六合小巷 (已結業)

見咁多正評得一個負評，走去試吓呢間啦！點知伏到不得了！午餐叫做牛肉湯麵，湯倒出嚟嘅時候聞到藥材味，但飲落去完全無味！牛肉又鞋又無牛肉味！可謂我倆食過最難食嘅牛肉麵😖雞湯麵過得去，但未至於好似之前既食評講到咁好食。飲品一個叫無糖苿莉綠茶，算正常既，但個芋頭奶茶，叫熱既嚟左杯凍，換返杯熱，熱飲無俾凍沖淡但都只係聞到香味，飲唔到啲咩味道。食到懷疑自己係咪失去味覺，得返嗅覺😢好在隔離枱都話個芋頭奶茶無味，叫店家加粉先好少少！隔離枱都係出錯食物，叫幼麵，嚟粗麵，出聲但店家扮聽唔到，照倒湯。至於隔離枱兩碗麵最後食淨每碗一半，味道可想而知。全店得三枱，兩枱都出錯野，要電子落單嚟做咩？忙中有錯可諒解，但得三枱客都咁樣😣咁用心去裝飾，搵咁多人打假評，點解唔用心做好少少啲食物？唔通只係想擁有一次性幫襯既客人？奉勸大家睇食評搵食既三思…

一向都覺得台灣野食非常合胃口,所以我會成日搵唔同既台式餐廳試下, 今次比我搵到北角呢間新開既六合小巷, 裝修有特色之餘價錢又夠平民, 而且味道亦都唔錯,推薦!店舖內外都掛滿燈籠, 古式古香, 裝修別緻, 非常有氣氛. 🍽️鹽酥豬扒麵 $68先講湯底, 因為個雞湯底係店員會係上菜後即席係你面前倒落個麵度, 除左打卡一流之外亦可以確保個湯一定係熱辣辣. 另外, 店舖亦都非常貼心, 麵質有粗或幼, 任君選擇. 今次揀既粗麵, 麵質唔會過軟,能夠保持一定既咬口, 就算浸耐左湯都唔會糊掉. 至於個豬扒,厚度適中, 鹽酥味香濃,表皮更加係卜卜脆. 🍽️ 鹽酥雞扒飯 $68雞扒夠厚, 又係炸到脆卜卜, 同時仍然保持到雞扒內裡既肉汁同鮮嫩, 味道亦足夠咸香, 值得一提既係, 餐廳會附送一碟沾汁, 個汁帶小小酸味, 同雞扒既咸香意外地非常夾, 用嚟沾左雞扒再送飯會非常開胃. 🍽️鹽酥花枝丸 $42花枝丸一碟有六粒, 外皮炸得酥脆, 夠哂香口, 調味亦都非常不錯🍽️ 招牌奶茶 $22奶茶夠滑, 茶味香濃又唔會過甜, 喜歡台式奶茶既朋友仔可以一試. 最後溫馨提示下大家. 餐廳依家做緊新張優惠, 全日免加一tim!

店門掛滿燈籠，十分有氣氛☺️。餐廳裡面也一樣🤣。‖ 鹽酥雞扒飯 ($68) ‖每次去吃台灣菜，總必忍不住想點鹽酥雞扒😂。雞扒非常香脆😍，調味恰到好處，雞肉嫩滑多汁，好味😋。‖ 半筋半肉麵 ($88) ‖牛筋和牛肉都十分軟腍滑溜，味道香濃，頗有質素😊。而麵質軟彈，湯頭清香，喝下舒服，不錯。‖ 蚵仔煎 ($58) ‖蚵仔煎邊位鬆脆，中心香軟，厚度不厚，味道咸香。‖ 香芋奶茶 ($26/杯) ‖微微芋香，味道偏淡。總結，值得一試的台灣菜餐廳。食物和服務都幾好，而且CP值都不錯，全日免加一。

