六合小巷 (已結業)

今日去左位於北角電廠街既六合小巷。由於今日實在太肚餓，所以叫左兩個set (連飲品同甜品）再加4個小食😋 包括花膠雞髀麵，滷水拼盤飯，台式燒香腸，醉香雞翼，一口鹽酥雞同自家麻醬雞絲粉皮，大滿足！🔸花膠雞髀麵都幾足料，有大大隻既雞髀配上清清地既湯底，花膠又入味，正！而家個麵底同平時啲麵都幾唔同，比較有咬口，而且同個湯底好夾🔸 滷水拼盤飯都幾豐富，有雞翼，豬耳，豆腐，豬腸，全部都幾入味，送飯一流🤩不得不提嘅係佢啲一人set 全部都包野飲同甜品，勁抵食！我哋嗌咗個燒仙草奶茶同埋六合招牌鮮果茶。好欣賞佢個燒仙草奶茶，首先唔會太甜，重奶味，仲要勁多仙草！🔸4個小食都好高質😆 最鍾意佢個台式燒香腸，上枱熱辣辣好明顯係啱啱燒好，外皮微脆，勁惹味！同埋醉香雞翼都好入味🤤 叫左咁多野食都只係$240，真心抵食！

很久沒旅行了，台灣是其中一個常去旅行的地方。忽然好想食台灣嘢。炮台山地鐵站附近，見到一間叫六合小巷，裏面還掛着六合夜市的旗幟。台灣記憶返晒嚟。入去食返個lunch感受一下。食物種類繁多。其中一張菜單，滷水夜市，好掛住台灣啲滷水食物。一定要叫。我點了滷豬腳、滷豬耳、滷肉飯。😋😋😋加個金錢肚和黑糖珍珠鮮奶。係唔係好戥我高興呢？上午已行了很多地方，豬腳非常好，很多骨膠原。加多個豬耳相得益彰，腳骨力返晒嚟。滷水好香，加上熱辣辣，食慾大增。滷肉飯都做得相當唔錯。平時滷肉飯的肉是肉粒。這個是將肉切得很細很細，像mini mini 版本的東坡肉，我還食到豬軟骨添。肥瘦適中，香滑無比。滷水汁好足夠，不會食到最尾只有白飯。金錢肚，小辣，正。黑糖珍珠鮮奶，黑糖對身體有益，珍珠煮得，剛剛好，不會硬。😋😋😋

📍六合小巷 北角電廠街9-15號聯和大廈地下A號餐廳位於炮台山，與地鐵站只有5分鐘的步行距離。店面主打台灣懷舊風，鋪外鋪內同樣掛滿傳統的燈籠，很有台灣夜市的感覺！餐廳主打台式餐點，有台式飯麵、台式飲品和輕量小食選擇，性價比很高。🍽️ 黑麻油蟲草花濃雞湯麵麻油味很香，雞湯熬製得非常濃郁，而且鮮味十足。店員會在客人面前倒入熱辣辣的湯底，以免浸了湯之後變得太淋，非常體貼。湯麵面有很多炸過的蟲草花，口感十足，雞件很滑。🍽️ 一口鹽酥雞鹽酥雞一口size，醃製得很入味，炸得好香口，卜卜脆。🍽️ 半筋半肉麵台式飯麵必點，十分推薦！牛筋炆得很入味，滿滿的骨膠原😍牛肉也煮得很淋，肉感豐富，湯底頗特別，有點藥材味，麵身也十分彈牙，整碗牛肉麵很滿意！🧋黑糖珍珠鮮奶珍珠很有咬口，喜歡這家的黑糖底，不會太甜。🍹蜂蜜檸檬茶清甜很解渴。

