八月甜品屋

營業中

休息中

食糖水真係唔可以揀人少嘅舖頭🤦🏽‍♀️🤦🏽‍♀️就係貪佢唔使排隊😵‍💫諗住快快脆脆食完可以走點知就中伏🤯🤯🤯見佢個環境正正常常坐入去都算舒服嘅，諗住叫侍應落單，佢就叫我哋用電話自己落，結果落完呢樣又話冇，果樣又話冇，嘥氣😑😑😑仲要態度勁差，最終叫咗兩個一個招牌芋圓，一個椰汁紫米露結果招牌芋圓正正常常，但就唔夠凍想叫佢加幾粒冰，結果佢就自把自為加咗冰奶😵😵我哋真係O晒咀😵‍💫😵‍💫第二個就係椰汁紫米露完全唔係嗰回事，黎到成碗都係泡，勁核突好似嘔吐物咁🤮🤮完全冇食慾😤仲要明明係叫椰汁紫米露，結果西米仲多過紫米，我問個職員，係咪黎錯咗，佢話冇黎錯，話紫米露係咁，之後就冇理我走咗啦😩😩😩我想講我真係從未食過咁難食嘅紫米露🤦🏽‍♀️🤦🏽‍♀️同埋明明紫米露就唔係咁嘅😩😩絕對冇下次😤😤都唔希望有人再中伏

門面十分亂餐牌有既甜品同小食 落左單先話無重點係條女個態度好差比氣人受咁既態度十分惡劣不停走過嚟話人頭叫各一問題係點左餐 要乜無乜。。。成件事真係好。。。誤導食客應該比餐牌前提醒食客小食十分難食，食過你就知道，唔好浪費錢

勁冇誠意既糖水鋪之前食過食紫米芋圓同西米露啲西米露同個花奶好似兩個世界既人咁西米露煮到爛晒又淡又難食🤮紫米就普普通通 都係好淡好水我決定再俾多一次機會！！諗住今次薑汁蕃薯芋圓糖水實冇死點知！係沖粉黑糖薑汁加幾舊蕃薯咁就當係蕃薯糖水個蕃薯入面完全冇吸收到個糖水仲要個糖水太濃勁深色又勁辣又勁甜同個淡茂茂既蕃薯好似兩個多元宇宙咁完全混合唔埋。。。另外加左小丸子小丸子太爛冇咬口❌❌芋圓係嗌貨既所以味道正常 但冇地瓜圓🤔唔會再有第三次👋🏻

想食個甜品，見到有間新糖水屋，入面都叫半滿人，諗住應該都ok啦叫左抺茶燒仙草，首先非常慢，入面已經唔多人，外面只有2個人等外賣，但都等左15分鐘先有。返到屋企食，入面d 珍珠係唔熟好硬，完全唔掂囉。 冇下次。。。

今天和朋友晚飯後，想找甜品吃，找到這間八月，當時見不太多人，朋友已提醒小心"伏店", 食最簡單既應該無問題既。點知出事到一個點，難食到真係都唔知點形容。我們點了四個甜品。生磨合桃糊生磨芝麻糊蛋白杏仁露紫米西米露完全係垃圾之作，合桃糊、芝麻糊、蛋白杏仁露，稀到都唔知點形容，沒有合桃香、芝麻糊更加無香味，蛋白杏仁露既蛋白一舊舊，蛋白已經過火。 最後紫米西米露既西米有部份不是一粒粒，而是一舊舊，西米焗得未夠就拎出來賣。 講真無心機做不如不做。的確坐低的時候，我真心有期望過合桃糊的品質，但當上枱見到碗合桃糊既時候，已經大打折扣，入埋口完全係零分。本想嚟左碗合桃糊試食後再叫其他，好彩 ......最後唔洗叫，快食快走。

‹v^v^v^• 開心食 •^v^v^v›Halo～今日又同大家去食甜野🥳上水嘅甜品鋪數嚟數去都係嗰幾間簡直就係甜品荒漠qwq所以見新開咗甜品鋪，緊係點都要試下啦推薦程度：2.5/5🍨「多芒小丸子」$45份量十分之小，簡直照騙😱芒果酸小丸子更加細到唔知自己咬咗啲咩雪糕正正常常整體而言：多芒小丸子係Hapi嘅童年回憶qwq今次食翻都令人頗失望下性價比低😢唔知其他甜品係點，不過唔會再試了🔘推薦程度🔘🌟🌟是次地址：📍上水新祥街9號地下上水站A3出口☎️ 2882 8336

北區係美食沙漠,以甜品尤甚~今次去上水食飯,食完飯母親大人話想食甜品...,真係考起我...上Google map搵咗下,見到呢間甜品店唔錯,就去試一試~店面都幾大,人唔算多,所以坐得幾舒服~母親大人點咗紫薯芋圓西米露,個芋圓幾煙韌好食~又唔會係放太耐硬咗咁~我就點咗傳統嘅楊枝甘露~柚子唔會有苦澀味,而芒果亦夠甜~喜歡佢用咗啲西米外,仲有一啲煙韌嘅珠珠,有不同口感~呢個價錢呢個質素,性價比都算高~而且仲有好多其他甜品款式,下次嚟開都可以再試~