放工後同男朋友響公司附近覓食，無意中發現左呢間幾好味既台灣菜，呢度既湯麵湯底都係自家製，真材實料，仲有超濃奶味既煙靭麻糬，決定要再訪🥰❀原味牛肉麵❀上枱果陣係得麵，之後店員會拎暖壺倒湯，感覺乾淨衛生，又唔怕麵會浸淋，牛肉軟腍份量多，半肥瘦咁，湯底幾濃，但飲完又唔覺口乾，相信係冇落味精😙粗麵好有咬口，但好大份，我塞左一半比男朋友食😂❀黑麻油蟲草花濃雞湯麵❀用上原隻雞煲既湯，湯底呈奶白色，飲落濃香又可口，雞油味幾重，但餐廳會好貼心地去左D雞油，所以飲哂都唔會覺好邪惡。雞肉都幾大舊既，肉質嫩滑，如果有得揀埋去雞皮就更好😋幼麵口感比粗麵腍少少，但浸得耐都冇發脹，唔錯。❀蚵仔煎❀蚵仔煎煎到微脆，餅底Q彈帶嚼勁，蚵仔脹卜卜，配上酸甜醬汁幾好。❀台式燒香腸❀外皮香脆，咬落好juicy，食到有啖啖豬肉粒既質感。❀ Oreo牛奶麻糬❀望落好似一盆盆栽咁，面頭鋪滿Oreo碎碎，質感滑溜，有少少水水地咁，好重 3.6牛奶味，大推。

店名: 六合小巷地址: 北角電廠街9-15號聯和大廈地下A號舖炮台山站B出口，行5分鐘環境: 3.5/5價錢:4.5/5味道: 4/5最近北角炮台山一帶有好多台式小店，包括呢間，那個，鐵花村，九份飽，黑布小巷，小巷弄等等呢間舊年11月先開，而且裝修特別，佈滿住燈籠🏮原味牛肉麵 (幼麵) (可選粗幼)$78今次揀左幼麵，店員會先上面，然後用類似肉骨茶嘅方式，上枱後先加湯，令啲麵無咁易發脹👍🏻麵身食落好淋，牛肉都有4,5舊，食落淋兼好飲味，牛肉湯唔會話太咸，大家可以飲埋😍台式鵪鶉蛋滷肉飯$53雖然望落唔算多滷肉，但撈勻就所有飯都充滿住滷肉同汁，好夠味😚最特別係配上鵪鶉蛋🤪蜂蜜梅粉雙色地瓜$58地瓜條啱啱炸好，入面好熱，大家食嘅時候要小心上面有少少梅粉，配一碟蜜糖點黎食，脆得黎又酸酸甜甜，味道好豐富🤩抹茶麻糬🍵$42其實份量比想像中細，不過麻糬都好飽肚，大家可以share食面頭有抹茶粉，但食落唔知點解又無咩抹茶味，但麻糬好重奶香味得黎又唔太甜下次試下叫oreo味可能會有味啲🧐#stitchfoodie北角 #stitchfoodie炮台山

番工、放工路過六合小巷，都會俾餐廳內既彩色燈籠吸引住🤩🏮原來入面仲貼有貼住台灣出品既電影poster，充滿回憶呢🎬 琴日襯放工後同番學前既時間食左個early dinner！➿ 一口鹽酥雞 ($48)唔知有冇都好似我咁，覺得鹽酥雞冇九層塔就唔夠正宗呢？🤭 呢度既鹽酥雞有，不過個人就鍾意大大舊啖啖肉d既鹽酥雞多d，呢度既就細粒左d ～➿ 精裝牛三寶 ($98)牛三寶包括牛腩、牛肚、牛筋，牛既份量幾多👍🏼 三樣之中我最鍾意牛腩，烹煮得好軟冧，而牛筋都好入味！湯底有輕微既藥材香，而麵底可以揀粗或幼，我揀左有咬口既粗麵💁🏽‍♀️➿ 台式鵪鶉蛋滷肉飯 ($53)呢度既滷肉飯既豬肉係用西班牙栗子豬，肥、瘦均勻🐖 鵪鶉蛋亦都有滷過！飯粒都幾粒粒分明，有咬口～呢度有齊基本款式既台式飲品💁🏽‍♀️➿ 黑糖冬瓜茶 ($22)➿ 百香果冰茶 ($28)飲品可以揀冰量同甜度👍🏼 我就鍾意百香果冰茶多d！晚市冇套餐，但午餐有，都幾抵食咁，包前菜+主食+台式飲品！

