六十年華

營業中

休息中

今天剛好在寶琳附近收工，正在想晚餐吃什麼的時候，剛好看到這一間六十年華，看到這一間有自家製酸菜魚片鍋，便走入去試一試。這一間餐廳的裝橫新淨，整體企理，坐的也很舒服！我們二人點了自家製酸菜魚片鍋，蒸倉魚，燒味雙拼豉油雞和燒腩仔，胡麻沙律以及餐廳贈送的蒜蓉炒時蔬。飲品點了雪糕紅豆冰和紅豆仙草凍。自家製酸菜魚片鍋，上菜的時候很香，看到餐廳給魚片的份量也很多，而且味道也算正宗，酸味辣味很平均，很適合香港人口味。魚片新鮮嫩滑，烹調的熟度剛剛好，非常美味值得推介！蒸倉魚，豉汁香蔥蒸倉魚，豆豉的香味很足，倉魚蒸的時間剛剛好，還能夠保持魚肉的嫩滑，配上適量的豆豉和香蔥一起進食，各方面的味道很配搭非常的好食！燒味雙拼我們點了燒腩仔和豉油雞，燒腩仔肥瘦均勻，而且豬皮燒得很香脆。豉油雞煮得很入味，豉油味很香濃，而且雞肉煮的熟度剛好，雞肉美味嫩滑多汁。胡麻沙律，沙律菜餐廳給的份量很足夠而且還有美味的胡麻醬作為配搭，還有小蕃茄等。這個菜色很清新很開胃！最後是在餐廳點滿指定價錢贈送的蒜蓉炒時蔬，這一道是蒜蓉炒菜心，菜心很新鮮，炒出來菜心莖部剛剛好熟透，而且菜葉還能保持翠綠。蒜蓉的味道也很足夠非常好食。兩杯特飲也是

經濟抵食 坐得舒服 裝修都幾清新日係用淺木色黃色燈光做主調食物種類都有好多唔同嘅有普通嘅 茶餐 鐵板餐 西餐 燒味等等 好似依家入咗秋天有羊腩煲 同埋胡椒豬肚雞 價錢都只係$158同埋$128 抵食門口好多人喺度叫外賣 所以我都決定叫返個♥︎燒味之作 油雞同燒腩仔 兩款$83一食落口充滿油香 超級滑 燒腩仔個皮脆卜卜 ♥︎卡邦尼海鮮意粉 $56意粉大大碟 creamy的 個羅宋湯好濃郁 包肚又超值 仲要係set , 包埋嘢飲 晚市呢個價錢邊度有😳 出面起碼貴一倍♥︎秘製羊腩煲 $158 羊腩煲份量都唔少 兩個人食夠食有多 仲有一籃蔬菜籃🥬有南瓜 什菇 生菜 等等 個味道正宗 入味又夠腍 回味無窮 仲要係驚喜價 $158咋♥︎檸檬茶 $9好飲好香嘅茶味 比起一般嘅茶餐廳更加優質依家晚市滿$168送菜一碟每日返貨都唔同 所以睇返每日供應個菜好重蒜蓉香味亦都好有鑊氣 仲要大大啲真材實料 成日出街冇乜菜食 呢一碟絕對滿足到你最後我仲叫咗2支冰鎮奶茶慢慢飲 超滿足嘅一餐 食咁多嘢埋單都只係$300

燒味之作(三款)燒腩仔油雞熏蹄~一次過食咗三款燒味燒腩仔、油雞及熏蹄，各有特色，燒腩仔皮夠脆，肥瘦啱啱好，一件食住一件；油雞味道啱啱好，肉質嫩滑；好耐冇食燻蹄，入口爽滑啖啖肉，記得沾啲白醋汁。食食下見到燒味送餐機械人，衛生可靠，送到枱旁店員會為你上菜，這樣，店員就唔需要周圍行嚟行去傳菜，有更多時間照顧身邊食客嘅需要。西蘭花炒鮮魷配白飯例湯~西蘭花炒得香脆，鮮魷熟嘅程度恰到好處。自家製酸菜魚片鍋~特別餐牌特別推介，天氣涼咗好想食， 件件魚柳啖啖肉，無骨最正。羅漢齋伊麵~伤量好足，材料豐富，一碗接著一碗。晚飯滿$160送蒜蓉炒時蔬~雖然係送嘅，但份量都唔少，蒜蓉炒好香口。樽仔奶茶~晚餐唔怕飲茶嘅，都可以試下，茶味夠，奶夠香，香港經典飲品，正！檸水~食咁多，幫手消化，解解肉氣。