好耐冇去過台灣，同朋友出去，見到間餐廳外面裝修幾靚，就入咗去食。我哋每人點左一個一人套餐，各自揀咗一款主食，再奉送特飲同是日甜品。另外再點左滷水拼盤以及台式燒香腸。台式燒香腸首先黎嘅係小食，香腸燒得啱啱好，個外皮少少脆，而且味道唔會好咸同油，餐廳好細心，將香腸切開一片片上碟。滷水拼盤滷水拼盤好豐富，有豆腐、豬大腸、豬耳、雞翼同牛肚，全部都好入味，點埋個伴碟嘅酸汁，食得出夜市嘅風味。紅燒牛尾麵湯底好濃，但唔係味精湯，牛尾比想像中多，而且煮得好淋，肉質係我喜歡嘅口感，用嘅係台式傳統粗麵，麵條煮得軟硬適中。滷酥大排便當一人套餐嘅便當好豐富，除咗炸豬扒同三樣配菜，仲會配埋糖芯蛋及魯肉飯，豬扒炸得金黃，外脆內軟，魯肉飯亦都非常惹味，係台灣嘅味道。燒仙草奶茶、抹茶拿鐵跟餐飲品份量又係比想像中大杯，唔算好甜，茶味香濃，燒仙草幾多。六合凍燒仙草甜品有驚喜，豆配仙草同花奶食口感好夾，甜度啱啱好，估唔到隨餐附送都咁高質素。總括而言，餐廳價錢合理，食物質素高，食得出廚師嘅用心。

朋友約食晚飯，想吃台灣菜，去了炮台山站B出口，步行約5至6分鐘，交通非常方便。店內環境面積不大，樓底很高，充滿台灣的裝潢風格，掛著很多彩色燈籠，每個燈籠寫上店內特色台灣小菜和美食粉麵的名稱，舉頭看燈籠便知吃什麼？有趣。菜譜簡單易明，配搭很多，台灣式的粉麵飯、小菜、炸物、甜品、飲品應有盡有。服務員禮貌招待，推介該店美食，令客人稱心滿意。蚵仔煎$58是一道用新鮮牡蠣肉裹以蕃薯粉煎炸而成的傳統食品，外酥內軟，餅邊炸至脆脆，沾上茄醬更覺美味。鹽酥雞扒飯$68雞扒炸至外脆內軟，肉質嫩滑多汁，入口感到香酥咸鮮鬆脆。飯面還有免治滷肉碎，飯粒分明，沾上滷肉汁，更覺吸引。原味牛筋麵$78牛筋炆得極淋滑，入口即化，湯汁很重牛骨味，調味恰好。台式粗麵條夠柔韌彈牙，浸入湯汁更有口感。鮮什果仙草$42鮮什果鋪滿仙草上，仙草質感由如涼粉夠滑溜，配上珍珠粒口感又爽又有咬口，加上適當甜味，此飯後甜品為這餐劃上完美句號。

豬豬曾經到過高雄旅遊兩次，可是完全沒有機會到訪六合夜市。早陣子發現皇都戲院附近開了一間台式料理，名為六合小巷，門口掛滿了燈籠，裝修別致，很有氣氛。因為距離晚餐時間尚早，我們先坐下慢慢點選食物。這裏的餐牌相對簡單，主打飯麵套餐，亦提供台式飲品及輕量小食。收費也非常合理。無論吃過多少不同的台灣料理，豬豬始終最喜歡滷肉飯。 一碗好吃的滷肉飯，肉粒一定是手切的，而且肥瘦適中，滷水味不會過甜亦不會過鹹，滷水和豬油香混在一起，飄香四溢，令人垂涎。這次豬豬點了一人套餐中的鹽酥雞扒魯肉飯，一碗飯有齊滷水糖心蛋、鹽酥雞和滷肉，同時滿足不同的需求。這碗鹽酥雞扒魯肉飯，雞肉份量多，味道還可以，不過肯定比滷肉飯遜色。手切半肥瘦滷肉，滷水香而肉不膩，配米飯吃一流。如果份量再多一點，那就滿分了。咖喱先生的一人套餐點了半筋半肉(牛肉)麵。一看就發現碗面已經鋪滿煮得淋軟的牛筋，非常吸引眼球。配菜還加了提味的醃漬高菜，突顯了紅燒牛肉的鮮甜味。這裏所用的是粗闊條麵，雖然沒有彈牙的感覺，但是闊條麵把湯汁吸收起來，還是非常可口軟滑。我們還追加了小食，包括自家麻醬雞絲粉皮、滷糖心蛋和肉鬆皮蛋豆腐。當中最得我們歡心的是自家麻醬雞

