其匠燒

營業中

休息中

我最推薦嘅係「一口牛舌芯串」，牛舌切得厚身，燒得啱啱好，外層有少少焦香，咬落去又軟又彈，牛味好濃。😋之後試咗「燒鷄皮蝦」，燒完外脆內彈，雞皮同蝦肉嘅香氣一齊爆出嚟。火候控制得好好，蝦肉唔會過熟，保持到彈牙，雞皮又夠香脆，配搭起來好夾，食落有層次感。🦐我地仲點左「三色七里香」同「三色雞頸肉」，七里香係雞尾，肉質嫩滑，啖啖肉都好入味。另外雞頸肉口感爽爽的，唔會太韌，調味平衡得宜。🐔「脆炸白蝦」炸得香脆，調味啱啱好，蝦味濃而不鹹。咬落去外層脆卜卜，蝦肉彈牙又多汁，配杯啤酒簡直係完美。🍤「雞翼」燒得外皮脆口，肉汁鎖得好，調味鹹香，咬落去肉質嫩滑，唔會乾柴。「雞肉棒」配咗生雞蛋汁，雞肉混咗軟骨，滑溜又有咬口，沾咗蛋汁之後味道更美味。🥚「露筍豚肉卷」露筍爽脆，豚肉帶少少油香。🥬「鰻魚炒飯」份量好多，鰻魚肉厚實，炒飯偏軟淋，味道甜甜地。🍚「大啡茹」燒得香口，菇味濃郁，肉質厚實多汁。簡單嘅調味突顯咗食材嘅原味，食落好滿足。🍄

尖沙咀嘅樓上餐廳其匠燒，係一間日式居酒屋，主打串燒料理！炸物同埋玉子燒同樣出色！🍺Suntory生啤 $78/2杯價錢實惠，可自由選擇黑/白啤！另設Free Flow 2小時Plan，只需$100/位！🐷吉列黑豚豬扒 $78做到外脆內軟，切完件嗰層吉列皮都唔會散開，水準之作！🥚明太子芝士玉子燒 $88明太子同埋芝士嘅份量啱啱好，有鹹香而且唔會膩，Very Nice！🍗燒汁雞腿肉 $32｜三色雞頸肉 $38雞腿爽口有肉汁！雞頸肉前中後段都有唔同嘅調味，極具特色！🥩美國牛肋條 $38｜日本黑豚腩肉 $38牛肋條香口惹味！腩肉帶油香！🍳原條太陽蛋蒜蓉茄子 $68燒茄子mix生雞蛋，茄子充滿川燒嘅感覺，生雞蛋帶來滑溜嘅口感！🍲鰻魚炒飯 $98做到粒粒分明，醬香滿滿！

尖沙咀樓上燒鳥居酒屋, 同時亦有多款串燒選擇. 而且消費滿$200就可以加$100任飲啤酒/清酒 2小時, 同朋友放工嚟happy hour最適合不過!🍽️ 一口牛舌芯串 $78肉質軟腍外脆內軟, 而且因為厚切仲會有小小咬口, 唔會過熟一啲都唔韌.🍽️ 燒雞皮蝦 $48雞皮燒到脆卜卜, 入面包住既蝦都幾大隻而且唔會燒到好柴, 咬落啲蝦肉仍然保持彈性.🍽️ 三色雞頸肉 $38精選咗三款不同雞肉例如走地雞等,去串成呢個雞頸肉串燒, 所以肉質嫩滑, 入口亦有香濃既炭烤味.🍽️ 原條日本五花腩 $188份量都幾多, 而且五花腩既脂肪分佈平均, 完全唔會覺得油膩, 豬肉味道香濃, 煎得非常香口、惹味! 🍽️ 南蠻炸雞 $78一咬落去係juicy到會咇汁, 外皮炸得鬆脆唔係硬脆, 內裡真係勁juicy, 肉質一啲都唔柴, 熟成度剛剛好.🍽️ 鰻魚炒飯 $98勁大碗, 份量十足, 非常抵食, 食到入面有一塊塊鰻魚肉, 炒得亦夠乾身, 粒粒分明.另外, 見到佢地門口有個牌寫住lunch set 一律$48免加一, 有吉列池魚定食、滑蛋豬扒飯等, 都幾抵.

