六合小館 (已結業)

睇concert前係度快食，佢嗌牛肋飯，我食洋蔥豬，無屋企飯飯所以成日中意食中菜，正到死，牛肋夠林有味，豬扒吾硬一咬無肋，多洋蔥，出菜快又平，不過吾係去浸大係吾會去到食

今日下午我們去咗九龍塘聯合道嘅「六合小館」食下午茶！我們叫咗鯇魚片粥嘅粥底煲得都幾綿同幾滑，鯇魚片嘅肉質都幾鮮甜嫩滑，而且份量都幾多！魚蛋米粉嘅魚蛋極之腍身，完全唔爽口彈牙，而且味道仲非常腥！

第一次光顧，坐得舒舒服服。叫了一碗菜肉餃，份量雖小，但咬開見到青菜是一小片一小片，肉餡不似是絞肉，是手剁。麵也爽口沒多餘皂水味。希望下次到訪會試其他食物。讚！！

有十多年無幫襯位於九龍塘的六合小館。3月偶而經過，記起佢超美味的牛腩，忍唔住3月內去咗兩次。每次去食都只愛佢嘅牛腩雲吞撈麵！麵彈牙爽口，牛腩味道濃郁獨特，嗰種口味唔係其他地方食到，雲吞蝦肉新鮮，豬肉肥瘦適中。這間美味嘅隱世小店值得大家去試一試！

於公司附近食到一個罕見的咖哩牛腩飯，晚飯時間唔使等位，但要同人搭台坐。同我以往食過既咖哩牛腩飯好唔同，六合的咖哩好食之處就本人而言是夠甜，唔好睇佢同普通既黃沒咖哩無乜分別，佢一d都唔辣，仲有小小椰奶的香醇味，用於調和咖哩本身濃郁的香料味，雖然唔夠傳統，但十分適合我的口味。牛腩方面也很好，可能係晚餐啦，已經煲到好腍，而且入曬味，數量有4-5塊，size唔算好大，好容易進食，用黎送飯真係一流。最後仲有兩三舊薯仔，都係煲到好腍好入味，可以話係為成個餸畫龍點了睛。

因為過嚟浸會探病緣故，所以，難得晌樂富搵食。由於對依頭唔太熟，無刻意搵食咩好，只係就晌醫院附近見到有間六合小館，打正旗號賣粥麵，簡簡單單醫飽肚就算。六合，咪睇佢門面小店格局，入到去原來幾大，堂座呈L形，內裡伸延得幾入。燈光幾足，唔係老舊嘅粥麵鋪，地方幾企理乾淨。食客除住晌附近嘅有錢人之外，其次睇落多數係西裝骨骨嘅地產經紀，因為聯合道都幾好地產鋪。坐定定睇吓有咩好食，見佢原來有個特價飯，全日供應，分$29或$32，，跟熱飲加$7，凍飲加$10，本來都想食佢嗰梅菜排骨飯，不過可能嚟得夜咗啲，老闆話賣晒，咁只好點粉麵。我哋一行三人各自叫，分別係雲吞麵（$24）、水餃麵（$25）、豬手米（$27），價錢唔算平，前兩者睇嚟做得唔錯，雲吞同水餃包得大大粒，家人都話啲料都幾新鮮，尤其雲吞內嘅蝦肉幾彈牙，而生麵爽口、梘水唔重，湯底亦都鮮甜有肉味。小弟就揀食豬手米，因為都好似好耐無食過豬手，一碗粉麵只有兩件豬手，豬手炆得入味又腍化，好夠南乳香，而豬皮咬落好夠膠質，年紀大都要補補腳骨，添加吓啲骨膠原都好嘛！

中午時候，人頭湧湧，一般港式食品選擇，點了較少機會吃到的冬菇雞肉粥。不消數分鐘，粥來了，稠度一般，吃下沒有透出冬菇和雞肉味，應是餸料和粥分開煮熟，在上菜前才混合一起。不過，冬菇和雞肉的味道和質素還是達標，索價$34，有感略貴，如只作為消除餓意的食品而言，也是不錯的。論質素，可能附近會有較佳的選擇。

1月31日, 今晚又係喺又一城睇戲, 左諗右諗都係唔知食乜好, 呀菲就提議行去浸大附近搵野食. 呢度有幾間茶餐廳, 本身以為咁近大學應該價錢都幾大眾化~ 點知個價錢都係同又一城foodcourt差唔多, 不過山長水遠嚟到就唔想再搵~::: 梅菜排骨飯 ::: $34本身佢有幾個平飯, 但係都要$30以上, 想叫個咖哩牛腩飯, 但又話已經賣晒… 唯有退而求其次叫個梅菜排骨飯, 但係嚟到賣相真係唔多討好, 只係一兜獻汁加幾舊散散地嘅肉, 加一碟白飯… 梅菜唔多, 個獻係普通蠔油味, 最衰係d排骨, 好似賣剩咁, 骨多過肉, 仲要d肉一夾就散, 太淋, 明顯放得太耐等賣清…::: 爽滑肉丸粥 + 油菜 ::: $38其實呢度主要係食粥麵, 所以都有d粥拼油菜嘅餐~ 試下個爽滑肉丸粥, 滿滿一碗賣相唔算靚但都有落下心機, 有兩條長蔥段咁擺兩邊又幾好笑~ 佢個粥底望落都幾綿, 而且都爆晒米花. 肉丸幾鮮甜~ 質地都真係幾爽滑! 配埋個帶甜味嘅粥食確係唔錯.油菜算清而且大碟, 不過唔算嫩… 普通啦~可能真係差唔多收, 得番d賣剩嘅, 但係咁嘅價錢咁嘅質素係唔成正比… 真係唔係經過, 都冇必要行咁遠