今天約朋友在將軍澳吃晚飯，選擇了在新都城二期商場的「六十年華」。餐廳位於商場地面，面向大街，穿過商場便可達寶琳站，無懼風雨，十分方便。餐廳裝修簇新，光猛開揚，整潔亮麗。餐廳用時下流行的QR CODE 點菜，菜式選擇非常多，我們點了幾款傳統懷舊小菜。不一會，餸菜便由機械人送到，效率非常高。“精選2人套餐”：“明火潮式鹹菜豬肚雞煲”，原煲滾住食，熱焫焫，真滋味。雞肉特別滑，而且入味。豬肚煲得腍，但仍然爽口。湯底也非常惹味。“蒜香蜜味金沙骨”，蒜香味濃郁，肉質半肥瘦，口感不錯。一口咬下，蜜汁溢出。還附送老火例湯 + 絲苗白飯“燒味之作”：腩仔+ 切雞，燒腩仔層次分明，皮脆肉嫩，特別可口；切雞一大隻肥美雞髀，雞肉也新鮮嫩滑。“蒸蒸日上”：豉汁蒸䱽魚，原條䱽魚，蒸得剛好，肉質仍能保持嫩滑，再加上濃香豆豉，一流！翠綠油菜，最後還附送一碟炒菜心。這一餐有魚，有肉，有菜，真是賞心樂事呢！

六十年華個名非常吸引，雖然未到六十😂 坐下覺得好有懷舊意思，記起兒時茶廳室片段，這兒環境光潔，天氣熱冷氣好夠，好爽！侍應生好有禮貌又友善。西冷牛扒10oz配薯菜(黑椒汁)$128跟(餐)送胡麻沙律~好大塊又厚肉，好夠份量啊！牛排好淋容易切配黑椒汁味道濃郁，薯角香脆肉甜，有甘筍西蘭花和椰菜花，再食埋跟餐的胡麻沙律好夾呀。自家製酸菜魚片鍋$88主角是鱸魚，薄薄一片片好手勢👍，魚片好滑，好多配料啊！有酸菜 /芫茜/芽菜/雲耳仔/草菇等等，就連啲湯都飲埋。60年華小炒皇❤$75小菜加$10可配白飯及老火靚湯添記得兒時食過小炒皇，好懷念啊！成碟餸好多配料啊！非常吸引😋有韭菜/韭黃/白飯魚仔/腰果/草菇/蝦乾/菜脯/紅椒絲/牙菜仔等等。入口好香脆又香口，蝦乾好大隻，魚仔炸過好味呀！整碟餸味道濃濃送白飯一流。👍推介跟餐重可配樽仔奶茶$12好夠凍又啖啖香濃，茶味滑溜溜，最鍾意飲冇冰嘅凍奶茶原汁原味👍😁

區內嘅餐廳食到好悶，咁啱今日到寶琳新都城中心買嘢，發現又有新嘅茶餐廳進駐😍 一於去試吓。店舖位於新都城二期地下，地點較為隱蔽唔容易察覺。門口吊掛着嘅燒味，似乎都係店家招牌貨色😋二人精選套餐較為抵食，指定餐牌中自選兩款小菜，白飯、例湯及飲品。精選二人套餐$158🥢燒鵝、腩仔雙併俾咗脾嘅部位，燒鵝皮夠脆，有鵝肉香亦唔會太鹹。而燒腩仔更加出色，皮好似薯片咁脆，配合肥瘦相間嘅腩肉超美味！🥢田園野菌豆腐扒西蘭花有鑊氣，擺盤十足十飲宴菜式🤗味道唔錯，獻汁香濃美味，淋在豆腐、雜菌和西蘭花上，美味佳餚👍🏻😋🥤凍檸樂，凍檸茶應該要order 少冰😃，實在太過多冰。🥢另外點了脆皮乳鴿$68，估唔到茶餐廳嘅格局可以做出如此美味嘅炸乳鴿。正宗皮脆肉嫩多汁，不會太細隻所以啖啖肉😍惠顧滿指定金額$168，送蒜蓉炒時蔬一碟。菜心爽嫩，以蒜蓉炒勁有鑊氣，最快K.O.嘅一碟餸。🥢豉汁蒸䱽魚火喉蒸得啱啱好，條魚應該好新鮮，少有䱽魚的肉質勁嫩滑，豉汁惹味送飯一流！小菜整體美味，拍得住酒樓水準，下次嚟新都城又多一個晚飯熱點😋🥢

