影片
以上資料只供參考, 請與餐廳確認詳情
昨天下午路經小店，知道新開張入去試下，叫咗碗豬雜米線，豬潤豬腰好味，夠曬厚切，又冇腥味，但豬大腸及豬粉腸就一般啦。胡椒湯底味道唔夠濃，米粉就係一般米粉冇乜特別。可能由於新開張，並沒有奶茶檸檬茶等供應，只供應汽水。埋單一碗豬雜米，一支可樂盛惠$60。
繼續閱讀
本人同太太喺附近睇完戲找食午餐， 無意中發現有間興記豬雜專門店入内一試， 點咗個足料豬雜皇油麵和蘿蔔清湯蝴蝶腩，店舖不大但好細心，每碗粉麵有正宗嘅潮州配菜香芹 芫茜 蔥及指天椒豉油，試過啲豬雜，我肯定係新鮮豬雜， 完全冇腥味，洗得非常乾淨，蝴蝶腩軟淋度適中清甜，重點係豬雜皇油麵份量充足夠大碗，男人食都夠飽，湯底有清湯及胡椒湯， 湯底清甜飲完不會口乾，不過我個人就覺得胡椒湯底唔夠辣，整體食材及服務表現出色， 值得嘗試，一定回頭幫襯，給予五粒星評级。讚
繼續閱讀
*街場暴擊,豬什王 冰鎮生腸爽到彈牙】** 今日同班老友「撞口撞面」殺入長沙灣巷，專登嚟「興記」朝聖佢個**「鎮店豬什王」**！#### **🔥 豬什王（例牌）成碗尖到瀉嘅內臟山！**豬膶厚切唔粉身**，咬落爆汁帶酒香；**豬心片打斜紋**，爽脆唔韌；最驚喜係**豬腰**，師傅手勢靚到**完全冇尿膻味**，仲要掛滿豉油芡汁！底層墊嘅**酸菜**先係神來之筆，索晒豬骨湯精華，酸咪咪解膩 **「撈飯可以KO三碗白飯！」**#### **❄️ 冰鎮豬生腸 **震撼視覺嘅冰川擺盤**！生腸切到手指公咁長，浸住成座冰山端上枱。夾起「嗦」一聲入口——**爽脆到似咬爆魚蛋**！秘製滷水膽甜鹹交織，蘸少芥末豉油，個種**冰火撞擊感**，真係食到拍枱：「阿姐！再嚟多碟呀！」#### **🥬 薑汁炒芥蘭 以為普通青菜？錯！**芥蘭專揀「手指尾咁粗」的嫩苗**，薑末落重本爆到金黃色。鑊氣攻心到菜葉帶微焦邊，咬落「索索聲」**脆過薯片**，薑汁辣中帶甜，啃完菜梗連薑粒都撈埋！#### **🍲 西洋菜豬肺蝴蝶腩湯 **白煙滾住上枱**，一揭蓋成陣陳皮香湧出！湯色奶白到反光，**豬肺洗到雪白冇泡**，蝴蝶腩（豬脷底）軟嫩過牛𦟌；西洋菜燉到溶化，精華盡出～飲完成身暖粒粒，喉嚨仲有陣回甘，**阿媽飲到肯定喊：「點解屋企煲唔出？」**--- **📌 街坊總結** - **抵食度**：★★★★☆（ - **驚艷位**：生腸冰震口感- **溫馨提示**： 2️⃣阿姐落單靠「吼」，記住舉高手狂嗌「唔該～」 3️⃣淡口人士記得叫「走鹹」——佢哋豉油手勢好江湖㗎！ 興記豬什專門店 (長沙灣)長沙灣元州街482-492號金碧閣地下12號舖
繼續閱讀
涼拌生腸 麻辣汁咸香味十足 爽脆生腸令人胃口大開招牌足料豬雜河豬潤，豬腰，結心，豬肚，豬肺，粉腸，生腸，大腸，黃喉，豬橫脷，蝴蝶腩第一次食咁齊全嘅豬雜！新鮮豬雜食落就係爽口 處理得好好 全部都冇異味 而且保留部位應有嘅味道加上胡椒湯 配上香芹粒 同豬雜配合得天衣無縫豬潤果然是鎮店之寶 厚度、熟度適中 爽口又有油香味 豬肚 配埋胡椒湯底 正 蝴蝶腩清湯蘿蔔蘿蔔清甜味加上豬肉精華 呢個清湯湯底同胡椒湯叮噹馬頭門口有咪錶位泊車 非常方便
繼續閱讀
興記豬什專門店 (長沙灣)長沙灣元州街482-492號金碧閣地下12號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：冰鎮豬生腸 $48，足料豬什皇胡椒湯油麵 $50，頂級黃沙潤胡椒湯公仔麵 $45冰鎮豬生腸：新鮮多汁的豬生腸,非常大件爽口,賣相華麗,配上芥末醬油, 冰鎮上枱,味道令人驚艷,兼且彈牙得很,讓人忍不住一口接一口！😄😄😄足料豬什皇胡椒湯油麵：胡椒湯底濃郁鮮美,配以多種精選豬肉部位,包括豬潤、豬腰、豬心、豬肚、豬肺、粉腸、生腸、大腸、黃喉、豬橫脷及胡蝶腩,每一種肉質都鮮嫩多汁,入口即化,可選公仔麵、河粉、米粉、油麵或白飯,超值又好食！👍👍👍頂級黃沙潤胡椒湯公仔麵：黃沙豬潤肥美可口大大件,每件也好像一小塊牛扒般大少,賣相非常豪邁,咬下時會感受到迷人的黃沙口感,滑嫩鮮美,可謂一試難忘！😍😍😍
繼續閱讀