六本木日本料理

營業中

休息中

生日飯家人為我選了這裡慶祝, 這裡鋪天蓋地的是日式居酒屋的風格. 預約時說差點沒座, 去到至吃完都是空空如也, 有三枱客吧.有服務員為你專誠講解餐牌, 及作出推介, 什麼活鲜！原條魚刺身！ 新鮮直達！又有日本酒, 非常適合醉心於日本文化及有消費力的食家！由於我們有小朋友, 點的都是大眾化食物如雞腎串燒, 三文魚壽司, 蘿蔔煮牛利.... 味道可以, 但介格不菲. 家人盛讚的, 我卻覺得一般. 一個冷（淨）烏冬要$60-70, 小朋友吃完也未見飽, 八時未夠已離場了. 在外再吃一轉吧！

機緣巧合下，響Openrice搵到六本木呢間日式居酒屋，果然真係好正，未食完餐飯，我同朋友已諗定要再去encore再encore，食物超正，環境好，最緊要係氣氛超好！先講食物，無得彈.......我地2人叫左.....蜜柑鯛刺身 , 拖羅軍艦，帶子壽司🍣赤貝壽司🍣油甘魚壽司🍣大根煮牛舌，秘製牛骨肉，明太子雞翼🍣刺身同壽司要選當晚食過既刺身同壽司，要選NO.1既，真係唔可以可提赤貝🍣，厚，鮮，甜，大件...........我同朋友吃完，臨last order忍唔住再叫多客，實在太好吃了...而其他都係正既，但赤貝真係正爆，推爆佢大根煮牛舌大根同牛舌都好淋，好入味......又係推介之選秘製牛骨肉好彩未出發前，就同朋友狂睇openrice內既食評同餐牌，見到好多人都有講牛骨肉正，嘩！！牛骨肉放上枱後，職員再用火槍打火燒一燒~~~~~牛牛好淋，旁邊配左少少鹽，唔夠味可以自己點，但我地就覺得本身已經醃得好好，即使唔加鹽，亦已經好好味....明太子雞翼個人認為，因為以上既食物太好吃了，所以呢個明太子雞翼變相失色左....🍴🥢🍽️Encore之選~~~ 🍴🥢🍽️臨Last Order都要再encore

Walk in有驚喜一入到去啲音樂同香味已經好似去咗日本咁。店員好細心。未上菜我已經跌咗筷子。當時我諗住我坐角落頭，店員唔會知。點知好快已經有人捧住對筷子過嚟，話佢聽到聲。之後上菜都係熱辣辣嘅，好似係你面前煮咁樣。店員有介紹即日空運菜式，有魚生、生蠔、沖繩海葡萄。我哋都點左個蜜柑鯛，真係幾清新好食。Menu仲有幾道菜想試，應該好快會再嚟。同埋呢度做足左透明防疫隔板，感覺安心好多，又依然可以見到成間店好有氣氛嘅裝修。

六本木早在荔枝角時我們一家都愛去，最近經過深水埗看見它在這處落戶，便專程坐車去吃一頓晚飯。餐廳以一貫居酒屋的擺設，每晚都預備有新鮮日本到港的魚生和美食。今次我們點了蜜柑鯛和秋刀魚刺身，香芒軟殼蟹卷，鯛魚濃湯石頭鍋稻庭烏冬，日本白粟米和大根牛舌。食物總體是佳，師傅給我們做了一個甜辣豉油以佐秋刀魚刺身，味道匹配，入囗便覺是給魚提鮮。芒果軟殼蟹卷十分可囗，值得一讚。最後店員還為我們的秋刀魚魚骨酥炸，入囗即脆。

見疫情稍為緩和 ，跟著同事光顧此店。 食物質素高👍， 現場 氣氛一流👍👍，老闆 非常熱情 👍👍👍，與客人打成一片。 老闆其後索性走出嚟高歌數曲 (又真係唱得幾好)。 最搞笑係如客人唱歌的話，之後佢會贈送一支清酒。 (其實， 佢已經揸住一支清酒周圍酌比D客飲🤣🤣)。 這類小店， 香港甚難求。