尖沙咀厚福街不嬲都餐廳林立，今次同朋友嚟到一間最近人氣嘅日式串燒居酒屋。🫶🏻🤍📍 其匠燒 (尖沙咀)尖沙咀厚福街12-12A號藍馬商業大廈10樓 餐廳嘅環境行型格格調，如果人多仲可以包廂添！👍🏻原來午市仲要咁抵食！🔻1. 三色七里香✨用了三種不同種類的雞：老雞、烏雞和普通雞，所以是三種不同的顏色，口感也不同，好有層次感！我encore咗幾次😆🔻2. 燒牛骨髓+秘製燒汁雞肝+特色雞頸肉✨✨🔻3. 黃金蟹膏玉子燒✨食落極之綿，蛋香同蟹膏冇諗過咁夾😎🔻4. 芝士年糕✨做到外脆內軟，燒得剛好👍🏻🔻5. 鰻魚炒飯✨炒飯底裏面收埋咗勁多粒鰻魚，粒粒都炒得好，再加埋惹味鰻魚汁，大飽口福🔻6. 黑松露野菌炒烏冬✨烏冬偏扁身彈牙，麵質一流，黑松露點綴喺成個麵底裏面，食落好香口仲有生啤做緊買一送一優惠！🤩🤩

藍馬商業大廈呢到好多好食既餐廳，而且位置都好近地鐵站。今次係到搵左間日式餐廳，主打串燒。入到去，環境好有日本居酒屋既感覺!燒雞皮蝦雞皮甘香脆口 , 帶有油脂香。蝦肉鮮甜彈牙，食落仲有陣炭火香，咬落去有多重口感!原條蒜蓉太陽蛋茄子呢款真係必食! 茄子口感軟綿綿，蒜香味好濃郁，非常惹味! 大蔥雞腿肉大蔥好多汁，每啖都好香，食埋鲜嫩既雞腿肉，真係一流。雞翼用左鹽燒，外皮脆內質嫩滑。大啡菇肉厚多汁，上面仲有D木魚碎，好有日式風味。芝士年糕襯熱食既時間，一咬就有爆漿芝士!清酒牛油煮蜆，蜆肉鮮甜大粒，湯都可以飲，飲落好重牛油香味同淡淡既酒味! 鰻魚炒飯好足料，每啖都有料，整體食落帶有焦香同微甜既醬汁風味，好食。

Fafafoodblog為食花太郎 其匠燒厚福街藍馬商業大廈10樓 🍴雞皮蝦 x2 每隻48 蚊🦐雞皮包住蝦 出面好香脆 入面蝦肉彈牙新鮮 正🍴鵝肝多士x2 每件78 蚊🍞多士好香脆 鵝肝好彈牙 d醬好香甜 好有口感 🍴原條太陽蛋蒜蓉茄子68 蚊🍆太陽蛋生撈埋燒茄子 茄子蒜蓉好足好香濃 茄子燒得軟林 🍴和牛稻庭烏冬88 蚊🐂和牛牛味濃 個湯底好香濃牛味 烏冬好爽口 正#串燒 #茄子 #鵝肝 #多士 #烏冬 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#其匠燒尖沙咀厚福街12 至12a藍馬商業大廈10 樓~~~~~~~~~~~~~~#fafafoodblog #為食花太郎 #fafafoodblog尖沙咀====================

