六十年華

營業中

休息中

晚上近近地在家附近食飯，在新都城2期地下，有間六十年華茶餐廳，被掛住嘅燒鵝吸左入去開餐😁。拼燒鵝瀨粉（轉髀），叉燒肥瘦適中，味道又好👍。燒鵝髀皮香口感爽脆，鵝肉嫩滑多汁，充滿油香的好可口，點上梅子醬更正。蝦仁🍤炒滑蛋，調味剛好，滑蛋炒得嫩滑，蝦仁爽口彈牙的。清蒸海上鮮，豉汁蒸鯧魚，加上蔥蒜更加惹味，熟度剛剛好，魚肉滑溜，確係唔錯👍。濃味海味什菜煲，即制熱辣辣，菜都很清嫩翠綠，材料煮得入味, 配碗白飯食開胃又飽肚，啱晒我地胃口。飲品點了解渴嘅凍檸茶🥤。

其實我好鍾意去呢間冰室食小菜啲套餐價真係好抵‼️同埋呢間環境好舒服見到呢個孖寶套餐，真係非叫不可呢個例湯都唔錯，唔會油苙苙燒味雙拼 - 油雞拼腩仔腩仔肥瘦適中 塊皮仲係脆卜卜㗎油雞係有雞味果隻呢間燒味值得下次嚟斬料加餸「川辣尖椒爆雞煲」雖然辣味唔係好夠不過味道非常惹味，尖椒&雞件都好入味我哋兩個好輕鬆就清哂啲餸呢個套餐有齊白飯、例湯、炒菜、飲品，都只係$1️⃣7️⃣8️⃣真係勁抵食❤️❤️其實揀其他餸仲可以再平啲‼️

一向覺得這間茶餐廳的種類多又特別，今天超級餓，便和家人來試試！首先叫了我每次必吃的乳鴿湯瀨，下午茶食乳鴿，只是，豪得起。乳鴿一如以往弄得非常金黃香脆，見到以心心眼😍，質素絕不俾大酒樓遜色家人想食菜，叫了一個西蘭花炒鮮魷。西蘭花非常翠綠，炒得有鑊氣，最欣賞的是的調味，不會太鹹，鮮魷炒得爽。我們見到這間餐廳原來很多小菜例如黑椒牛仔骨、雜菜煲、咕嚕肉、啫啫鷄煲都有。今次的經驗令我們想下次來試一試其他小菜🥰食到一半見隔離好多人叫西多士，我們也忍不住叫了一客。西多士厚身大件，牛奶朱古力醬塗滿多士上，見到已開❤️🎉🎉，果然炸得香，食落流心💯

下午茶餐食得多，但好像這間餐廳那麼多選擇而又有特別，實在不常見！見有炸乳鴿下午茶餐咁特別當然立即叫，乳鴿上枱已經有驚喜，炸得金黃超靚，而且不算太細隻。乳鴿食落香脆好味，完全是大滿足的感覺🥰🥰還有大大碟的瀨粉，正！下午茶有鐵板食，真的未見過這間茶餐廳有鐵板牛柳粒飯，我希望黑椒汁另上這間茶餐廳也順應要求做得到。冇想過茶餐廳弄牛柳粒那麼好味，粒粒都嫩滑，有咬口，不會過多醃制，能食出牛柳粒的鮮味👍🏻用鉄板上有儀式感，吃落更開心😋😋而且飯質亦非常軟綿綿，簡直超值凍檸茶和即磨咖啡也不錯，值得一讚！

今日下午茶去了將軍澳新都城中心二期地下的六十年華，下午茶都幾抵食。本來見到鐵板餐都唔錯，不過要跟一個焗飯又似乎太多，最後都係叫返下午茶餐。秘製燒鵝瀨，燒鵝不錯😋套餐送咖啡或茶，+$9可以轉特飲。另外精美下午茶餐迷你叉燒飯配迷你西多士及吉列炸蝦兩隻，都只係$46，仲可以食埋西多士當甜品。去親茶餐廳都係要叫返一個乾炒牛河，唔知點解覺得茶餐廳嘅乾炒牛河特別好食，呢度嘅都一樣炒得又香又熱辣辣。迷你鹹魚雞粒炒飯都好大碟，炒得幾香。仲有機械人送餐服務。

