公和荳品廠

營業中

休息中

上星期六放工，去深水埗黃金商場逛街。每次到黃金商場都好鍾意行到邊食到邊。公和荳品廠我去過好幾次。我最鍾意食煎釀豆卜，再加一杯涷豆漿，只不過$12。煎釀豆卜好食之處，係將煎好後的煎釀豆卜淋上豉油，令到豆卜早已滲入了醬油。當你放入口內，豉油汁從豆卜裡溢出，令到整件煎釀豆卜更加好味。更不用加上辣椒醬或酸甜醬。

喜歡吃豆腐的我，又怎會放過公和？它是現時為止吃過最新鮮，感覺最好的荳品。不過只限深水埗這間。其他很多也叫公和的地方，味道沒有那樣好。香口的釀豆腐豆卜是首選，然後就是無糖豆漿和豆腐花。它的釀豆卜味道很特別，釀了一些不知如何制的"魚肉"(是魚肉吧？我不肯定)，煎香過後，再會浸一浸一煲"神秘液體"，就上台了．．．非常好味道，香香脆脆得來又軟軟綿綿。其實，那個豆卜對我來說，是一個謎。好喜歡公和那種在街市「認真對待每粒豆」的經營風格。路過口痕必食。

要成功除了專心做好一味, 仲要一樣野就係--持之以恆!太熱了, 叫了凍豆花一樣的流進喉嚨, 一樣的透心涼一間老鋪點解可以屹立至今？不外乎係它的品質可以keep得住一代傳一代, 持之以恆, 專心去做希望將來仍然可以吃到這裡出色傳統的豆品 .

1-10-08 (三)很喜歡吃公和的豆腐花，很有實力，豆味濃郁，味道天然，又香又滑，這間老店的豆腐花比其他分店便宜，六元一大碗。不加糖漿，只加黃糖，更可口。也試了煎釀豆腐，是即製的，熱得燙口。表皮煎得香脆，內裏的豆腐好味極了。至於衛生環境，就不好計較了。

未食完坤記件糕已經見大堆人擠在門前的公和荳品, 一見有位就堆親愛的入去坐定嗌野食 嗌左煎釀雙拼$10+凍豆花$6+豆漿$4 =$20豆花豆漿先到, 豆花係由細食到大既小食之一, 由以往街市既品質, 到新興超市賣的百福或者其他牌子, 各有獨特吸引之處, 呢度既豆花食入口有種傳統口味既感覺, 滑加上荳香, 夠凍又唔會太凍, 2份食一碗覺得唔夠分, 不過黎緊仲要去多d 店試野食, 唯有忍口 食完停左陣先飲啖荳漿, 入口勁凍勁豆味同埋勁甜 後尾先睇到原來係有無糖豆漿.. 我唸呢個先岩自己好味 ..到煎釀孖寶上枱 (即叫即煎)魚肉只有細細一片, 豆卜黎講個比例還可, 豆卜本身前完都好香好夠味, 唔靠其他野釣味都得, 但係豆腐上面就唔多夠, 太淡口, 於是加上甜酸醬, 發覺豆腐+甜酸醬味道很夾, 唔會覆過豆味, 吃完又急不及待到下一站

去完石x尾探完婆婆返屋企搭巴士行過此地久違左的公和雖然學校附近都有公和但始終都係「始祖」最好先來了一個凍豆腐花沒有加黃糖甜度剛剛好豆腐花雖不是太滑但有濃濃的豆味凍豆漿不是太甜也周樣充滿豆味煎釀雙拼很喜歡其實是煎豆腐及豆卜本人較偏愛煎豆腐原因就是不會太油膩而且比較滑可惜的是有點偷工減料面頭的魚肉太少只是薄薄的一層但整體來說味道已經一流一貫老店舖裝潢可以維持至今屹立不倒沒有實力實在難以做到公和！你係得ｏ岩！

吃過午飯，腆著肚子，男友嚷著要帶我一嚐超美味的豆腐花。吃一口，真的很美味。豆腐很滑，再配黃糖，配搭剛剛好。我是一個很喜歡「老店」的人，因為在「老店」看到的人和服務也別有一番風味，好喜歡笑容滿臉的伯伯。有機會一定再來！

我每個weekend都會食架喇*以前成日都要好早好早咁返工既時候,,5點就會嗅到佢地既豆香!!^^真係好香架..因為我住係公和上面!!