好耐冇去厚福街食嘢，見到呢間串燒好似唔錯，所以去咗試吓🐽-👅厚切牛舌芯 ($78)口感夠爽口，不過可以再嫩滑啲，配上芥末好解膩🫶🏻🍆原條太陽蛋蒜蓉茄子 ($68)呢個組合好特別，流心嘅太陽蛋配上蒜蓉同茄子食落好邪惡，而且口感同味道都好豐富🥰🐔雞膝軟骨 ($28)金黃色嘅顏色好靚，食落鹹度適中，好香口啱晒送酒👀-🍗明太子雞腿肉 ($36)鹹香嘅明太子配上嫩滑嘅雞腿肉，呢個組合真係食極都唔厭😻-🐤雞皮 ($32)油香十足，如果再脆啲就更好🤌🏻-🐔三色雞頸肉 ($38)咁啱今日冇貨，所以剩係得特色雞頸肉，食落幾爽口👀🥟日式雞軟骨餃子 ($68)味微辣，食落口感好豐富，餃子嘅餡亦都充滿肉汁😙🫕其匠•冷烏冬 ($68)份量好足，烏冬係比較扁身嗰種，食完串燒再食冷烏冬，夠晒開胃同清爽，不過烏冬可以再彈牙啲~餐廳喺厚福街嘅樓上舖位，因為係小店嘅關係人手唔算好多，不過上菜都算快，另外餐廳除咗普通嘅枱同座位之外，亦都有吧枱同包廂位置，無論係兩個人定係一班friend嚟食都唔錯😆

呢間居酒屋嘅氣氛好熱鬧🥳食物選擇都好多，有串燒、主菜、刺身等等，下次再嚟一定會嗌酒👀✨蟹籽沙律🥗 $68充滿沙律醬嘅邪惡沙律😋好彩有大量嘅蟹籽蟹柳絲同埋青瓜絲減低罪惡感，整體食落都清新，沙律醬嘅味唔算太濃✨雞皮蝦 $48見到隔籬枱都有嗌，所以就試吓，雞皮炸得好香脆，配上彈牙嘅蝦肉，口感十足✨日本五花腩串 $36五花腩超級Juicy，油脂味好香重，只需要簡單調味就可以帶出五花腩嘅香😋✨原條太陽蛋蒜蓉茄子 $68蒜蓉茄子就食得多，但係加埋生嘅太陽蛋撈就真係第一次，生蛋味好香，撈蛋之後茄子嘅口感更加嫩滑，整體口味幾有驚喜🤩✨燒汁燒沖繩魷魚筒 $188大大條魷魚筒😍外皮帶少少焦香，加上少少芝麻同燒汁，好惹味！魷魚筒仲好彈牙😋推薦之選✨黑松露野菌炒烏冬 $88👀推薦之選👍🏻黑松露味好香，但唔會過分濃郁蓋過菇嘅香味，手打稻庭烏冬炒得好煙靭👍🏻✨柚子乳酸梳打 $38乳酸味唔算重，適合啲鍾意梳打嘅人飲👍🏻😋

新年之後好多餐廳都未開，今次就搵咗一間樓上串燒店試試，估唔到都唔錯喎！脆炸白蝦 $68唱得好香脆，帶鹽香鹹味，送酒一流。多串串燒 唔逐一品評 $30-76一口牛舌心串 - 牛舌心口唇，食落軟腍腍，幾好食！沖繩菠蘿（焦糖） $32呢個出奇地好食！本身菠蘿已經好甜，再加埋焦糖同埋脆脆嘅口感，做餐後甜品一流。豚肉壽喜燒 $188新鮮熱辣咁上菜，壽喜燒汁甜甜的，加埋豚肉同埋其他配菜。有啲後悔冇叫個飯/烏冬送呢個壽喜燒🙈原條蒜蓉茄子 $68上菜果陣真係有啲嚇親😂因為真係好大條😂😂茄子上面加咗啲香料同埋蔥花真係好正。.我見到呢度仲好似有間房係for一班friend gathering，有返啲privacy。