同老公入咗去將軍澳探阿妹，講返小時候父親帶我哋去食乳鴿同燒雞的情景，佢話新都城二期開咗間叫六十年華的茶餐廳，食物多元化，西餐、中菜、燒味都有，阿妹話今晚請我哋過去食飯！餐廳燈光明亮，室內裝修擺設經過精心設計，座位坐得舒服。鹽香燒雞半隻：即叫即燒，雞燒得啱啱好，色澤金黃，皮脆、肉嫩又入味，味道鹹香嫩滑。脆皮乳鴿：乳鴿皮脆肉嫩、色澤紅亮、鮮香味美。福建炒飯：足料多汁，蝦仁夠大隻又爽口，還有蟹柳、雞肉、菇粒和菜粒等，飯底用蛋炒過，特別香口，撈埋醬汁食好惹味！龍脷葉蘋果雪耳豬骨湯，老火湯夠火候，味道清甜。功能潤肺止咳清熱化痰行氣益胃增強免疫力。焗芝士海蝦伊麵，芝士份量十足，還可以拉絲。海蝦大隻爽口，伊麵吸收左芝士汁，每一啖都滋味無窮。雪糕紅豆冰，紅豆冰加入雪糕特別香甜滑溜。

一個很特別的名子「六十年華」的新餐館，吸引我細看餐牌原來是集餐廳、冰室、燒味菜館於一體的食肆，完全的港式味道，選擇也多元化。先嘗小食：香脆炸薯條，接着甜酸西檸雞奉上，我們棄茄汁蘸甜酸西檸汁吃，十分美味又開胃呢！甜酸西檸雞~已經切件的酥脆雞扒排列整齊，淋上甜酸西檸汁好下飯。燒腩仔蜜汁叉燒雙拼~燒腩仔皮脆、肉質嫩滑，沒有肥肉，是理想的燒腩仔，蜜汁叉燒賣相很亮麗，叉燒入口被焦香、蜜味和肉汁纏繞舌尖，回味無窮。椒鹽鮮魷~很受我們歡迎的椒鹽鮮魷，脆漿鬆脆可而且沒有油膩感，鮮魷肉鮮爽，還配襯原味腰果上碟，很讚！椒絲腐乳通菜炒牛肉~很冶味的家常炒菜，還可以楝少油、少鹽，很貼心。套餐的白飯、消暑老火湯。西瓜涼透心、紅豆仙草凍、白牛，好飲之餘，打卡還蠻好。新餐館雖然開設在商場地下，却街坊價錢，食物與服務質素良好，可以再幫趁。

同朋友一直心思思想找一間茶餐廳希望可以食到以前舊式的茶餐廳風味風味。竟然經過寶琳見到這一間新開的餐廳，首先他的名字已經給我們印象非常之特別叫做”六十年華”。就不期然想起梁朝偉跟張曼玉那套”花樣年華”戲一樣。其實已經被它門口擺設的的燒味吸引住！已經非常滋味十足。一踏入門口，店員親切的笑容歡迎你來臨⋯⋯已經有賓至如歸的感覺。而裝修方面不是那種懷舊的裝修，而是富有現代感又配合牆上一些字句都非常之有心思。我們坐下時，是用QR code落單。餐牌上真的跟我們期望的有差不多。選擇甚少多！當然不少得有懷舊茶餐廳的菠蘿油，三文治，又有咖喱種類及本土情懷。真的非常多選擇。 但因為我們是吃晚餐、見到餐牌上有兩人餐，都非常吸引！但是朋友想試一試自己喜歡可以選擇的單點。見到食評提及他們的燒味非常出名。所以今次就叫了燒鵝河粉。我們加了少少錢要燒鵝髀！食好啲⋯⋯另外也叫了雙屏燒腩肉。賣相非常吸引～所以我們急不及待先試了燒肉，除非是皮非常脆脆。就是那種你一直好想吃的肉質。雖然是比較瘦，但仍然有一層略為少少肥的肉夾在裏面。所以識落油脂味非常重。另外燒鵝是啖啖肉。燒鵝髀的皮是香香脆脆。所以這個絕對必食！另外我們叫了一個