疫情過去，我和他終於可以見面，這天出來走走。說起電影想見你，不如來一趟到 #台灣 吃頓飯。一來到店舖，門外上已掛滿燈，小小的店但氣氛滿滿。先踏進一個小區，望出店外風景的一角。再行入去主店內，廿十數個座位，有單人座位，亦有二四六座，彈性高，三五知己一齊食都可以。他點了 #古草藥膳台灣牛肉麵，牛肉好淋，湯頭不得了，很濃但不會渴口，他飲了很多碗湯。麵為扁粗麵，很夾。我點了六合醬油 #雞絲撈麵，蔴醬不會過頭，有芥末籽味，兩者配麵非常好味！雞絲滑，食了一整碗亦不覺膩。我們大推 #滷水拼盤，與潮州大不同。我們欣賞師傅即叫即整，上菜時非要熱。牛肚是新鮮、豬耳豬腸很爽，沾上滷水，一流。豆腐雞翼亦入味淋身，每件均非常好味。茶飲不貴，全部用上來自天仁等台灣品牌材料，配出來非要夠味，一點也沒有少。他的：白桃冰果茶，白桃味和茶感剛好平衡到，不會過淡過濃我的：香芋鮮奶，很夠奶，香芋亦非常濃兩個人百多元，很滿足了，台灣美食整體來說高質👍🏻店內播放 #五月天 的歌，更有感覺。對他來說這一區特別有故事，兒時於 #北宣 上完主日學後，家人會帶他來嘗甜品，正正是這店的位置。

原本睇到ig食評見有人介紹麻糬Oreo諗住去試，點知見到價錢要$42，覺得唔值就無試到，反而試咗$68黑麻油蟲草花濃雞湯麵同$26熱珍珠奶茶。先講碗麵，我揀咗粗麵，雖然上菜果陣先倒啲湯落碗麵度，但唔知係咪碗麵一早整定擺太耐，啲麵條痴到一舊舊咁😖，要浸一陣先分返一條條。而啲蟲草花係炸咗嘅，完全食唔到有蟲草花味，感覺好奇怪😣而啲雞肉嘅部位好參差，得一舊係真係食到肉，其餘都係骨同皮多過肉🫠至於個湯食唔出有落黑麻油，味道好普通至於杯熱珍珠奶茶，個茶底飲完好鞋口同有澀味，啲珍珠好普通，早知慳返唔飲好過啦而成程用餐都無咩服務可言，好彩無收加一咋🤪

今日放工後同屋企人黎呢間台式餐廳食晚餐。店外佈置夠哂特別，有種懷舊迷濛既感覺。入到店內同樣地好有特色，真係好似去左台灣夜市咁。呢到可以QR code落單，十分方便，餐牌一目了然。餐廳推薦牛肉麵，所以就叫左一碗半筋半肉幼麵。牛肉麵份量唔少，牛筋同牛肉都好足料，牛肉仲帶有啲筋，牛筋同牛肉都煮得十分軟淋，湯有啲藥材味，十分香濃，成個牛肉麵都十分高質！另外仲叫左台式鵪鶉蛋滷肉飯，比起一般滷肉飯唔同既就係，用左鵪鶉蛋！蛋煮得夠入味，旁邊仲放左醃黃蘿蔔，令滷肉飯本身既油膩感減低，黃蘿蔔同滷肉既配搭好好。除左兩道主食，仲叫左個小食——蚵仔煎。同台灣一般見到既唔同，呢款比較香脆可口，仲有少少煙韌既口感，配台灣蚵仔煎常有既醬，鹹鹹辣辣又帶點甜既味道，配搭香口既蚵仔煎真係正！食台灣野點少得台式飲品呢？同屋企人各自叫左一杯黑糖冬瓜茶同香芋鮮奶，冬瓜茶清甜易入口好解渴，而屋企人都話香芋鮮奶奶味夠濃！