喺深水埗出沒多時嘅我，對「六本木日本料理」並不陌生，我應該有幫襯過十次以上，但每次都係午餐，好多時仲係一班同事連埋老闆一齊食嘅聚會。而喺度食晚飯，今晚真係第一次😜！我以為晚市食到九點會無乜人幫襯，始終居酒屋🏮食到夜、飲到夜先有氣氛㗎嘛。不過我嘅推斷並不正確，餐廳已經坐滿人(正常嘅一半)，好熱鬧。一入到餐廳，唎酒師Vincent(同時係老闆？)第一句就問我哋飲唔飲酒🤣。未睇菜牌前，先飲啖清酒Sake🍶，氣氛超好。Vincent勁識做生意同氹客，佢倒酒俾我飲時問我夠唔夠十八歲，哇哈哈哈，真係識講笑。佢成晚全場飛，又獻唱🎤，令日頭忙碌工作完嘅大家都能放鬆一下。我哋叫到成枱都係嘢食，不過份量啱啱好，輕鬆食得哂😌。價格唔算平，人均要$350，但成個用餐體驗都值回票價嘅。因為就如我之前嘅食評所講，午餐消費要成百蚊，好食但性價比唔高。反而晚餐仲貴，但我又食得開心啲。牛肉他他燒($178)，我哋想食牛🐮，但又唔想食牛扒咁普通，所以就叫咗呢個他他燒。呢道菜嘅造型完全係我意料之外，因為一上枱嘅時候，佢係好似保鮮花咁有個透明玻璃盞住。嚟到要焗幾分鐘先揭開，唔知有咩作用呢🤔。打開後，見到他他燒一片片咁鋪得好靚

久違嘅晚市🎉終於開返堂食就當然要去食好西🍽今次呢間餐廳係由朋友揀而我亦都係第一次食🤨其實深水埗橫街小巷都有好多不同美食但友人就比較推薦「六本木」話因為係間好有人情味嘅餐廳🤔店內氛圍融洽,親切💕就像日本居酒屋般一入到店內感覺環境舒適,放鬆🎏而且裝飾都好有氣氛🇯🇵💁🏻‍♀️食物方面除咗有壽司,刺身⋯當然唔少得居酒屋必備既下酒小吃,串燒等明太子雞翼 $68即叫即製😍連上枱時冒着煙見到肥嘟嘟嘅外表 就知裏面內餡必定豐富點知咬開口💦果然係爆餡爆汁注意⚠️當熱辣辣+爆汁 就記得小心燙傷口玉子燒明太子 $88同雞翼一樣都係絕不吝嗇餡份量💪🏻甚至咬開時🗣明太子會跌到四周而且因為玉子燒加咗醬油後鹹味突出用嚟作下酒菜相當合適🤩串燒：豚肉蘆筍卷 $42雖然眼見肉片並非極為厚身🤭但意外地豚肉香味及脂香竟然非常凸出安格斯牛肉 $48燒得香口卻又能鎖緊肉汁🐮並且肉質嫩滑無渣,油份充足雞腎$32不像平時外面食到的雞腎串咁乾而是鬆軟之中帶點爽口🙆🏻‍♀️鐵板帶子炒野菌 $148肥美鮮甜嘅帶子👏🏻分量十足並非只有1,2粒做陪襯👻然而因鐵板上既關係🔥保留溫度比較好就算影完相先食都唔怕凍哂香芒軟殼蟹卷 $98除了賣相吸引之外♥️酥

今日同朋友去六本木到食飯可惜夜晚有禁聚令如果咪係夜晚去食氣氛好D老闆好好客同我地介紹多款清酒仲講左唔同酒既歷史老閣推介雞皮餃子 好正用新鮮雞皮做~玉子燒好食生蠔夠新鮮帶子~墨魚

