六十年華

營業中

休息中

今日難得和媽媽撐枱腳，便來到寶林的六十年華食晚飯，夠多選擇又合口味，每到小菜可以加$10加配白飯和例湯。琵琶鴨 $118琵琶鴨是一種炸過的鴨肉，外酥內嫩，肉質鮮美。它被切成小塊，每塊都擁有著金黃色的外皮和多汁的內部，同事帶有一絲脂肪的香氣。這道菜餚通常搭配著甜酸醬汁，味道更加鮮美。六十年華小炒皇 $76小炒皇有多種配料，以蔬菜為主有腰果，韭菜花，蝦乾，菜甫，小八爪魚，這些食材被迅速炒熟，保持了它們的新鮮度和口感。蝦乾味道夠鹹香，佐飯一流，韭菜花清新爽脆，各款賠了不同口感，忍不住一口接一口。椒鹽雞中翼 $70雞中翼首先用鹽和辣椒腌制，然後油炸至金黃酥脆。這種烹飪方法使得鹽和辣椒的味道完全滲透到雞肉中，每一口都帶有濃郁的風味。椒鹽雞中翼的外脆內嫩，絕對是一道讓人難以抗拒的美食。晚飯雖然簡單，但每道菜都味道出色，性價比非常高。

第一次想入嚟這間餐廳的衝動就是比門口的名稱吸引，於早餐時段進食人數較少，而且早餐比較便宜，今次叫了沙嗲牛肉麵會腸仔煎蛋多士，配以裝潢華麗嘅店舖勁舒服的感覺特別是餐廳有部份位置比較隱蔽，完全攞嚟傾功課簡直一流當然啦係非繁忙時間唔好阻住人做生意。當中侍應態度良好非常之照料由於入到去已給你坐低會立即為你準備水，服務簡直優質。而係新都城來講$40以內有一個豐富的的早餐是10分便宜的，期待下次再試一試午膳或晚膳值得再嚟。。

不得不說，「六十年華」已成為我既飯堂🤭。多元化既餐廳，選擇多真係好重要😂。樣樣都想試，一次過滿足多個願望👍。中餐西餐都可以同時嘗試。今日與友同行，一個想食鐵板餐，一個想食火鍋，燒鴨又好似好吸引🤭，小朋友先做選擇，一於試晒佢😂。鐵板厚切西冷牛扒餐 $128，有沙律，羅宋湯，飯/意粉，餐飲，好豐富抵食🤤。西冷肉味濃郁，鮮嫩軟淋，估唔到咁美味。藥膳醉雞鍋 $118，呢個天氣食好暖身。雞件分量唔算好多，好彩湯底藥材味濃郁，味道唔錯，真係連湯都飲埋😆。店員推介，醬燒琵琶鴨好似好吸引🤭。一隻$118 半隻$75，咁抵，即刻叫一隻試下🤤。果然無介紹錯，琵琶鴨燒得香脆，肉厚惹味，用黎送酒一流👍。下次要同朋友一齊飯聚，可以再試多些不同食品！

嘢食嘅味道確實喺區內算幾好，所以周不時都買外賣，之前試過幾次買外賣，但外賣做好咗就咁放喺入邊冇嗌Number，要自己行入去問先知原來整好咗擺咗喺度，但都唔緊要可能佢哋忙，但今日再去買外賣，眼見入邊都唔算太多人，但今日又係咁買完個外賣整好咗就咁擺喺入邊，又係要我自己行入去問自己攞，雖然嘢食嘅味道的確係唔錯，而且價錢都算中規中矩唔算平又唔算貴，但如果可以改善下服務態度的話就絕對對得起呢個價錢，希望唔好浪費咗一間好味嘅餐廳