成日聽人講呢間嘢好差， 但琴晚同屋企人去食過之後都覺得唔錯椒鹽豆腐都炸得幾脆， 但啲椒鹽唔夠多味道偏淡呢個牛仔骨酸酸咪咪好開胃， 肉質一啲都唔韌得幾好食呢款酸菜魚係比較清淡， 連個湯都可以飲埋， 啲魚 好滑仲有芽菜同酸菜做配料金菇肥牛粉絲煲食落覺得偏酸呢碟咕嚕肉啖啖都係肉味道酸酸咪咪好開胃，但份量偏少

六十年華突然好想食燒鵝，門口見到燒味幾靚就入咗去食個晚飯。哩度冷氣較大，怕凍嘅人可以唔好坐咁入。裝修還可以。-------------------------燒鵝油雞燒味雙拼鵝肉好juicy嫩滑，鵝皮仲脆嘅，中間夾雜住少少油脂，好香燒鵝味，點埋甜酸醬一流👍而油雞肉質都好滑，色水靚，豉油帶甘甜，好食椒鹽風沙海中蝦賣相好靚，椒鹽配料味道好足夠，可惜蝦未夠新鮮，食落有啲似食緊蝦乾。金銀蛋浸時蔬不過不失，可以再多啲金銀蛋。但都可接受。例湯就偏鹹。食茶記點可以少得凍檸茶，但可以再多啲茶味。-------------------------六十年華地址將軍澳貿業路8號新都城中心2期地下G26-G28號舖

平日放工食嘢都冇乜要求，諗住醫飽個肚就算，是但喺附近搵間餐廳食，不過店員既友善態度，令我地都覺得開心左🤣 真係好nice, 食得更開心😊雖然唔係第一次食呢間餐廳，但呢個餐係第一次叫，蕃茄味極重啱晒我🤤 而且餐肉都好多，好滿足🤩

邊個門口見到啲燒味好靚，買咗叉燒、炸乳鴿我叫左半肥瘦，打開覺得瘦啲，但好彩唔韌，過得去啦$138一斤炸乳鴿$51一隻，我買咗兩隻啱啱係優惠星期四，因為正價係$61一隻味道可以，整體不過不失

很有傳統味道的一間餐廳，早餐我比較常吃，早餐主配分明，我比較常吃沙爹牛肉米，一大碗米粉配上濃而不咸的牛肉，睇相10分，麵湯底味道夠濃，煎蛋和麵包有溫度，分量十足的，我個人覺得比附近所有連鎖店有超水津，杯即磨咖啡我也是十分滿意的。以環境來說，是新裝修，位置以細台為多，坐椅也非常舒服，四腳椅，有軟墊又有靠背，就算坐小台也不覺左右阻住，很少餐廳有這類貼心安排！而且落餐都用上QR code,感覺相對比較衛生。整體早餐我一般用餐半小時以上，室內溫度也是很適合，不會像某些餐廳太冷，坐不耐。整體來説我回頭率是超多的。

今日在Tko 新都城食午餐； 叫左個金牌四宝飯, 一放低見D燒鴨可以肥到咁！ 即時問番姐姐你自己睇睇接唔接受到！ 佢即時同我換左做叉燒！ 但師父係要留兩件肥油比我！食落口紅腸唔好味, 雞水準普通,叉燒又唔得, 兩件鴨D皮又硬又柴,點解可以差成咁架