今日住新都城既朋友帶我試左呢間餐廳，位置係三期地下，要行番出去先搵到個門口。鋪內燈光光猛，裝潢就正常冰室格局，勝在乾淨同間得外，坐得都算舒服。餐廳食物種類對於茶餐廳黎講都幾多，由中式燒味、川菜酸菜魚、小菜以至西式鐵板、焗飯餐都有。當日老闆就推介我地試下酸菜魚，咁就叫左個孖寶自由選($198, A+A)，拼左燒味雙拼，叉燒拼燒鵝(燒鵝+$20)再加多個蜜椒雞中翼。餐廳以自助落單形式，如果唔識都可以搵店員幫手。落完單好快就送上例湯，老火湯飲落好夠味而且唔死咸，飲完都唔會好口渴。叉燒拼燒鵝，叉燒無特別要求肥瘦，上菜時係半肥瘦的，食落甘香鬆軟，醃味足夠，美中不中既係外皮燒得唔夠焦，個人比較喜歡燶邊叉；燒鵝皮帶小脆，五香粉味好出而且醃得入味，唔錯。川味老壇酸菜魚，店員餐廳用上鱸魚煮，食落無骨，皮爽肉滑，魚片份量多，不過魚味就相對淡薄小小。除左魚片，酸菜都係主角之一，炒得夠香，食落香口夠味得黎唔會太酸，除左魚同酸菜，配菜有萵荀、什菌同埋寬粉，就算唔食白飯都夠飽。蜜椒雞中翼，每隻雞翼都包滿左蜜椒，食落甜得黎帶黑椒既辣，雞翼脆口有肉汁，小朋友最鍾意食。總體味道唔錯選擇又多，將軍澳街坊不妨考慮下呢間，當

叉鵝飯$78，嗰幾件鵝唔係得一條骨，就係肥到食唔到。蒸水蛋飯先夠誇張，一打開盒飯，八成面積係白飯，二成面積係孤獨嘅蒸水蛋。如果我係外國人，會以為蒸水蛋同黑松露一樣咁珍貴。味道全部正常水平以下。這樣的伏店，永別了！

餐廳位於寶琳，鄰近地鐵站，方便又快捷，簡簡單單的茶餐廳，內裏卻充滿着不同國家的美食。食物方面，我挑選了酸菜魚和鐵板豬手。兩種完完全全不同風格的食物。酸菜魚方面充滿特色，最重要分量十足，性價比極高，魚片香滑嫩口，真的不錯。喜愛就是酸和辣的比例剛剛好，份量剛好的酸菜，酸酸辣辣十分開胃配搭白飯，又是一道美食，加上酸菜魚內裏登附上寬粉更適合晚餐時段享用。另外鐵板豬手外皮有點香脆，最重要肥瘦適中，配搭醬汁，熱辣辣新鮮的滋味，就是這麼吸引。

到新都城中心探望朋友，朋友說有間港式茶餐廳的小菜不錯，我就跟著他走到位於商場外地舖的「六十年華」。店內簡潔裝潢，座位亦坐得舒適。掃描二維碼下單，簡單方便。小菜附加$10可轉為套餐(配絲苗白飯及老火靚湯)。🍹 熱檸檬菜蜜朋友喜歡熱檸檬菜蜜，順喉滋潤。🍹 凍港式鴛鴦嚐到咖啡的香味和奶茶的濃滑，配搭得非常好。❣️ 老火靚湯蓮藕花生湯，清甜味美。❣️ 滑蛋蝦仁蝦仁爽口彈牙。滑蛋嫩滑，不會過熟，炒得香口。❣️ 中式牛柳牛柳肉質軟諗不韌，味道甜甜帶微酸，令人開胃。❣️ 鹹魚茸煎肉餅煎肉餅肉質滑溜，肉汁豐盈，不會乾巴巴。鹹魚茸味道突出，鹹香美味，佐飯一流。❣️ 椒鹽新鮮鮮魷鮮魷炸得金黃，乾身香脆，魷魚鮮味爽口，椒鹽均勻灑上，增添香口惹味。腰果同樣香脆可口。❣️ 蒜蓉炒時蔬店員突送上一碟蒜蓉炒白菜。原來顧客點菜滿$168，就會免費獲得一碟蒜蓉炒時蔬。雖說是免費，但一點不馬虎。白菜炒得新鮮脆嫩，調味得宜。小菜做得出色，價格平民化，服務態度優質，朋友的安排真的不錯。

🧡Please follow my IG : orororenji☆ 六十年華將軍澳貿業路8號新都城中心2期地下G26-G28號舖✦ 招牌鮮鳯梨咕嚕肉酸酸甜甜好開胃，咕嚕肉完全無骨，肉質結實得黎係軟嘅，唔錯！加$10仲有白飯同例湯，真係好抵。✦ 鐵板黑椒金薯牛柳粒一上枱咋咋聲～好香好吸引，牛柳粒好淋，薯仔雖然好似係配角，但其實對我黎講係第二主角，一樣咁重要，因為都好好味(〃ω〃)✦ 西蘭花炒鮮魷無得輸嘅組合！西蘭花爽口，魷魚彈牙，正呀！✦ 椒鹽腰果豆腐簡單又好味，唔會好油膩，豆腐脆卜卜但入面好嫩滑。✦ 特濃雲海咖啡好似凍mocha，幾好飲。✦ 雪糕紅豆𣲙店員好有禮貌同我講本身係雲呢拿雪糕，不過因為冇，所以俾咗朱古力味雪糕我，我覺得無乜問題，紅豆煮到好淋好好味。呢到性價比高，好鍾意呢到落餐除左用QR code好方便之外，仲有得揀少油少鹽咁，更加健康，同埋呢到仲有可愛嘅送餐機械人，減少接觸咁幾好。