上完堂已經5點半。跟住7點半又要再上。又不想去舊can又不想回hall can，於是就到了六合。六合的下午茶做到6點，去到還可以點。我點了個炸醬麵加奶茶。一端上來的時候，我不禁說了句，怎麼這麼細碗然後加了些湯，拌勻就吃。不得不說那個炸醬的豬肉真的很“鞋”，是不是很久沒人消化的積存貨呢?而湯是加了點胡椒的，冷些的時候喝可以暖暖胃。而奶茶與咖啡，永遠都是硬傷啊。不評價了。朋友叫了個三寶飯。我沒有嘗。問她什麽味道，她說，就是煎蛋雞翼餐肉加飯的味道啊。的確，只是機械的拼湊怎麼可能有別的味道...結帳的時候，我們自問很禮貌，但收銀的阿姐臉色似乎不好。不會是我們能打9折惹到她吧??

探病後到這家店吃晚飯！叫了生滾及第粥，雖然等候時間比較耐‥‥送上來時新鮮滾熱辣，正‥‥粥的材料很豐富，豬什乜都有，豬肝由其好味‥‥朋友吃的牛筋撈麵，牛筋味濃而且夠淋，而麵亦有咬口‥‥

腸胃炎最要命是入不敷出,食一啖落去攞返一碗出嚟仲惨過借貴利!看完醫生吃藥後沒甚大礙,因為隔著玻璃不怕病菌傳染,下午忍不住去醫院探望初生外甥,想想差不多已ニ十多個小時未有東西落過肚,先吃碗粥再回家休息也好!便與親友下午茶時間來到這裡吃粥當午餐.生滾牛肉粥----看見牛肉還有些血水在滲出,顏色是長放雪櫃的瘀紅色,發現因腸胃炎關係味覺對味精變得非常敏感,吃了兩口已覺非常口乾.咸肉糉----親友的咸肉糭已不知浸在熱水中有多久,糯米已變得軟爛,一夾即散!自知狀態欠佳還是少碰為妙.這店歴史悠久(不清楚有沒有轉過手)也算是老店一間,客路也多是咐近的學生及醫院人員居多,意見應該也有不少才對.難道已有了對味精敏感的解藥傍身?

以前去過好多次，都系食粥，差唔多試哂D粥餐嘅粥。我覺得D粥餐都好抵，粥+油菜或粽。如果兩個人食，可以一個叫油菜，一個叫粽。但唔知點解，有時候D粥裏面嘅野好似唔熟，特別系豬肝。今次食咗梅菜蒸脘魚腩，都好好味，仲有甜品送，好似有紅豆沙同西米露揀，但個西米露實在太甜，甜到有D苦咁。如果有浸會學生證，可以有10%嘅優惠。

在附近交收完東西，肚子已在打鼓，馬上找個地方祭一祭五臟廟，免得佢繼續投訴。這家六合小館，從樓面到收銀，無一不是粗聲粗氣，黑口黑面，唔知道還以為自己是他們的殺父仇人。看看餐牌，本來已不算多選擇，加之，苛打叉燒無叉燒，要粗麵冇粗麵，谷鬼氣，求其點個梅菜排骨飯。看見醬汁面頭那層油，有點反胃，真不敢用來撈飯；梅菜本是最好送飯，但過分稔身，入口淡而無味，一無是處；排骨，當然說不上好味，肉質粗嚡，吃幾件也被迫放棄。最好的是白飯，起碼煲得軟熟。$26的碟頭飯，說貴就不貴，不過以咁既服務和味道，再平也無謂來。

朋友平安無事下出院, 等醫生來到辦完手續時間已不早, 記得以前和家人到浸會後都會貪方便在這醫肚, 今次太夜無選擇下也順理成章在這. 這店在此已經營多年, 在門外看著那灰塵滿佈的餐牌, 很快已有決定落單外賣走人京都炸醬撈麵($30) - 豬肉條肥瘦比例對辦, 肥肉入口鬆化, 而瘦肉也腍身, 味道不辣偏甜, 而麵質爽口, 沒有多餘的鹼水味, 再另加點辣醬, 味道更添可口鮮蝦肉雲吞($22) - 其實絕對不是正宗的雲吞, 吞內全是蝦肉, 豬肉餡欠奉, 但偏好蝦肉的我卻甚喜愛, 而雲吞皮簿, 一啖一口絕對滋味

公司有傳六合有得好"得"的阿姐跟埋佢地一齊去看看先今次擺明係想去"見多佢幾面~唔係食碗麵"我叫左撈麵~雲吞ok~但麵底太大了~食得好辛苦而且~佢d薑蔥唔夠薑~唔多得~不過個阿姐就真係好得佢係一輪咀唔停嗰d佢同我同事講~你個餐有甜品嫁wo你可以依家唔叫住咁你叫唔叫呀唔叫嫁話一陣先叫甜品有xxxyyyzzz再唔係可以嘢飲有檸茶檸水有凍有熱有奶茶有咖啡你想要乜幾時要依家要唔要對...佢係一輪咀咁講...我地忍笑忍得好辛苦食碗麵~咁的咁娛樂~真係加添好多快樂~~~哈哈~~有次同事們落到去見唔到阿姐~都唔知幾失落呀~哈哈~