影片
更多
2022-01-04
37 瀏覽
餐廳位於上環嘅文咸西街，係一條歷史悠久嘅海味街，隔離喺朝頭早賣蠔豉，佢就夜晚賣生蠔，兩者相映成趣；餐廳環境富有情調，一入門口右邊牆身有細說餐廳歷史同埋同蠔有關嘅相片，見到末端嘅吧枱有一個裝滿各地新鮮生蠔嘅凍櫃，就已經知道佢咩料。食生蠔當然唔少得配番兩杯白酒，揀選咗兩支同為紐西蘭嘅白酒，比較一下。Two Rivers Convergence Sauvignon Blanc，係紐西蘭嘅旗艦品牌，味道略甜，口感清脆芳香，帶有西柚同熱帶水果嘅味道。Black Cottage Sauvignon Blanc，有清新嘅青蘋果香氣，伴隨著香草同埋茉莉花嘅芬芳，清新乾爽嘅口感當中帶有點點嘅礦石氣味。Oyster platter，叫齊黑板上面嘅六款生蠔，愛爾蘭西班牙澳洲法國，由順時針開始，學阿 GER 話齋，我唔揀喇﹗我全部都要。Carlingford，Carlingford 產自北愛爾蘭嘅 Carling Lough，呢一帶嘅水域被歐盟列為A級水質，品質絕對無庸置疑，外表修長，肉質清甜爽口，蠔肉帶點榛果香甜味同海水味，食後餘韻長。Arousa，Arousa 嚟自西班牙，呢款蠔嘅飼養方式比較特別，打從蠔
餐廳位於上環嘅文咸西街，係一條歷史悠久嘅海味街，隔離喺朝頭早賣蠔豉，佢就夜晚賣生蠔，兩者相映成趣；餐廳環境富有情調，一入門口右邊牆身有細說餐廳歷史同埋同蠔有關嘅相片，見到末端嘅吧枱有一個裝滿各地新鮮生蠔嘅凍櫃，就已經知道佢咩料。
食生蠔當然唔少得配番兩杯白酒，揀選咗兩支同為紐西蘭嘅白酒，比較一下。
Two Rivers Convergence Sauvignon Blanc，係紐西蘭嘅旗艦品牌，味道略甜，口感清脆芳香，帶有西柚同熱帶水果嘅味道。
Black Cottage Sauvignon Blanc，有清新嘅青蘋果香氣，伴隨著香草同埋茉莉花嘅芬芳，清新乾爽嘅口感當中帶有點點嘅礦石氣味。
Oyster platter，叫齊黑板上面嘅六款生蠔，愛爾蘭西班牙澳洲法國，由順時針開始，學阿 GER 話齋，我唔揀喇﹗我全部都要。
Carlingford，Carlingford 產自北愛爾蘭嘅 Carling Lough，呢一帶嘅水域被歐盟列為A級水質，品質絕對無庸置疑，外表修長，肉質清甜爽口，蠔肉帶點榛果香甜味同海水味，食後餘韻長。
Arousa，Arousa 嚟自西班牙，呢款蠔嘅飼養方式比較特別，打從蠔苗開始，佢哋會用古老嘅釣養方式飼養，即係將每一隻蠔苗黐喺條繩到，再放喺蠔棚嗰度慢慢養，呢一種飼養方式可以令到每一隻蠔苗都有一個良好嘅生長環境，亦可以大面積咁吸收海洋裏面嘅浮游植物和生物。Arousa 蠔身飽滿，裙邊爽口，蠔肉肥美，味道帶有強烈嘅青瓜味，吞食時有少少糖漿嘅味道。
Boomer Bay，澳洲代表，口感清爽，海水味重但又唔會死咸。
Pattedoie，法國貨，海水味重，先鹹後甜，海水味加甜味係口入面相互碰撞，衝擊你每個味蕾。
Ostra Regal，法國 Ostra Regal 皇御生蠔屬於法國家族品牌嘅生蠔，首先喺愛爾蘭西北部嘅登納格爾灣養殖，再運往法國中部班諾灣繼續養殖，結合兩國之魂。肉質厚身，肥美爽脆，蠔味濃郁，味道甘甜而帶海水礦物味，有淡淡嘅果香同甜香嘅蠔味餘韻，完美結合海鮮甜味同海水嘅咸味，愛好海水味及礦物味嘅朋友必試。
Gillardeau 既蠔肉肥美得黎結實有彈性，口感爽脆鮮甜，海水味柔和而不濃烈，入口後既味道由鮮入甜，繼而有海水鹹味同埋乳香，喺口腔入面出現細膩嘅層次感。
嘆完生蠔之後就開始食熱嘢，估唔到啲熱嘢都相當出色。
卡邦尼意粉，材料有豬臉頰肉、蛋同埋芝士，卡邦尼意粉口感 creamy，醬汁極度濃稠，芝士味道令人滿足，豬面頰肉帶啲悲勤嘅影子，相當點晴。
慢煮雞髀肉配雞汁、舞茸、西蘭花苗、酸椰菜花、黑松露薯蓉，慢煮雞髀肉肉質超級嫩滑，用舞茸嚟配襯住感覺十分特別，黑松露同薯蓉完美結合，配菜唔係平時一般嘅西蘭花而係西蘭花苗，足見餐廳用心。
Homemade tiramisu，泡沫香滑，頂層啲 cream 充滿住咖啡嘅香甜味，底層嘅餅碎增添口感，呢種自家製嘅口味為今晚劃上一個完美嘅句號。
張貼