平時常常想吃住家飯但工作太忙碌，真的冇時間煮見這間茶餐廳很多人, 又有小菜，便來試一試。果然沒有令人失望，有住家飯的感覺🥰這間茶餐廳的小菜都有很多款，有咕嚕肉、梅菜扣肉、啫啫雞煲、沙嗲金菇肥牛煲、滑蛋蝦仁，真的是林林總總，適合各人口味。我們選了中式牛柳、味道不錯，個汁少少酸，調得剛剛好，牛柳入味但又不會太酸洋蔥吊味非常香口。這道菜用來送飯真是冇得輸💯西蘭花鮮魷炒得有鑊氣，西蘭花顏色鮮嫩，翠綠得令人增加食慾。鮮魷炒得有wok 氣，調味不會過鹹，而且鮮魷大大塊份量也不少。兩個小菜均沒有令人失望我最欣賞的是這間餐廳沒有很多一般茶餐廳的毛病不會落太多味精不會喊到不得了這種家庭小菜現今已很難找到。我們叫小菜加了$10有老火湯。今天的青紅蘿蔔湯煲得夠火十分滋潤。碗飯大到不得了。另外加了錢要飲品，咖啡香濃，檸茶夠凍。

今晚一行三人去咗六十年華食晚飯，不得不讚就係呢度嘅小菜同燒味！招牌鮮鳯梨咕嚕肉唔單止色澤鮮豔，而且味道極為開胃。鳯梨果肉酸酸甜甜，外表炸得金黃酥脆，肉質清甜多汁。小炒皇小炒皇夠鑊氣，而其材料非常豐富，包括有辣菜脯、銀魚干、韭菜、魷魚、蝦千及炸腰果等，整體味道帶辣，十分惹味！椒鹽炒鮮魷外皮非常香脆，內裏的鮮魷口感有嚼勁，其椒鹽味令人非常醒神。燒味之作（燒腩仔、油雞、叉燒）一次過可以食到三款燒味，性價比甚高。燒腩仔肥瘦相間、咸香滋味，絕對係皮脆肉嫩。油雞色澤油亮，肉質鮮嫩，味道不錯。叉燒入口鬆軟，同時不失肉質的咬口，肉汁夠Juicy，絕對可以encore！整體而言，餐廳價錢經濟實惠，而且店員有禮，服務態度佳，下次唔想煮都可以再嚟幫襯。

香港人始終都係鐘意中菜多啲，感覺有獲氣啲又local啲呢間茶餐廳晚市嘅小菜送飯一流，唔太鐘意食白飯嘅我都忍唔住撈返幾啖飯自由選💰$178🥢蜜椒脆薯一口牛炒得香口，最鐘意呢個，一口牛仔粒好入味又好腍，呢道菜薯仔永遠都係精粹，外脆內軟，同牛仔粒勁夾🉐🥢自由選 鐵板醬爆椰菜豬頸肉上枱時勁熱好有鑊氣，調味充足，送飯一流，豬頸肉爽口，椰菜又惹味🥢粟米斑腩💰$68清清地，唔熱氣，炸過嘅斑腩唔會好厚粉🥢椒鹽新鮮鮮魷💰$88夠脆又爽口，調味夠，好多蒜🥢蒜蓉炒菜食滿$168送嘅炒菜，簡單炒菜🚩六十年華 (將軍澳) @thesixtiesmcp 📍將軍澳貿業路8號新都城中心2期地下G26-G28號舖

今天二人出外吃晚餐。這家食肆供應燒味、港式快餐和中式小菜。店內裝修新，環境清潔，有很多賀年佈置，座位舒適。賀年精美小菜穿金戴銀(西蘭花炒帶子蝦仁)90元，奉送老火湯及白飯。西蘭花炒帶子蝦仁賣相美觀，蝦肉彈牙，帶子鮮甜，西蘭花和韭黃均新鮮。粟米紅蘿蔔湯清甜。白飯軟硬適中。跟餐加配熱檸蜜8.5元，檸檬三片味道正常，西洋菜蜜香甜。燒味之作93元，叉燒、腩仔、油雞、切雞、紅腸及燻蹄當中可選三款燒味，叉燒肉軟多汁，甜味適中。燒腩仔皮香脆，脂肪部份甘香，瘦肉部份帶咸味。豉油雞皮滑肉嫩，惹味。

試過幾次這裏的外賣小菜，今晚就和老公一起堂食。店員服務態度，值得一讚，而且有機械人送燒味，幾得意。【秘製燒鵝】例牌都幾多的，鵝味亦算突出，皮又脆，鵝比較瘦，下面有蠟燭輕輕加熱燒鵝。【六十年華小炒皇】很多蝦乾，韮菜有點生，咀嚼不下，有很多渣，不過味道是好味的，腰果脆卜卜，送飯不錯。【XO醬海鮮炒麵】香濃的XO醬，海鮮又多，一舊舊大魚塊，又有小八爪魚，味道不會太咸和大油膩。【椒鹽鮮魷】熱辣辣新鮮出爐，出哂煙，中間鮮魷又滑溜溜很彈牙。【雪糕紅豆冰】凍冰冰的雪糕，爽。