特登去深水埗食公和堂豆腐花下午茶 廿二蚊食左 熱豆腐花 凍豆腐花 煎釀雙併熱豆腐花 六元 凍豆腐花 六元煎釀雙併 十二元熱豆腐花比凍豆腐花．好食夠晒滑．夠味凍豆腐花唔夠甜 要自己落黃糖豆腐花有豆味 冇花味 另外 煎釀雙併　既豆卜好入味　好多汁　 　 　釀豆腐　可能我唔鍾意食魚肉　所以覺得兩舊野根本唔可以撈埋一齊食 　　最後我決定冇食!!食物水準好,但係環境真係差左少少好痴立立

公和這個大名一早就聽過,但係我從來都不知道深水埗都有一間,真係失敬失敬天氣太熱,我都係食凍豆腐花,豆腐花睇起嚟已經好滑,第一口不太甜,我再"NO"雲D,淡淡既甜味就出嚟喇,豆味好重,而且真係好滑,又夠凍,好快就好晒喇.我見個個人客都係咁,人嚟得快,上枱快,食又快,走得仲快,包括我在內店內好多人幫襯,但係店外都有好多主婦幫襯買豆腐,芽菜等等,有咁多精明主婦幫襯,它的品質一定很好,等我下次都試下先

這間老字號, 由我小時候食到現在差不多四十年, 雖然老闆己經換了人. 己經是十多年前的事了, 但是還是用回老伙記. 水準有保證.說回主題, 這裹買的豆腐, 軟為軟, 可能用的石糕粉較少的關係, 但這樣便很容易散.豆花真的沒有可以好說. 真的很滑. 但豆漿雖然好喝, 但是相對其他有得買的地方, 可以說很貴.煎釀豆腐及豆卜, 很好吃, 如果還加了點酸酸辣辣的醬汁, 便更perfect.在晚上過了7時後, 外賣的, 祗須十元便有7件的煎釀豆腐, 比你在下午食的便宜一半.

現在搬離市區,想搵價錢便宜又好食的東西,真的很艱難.以前住在深水埗,有很多嘢食,現在都好懷念.每次行經北河街,都會去公和荳品廠食嘢,至少會叫一杯凍荳漿$4,價錢平,甜甜地好飲.因為由細到大,覺得這一家的豆漿是最好飲,唔知有什麼配方?昨天去深水埗,又去吃一餐,依然好好味.叫了一杯凍荳漿,一碗凍荳花和一碟煎釀雙拼,只是花費$20,已經很滿足.凍荳漿$4 : 荳漿凍凍的,夠甜,好飲.凍荳花$6 : 荳花很滑,落了黃糖,超好食.煎釀雙拼$10 : 煎釀荳腐 + 煎釀荳卜 煎得很香,熱辣辣,豆腐嫩滑,荳卜咬落脆口,加啲豉油好食.這間舖,食物好味,但店內環境,衛生和服務只是一般.

到深水埗買手作材料，逛了一會已經又熱又餓，朋友便帶我去公和吃碗豆腐花小休一下。店非常舊，看得出裝修還是從開業那時留下來的，小方塊地磚是小時候去老式茶樓常見的式樣，樓底特高，沒有冷氣，裝了舊式吊扇，很有六十年代風情。先來一碗凍豆腐花，一入口便知不同凡響，質感柔滑如絲，且很有豆香，糖水甜味輕淡，不像坊間那樣一味濃甜，果然是一道怡人的盛夏甜品。硬要挑剔的話，就是不夠凍，溫度只比室溫略低一點，享受不到痛快的透心涼。太美味了，吃完馬上再要一碟煎釀豆腐，雖然魚肉薄得像紙，而且有我不喜歡的莞茜味，但豆腐依然完美，比起超巿買的百福豆腐好太大了，沾辣醬同吃，妙不可言。享受了一頓暢快淋漓的中式輕怡下午茶，非常滿足。老字號即是老字號，實力雄厚，不容小覷。

好耐冇嚟幫襯過啦, 今次竟然一連兩日途經呢到, 仲一連兩次食咗個熱豆花同煎釀雙拼呢.豆花依然好滑, 好香豆味, 加埋啲碎黄糖, 滑加"索索聲", 正呀!! 至於煎釀雙拼, 豆腐好香豆味, 而且煎得o岩o岩好. 而豆卜呢, 仲好味呀, 佢先用湯煮過再煎, 所以外面脆脆哋, 一咬落去卻水份充足. 加埋都係十幾蚊埋單, 又抵又好味的一餐. p.s. 有時候聽到人哋講話啲豆花唔滑, 但其實豆花原本係滑的, 只不過大家係夏天時總是敵不過炎熱, 所以走去食凍. 其實雪凍咗啲豆花後, 係會改變咗佢個texture, 令佢唔滑, 所以大家要食真正滑豆花, 記得要食熱啦.

行經合益泰, 雖然未試過不過無咩胃口食腸粉呢所以去了公和, 買定一枝豆漿飲飲落去都幾有豆味, 過稍嫌味道略甜了飲落有個癮, 突然好想去銅鑼灣吃個粢飯飲個熱豆漿!