年都要等位，真係好誇張。嚟連城廣場呢度，價錢喺呢頭嚟講比較平。冬蔭公公算係開得耐，之前都食過幾次，今日難得唔駛等位，就同屋企人入嚟食。公公拼盤套餐$148包左泰式什錦拼盤，可以任揀兩杯飲品，特飲都得，鮮果乳酸就加$10。其實一杯特飲都$26，扣返兩杯野飲，個拼盤只係幾十蚊。珍多椰汁冰 - 椰汁味香濃。芒果乳酸 - 叫之前問左店員呢款係咪用鮮果打成，店員答係。但飲落又飲唔到新鮮芒果味，似係用果汁或糖水打成咁。最特別係乳酸用左益力多，成杯都好重益力多味，小朋友應該會好鍾意。泰式什錦拼盤有六款食物：蝦餅、泰式春卷、豬頸肉、酸辣鳯爪、沙嗲串燒蝦、沙嗲串燒雞。最好食係蝦餅，即炸，好彈牙又多蝦肉。其他都係麻麻，又唔夠熱，勝在平。 青咖喱軟殼蟹連油鬆餅$86青咖喱好香椰汁味，最正係個軟殼蟹，大隻得嚟都好多肉，仲有膏，真係做到外脆內軟，唔會炸到乾爭爭。油鬆餅一上枱就好香牛油味，掂。泰式迷你香茅燒春雞半隻$48 一隻只係$76，可惜會食唔晒，叫半隻都好夠。熱到辣手，雞脾位好滑，雞胸位都唔會太嚡，味道唔錯。雖然唔駛收加一服務費，店員態度都算唔錯，但個個都好忙，未必即時照顧到每個

本身滿懷希望，想吃個冬陰公米線，可能因為接近收工時間，結果一坐下，就被店員催促，要我馬上交單，因為要截數，我便隨心選擇了豬扒配冬陰公米線。首先，豬扒厚身多汁不錯可惜米線十分之差，米線根本未熟透，什至可以10多條米線像膠水般黏在一起，如下面最後一張圖片。接下來，我和店員好聲好氣說下次要注意一下，煮熟一點才上菜，店員不耐煩地說:係米唔食啦，下次會同廚房講。我未回答已被收走了。另外，我朋友叫了豬頸肉冬陰公米線，結果漏單，沒有落豬頸肉，雖然店員很有耐性地幫我們重新下單，但是漏單的情況十分嚴重，我去過3次，3次都有漏單的情況。

好鞋，唔滑的公公推介海南雞飯～～雞皮不爽，偏韌，雞肉鞋午餐時間，原本想食粉麵，但好肚餓，結果揀飯食，揀左餐牌推介，午餐時段冇優惠嘅海南雞飯期待係滑滑嘅雞，點知。。。。。好失望，好後悔味道：冇乜特別，油飯ok，汁一般，湯一般唔怪得枱枱都食粉，冇人食飯（連男士都係食粉麵）個飯絕對冇下次，麵未食過都會試下嘅

好耐冇食冬陰公公喇！呢日行過見到冇乜人就坐低回味下本身諗住叫返以往食開嘅雞扒，點知搵黎搵去都見唔到，好失望最後叫左肥牛，冬陰公湯BB辣，米線食落覺得冇以前咁好食，肥牛同冬陰公湯唔係好夾，都係以前嘅雞扒好食啲

今日下午去咗冬陰公公食Lunch，叫咗Lunch Set 既一碗鮮魚湯、魚片頭、鮮冬菇檬粉（$54），再加$5要咗一杯凍檸蜜😋鮮魚湯湯底好清，的確有啲魚味，又夠甜。成碗濛粉雖然冇乜顏色，不過加左啲炸蒜蓉係上面，就好睇左好多。檬粉裏面有兩隻鮮冬菇，三粒魚片頭，有少少金菇，同埋一舊超級美味嘅白蘿蔔。因為蘿蔔吸收了整碗鮮魚湯嘅精華，美味可口！簡直成為了整碗檬粉既重點推介！溫馨提示：如果你哋覺得炸蒜唔夠的話，餐廳方面可以再提供。