雖然店舖名叫八月，但我諗今應唔洗八月先可以黎食既😉（講笑）。由佢開舖開始到依家，今日先開始黎試食佢地既出品。落單方式選用電話qr碼落單，都幾方便。10分鐘內都有得食，都算好快。我叫左個凍紫米露+雪糕（雲呢拿）+椰果+芒果。朋友果個就唔多記得叫左咩糖水，不過整體上味道唔錯。有機會再試其他。值得一提，禮貌都幾好👍🏻。

話說前一日叫咗上水另一間甜品舖賞糖嘅外賣因為個croffle係生嘅 我勁失望極sad所以今日都要報復式進食甜品第一次食呢間 之前都未試過堂食外賣竟然好有驚喜！！ 🍫朱古力心太軟送到屋企仲可以keep住流心！好正！雪糕唔會太溶，新鮮水果超級多🍌香蕉朱古力千層酥超級脆！！份量勁多，3大條夠曬2個人share！！如果可以配埋雪糕就完美！經歷咗琴日，終於食到正常嘅甜品外賣好感動！！以後叫外賣/堂食都會去返呢間！

前兩日買左一碗紅豆沙,一碗綠豆沙,非常多豆,水小,但味道算係正常,所以今日再去試其他糖水,鋪面有一個姨姨同一個年輕既女仔兩位態度都非常差,我買左幾碗共200蚊多,雖然唔係好貴,但係好似要受氣咁,貼錢買難受,完全唔休做咁,食物邊面d芒果小丸子上面芒果味雪糕勁假陣味好似要$45碗, 三碗燉蛋白其中一碗係叫凍,兩碗熱全部比曬凍我,味道啖無蛋白香味,椰皇鮮奶燉桃膠好啖,食落好似水咁都要$55蚊碗真心寧願去第二間食貴d好食都無問題,唔會再幫襯第三次,估唔到第二次食會咁!真心失望

新年期間無得堂食我唯有叫外賣，今次介紹呢間位於北區上水嘅甜品店「八月甜品屋」，每逢星期五/六假日都經常爆滿座，門外亦都好多人排隊等位。 今次我食呢個甜品叫做芒果忌廉窩夫，首先要值得贊下佢嘅窩夫口感十足，外脆內軟嘅口感，再配埋忌廉和焦糖味道一流！所以好值得試👍🏻

行過上水想食點甜品hea下，見到呢間甜品店好乾淨就一於試試🤓鋪頭估計是小家庭式經營，樓面之妹妹負責收錢、送餐、執枱；厨房似是家人。下午4:30唔算多人，不過都踢晒腳😔好彩有自動點餐幫手，話咁快落左單仲即時送埋張單🤨等左5-6分鐘就有一份熱辣辣之拉絲薯條🍟，真係好好味😋香芒沙冰$42⋯⋯天氣熱食沙冰即時消下熱，爽😊口味及價錢都唔錯，QQ果球真係好Q彈🤪朱古力沙冰$40⋯⋯點左紅豆都好冧😊兩款沙冰都ok, 個人比較喜歡朱古力味拉絲薯條🍟$23，正👍🏻多芒小丸子$45⋯⋯完全無味🙀🙀🙀賣相呃人🤥，芒果🥭極酸，小丸子無嚼勁，總之好失敗😵‍💫😵‍💫😵‍💫希望下次再有機會嚟會改善，不過唔敢再叫點款甜品😮‍💨

見到新開張特登去幫襯叫咗幾樣食物，一個芒果沙冰，全部都係糖水味，個味道好難食，食兩啖之後完全擺唔落口，完全back list另外一個係白涼粉西瓜，啲白涼粉口感好差，非常失望，永遠唔會再光顧糖水都可以咁難食真係第一次見

都係個句除非你好多時間 時間非常充裕又唔肚餓的話 你可以去哩間否則格離街 應該會好好多叫外賣 無限等 等完40分中都總要錯單我加左錢 要湯圓等左咁耐 總要係無湯圓佢話d湯圓係現成有ga la唔洗我再等咁耐wo所以一定要check清楚聽到好幾個人都話錯單幾個人企起出面等外賣都等左好耐 都吹左好耐同d員工講話入去睇睇 睇完就無左回事 唔記得完全無人答你全部都係小妹妹員工你對佢地惡都無用因為佢地自己都好亂食物：又唔夠熱 又唔係好食諗清楚先好去真係好嬲

最近行過上水，見到間裝潢都幾靚既甜品店，於是就嗌咗個芒果西米露外賣黎試下。返到屋企，一開始仲期待新舖出產既甜品會有驚喜，點知換來既係失望。個外賣碗本身已經細就算啦，入面啲芒果西米露都唔知有冇一半滿，食幾啖就完。 個啲芒果少到尼……得兩三片薄片，個'堆'芒果酸到……。成碗甜品得啲西米合格，其餘既只覺得飲緊碗糖+水既'糖水"。我估其他款既甜品可能會好啲呱，但最基本既芒果西米露都做唔掂，今次就當買個教訓，應該冇下次！