首先叫左一碗半筋半肉牛肉麵，啲牛肉好滑嫩，麵條又彈牙，湯底又香又濃，店員表示湯底經煮6小時以上，有少少藥材味，正！🤪🤪
台灣好出名嘅蚵仔煎都好好味，特別係蚵仔好鮮味，蛋皮煎得好脆，再配啲特製醬汁，令人食慾大開！🍳
飯後甜品我哋叫咗鮮雜果仙草😀仙草好爽口，同埋啲糖水都幾解渴，只係份量比較少🥱🥱
熱紅棗杞子桂圓薑母茶，好健康呢！有啲紅棗同杞子嘅香味，再加埋啲桂圓同薑母，暖胃又好味！🍵
最後，我哋又叫咗六合鮮果茶，裡面有新鮮嘅水果，啲茶底又唔會太甜/太澀，飲落去好開胃！🍹
呢間台灣小店嘅菜式都唔錯，每一樣都有佢獨特嘅風味，店員服務態度都好好，價錢亦好實惠。👍