係北角買完嘢，覺得肚餓，就打算係呢頭附近搵下邊間餐廳食飯行過六合小巷呢間餐廳，即時被佢門外設計所吸引，掛滿唔同顏色嘅燈籠🏮，好有台灣夜市嘅風情黑麻油蟲草花濃雞湯麵可以揀粗麵或幼麵，店員提議粗麵比較多人揀，一於試試濃濃清甜雞湯，雞湯仲係上枱時店員即時由保溫壺倒落麵上，十分熱辣辣。湯一飲就知用咗非常足料去煲呢個湯底，既好味又健康麻糬芭樂骨有啲似黑醋骨，佢嘅麻糬同我想像中有少許唔同，比較稀身一些，並非固體狀，但能夠更好地與排骨混合一起食。醬汁非常濃厚，酸酸甜甜十分惹味，加埋芭樂粒食，感覺就更加清新😋😋蚵仔煎上桌會見到呢度嘅蚵仔煎同平時見到嘅樣貌不同，比較像是海鮮薄罉嘅形態，邊位炸得十分香脆可口，蠔仔鮮甜，加埋紅色秘製醬汁食一流😆🤩鳳梨乳酸爆珠佢係沙冰飲品，很重鳳梨味，加埋乳酸爆珠，非常之開胃，兩者味道十分之配合，令味道更加豐富，充滿夏日氣息，非常推薦熱紅棗杞子桂圓薑母茶叫咗杯養生飲品，紅棗杞子桂圓都有唔少，薑味唔會太辣，易入口。暖胃健康又美味

我同屋企人去咗北角炮台山一間新開既台灣小店，佢全日免收加一，價錢算平民價。門口同室內掛滿彩色燈籠，裝修有特色🏮首先叫左一碗半筋半肉牛肉麵，啲牛肉好滑嫩，麵條又彈牙，湯底又香又濃，店員表示湯底經煮6小時以上，有少少藥材味，正！🤪🤪台灣好出名嘅蚵仔煎都好好味，特別係蚵仔好鮮味，蛋皮煎得好脆，再配啲特製醬汁，令人食慾大開！🍳飯後甜品我哋叫咗鮮雜果仙草😀仙草好爽口，同埋啲糖水都幾解渴，只係份量比較少🥱🥱熱紅棗杞子桂圓薑母茶，好健康呢！有啲紅棗同杞子嘅香味，再加埋啲桂圓同薑母，暖胃又好味！🍵最後，我哋又叫咗六合鮮果茶，裡面有新鮮嘅水果，啲茶底又唔會太甜/太澀，飲落去好開胃！🍹呢間台灣小店嘅菜式都唔錯，每一樣都有佢獨特嘅風味，店員服務態度都好好，價錢亦好實惠。👍

位於炮台山一處小街區，而店舖卻內有乾坤。將台灣六合夜市重現眼前。鹽酥雞扒飯餐廳的招牌菜之一，以嫩滑多汁的雞扒為主要食材，配以鬆脆的鹽酥外皮，絕對是一道令人垂涎三尺的佳餚。雞肉經過獨特的製作工藝，保持了肉質的鮮嫩和口感的豐富，讓每一口都充滿了美味和滿足感。黑麻油蟲草花濃雞湯麵以濃郁的雞湯為基礎，加上麵條和蟲草花，讓整道菜更加香濃。蟲草花具有多種保健功效，如增強免疫力和改善肝功能等。這道菜還有一個獨特的地方，就是黑麻油的加入，讓整道菜更加香濃和美味。鹽酥花枝丸以鮮嫩的花枝為主要食材，配以鬆脆的鹽酥外皮，讓整道菜既美味又有口感。花枝經過精細的磨砂處理，讓其口感更加細膩，讓每一口都充滿了美味和滿足感。珍珠奶茶茶香和奶香交融，加上珍珠的口感，令人愛不釋手。芋香奶茶既有茶香和奶香，又有紫薯的香甜和口感，每一口都是一種享受。