今日放工喺寶琳嗰邊食晚飯，見到間環境光猛嘅茶餐廳，肚餓嘅我就入咗去食晚飯。餐廳好受歡迎喎，入到去已經有好多食客。餐廳食物種類眾多，除咗有鐵板、小炒之外，仲有啲一人煲。今日我同朋友都食咗幾款嘢食。提提大家餐廳係寶琳新都城中心二期，唔好行錯啊！薄燒西冷牛扒黑椒汁 $88鐵板牛扒$100都唔使，超抵食，又大份。鐵板上枱時熱辣辣，要小心，淋上黑椒汁後仲吱吱聲，非常吸引。牛扒大大塊，食落唔韌，調味適中。另外仲有炒飯，炒飯粒粒分明，用鐵板煎過後仲有啲飯焦。其他伴碟有薯角、西蘭花、蘿蔔等等。薯格好香脆，應該係新鮮即炸～ 我哋再加咗錢要咗個意式雜菜湯，羅宋湯蕃茄味濃，裏面有洋蔥、西芹等雜菜。金牌鮮鳳梨咕嚕肉 $80見到隔籬枱食個咕嚕肉，我都忍唔住嗌咗個。咕嚕肉好脆，熱辣辣，炸皮好薄。外層果滿酸甜醬嘅味道，酸酸甜甜，可口開胃。菠蘿係新鮮菠蘿切出嚟嘅，唔係用罐頭菠蘿。伴碟仲有塊菠蘿皮，非常精緻，可以打卡。蜜餞脆薯牛柳粒 $78呢個推薦大家食！薯仔有事先炸過，食落非常香口，另外沾滿蜜糖，食落甜絲絲，又脆脆地，口感非常好。牛柳粒一口size，方便進食，牛肉味濃，而且好容易咬開。呢啲份量都好多，除咗薯仔同牛柳，

收工後同埋家人開餐，佢地最鍾意食小菜同燒味類，故到左#新都城中心 二期 #六十年華，食下家常便飯。燒鵝瀨粉（加$20轉髀），鵝髀皮香脆，入口油香豐富，肉質幼滑，點上梅子醬可中和一下油膩感，調味剛好，配瀨粉很夾。叉燒拼豉油雞飯，（加$10轉髀，$5煎蛋）半肥瘦的叉燒蜜味重，豉油雞髀🍗啖啖肉，點埋蔥油配飯認真美味😋。清蒸海上鮮～豉汁蒸黃花魚，加了芫茜同蔥，蒸得熟度剛好，魚🐟肉質細滑，沒有細骨食得安心。南乳緻炆粗齋，材料豐富有小棠菜🥬、茄子🍆、支竹、雲耳、雪耳、芹菜、冬菇、竹旬同埋粉絲，南乳味香濃煮得入味，很合我地胃口。餐包飲品，家人要了香滑熱啡☕️，我則要了至愛的凍檸茶。

所屬分店經理服務態度嚴重差劣！差到離譜😡嚴重影響公司永發飲食集團就算店舖環境有幾好嘢食做得幾好都沒有用. 只要一個員工這樣已經可令客人不會再光顧.根本沒有再下一次.真係嬲到一肚氣.人生中從來未試過喺食到一肚氣.原來睇到OpenRice上唔止一次有對這經理嘅態度劣評，原來係慣犯，都唔知道點解仲容許依啲員工仲要係經理！ 如果榮發飲食集團再唔去正視所屬分店經理嘅工作準則及態度，只會一路影響榮發集團飲食，就算其他分店員工做得有幾好都冇用.