呢晚收工約咗朋友食飯吹水佢帶我嚟其匠燒話呢間鬧市中嘅樓上居酒屋串燒好正講到我都好期待上到去見店面雖然唔算好大但有吧枱位睇到師傅燒烤亦都有個大包廂好有氣氛 好似真係置身日本咁Menu選擇豐富 應有盡有厚切牛舌芯$78雖然係厚切 但食落去好爽口牛味湧出好豐郁 正！羊架$78好貼心咁切開咗 燒得剛剛好熟肥瘦均勻 羊味濃郁 鍾意食羊嘅朋友必點！蘆筍豚肉卷$36外面豚肉薄切 燒得香口juicy入面蘆筍爽脆清新兩樣夾埋一齊好好食！西班牙豬肋條$38豬肋條軟嫩多汁 食落去充滿豚肉香味 但又唔會臊 推推！魷魚筒$188份量十足 勁大碟魷魚好爽彈 加埋燒烤汁 好開胃 食到停唔到口脆炸白蝦$68送酒必點！新鮮炸起熱辣辣 好脆口白蝦蝦味濃厚 邊食邊飲酒邊吹水 人生一大樂事！三文魚頭$108三文魚控會勁like! 燒到魚油湧出 三文魚香味極濃魚皮香脆 魚肉嫩滑 黑松露野菌炒烏冬$88即叫即整 黑松露香味好遠都聞到烏冬彈牙 掛起日式醬汁同黑松露醬Satisfied!Sapporo $32嚟居酒屋當然要飲返杯Sapporo冇得輸！細節中的匠人精神推薦其匠燒俾大家！

今日同朋友去咗一間尖沙咀嘅串燒居酒屋，環境幾有氣氛，坐低之後即刻叫咗幾款串燒試吓😋😋三色雞頸肉 ($38)🐔🐔雞頸肉好少見，仲要三色咁特別，有原味、辣味同埋蒜香味，每款都幾有特色，肉質彈牙，好過癮厚切牛舌芯 ($78)🐮🐮牛舌芯厚切真係好正，燒得啱啱好，外脆內軟，咬落去仲有肉汁，好滿足美國牛小排串 ($68)🥩🥩牛小排串燒得香口，肉質嫩滑，加少少鹽調味已經好好食，牛味十足日本五花腩串 ($36)🐷🐷五花腩肥瘦均勻，燒到外皮脆脆地，入口即化，油脂香濃，好正西班牙豬肋條 ($38)🐖🐖豬肋條醃得入味，燒到微微焦香，咬落去有嚼勁，好有口感明太子雞腿肉 ($36)🍗🍗雞腿肉加咗明太子，味道更加豐富，明太子嘅鹹香同雞肉好夾，食落好惹味明太子芝士玉子燒 ($88)🧀🧀玉子燒入面有明太子同芝士，切開仲有拉絲效果，口感滑溜，味道濃郁，好正雞皮 ($32)🍢🍢雞皮燒到脆卜卜，油脂香濃，食落好邪惡但好滿足翠玉瓜 ($28)🥒🥒翠玉瓜燒得剛剛好，外皮微焦，內裡多汁，食落清新，可以中和一下油膩感白桃梳打🍑🍑食串燒點少得飲品，白桃梳打甜甜地，好解膩，飲完又可以繼續食過整體來講，呢間居酒屋嘅串燒質素幾高，每款都有