今日約咗朋友收工食飯就佢就揀下港島東有咩食見呢間新開台式菜不錯咁裝修有心機！d 燈籠幾有feel都幾多野揀 價錢都OK!香芋鮮奶甜度適中！好香！芋頭味同奶味恰到好處友人最愛 蚵仔煎點埋個醬好正 同鐘意佢煎得好香 夠脆口半筋半肉麵 d 牛好入味 唔會痴牙 我最鐘意食牛筋 要多d 骨膠元吖嘛湯底夠濃！份量都足！黑麻油蟲草花濃雞湯麵（+ $15轉雞脾）呢個大推！首先要讚餐廳拎到碗麵埋枱 先倒d 好熱嘅湯！個湯頭好甜，濃，有黑麻油嘅味我一路食一路飲飲哂食碗(但又抵讚係飲完唔會頸渴）加咗15蚊轉雞脾 d 雞更肥美 我連d 雞皮都無放過！ 食完大滿足！(麵嘅份量都多！算高性價比）總結，我下次會同多d 朋友嚟試咁就可以嗌多d 唔同小食 (今次有d 可惜 試唔到其他夜市小食，鹽酥雞，台式腸之類)餐廳裝修有用心，坐落都舒服每樣野食都無令人失望！

今晚喺台灣之夜😎 特登約埋一齊嚟到炮台山食野👻 小店的門口有五光十色既燈籠佈置，一定要打下卡先入去🤣 餐廳座位唔算多，但入面的裝修好有特色，整體光線好柔和，牆壁又掛滿有食物名的牌子，俾人好warm的感覺～ 有點台灣小店的風味😌😌食物選擇都算多，我首選係半筋半肉麵😋 店員上枱的時候先會倒入熱湯，幾特別，好彩我影得快haha 我哋要咗粗麵，麵質有口感👍🏻牛肉都煮得好淋。最欣賞係佢嘅湯底一啲都唔鹹，清清地但都有牛肉味😋台式炒新竹米粉都係招牌菜之一，炒得幾乾身，有少少肉絲同蔬菜絲點綴😀 麻糬芭樂骨係幾特別嘅小菜😎 醬燒骨下有頗多麻糬，甜甜地，兩者出奇地夾🤔🤔 小食方面，當然叫咗台灣好出名嘅鹽酥雞🥹🥹 真係好友台灣風味，雞粒炸得好脆口，令人食唔停～～當然要叫埋台式飲品，香芋奶茶都幾好飲，如果有少少香芋粒就更好呢🤭

去完隔離排完麻糬之後就見到呢間舖頭裝修好靚，一於去試吓，又好耐冇食過台灣菜。原味牛肉麵: ($78)可以揀粗麵或者幼麵，但係印象中台灣牛肉麵都好似係粗麵嚟嘅，所以揀咗粗麵。上菜嘅時候牛肉麵自己一碗無湯嘅，侍應會用一個熱水壺倒啲湯入去，所以真係熱辣辣嘅。飲落清甜，有少少藥膳嘅味道，牛腩亦都煮得好淋身，份量亦都好慷慨，有四舊牛腩，麵條配埋榨菜食覺得啱啱好。台式鵪鶉蛋滷肉飯: ($53)份量唔算太大，男仔如果一個人食嘅話可能要叫啲小食。滷肉飯嘅味同台灣口味一樣都係帶甜，不過如果份量多少少會更滿足。一口鹽酥雞: ($48)自己覺得呢個較為出色，雖然係小食，但係份量都幾慷慨。鹽酥雞新鮮即炸，炸粉唔會太厚，唔似得某幾個連鎖鹽酥雞品牌咁樣，淨係食到炸粉味。見到其他幾台都有嗌呢個，信心保證。香芋鮮奶: 本身諗住會係有一舊舊芋頭嘅，上菜嘅時候見到飲品下面有一粒粒粉狀，味道上真係好似台灣本地買嘅手搖飲品店咁樣，香芋味唔太重，反而鮮奶味道較突出。珍珠奶茶: 珍珠住得煙韌，唔會好硬，而且差唔多有三份一杯，朋友大讚！ 亦唔會好似台灣本地個d死甜。總結：裝修感覺好新穎，食物種類亦都好多選擇，而且價錢唔會好貴，亦冇

