影片
以上資料只供參考, 請與餐廳確認詳情
叫咗十幾個糖水，啲賣相好好，味道都好好，燉椰皇好香，榴槤好勁榴槤味，芋圓夠煙靭，芒果夠晒甜，好香好味。但係最大問題係十幾個甜品完全唔知邊個打邊個，冇名冇號碼，要逐個打開睇入面係啲咩先分到，希望可以改善下。下次會再試其他味道，好多款都好想試。
繼續閱讀
網上外賣平台將佢哋嘅食品送錯咗我嚟我屋企,掛咗喺我屋企門口,我好心打畀佢,佢居然話唔關佢事,叫我自己打畀網上外賣平台,雖然係網上外賣平台送錯,但係佢好似乜都唔理咁,不知所謂,垃圾舖頭,聽執👎🏻
繼續閱讀
上水．甜品我諗唔少上水街坊都食過，污嘴狗大推心太軟啊😍😍真係正到喊！𝑭𝑶𝑶𝑫𝑺1〉炸一口雞 $26 （推薦🌟）肉質嫩滑，口感一流，食到唔想停口，份量足夠，對得住個價錢2〉椒鹽炸燒賣 $25一份6粒～燒賣有點淋，味道一般偏淡，感覺如果轉做實啲嘅燒賣會更好口感～-𝑫𝑬𝑺𝑺𝑬𝑹𝑻3〉朱古力心太軟＋士多啤梨雪糕 $55 （大推薦🌟）超級大推！朱古力味好濃，偏少少黑朱古力但唔係好甜，配埋自己喜歡味道嘅雪糕食落去成個口感好Match，但真心建議唔好揀士多啤梨雪糕，唔係好夾而且士多啤梨味好淡，會改變個整體感覺4〉黃金島＋曲奇雪糕 $55窩夫嚟講少少失望，圖文不符，每樣嘢嘅擺位好似獨立分開左咁，薄身嘢窩夫食落去較脆但冇咗平時食開個厚感，味道就不過不失啦，如果可以配返多啲醬汁就會更好5〉黑森林 $50綿綿冰都唔錯，份量都大碟，朱古力味都有，而且食落去入邊會有啲朱古力碎增加咗食嘅口感，但食左心太軟你就會覺得綿綿冰味道偏淡，唔建議一齊食～-環境．8/10服務．7/10人均．$50-70污嘴狗覓食指數．8.5/10#污嘴狗 #hkfoodie #hkfood #food #hkig #instafood #foodie #hkfoodblogger #hkpics #hkrestaurant #hkrestaurants #streetfood #美食 #好吃 #吃 #出去玩 #美味 #美食分享 #美食愛好者 #美食攝影 #美食旅行 #美食料理 #美食相機 #美食玩家 #美食小吃 #甜品
繼續閱讀
今次去左上水食一間甜品鋪🍮伯爵波波池 $52入面都幾多料，有伯爵茶凍、珍珠、小丸子、紅豆同曲奇雪糕🍪🍦伯爵茶凍都幾香伯爵茶味😆其他野都正正常常雞蛋🥚布甸燒仙草 $50個雞蛋🥚布甸好香雞蛋味😆仲有啲椰果、芒果🥭同仙草份量都好足，芒果🥭可能未當造，未算好甜，整體都唔錯食完之後發現咁多負評🤔但我食呢兩個甜品我又覺得唔差喎，價錢又合理，都叫足料，選擇都多，員工態度都ok呀🤔我覺得都可以再試呀😀
繼續閱讀
第一次食係2年前巳經覺好難食，今次食係因為無得選擇所以焗住再試多次，員工態度依然係咁差，好簡單既中式糖水芝麻糊同合桃露係完全無味，粉裝即沖好食過佢，叫左兩個椰皇都係好一般，正常落單不論外賣同堂食如果要等得耐都應該要同客人講聲，我地叫外賣當時當時亦無講要幾耐，我地做客正常都唔會問要等幾耐，之後等左10幾分鐘開始問員工，問親員工不停話等多一陣，最後捉捉等左35分鐘！！發覺佢地比曬堂食先 ，同員工反映點解當時落單完全唔講聲，員工係完全唔理人！一定唔會再幫襯，差差差差。。。。
繼續閱讀