約了住深水埗的朋友晚飯，由他作地主之誼，介紹我到這家居酒屋。他說這餐廳經常很多食客，我們沒有訂座仍立即可獲安排座位，算是很難得。 這居酒屋的外型和裝修充滿特色。它的木屋造型，在街角非常搶眼，就是一家不折不扣的居酒屋。走進店內，牆上貼滿各式各樣日本酒的圖案和標籤等，很有日式風味。 餐牌印刷簡潔，食物選擇十分豐富，包括刺身、壽司、小食、燒物、天婦羅及一品料理等。另外，亦有店員用黑板介紹的「飛機魚」，即每日空運到港的新鮮食材。 我們二人稍為商量過後，點了以下美食： 蜜柑鯛 這是今天的「飛機魚」，亦是我第一次品嚐這種刺身。三件厚厚的蜜柑鯛，放在鋪了碎冰的透明容器上，下面還會發光，活像一件藝術品。蜜柑鯛口感軟腍，味道清甜，沒有腥味。 慢煮大根牛舌 侍應送上來時，已嗅到濃濃的關東煮醬汁香氣。先品嚐一件牛舌，它煮得非常軟腍，幾乎不需要咀嚼一樣，已經可以一絲絲在口內化開，味道方面，牛味濃郁，肉汁豐富。大根（即白蘿蔔）甜美，完全吸收了關東煮醬汁的味道。 日式炒烏冬 上菜時，蒸氣不停向上升。炒烏冬配料有椰菜、洋蔥和豚肉，很傳統的日式造法。烏冬麵條滑不溜口，口感不會硬身，烏冬的醬汁鹹度適中。 串燒 我們點了

今日放工又同男朋友去深水埗買嘢😌行到去嘉頓山附近想搵野食，見到呢間係轉角位嘅日本餐廳，剩係門面都裝修得好靚，係深水埗呢個舊區入面非常顯眼😳😳所以就比佢吸引左入去食🥰-睇完餐牌，發現佢大部分都係單點，有刺身、壽司，串燒等等😋🍣🐟不過都有少量飯、烏冬等等主食🍱🍲可以叫。我就叫左個我最愛嘅饅魚飯（$168）🤤🤤條饅魚真係又長又厚，上枱就嘅時候嚇左一跳！😱食過唔同饅魚專門店都好小可見到咁大條既鰻魚！饅魚汁係分開上嘅，唔洗驚落得多會膩👍🏻個主角饅魚真係食過返唔到轉頭😭😭💫燒得啱啱好，表皮有少少脆、好香口😋而裏面嘅肉就好軟滑仲暖笠笠，超正😖❤️饅魚達人超級推介！-之後咩都想試少少嘅我哋就叫左三文魚腩（$55）同赤寄貝（$38）兩款刺身～😛三文魚腩刺身係五星必食推介⭐️就咁望都已經係一件藝術品🤤佢嘅油份分布得好平均，仲切左好考功夫嘅格紋而食落口有入口即溶嘅感覺，味道豐富之餘，仲有少少回甘😭睇相都好想再食過！而赤寄貝亦都非常鮮甜，食落爽口😚鍾意嘅朋友可以試吓！-話明咩都要試少少，當然唔少得串燒啦！🍖四款都燒得好香，唧少少檸檬汁，再加啲七味粉落去食，超正！😋幾款嘅質素都好高，大家可以揀返自己鍾意食嘅肉類😌😌

香芒軟殼蟹卷，香芒味道清甜，蟹籽口感脆口，美乃滋香甜，軟殼蟹口感酥脆、不膩，鮮味十足，醋飯酸度適中，整體味道豐富、清新，口感外軟內脆。軟骨雞肉棒，軟骨口感爽口，雞肉嫩滑多汁、好入味，味道甜中帶咸，配以雞蛋食用，口感更滑溜，雞肉味道更突顯。帆立貝壽司2貫2份，帆立貝口感厚肉、肥美，味道鮮甜，配以芥末、酸薑食用，味道更佳。芝士年糕，芝士味道咸香，流心效果突出，年糕口感煙韌，配以水果食用，可以解膩。櫻花可樂，櫻花味道淡香，整體味道花香帶甜。波子汽水，味道清爽。

日本居酒屋設計都係有一種古風既感覺存在。我d妹話呢間幾好食所以就去食下🤣芒果軟殼蟹卷: 同我想像既不太一樣， 我覺得芒果與軟殼蟹不算好match。CP值: 😋😋😋😋牛肉他他燒配薯蓉，一上菜看到那個牛肉我不禁o左一下，佢既他他燒原來只是在燒那個外皮，內裏是生的！ 加埋個汁食，口味還不錯CP值:😋😋😋鰻魚玉子燒： 用鐵板上，有個鏟隔住蛋和鐵板之間。但我個人覺得個蛋煮得有少少老。但汁和鰻魚不錯CP值😋😋😋串燒方面就叫左軟骨雞肉串，芝士年糕。另外還叫了帆立貝壽司和日式炒烏冬。

