八月甜品屋

營業中

休息中

最近行過上水，見到間裝潢都幾靚既甜品店，於是就嗌咗個芒果西米露外賣黎試下。返到屋企，一開始仲期待新舖出產既甜品會有驚喜，點知換來既係失望。個外賣碗本身已經細就算啦，入面啲芒果西米露都唔知有冇一半滿，食幾啖就完。 個啲芒果少到尼……得兩三片薄片，個'堆'芒果酸到……。成碗甜品得啲西米合格，其餘既只覺得飲緊碗糖+水既'糖水"。我估其他款既甜品可能會好啲呱，但最基本既芒果西米露都做唔掂，今次就當買個教訓，應該冇下次！

見佢新開買左個凍椰皇鮮奶雪燕試下，見到圖同埋名都幾期待下，點知大失所望，燕窩唔係靚料，不過呢個價錢算係咁，鮮奶同燕窩都死甜咁，食到最後又漏又想嘔，希望有待改善。

難得同朋友嚟到上水咁遠郊遊，回程嘅時候有啲肚餓，呢間啲甜品好似幾靚，就諗住醫下肚。嗰個時間其實唔係好多人，成間店半滿都無，話說落左個綠茶心太軟，等左差唔多半個鐘，唔問佢都唔講，要問佢先話原來整衰左，算，再等多一陣，橫掂都唔係好趕。然後再等多10分鐘，又問問佢，佢話就來有，又等，點知過多5分鐘佢又話再整衰咗！ 有冇搞錯！end up 等咗40分鐘乜都冇得食！真係人生最差的一次用餐經驗(連野都冇得食), 浪費時間，大家千祈唔好幫襯！

今日食完夜晚無野做，就同朋行去附近既糖水舖試下佢。見佢新開左一排，今晚決定的起心肝去試下佢。星期日晚9點幾，等左十分鐘就有位。可能新裝修所既關係，入面都幾光鮮企理，坐得都算舒舒服服，夠光猛唔太迫。朋友叫左薑汁芋圓番薯，薑味都夠濃夠辣，芋圓就正常發揮啦，番薯都幾綿滑，同埋份量都幾多，多到佢食淨幾舊添，因為岩岩食晚飯大家都食左幾多野。最近見到某甜品連鎖店執笠，所以我自己就叫咗芒果小丸子懷緬下。食落自己覺得小丸子硬左啲啲，芒果係夠甜既，撈埋啲芒果汁食都唔錯，而雪糕就不過不失，正正常常。個人評分（滿分為5）味道：🌕🌕🌕🌕環境：🌕🌕🌕🌕員工友善度：🌕🌕🌕🌕CP值：🌕🌕🌕🌕

我好鍾意食甜品，但自己住既地區，甜品鋪少之又少😩但開心既事黎啦，最近發現呢度多左間甜品鋪，鋪面都算大，乾乾淨淨，坐得好舒服👍🏻今晚就試左姜汁芋圓湯圓$30，有幾點要讚下既👍🏻首先，姜汁底整得不錯，醇香濃郁又帶點甜；另外，湯圓口味仲有得揀（*有啲甜品鋪係set死哂，無彈性😮‍💨），咁我當然要哂2款口味啦（芝麻&花生）😋但如果有埋原味，咩餡料都無，就最好🙈🙈最後，份量都算多👍🏻但有少少建議就係可以再熱番啲，因為飲姜汁就係為左驅寒暖身，但今晚就比較「暖」啲，未到熱辣辣，但相信餐廳好快會改善，因為餐廳職員都好樂意聆聽顧客既聲音👍🏻👍🏻

上次先講完上水無咩甜品店 轉頭就見到依間甜品店出現🤣睇來大家都睇準依個商機鋪頭裝修簡約，但檯同檯之間有足夠空間，坐得舒服👍🏻食左兩個甜品 第一個係牛奶冰 超大份 同埋冰夠凍，食得慢都唔會溶左好多👍🏻👍🏻不過oreo碎比多d就好啦第二個甜品食左椰汁西米露加雪糕，正常發揮，西米勁多🤣唔知係咪因為新開，疑似老闆娘既人好著重客人意見，亦都好有禮貌，會回應客人既意見，今時今日既甜品店好少會咁👍🏻👍🏻唯一既缺點就係店員人手好似唔係好夠，上餐速度稍慢（10幾分鐘都未上到甜品），希望可以改善