六合小館 (已結業)

二月十九號 陰天身體突然作感冒, 食慾不振, 頭痛又全身乏力.唯有食碗粥補充一下體力....因為在浸會返學, 所以只好選擇附近的六合小館一向對這間餐廳的印象是一般的. 因為我食過幾次,覺得他們的菜色不太健康, 只有肉, 沒有菜. 生活在一個都市的人,都一定會關注他們的身體健康, 而且近年政府推行二加三組合的飲食態度, 所以我都希望每一餐都有蔬菜.是日點了魚片瘦肉粥.味道是不錯的, 粥底綿綿的, 瘦肉應該是取自燒肉,而不是豬瘦肉. 所以質感不錯的.身體作病時, 食碗粥是不錯的選擇.

又嚟啦~食左粥~食左飯~今次食佢的麵炸醬雲呑撈麵~炸醬.....d肉....難咬左d law...太乾身了....肉味都唔夠了....但個醬本身ok~加埋唔太差的雲吞~再有菜芯一條~~~感覺本身良好~但係撈麵嗰碗湯....太細啦...係個碗太細啦....食得好就住就住................真係茶樓嗰d碗仔...點食麵姐...............................不過感覺真的不錯~哈哈~~~~今日喺遠處仲見到我地很大的那個老細...老細都間中落嚟...點解俾大學生有折都唔俾埋我地有員工優惠呀???

廣播道冇乜嘢食的~又到六合醫肚了~今次食左粟米肉粒飯~第一次食非粥類的東西~粟米肉粒飯好易會搞到好難食的~好似糊仔咁~不過佢居然ok wo~冇諗過粥麵為主的地方~粟米肉粒飯有蛋花~而且粟米未爛晒~但d汁又有味~肉粒亦唔差~仲有跟餐嘢飲~係意想不到的收穫呢~

上次食呢間~好似係半年似~雖然佢位置似我地公司~但食完要行一條長樓梯回去~的確係苦差小妹因連瀉2日~很想食粥~便隻身來了六合點了雙丸粥餐肉丸~似係手打的~但肉味裡~有丁點兒腥味雖然加了薑絲~都係冇用不過牛丸很不錯~粥底擺明係有味精嫁啦~而餐係要$33~包一隻糉叫了砂糖又加豉油唔食肥豬肉~都仲有大把綠豆不過入面唔知點解有花生花生喺糉內~唔脆~又滯........................唉~不過很多人lunch time來食~嘗試不差更有街坊話呢一間開左over 20年~咁一間粥店~開喺醫院對面~點都會有客掛~

位置係浸大新校同舊校之間，如果唔想食學校飯堂，呢度係可取之地~N年前係度食過糖水同西多，幾年後返黎讀書，又唔想食飯堂既"好"野，所以就黎左。晚上六時，人流唔算多，一支公黎食多~叫左炸醬雲吞撈，估唔到既好味~~~!!!好大兜，下次唔要碟上~除左肉條有一兩條比較硬，味道同賣相都好得呀!!雙拼$34~笨左，因為唔記得拎張學生證出黎~記得落單前出示浸大學生證，有9折~

17-7-08 (四)這間麵店可算有點歷史了，不過中間有沒有轉手就不知道。鮮蝦雲吞麵 :雲吞新鮮，麵也剛剛好。原汁牛腩麵 :牛腩一般，只是夠腍，不過相當鹹，當中的牛根則更美味。這裏地點偏僻，競爭不大。

19 June 2008 (四) 3:00pm今日去了探病，到下午3:00pm才去食下午茶，附近只有此餐廳及另一西餐廳，但是昨晚已試了西餐廳，故今次去了六合小館 一試。牛根腩米肉唔un，牛根也很爽口，味道都不差，好好味，亦可能我太餓的關係了，所以才覺得正。另外，凍檸檬茶唔甜，無茶味，唔掂。

突登係九龍塘搭$3.5小巴過黎食，好過成日食又一城。呢度勝在多款同經濟，粥粉麵飯乜都有，點都平過又一城的餐廳。我試過洋蔥豬扒飯，豬扒幾腍，冇梳打粉腌過的味，連熱飲$34。不過得一塊豬扒，如果有多一塊會更o岩我食肉獸胃口。不過最好叫餐，因為有些碟頭飯加涷飲要加$8﹐咁就唔抵。這裏的水餃麵也OK，蝦算多，味道雖不及皇府，但唔會好似皇府的細細碗食唔飽。不過留意呢度有個唔多笑又成日好似好忙兼落親order都叫你等陣既阿姐，有次仲舉起埋手掌做左個stop既手勢。唔知點解大部份茶餐廳總有一個呢類型既大支野阿姐。算罷啦，我大人不記佢小人過﹗總言之在九龍塘區食lunch來說是不錯的選擇。

真的迫不得已先嚟...响呢頭工作多年，嚟呢度食飯嘅次數真的屈指可算...記得上次叫碟油菜，D菜蟲仲响到四處遊走，嚇得要死，發誓以後唔再幫襯....但今次真係焗住嚟 --- canteen多人到嘔、又有要務在身，不能遠赴龍城...唉...冇計...坐低，求其叫碟碟頭飯...望上去，以為食緊哨水佬飯--- 一pat pat嘢，個獻係全然嘅生粉水獻，鹹鹹哋，豉油唔似豉油，白汁又唔似白汁，都唔知乜嚟...豬扒咬一口，入面紅紅哋。喂，究竟熟未架? 大佬...唯一好處係都唔算太細碟，飯亦煲得幾軟熟...再嚟 ? 咪攪我....

這碗及第粥，一吃，便吃了二十年。這碗及第粥，料子一點也不多：除了那大地魚起膠豬肉丸有兩粒之外，每樣也只得一件；話須如此，豬心豬肝豬粉腸切得厚實，也滾得爽脆，用料新鮮（無腥無臭無雪藏有血色），粥底亦算綿滑，算是對版。有沒有易手？不敢說。但這個招牌，一做，便做了二十年。雖不知吃出多少個狀元來，但，至少吃出我這個雜底來。

在九龍塘要找粥食，真係好困難！但我由於住附近既大學宿舍，每次病左而又懶去買「叮叮粥」既時候，我就會去六合叫粥食喇...六合可供選擇既粥都有10種之上，但我去親都係食「皮蛋瘦肉粥」。粥底有落味精，都好既，病果度都仲食到D有味野丫！而D料就好足，瘦肉很入味，皮蛋也不算少。六合小館內光線十足，俾人一種乾淨既感覺。侍應還算有禮，不過有時太鍾意傾計喇，忽略左食客。另外試過午餐黎食飯，但質素很是普通，所以不談了。