星期一係一星期既開始 當然要去食下正野 叉叉電啦！多謝朋友帶我黎到六本木 一入去已經有種去左日本居酒屋既感覺 侍應超好禮貌 第一道上既係胡麻豆腐沙律 豆腐好有豆味 胡麻醬雖然唔夠 但係職員會主動問需唔需要再加👍🏻第二樣係 天婦羅溫泉蛋 聽個名都覺得好特別 食落蛋味好香 值得再試 接住既芝士玉子燒 蛋味唔再講 芝士多到爆哂出嚟 用鐵板上 有哂視覺味覺嗅覺既享受 必食 日本蘿蔔煮花螺 花螺生鮮 蘿蔔香甜 又係一絕 荔枝豚肉串 絕對啱哂中意食荔枝既朋友 荔枝既甜令到豚肉既油膩感冇哂 但又食到豚肉既香 果然係推介 甜品炸雪糕 外面脆 仲有一層密瓜包既皮包住入面既柚子雪糕 食落甜而不膩 為今晚哩餐飯有個好好既完結

近排想 relax 下😚所以就同朋友去左日本居酒屋主題為主嘅六本木日本料理🏮.牛肉他他燒-煙燻薯蓉底🐄 店員打開蓋哪時候，飄出陣陣白煙💨牛肉肉質粉嫩鮮甜，雪花紋鮮艷😋沾上特調醬汁，肉味更突出👍🏻底下係煙燻薯蓉🥔一齊食非常夾.日式炒烏冬🔥烏冬炒完面頭仲有好多汁😆加埋肥牛🐮椰菜、金菇、木魚絲、洋蔥🧅一齊炒非常地道🇯🇵.鰻魚玉子燒🍳一切開就見到中間嘅鰻魚😙玉子厚身嫩滑又多汁🥚放喺鐵板上面 keep 住熱辣辣🥵.三文魚 3 切🐟肥美新鮮😍油香十足.炸雪糕🍨外面嘅脆皮甜甜哋，入面就係柚子味嘅雪糕🤤非常清新.波子汽水(2 枝)🥤唔太甜😉但解渴

一直知道呢間餐廳嘅存在，出名人氣極旺，超級爆場，好幾次同朋友嚟到都冇位，full booking到剩低bar枱位，今次索性天未黑就嚟朝聖。除咗木屋仔咁嘅外觀十足十日式居酒屋，內牆都貼滿各式各樣日本酒嘅標籤，別有風味。食物選擇豐富，小食、刺身、壽司、燒物、天婦羅同一品料理一應俱全。一向鍾意食玉子燒，明太子同鰻魚同樣吸引，一輪內心戰之後決定揀明太子玉子燒，完全冇令人失望，一上菜已經聞到濃濃嘅蛋香。明太子香辣惹味，蛋味香濃嘅玉子燒口感鬆軟，一拍即合，令人回味。芒果軟殼蟹卷份量頗多，而且軟殼蟹嘅比重好平均，賣相亦唔錯。軟殼蟹炸得香脆，加入生菜同紫菜包成卷狀，表面鋪上新鮮芒果同蟹籽，入口鮮味爆發，而且口感層次豐富。油甘魚鮫係全晚最有驚喜嘅一道，表面劃上十字紋再燒，色澤金黃，帶有少少焦香，賣相吸引。油甘魚燒到表皮香脆，肉質軟滑，而且一啲都唔乾，加上少少檸檬汁令鮮味更突出。最後當然要嗌返個主食，鯛魚濃湯用石頭鍋上，上枱時依然保持滾熱辣，奶白色嘅魚湯又香又濃，非常吸引。稻庭烏冬煙韌彈牙，而且份量亦唔少，唔大食嘅話兩個人分享剛剛好。今晚嘅每一道菜都令人非常滿意，熱鬧嘅氣氛加上有水準嘅食物，實在非常適合三