在尖沙咀最熱鬧的食街，厚福街12號藍馬商業大廈10樓，品嘗了舌尖上的最高享受。✨超正點嘅日式料理閃亮登場！🌟【原條蒜蓉茄子】：這道菜色澤金黃，蒜香撲鼻，每一口都帶著誘人的蒜香與茄子的鮮甜，一隻生雞蛋令茄子更香滑，是素食者的絕佳選擇！🥩【一口牛舌芯】：薄切牛舌，醃製入味，一口咬下，肉質鮮嫩多汁，口感絕對讓你停不下來！🍗【雞肉棒】：外脆內嫩，雞肉緊實有勁，搭配特製雞蛋醬汁，每一口都是滿滿的幸福感！🍗【特色雞頸肉】：雞頸肉燒得恰到好處，軟綿入味，澀而不柴，簡直是無與倫比！🥗【胡麻豆腐沙律】：清新爽口，胡麻籽的香氣與豆腐的柔滑完美結合，為你的味蕾帶來全新體驗！🍚【饅魚炒飯】：魚香四溢，飯粒鑽滿魚香，每一口都充滿海洋的鮮味！🍤【燒雞皮蝦】：蝦肉燒得恰到好處，外皮微脆內裡鮮嫩，搭配雞皮的豐盈油脂，美味無敵！🥩【燒牛小排串】：牛肉燒得夠火候，肉質鮮嫩多汁，搭配特製醬料，讓你一口接一口！🍍【沖繩焦糖菠蘿】：最後來個甜蜜收尾，菠蘿的酸甜與焦糖的香甜完美融合，為這一餐畫上圓滿句號！

果汁乳酸梳打（白桃）+ 果汁乳酸梳打（青蘋果）鵝肝多士鵝肝質素非常好，油脂非常肥美，又大大舊，入口溶化，口感加上脆卜卜嘅多士，好食！提燈提燈是由母雞的輸卵管、卵巢及未成熟未有殼的雞蛋黃所組成。提燈串燒咬開爆蛋汁，越嚼越出肉汁，好特別！燒鷄皮蝦燒得非常酥脆，蝦肉鮮嫩多汁，Q彈爽口。露筍豚肉卷用豚肉片包着蘆筍，保留蘆筍脆嫩的口感，全都燒得剛剛好，露筍無苦味，又有豚肉的脂香，配搭得非常好食！一口牛芯串牛舌芯非常爽口，肉感十足， 濃郁牛舌味！雞肉棒（汁）雞肉棒（鹽）黑松露野菌炒烏冬黑松露味超香，而且加入左好多菇菌，烏冬煙韌可口，非常惹味，令人一啖一啖咁食食唔停。味西林魚干油甘魚鮫油甘魚鮫好大件， 外皮焦香，裏面嘅肉質肥美嫩滑，魚油脂香魚肉鮮嫩有彈性，送酒食一流，可惜我揸車冇得飲酒，不過呢個真係大件夾抵食，仲要好好味。

在尖沙咀的「其匠燒」真係一個好chill嘅地方！喺厚福街樓上舖，一間簡約時尚嘅串燒店，仲有VIP榻榻米房間，超級適合聚會。而且這裏的店員非常好客，給你一種很親切的感覺。至於特色嘛，主打串燒，種類繁多，唔止串燒，仲有沙律、下酒菜同埋燒物。特別推介免治雞肉串、雞皮蝦、酒盜芝士同澳洲燒大蝦，全部都好惹味。最正係你可以每位加$100，就可以任飲啤酒或者清酒兩個鐘，夠晒chill！食品推介其匠•免治雞肉棒：呢個真係唔使多講，雞肉夠嫩，蛋漿和免治醬汁滲入肉裡，口感超讚！三色雞頸肉唔好以為雞頸肉會硬，呢度嘅三色雞頸肉係又嫩又脆，仲有三種不同嘅醬汁，每一口都係一個新驚喜，絕對係叫你停唔到口。原條蒜蓉燒茄子茄子燒得恰到好處，蒜蓉香氣四溢，配上蛋漿，吃落去滑而不膩，保證你食過一次就會愛上。總結一句：其匠嘅串燒真係唔會叫你失望，每一支都係一種享受！

During my recent visit, I was treated to a delightful array of dishes that showcased the rich flavors and creativity of Japanese cuisine. The mentaiko cheese tamago-yaki was an absolute revelation. The fluffy omelet, infused with the umami of mentaiko (spicy cod roe) and the creaminess of cheese, created a perfect balance of flavors. Each bite was a harmonious blend of savory and slightly tangy notes, making it a delightful starter.Next up, the asparagus pork roll skewer was a true highlight. Th