👧🏻😋👅🍽✨燒味小菜冇得輸🥰-六十年華🇭🇰 將軍澳欣景路8號新都城中心二期G樓G26-28號舖 🇭🇰-🪩燒味茶餐廳選擇多, 環境舒適有梳化凳, 服務周到, 仲有超值套餐, 成為左寶琳街坊飯堂; 我地叫左唔同範疇既食物, 款款都好好食個個都話正😆🪩當然佢地外賣客飯套餐更抵食, 每日都有特價燒味, 斬料加餸都好岩! 有得QR code落單, 返到寶琳就拎得-🍱精選二人套餐 $168✔️A至E招牌菜五選一✔️12款小炒選一✔️2碗老火例湯: 青紅蘿蔔豬𦟌湯勁清甜, 零味精仲一滴油都冇超正✔️2碗白飯-🍍 🐖 招牌鮮鳳梨咕嚕肉💯咕嚕肉大大嚿, 完全冇炸到乾晒既粉, 係啖啖肉半肥瘦; 除左用超甜鮮鳳梨粒一齊炒, 仲有鳳梨殼做裝飾超靚, 果然係招牌必點 ❤️ -🥬 🐖 家鄉甜梅菜扣肉煲✨扣肉既甜梅菜味勁入味, 甜味為主帶少少鹹香, 食落唔會太涸喉; 扣肉係好肥既, 但食落唔太膩, 勁想食埋人地碗飯😂-🐖 🐓 🐖 燒味之作 三拼 $98💯叫左燒腩, 油雞, 肥叉; 用個小木桶上碟幾好睇, 仲送2條菜; 油雞好嫩滑, 豉油好入味; 肥叉夠爽; 腩仔皮脆肉唔乾; 呢個質素同份量$98真係好抵食!-🐂 🍛 金牌咖

今晚來了探朋友，一於吃埋晚飯才走，我們來了六十年華吃小菜。 我們叫了經典老壇酸菜魚片鍋、拍蒜西蘭花炒鮮魷，及煎封金錩魚，加$10 可配例湯及白飯。飲品方面，我們叫了秋冬特飲蛋白杏仁茶、凍檸樂及細樽藍妹啤酒🍻除了啤酒外，其他飲品跟餐有半價優惠。  ～ 經典老壇酸菜魚片鍋：可以選擇辣度，我們叫了BB 辣。魚片鮮甜超薄，配料特多，湯底地道，伴飯一流。 ～ 拍蒜西蘭花炒鮮魷：鮮魷彈牙，西蘭花🥦新鮮，加蒜蓉炒特別惹味。 ～ 煎封金錩魚：這個小菜很有驚喜，一上枱已聞到魚香，廚師手藝高超，煎封得剛好，外皮香脆不破皮，內裡魚肉細滑，點埋醬汁更美味。 ～ 蛋白杏仁茶：是秋冬特飲，入口充滿杏仁味，滋潤養顏。  六十年華是將軍澳出色的茶記，小菜王有特色 及出色，加上招呼親切，下次一定會再來光顧。

風雨前夕，我和好友來到了一間茶餐廳吃晚飯，這是我非常喜愛的一家餐廳。我們選擇了一個舒適的座位，拿起菜單，開始挑選美食，我們首選當然是小炒，加10元便能轉套餐，有白飯及老火湯。六十年華小炒王小炒王色彩鮮豔，有著滿滿的韮菜，蝦乾及腰果，每一口都散發著濃濃的香氣。韮菜保持了脆嫩的口感，帶有鹹香，每一口都充滿了滿滿的風味。秘製蜜椒雞中翼雞翼充分醃製和烹調，吃起來香嫩多汁，外皮酥脆。椒鹽的味道和蜜糖的甜味完美融合，甜甜的，每一口都讓人回味無窮。濃味海味雜菜煲新鮮的海鮮和各種蔬菜煮在一起，濃郁而鮮美。每一口湯底都帶著海鮮的鮮甜，蔬菜清爽，湯汁濃郁。中式牛柳肉質鮮嫩，加上菠蘿及酸甜的醬汁，口感豐富。每一口牛肉都充滿了濃濃的肉香。熱朱古力及 黑牛最後當然要有一杯飲品才能完美，非常喜歡黑牛，朱古力雪糕加上可樂絕對是美味的配搭。

下午茶時間路過一於坐低祭祭五臟廟迷你咖喱豬扒飯 （下午茶餐）以下午茶餐嘅份量來說是ok，不過豬扒入口 滑潺潺，明顯係醃肉時落重咗鬆肉粉，攪到好似食軟咗嘅擦子膠。。。咖喱味淡而稀，失敗中的失敗。。。跟餐熱檸茶合格綜合嚟講只係一間連鎖店，俾啲師傅仔hea 住做嘅出品。。。