係北角電廠街開咗一間新小店，叫六合小巷，係食台灣地道野，餐廳裝修好有台灣氣氛，掛咗彩色嘅燈籠，座位都坐得舒服，晚餐時間都唔使等位，好快可以入座， 同埋環境好適合同朋友chill 下 思鄉嘅我，雖然好掛住台灣嘅牛肉麵，但睇一睇佢個餐牌，見到佢有個台南炒新竹米粉，即刻心心眼台灣嘅新竹米粉同麵線係我最鐘意食，米粉特色係特別幼，係我必叫之選，我仲叫咗一口鹽酥雞同埋茱莉綠茶，食物上枱，台南炒新竹米粉炒得好乾身，唔會太油膩，佢嘅配料都好多，冬菇，肉條，紅蘿蔔，菜等等，同台灣食到嘅一模一樣 小食一口鹽酥雞份量都大份，入口細細粒，炸得卜卜脆及雞肉好juicy 唔鞋身，佢嘅醬汁好有台灣嘅味道，酸酸甜甜咁，我食到要追加醬汁吖平時好少飲珍珠奶茶，茱莉綠茶啱晒我，飲落唔係死甜果隻，好有茶香味，好清新

今日去北角search下附近有咩食，見到呢間台式小店幾多好評就去左試，果然係唔錯原味牛肉麵首先試招牌牛肉麵，揀左粗麵，一開頭上枱時碗麵仲未有湯，之後店員再將湯倒落去，咁樣就唔洗驚麵會浸到過淋，而家keep到軟硬適中有口感👍🏻而牛肉都唔會好韌，湯底偏濃牛肉味，整體份量多質素都幾好～蜂蜜梅粉雙色地瓜小食叫左雙色地瓜條，雖然係炸但完全無油膩嘅感覺，地瓜味都重無咩其他添加野，另外因為加左蜂蜜同梅粉所以食落有陣輕輕嘅甜味，再配埋甜酸醬點離食味道更出士林鹽酥雞扒另一款小食試左雞扒，估唔到份量咁多，應該可以送2碗麵🤣雞扒面頭鋪滿鹽酥粉好惹味，雞皮算薄炸到脆口，而肉都嫩滑juicy，台灣夜市感覺還原度幾高麻糬奶茶出面比較少見，好有驚喜！首先奶同茶嘅比例balance得好好，兩者味道都出，而麻糬有奶味texture係偏向糊狀，無平時食開一粒粒個咁咁彈，但同奶茶mix埋口感味道非常好👍🏻

有日行開北角搵cafe，無意中發現電廠街有呢間新開嘅台式餐廳，外觀都幾特別，用上好多紙燈籠，我估係想營造九份天燈嘅效果。Lunch Set 都係$65起 （Mon-Fri 11:30-16:00) 有五款主食、八款飲品（冷熱同價）選擇亦可加錢配小食。麵條可齊粗麵 / 幼麵， 而湯底係隨後即蓆倒入碗中，保持湯熱又可比人打卡影相，都幾有gimmick。《 蟲草花龍雞湯年$78 》湯底幾濃麻油味，粗麵條煙韌，雞件太大件，賣相可以改善，幸好雞肉都幾滑。《 六合牛肉麵$86 》牛肉湯底香濃，估唔到都有半筋半肉，嫩稔彈牙。《 台南滷肉飯$65 》滷肉幾入味唔會太咸，撈飯唔錯，不過飯有啲乾。三個lunch set 配咗三杯飲品：黑糖薑母茶 （熱）+$5 - 養生之選。金橘檸檬（凍）+$5 - 清甜解渴。香芋奶茶（熱）+$10 - 可以濃啲會比較好。