早前睇IG廣告介紹呢間台灣牛肉麵店，見到好似好多好評，仲要環境好岩打卡咁，所以就bookmark咗呢間餐廳。到今日星期一，放工隨便碌吓Open Rice就誤打誤撞諗咗嚟呢度試吓，覺得被人伏咗。我哋大約7:00pm到，晚飯最旺嘅時間，間餐廳得一對情侶，入面裝修還好，但服務員態度一般，唔算係非常差，但語氣好似唔太好。坐低後見到檯面其實好多塵，間店少少暗，裝修有落心機，但我覺得一間餐廳最緊要係衛生、然後係好食、再嚟就係服務。呢度環境衛生喺我standard嚟講係中下，食物都係中下。麻糬芭樂骨，好似糖醋骨咁，啲白色係麻薯，啲肉比較靱，好難咬，但算叫好食過啲麵。牛三寶麵。牛肚有啲騷味，牛腩還可以，個沙唔熱，麵唔入味，個湯亦冇乜牛味，我知道冇得同台灣嘅比較，但水準之差，令人好失望。黑麻油蟲草花濃雞湯麵，朋友覺得一啲藥膳味或一啲雞湯味都冇，湯亦唔好飲。咁嘅質素仲要加一，呢張單係未找數之前影，埋單時先知要加一，所以係$306.9。

今日行到去北角嗰邊食晏，見到呢間餐廳門面超有台灣風，睇埋餐牌幾吸引就入去試吓。原來lunch淨係得午餐套餐提供，不過都唔少選擇，清清地試咗佢個雞湯湯麵。六合蟲草花濃雞湯麵(特級濃雞湯）麵可揀粗麵或幼麵，我就揀咗幼面，當碗麵送上台後，店員會係面前即時加湯，應該係為咗令啲麵保持口感。雞湯咬到奶白色，一倒湯嗰時就聞到濃濃雞味，飲落鮮甜美味，食得出真材實料，誠意十足。雞肉比雞湯更出色，雞肉嫩滑入味，加埋蟲草花，再多一份鮮味👍🏻👍🏻加滷肉+$15餐餐加多$15又可以試埋佢嘅滷肉，滷肉香濃入味，偏醬香型同多油份，啱晒重口嘅人，送飯一流👍🏻鴛鴦地瓜條 +$18地瓜條好驚喜，佢喺用咗紫薯同黄色蕃薯，炸到脆卜卜，咁表面落咗一啲類似黑糖薑絲，食落甜甜哋特濃雞湯時蔬+$18第一次見咁迷你嘅小棠菜🥬，細細碟入面都有十幾顆，一口一啖超過癮，浸左落雞湯之後超鮮甜👍🏻珍珠奶茶茶味重，珍珠超煙韌咬口，好過坊間啲茶飲店👍🏻午市優惠套餐都幾抵食，小食都係$18 一份，仲可以加選兩份，試多啲野，啱晒咩都想食嘅我👍🏻👍🏻，不過見到佢晚市仲多啲小菜小食同甜品，下次夜晚先嚟再試過

比起連鎖店鋪個人更愛光顧一些小店這家位於北角的六合小巷是看IG時掃到的襯著假期就跟朋友去試試店內充滿著台灣夜市裝潢閑日下午時間都有不少人4點前都還有午市套餐很划算🥰❤️鹽穌豬扒飯豬扒炸得很酥脆但豬扒本身有點薄所以吃起來乾身了點覺得很一般❤️鹽酥雞扒飯（轉鹵肉飯）雞扒厚肉點仍帶有肉汁配肥瘦相間的肉丁很好吃個人比較推薦這個❤️台式香腸小吃份量不多味道正常❤️鴛鴦地瓜條地瓜條很香甜很好吃值得一試❤️柑桔檸檬酸酸甜甜味道ok不會太甜❤️抹茶鮮奶麻糬牛奶味很濃郁但麻糬我覺得有點太流質如果可以再固體點會更好抹茶味道不算重下次想試oreo