又係同女友周圍試食嘅時間,當日唔記得影相,先講講燒豬頸肉,自己整得比佢好食,而個海南雞飯隻雞可以,d飯真係差咗d,唔知係唔係前面d野唔太好食,所以咖哩汁真係比倒驚喜我,香,濃,微辣,加埋個薄餅一齊食真係一流👍差d唔記得講佢個服務態度,當日係接近晚飯時間我都知你忙,但講野真係好粗聲粗氣囉,感覺極差,講野講到好似鬧人咁,未食野都一肚氣👎

🌦又冷又凍，想食d熱帶野🐣🐣冬蔭公公海南雞飯，雞夠嫩口，多鮮肉汁，配上三款醬料，每款配合也美味🐥🐥酸菜醒胃清新，化減雞的油氣，頓時可食多二件雞配合香焗花生，鬆脆香口，和雞的嫰滑正對比，正是陰陽配合得宜美中不足她不是給黃油飯，為何只是白飯呀呀呀。。💔

沙田連城商場一到午市時間真係瘋狂地多人好在我早左少少到，一到一點就大排長龍第一次食呢間冬蔭公公食左個午市套餐泰國牛骨清湯米線配左炸魚腐同牛肉湯底幾香，炸魚腐都幾好食牛肉一般有少少老 試左朋友個冬蔭公湯底BB辣唔算好辣酸酸辣辣，味道都唔錯份量女仔食還可以，男仔就可能唔太夠了普通飲品都要+$5略嫌有少少貴總括食物方面是ok的但服務方面真係一般可能午市客多做到太忙朋友碗米線比少左一款餸同左侍應講完之後再比番都係比錯而且侍應唔太有禮貌～

燒雞扒冬陰公湯檬 $33(下午茶) 5:45pm周圍搵野食，見到呢間仲有下午茶餐又想食辣野就入去試試。 湯底可選牛骨清湯/鮮魚湯/冬陰公湯，麵可選米粉/米線/檬粉/幼薯粉，餸可選豬扒/雞扒/雞全翼/丸類/肉碎等。 叫得冬陰公公，無理由唔揀呢個湯底架，可選BB辣/中辣/大辣，揀左中辣，已經有食到流鼻水嘅感覺，雞扒比較細塊，但甜甜地味道唔錯，麵底份量好多，女仔食可能會好飽，最緊要嘅湯底，好濃郁，越飲越辣嘅感覺，食完feel到成條食道發熱，平時叫呢個組合要$52，下午茶真係好抵食!!

今日一連兩餐都外出用膳，但兩間餐廳的質素就呈天淵之別！ 先說說午餐的冬蔭公公。 由於下午要上班的關係，我和老公便選擇到連城食午餐，方便待會兒上班。 星期六中午餐12時人潮不算太多，所有餐廳都幾乎不需要輪候。 在遊走了一會兒後， 最後我們選擇了這間不曾嘗試的冬蔭公公。 餐類選擇不算特別，價錢都不是太相宜。 我們分別點了一碗秘製泰式豬軟骨米線和冬蔭海鮮米線。 不過重點是侍應們非常的不禮貌，我們點餐時忘記了是要自己剔食物，當其中一名男侍應過來時，我們見到方格才醒過來，說了對不起卻被他反白眼後轉頭離開。感覺實在很差！ 先來的是豬軟骨米線。首先，賣相極之不討好。不過，一讚的是豬軟骨煮得很稔很入味，入口即溶。可以看到一條條的豬軟骨，咬下去時很彈牙！蘿蔔亦很稔很甜，和湯底很襯。 然後是冬蔭海鮮米線。同樣地，賣相都是不討好的。湯底偏甜，帶濃濃的蕃茄味。 老公特別要我拍下這被切成一小部分、散散碎碎的蟹柳，完全感受到這餐廳的不用心製作。而且所謂的“海鮮”，一點兒鮮味都沒有，尤其是當中的蝦，連雪藏都不如呢！ 味道：5/10 價錢：5/10 賣相：2/10 服務：2/10 環境：