店內裝潢簡潔，感覺舒適。菜單選擇也多。小菜附加$10可轉為套餐(配絲苗白飯及老火靚湯)。顧客點菜滿$168，就會免費獲得一碟蒜蓉炒時蔬 (只限星期一至五晚膳時間)。價格平民化，十分實惠。✨️ 老火靚湯章魚節瓜瘦肉湯，清甜味美。✨️ 椒絲腐乳通菜炒牛肉牛肉肉嫩。通菜保持翠綠，爽脆可口。加上腐乳的鹹香和椒絲的微辣，惹味！ 是最好下飯的家常小炒。✨️ 牛柳肉質軟諗不韌，味道甜甜帶微酸，令人開胃。✨️ 招牌鳳梨咕嚕肉雙併雙併是咕嚕肉和咕嚕魚塊。色彩繽紛，讓人看了就非常有食慾。咕嚕肉肥瘦合適，咕嚕魚塊的魚塊嫩滑，整體粉薄香酥，掛汁入味，酸甜汁味道均衡可口。✨️ 煎封金鯧魚金鯧魚肉質細緻，肉多刺少。香脆可口，沒一點腥味，恨不得把骨頭也吃掉。配合蒸魚豉油，鹹香味美，增添滋味。✨️ 蒜蓉炒時蔬菜心新鮮脆嫩，調味得宜。🍹 熱檸檬菜蜜熱檸檬菜蜜，順喉滋潤。🍹 熱檸檬茶新鮮檸檬，茶底清香。小菜做得出色，服務態度不錯，性價比高的餐飲體驗。

開咗咁耐，我第一次幫襯，見早餐去到11:30就去試吓。 11:00已有2、3個人喺度排隊，原來呢度可以用gulu app攞定位。 我一個人，好快就有位(搭檯，有隔板)。 我揀咗早餐C~辣肉碎米+炒滑蛋+多士+熱咖啡=$37先食個炒蛋，唔係熱嘅，微暖都唔係，好似室溫咁嘅溫度，扣咗好多分。 辣肉碎充滿香茅味，幾惹味 咖啡就一般，但一嚟到，見到隻杯口成條長長嘅咖啡漬，令我反胃，唔多舒服，雖然我個唔係畀人飲過，應係師傅落咖啡落去時整到咁。。。張檯比較細張，成個餐一齊嚟嘅話，會好逼。好似我咁食好快，食完蛋後，隻碟墊住碗米粉，杯咖啡後嚟，就有地方放。 啲姐姐基本都係有禮、幫手嘅。總括: CP值80/100我會再幫襯，希望下次個炒蛋係即炒、熱嘅！

這間六十年華是間裝修得比較時尚的茶餐廳，食物選擇多元化，價錢又平民化。用QR code 自助下單，十分方便。這裡特別吸引就是餐廳門口掛著的燒味，所以點了常餐的炭燒叉燒湯紐紐通粉配煎雙蛋丹麥多士，配埋餐飲$55. 炭燒叉燒厚身，肉鬆軟淋，仲有少少燶邊及炭燒味。鐘意餐廳配撘多，唔要通粉還有多款湯粉可選，唔要煎蛋，亦有奄烈或熟蛋可選。另外午餐的燻蹄切雞配瀨粉都不錯啊，最要讚的是他們湯粉的熱度十足。燻蹄及切雞份量亦不少，切雞肥瘦適中。另外加$28有椒鹽風沙金磚，十分抵，炸得香脆不油膩，夾埋香蒜芫茜一齊食更惹味。午餐的餐湯都是清甜足料。

商場又要坐得舒服，又要環境乾淨企理，呢間就非常好，光猛、服務好、快速上菜、抵食、好味餐廳用QR CODE 落單好簡單多士有得揀走油配料有煎雙蛋、炒滑蛋跟腸、炒滑蛋跟餐肉同烚蛋等等，選擇多元化沙嗲牛麵睇顏色已經好讚麵質煙韌，師傅煮麵有一手沙嗲牛唔普通，睇到洋蔥絲就知自己炒，正