餐廳名字六合，係台灣著名夜市，所以呢度有好多風味獨特既台式小吃、飲料提供。小店既牆上面貼左好多台灣電影海報，室內室外都掛滿好多五顏六色的燈籠裝飾，加上暖色既燈光，身臨其境，到處都遍佈住台灣既氛圍。餐牌有好多選擇，我哋點左幾款餐廳推介：蚵仔煎：餡料有蚵仔、蔬菜、雞蛋、蔥，煎得薄脆，蚵仔新鮮肥美，配上甜酸醬，份外好吃。台式鵪鶉蛋滷肉飯：肉燥及醬油滷汁，淋在白飯上，加上醃蘿蔔、香蔥、鵪鶉蛋，簡單又美味。上湯時蔬：油麥菜鮮嫩翠綠，淨係用上湯和蒜頭灼熟，已經原汁原味，清甜可口。Oreo牛奶麻糬：加左大量Oreo碎，賣相好靚，奶香味濃郁，台式麻糬口感好特別。黑糖冬瓜茶：冬瓜的天然甜味加上古早黑糖味，清涼解渴。珍珠奶茶：奶茶好香醇，珍珠Q彈煙韌。總結，食物有水準，價錢合理，仲全日免收加一，好抵食。

位於炮台山地鐵站B出口附近的北角，最近出現了許多台式小店，其中包括位於電廠街內的這間店，於去年開業，裝潢充滿古早氣息，晚上開始人多，餐廳提供豐富菜式，店內外掛滿燈籠，昏暗的燈光和流行曲，令人有浪漫感受。作為一個思念台灣的人，看到餐牌上有台南炒新竹米粉，心中的懷念油然而生。新竹米粉是台灣的特色，特別滑溜又不油膩，我當然要點一份。米粉的外觀和台灣的一樣，炒得乾身，配料也豐富，有冬菇、肉條、紅蘿蔔等等。吃起來滿口香甜，令人難以忘懷。半筋半肉牛肉湯麵是推薦菜式，牛肉口感軟嫩，麵質軟彈，湯頭清香。店家還提供自家製的麻辣油和調味唔過鹹的鹹酸菜，供自行加入牛肉麵湯底，增加味道層次。三杯雞香氣撲鼻，九層塔的香味令人垂涎欲滴。雞肉份量足夠多且口感嫩滑，煮得入味，最重要的是用鐵煲裝盛，吃到最后依然保持熱辣辣的口感。總括而言，感覺非常良好👍🏼

今日試一試位於炮台山嘅一間台灣小店，主打佢哋嘅牛肉麵，由於去食嘅時間係中午，所以仲有中午套餐相對地比較抵食，仲可以加錢配唔同嘅小食及飲品等等。點餐過後，店員好快地送出前菜。我同朋友各點左一碗牛肉麵，份量非常十足特別之處係上菜時佢哋先會到啲湯入去，保證湯係夠熱，牛肉份量亦都非常之夠，亦都炆得夠林，湯飲落去應該冇乜味精，同埋有淡淡的藥材味，仲會配埋大量嘅青蔥同埋芫荽，如果唔食嘅朋友，記住叫走青了。另外小食方面，我哋加倍左雞湯青菜，炸花枝丸同埋炸鹽酥雞。雞湯青菜方面，雞湯顯得非常天然，味道亦都夠雞味。花枝丸亦都非常推介，食到裏面有一粒一粒嘅花枝，非常爽口。鹽酥雞係我個人非常喜愛嘅菜式，最衰係中午，如果唔係夜晚嘅話送酒係一流😎